ནོར་ཝེའི་ཚགས་ཤོག་( The Foreigner) ཞེས་པའི་སྟེང་དོལ་རྒྱལ་བ་ཚོས་ནོར་ཝེ་གཞུང་གི་གནད་ཡོད་མི་སྣས་༧གོང་ས་མཆོག་ལ་མཇལ་འཕྲད་མ་གནང་བར་རྒྱབ་སྐྱོར་ཡོད་སྐོར་དང་། ཆིབས་བསྒྱུར་སྐབས་ངོ་རྒོལ་བྱས་པ་བཅས་ལ་བཀའ་ཤག་གིས་གསལ་བསྒྲགས་སྤེལ་ཏེ། རྒྱ་གཞུང་གི་གཡོ་འོག་ཏུ་ཚུད་པའི་དོལ་རྒྱལ་བ་ཚོའི་བྱེད་སྟངས་ལ་བློ་ཕམ་དང་། དོལ་རྒྱལ་གྱི་གནད་དོན་འདི་དགེ་ལུགས་ཙམ་མིན་པར་བོད་ཕྱི་ནང་གཉིས་དང་ཆོས་བརྒྱུད་ཚང་མས་འགན་འཁུར་དགོས་སྐོར་གསུངས་སོང་།
དེ་རིང་ཉིན་གུང་ཆུ་ཚོད་ ༡༢།༣༠ སྟེང་དྷ་ས་གངས་སྐྱིད་ཀྱི་ཕྱི་དྲིལ་ལྷག་པ་ཚེ་རིང་དྲན་རྟེན་ཚོགས་ཁང་དུ། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་༧གོང་ས་མཆོག་ནོར་ཝེ་ནང་ཆིབས་བསྒྱུར་སྐབས། དོལ་རྒྱལ་རྗེས་འབྲང་པ་ཚོས་ངོ་རྒོལ་བྱེད་བཞིན་ཡོད་པ་དང་། ནོར་ཝེ་གཞུང་གི་གནད་ཡོད་མི་སྣ་ཚོས་༧གོང་ས་མཆོག་ལ་མཇལ་འཕྲད་མ་གནང་བ་དེར་རྒྱབ་སྐྱོར་ཡོད་པའི་སྐོར་བརྗོད་པར་བཀའ་ཤག་གིས་གསར་འགོད་གསལ་བསྒྲགས་ཤིག་སྤེལ་སོང་།
སྲིད་སྐྱོང་མཆོག་གིས་གསུངས་དོན། ཚང་མས་མཁྱེན་གསལ་ལྟར་ཉིན་འདི་འགར་༧གོང་ས་མཆོག་ཡུ་རོབ་རྒྱལ་ཁབ་ནང་ཆིབས་བསྒྱུར་གནང་དང་གནང་མུས་རེད། དམིགས་བསལ་ནོར་ཝེ་ནང་ཆིབས་བསྒྱུར་སྐྱོང་གི་ཡོད་པ་རེད། ནོར་ཝེ་མི་མང་གིས་དགའ་བསུ་ཆེན་པོའི་ངོས་ནས་༧གོང་ས་མཆོག་ལ་ཕེབས་བསུ་ཞུ་བཞིན་ཡོད་པ་དང་། གསར་འགྱུར་བརྒྱུད་ལམ་ཁག་གིས་འདས་པའི་བདུན་ཕྲག་གཉིས་ཙམ་རིང་གླེང་སློང་ཆེན་པོ་ཞེ་དྲག་བྱུང་བ་རེད། དམིགས་བསལ་གནད་དོན་ཞིག་ལ། ད་ལན་རྒྱ་ནག་གཞུང་གི་གནོན་ཤུགས་འོག ནོར་ཝེའི་གཞུང་གི་གནད་ཡོད་མི་སྣ་ཚོས་ ༧གོང་ས་མཆོག་ལ་མཇལ་འཕྲད་མ་གནང་བ་དེ་རྩ་བ་ཉིད་ནས་འགྲིག་གི་ཡོད་མ་རེད་ཅེས་སྤྱི་མཚུངས་རེད། མི་མང་ངོས་ནས་གཞུང་གི་བྱེད་སྟངས་དེ་ནོར་འཁྲུལ་ཡིན་པ་དང་། ༧གོང་ས་མཆོག་ནོར་ཝེའི་ནང་ཆིབས་བསྒྱུར་བསྐྱངས་པ་དེ་བཀའ་དྲིན་ཆེན་པོ་ཡིན་པའི་རྣམ་པ་ཤུགས་ཆེན་བསྟན་ཡོད་པ་རེད། ཡིན་ནའང་བློ་ཕམ་པ་ཞིག་ལ། དོལ་རྒྱལ་སྟེན་མཁན་ཉུང་ཤས་ཤིག་ལས་མེད་པ་དང་། ཁོང་ཚོ་མང་ཆེ་བ་ཕྱི་རྒྱལ་མི་རིགས་ཆགས་བསྡད་འདུག ཁོ་ཚོས་གསར་འགྱུར་བརྒྱུད་ལམ་ཁག་ནང་། ནོར་ཝེ་གཞུང་གི་གནད་ཡོད་མི་སྣ་ཚོས་༧གོང་ས་མཆོག་ལ་མཇལ་འཕྲད་མ་གནང་བ་དེ་ལ་རྒྱབ་སྐྱོར་ཡོད་ཅེས་བཤད་འདུག དེ་ཐབས་སྐྱོ་བོ་ཞེ་དྲག་རེད། དོལ་རྒྱལ་སྟེན་མཁན་ཚོས་ཆོས་དད་རང་དབང་དང་འགྲོ་བ་མིའི་ཐོབ་ཐང་ཁ་ལ་འཁྱེར་བ་ཞིག་རེད་མ་གཏོགས་ཆབ་སྲིད་རང་འཁྲབ་ཀྱི་ཡོད་པ་གསལ་བོ་ཞེ་དྲག་རེད། གང་ཡིན་ཟེར་ན། རྒྱ་ནག་གཞུང་གི་གནོན་ཤུགས་འོག་ནོར་ཝེའི་གཞུང་གི་གནད་ཡོད་མི་སྣས་༧གོང་ས་མཆོག་ལ་མཇལ་འཕྲད་མ་གནང་བ་དེར་རྒྱབ་སྐྱོར་ཡོད་ཅེས་བཤད་ཡོང་དུས། རྒྱ་ནག་ཆབ་སྲིད་བེད་སྤྱོད་འོག་ཚུད་ཀྱི་ཡོད་པ་གསལ་བོ་ཞེ་དྲག་རེད། དེ་ལ་མཐའ་གཅིག་ཏུ་ངོ་རྒོལ་ཡོད་ཅེས་གསུངས་སོང་།
ཁོང་གིས་མུ་མཐུད་དུ་གསུངས་དོན། ད་ལྟའི་བར་ཁོ་ཚོས་ག་རེ་བཤད་བསྡད་ཡོད་པ་རེད་ཟེར་ན། བཙན་བྱོལ་སྤྱི་ཚོགས་ནང་དོལ་རྒྱལ་སྟེན་མཁན་ཚོར་ཆོས་དད་རང་དབང་དང་འགྲོ་བ་མིའི་ཐོབ་ཐང་མེད་པ། སློབ་གྲྭ་དང་གཞིས་ཆགས་ཁག་ནང་དབྱེ་འབྱེད་བྱེད་ཀྱི་ཡོད་པའི་གཞི་མེད་སྐྱོན་འཛུགས་བྱེད་ཀྱི་ཡོད། འདིའི་ཐོག་ལ་རྒྱ་གར་གྱི་འགྲོ་བ་མིའི་ཐོབ་ཐང་ལྟེ་གནས་ཁག་དང་རྒྱལ་སྤྱིའི་ཉེས་ཡངས་ཚོགས་པ། རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་པ། ལྡི་ལིའི་ཁྲིམས་ཁང་བཅས་ཀྱིས་གཞི་མེད་ཡིན་པར་ཐག་གཅོད་བྱས་ཡོད། ལྷག་པར་དུ་དྷ་རམ་ས་ལར་མཚན་ཉིད་དགེ་བཤེས་བཀྲོངས་བའི་ཐོག་རྒྱལ་སྤྱིའི་ཉེས་ཅན་ཉེན་རྟོག་ཚོགས་པ་(INTERPOL)ཡིས་ཞིབ་འཇུག་བྱས་ཡོད།
ད་ལྟ་ཁོ་ཚོས་ཆོས་དད་རང་དབང་མེད་པ་དང་དབྱེ་འབྱེད་བྱེད་སོང་ཞེས་ལབ་ཡོང་སྐབས། དེ་རིང་བཀའ་ཤག་ནས་དམིགས་བསལ་གསལ་བཤད་ག་རེ་གནང་དགོས་བྱུང་སོང་ཟེར་ན། བོད་མི་སུ་ཡིན་རུང་དཔྱ་ཁྲལ་ལག་དེབ་དགོས་ཀྱི་ཡོད། དཔྱ་ཁྲལ་ལག་དེབ་དེ་དཔལ་འབྱོར་ལས་ཁུངས་ནས་གནང་གི་ཡོད། རྒྱ་གར་ནང་སྡོད་གནས་ཐུབ་པར་སྐྱབས་བཅོལ་ལག་དེབ་(R.C)དགོས་ཀྱི་ཡོད། སྐྱབས་བཅོལ་ལག་དེབ་རྒྱ་གར་གཞུང་གིས་གནང་གི་ཡོད་ཀྱང་དེར་རག་པ་ལ་ས་གནས་མགོ་འཛིན་དང་བདེ་སྲུང་ལས་ཁུངས་ཀྱི་རྒྱབ་གཉེར་ཡི་གེ་དགོས་ཀྱི་ཡོད། བོད་མི་སུ་ཡིན་རུང་ཕྱི་རྒྱལ་དུ་འགྲོ་བར་དེབ་སེར་བོ་(I.C) དགོས་ཀྱི་ཡོད། དེ་རྒྱ་གར་གཞུང་གིས་གནང་གི་ཡོད་ཀྱང་། དེ་བཟོ་བར་རྒྱབ་གཉེར་བོད་མིའི་སྒྲིག་འཛུགས་ཀྱིས་གནང་དགོས་ཀྱི་ཡོད། དེར་བརྟེན། རྒྱ་གར་ནང་ཡོད་པའི་དོལ་རྒྱལ་སྟེན་མཁན་ཁོ་ཚོ་གཞིས་ཆགས་ཁག་ནང་ཡོད་ན་ཁོ་ཚོར་དཔྱ་ཁྲ་ལག་དེབ་ཡོད་དགོས་པ་ཆགས་ཡོད། དཔྱ་ཁྲ་ལག་དེབ་གཞིར་བཟུང་ཐོག་སློབ་གྲྭར་ཚུད་དང་མ་ཚུད། དེ་བཞིན་འཕྲོད་བསྟེན་དང་ཤེས་ཡོན་སོགས་ཀྱི་མཐུན་རྐྱེན་གང་ཡོད་པ་སྤྱི་མཚུངས་གནང་གི་ཡོད། དམིགས་བསལ་རྒྱ་གར་ནང་གནས་པར་སྐྱབས་བཅོལ་ལག་དེབ་དགོས་ཀྱི་ཡོད། སྐྱབས་བཅོལ་ལག་དེབ་དེ་བོད་མིའི་སྒྲིག་འཛུགས་ཀྱི་རྒྱབ་གཉེར་བརྒྱུད་ནས་རག་པ་རེད་མ་གཏོགས་གཞན་དཀའ་ལས་ཁག་པོ་རེད། དེར་བརྟེན། གལ་སྲིད་བོད་མིའི་སྒྲིག་འཛུགས་ཐོག་ནས་དོལ་རྒྱལ་སྟེན་མཁན་ལ་དབྱེ་འབྱེད་བྱེད་དགོས་ཡོད་ན་དཔྱ་ཁྲལ་ལག་དེབ་དང་སྐྱབས་བཅོལ་ལག་དེབ་སོགས་ཀྱི་ཐོག་ནས་དབྱེ་བ་འབྱེད་ཆོག་ཆོག་ཡོད་ཀྱང་། ད་བར་དབྱེ་བ་ཕྱེས་པའི་གནས་ཚུལ་བཤད་རྒྱུ་མེད་སྟབས། དོལ་རྒྱལ་སྟེན་མཁན་ཚོ་ཡང་རྒྱ་གར་ནང་གནས་ཐུབ་ཀྱི་ཡོད་པ་རེད།
དམིགས་བསལ་ཕྱི་རྒྱལ་ནང་འགྲོ་བ་ཡིན་ན་ལག་དེབ་སེར་པོ་དགོས་ཀྱི་ཡོད། ཕྱི་རྒྱལ་ཏུ་ཡོད་པའི་དོལ་རྒྱལ་སྟེན་མཁན་མང་ཆེ་བས་ལག་དེབ་སེར་བོ་འཁྱེར་ཏེ་འགྲོ་བསྡད་ཡོད། དེ་བོད་མིའི་སྒྲིག་འཛུགས་ཀྱི་རྒྱབ་གཉེར་ཡོད་པའི་ཐོག་བྱུང་བ་རེད། ཁོ་ཚོས་ཕྱི་རྒྱལ་དུ་སྐྱབས་བཅོལ་ཞུ་སྐབས་བཙན་བྱོལ་སྒྲིག་འཛུགས་ནང་ཆོས་དད་རང་དབང་མེད་པའི་སྐྱབས་བཅོལ་ཞུས་ཡོད་མདོག་ཁ་བོ་རེད་དེ། ཡིན་ནའང་། སོ་སོའི་ལག་པའི་ནང་ཡོད་པའི་ཡིག་ཆར་བོད་མིའི་སྒྲིག་འཛུགས་ཀྱིས་རྒྱབ་གཉེར་གནང་བ་གསལ་བོ་ཡིན་དུས། ཆོས་དད་རང་དབང་མེད་ན་ཕྱི་རྒྱལ་ལ་འགྲོ་བའི་ཡིག་ཆ་དེ་གང་ནས་རག་པ་རེད། འདི་ཚོའི་ཐོག་ནས་བོད་མིའི་སྒྲིག་འཛུགས་ཀྱིས་དོལ་རྒྱལ་སྟེན་མཁན་ལ་དབྱེ་འབྱེད་བྱེད་ཀྱི་མེད་པ་དང་ཁོ་ཚོའི་སྐྱོན་འཛུགས་དེ་གཞི་མེད་ཡིན་པ་གསལ་བོ་རེད་ཅེས་ཞུ་རྒྱུ་ཡིན། ཞེས་གསུངས་སོང་།
མཇུག་ཏུ་༧གོང་ས་མཆོག་གི་སྐུ་ཕྱྭ་སྲུང་སྐྱོབ་ཐད་ཁོང་གིས། དོལ་རྒྱལ་སྟེན་མཁན་ཚོས་ཨ་རི་དང་ད་རེབ་ཡུ་རོབ་ནང་མི་ཉུང་ཤས་ཤིག་གིས་ངོ་རྒོལ་བྱས་ཡོང་སྐབས། དེའི་བརྡ་ལན་ག་རེ་རེད་ཟེར་ན། དོལ་རྒྱལ་སྟེན་མཁན་ཚོ་ཆབ་སྲིད་རང་འཁྲབ་པའི་ཐོག་ནས་༧གོང་ས་མཆོག་ལ་མཚན་སྨད་ཞུས་པ་ཆགས་བསྡད་ཡོད་སྟབས། དོལ་རྒྱལ་གྱི་གནད་དོན་དེ་དགེ་ལུགས་གཅིག་པུའི་གནད་དོན་མིན་པར་ཆོས་བརྒྱུད་ཚང་མས་གནད་དོན་ཆགས་ཡོད་པ་དང་། ཆོས་བརྒྱུད་ཚང་མ་དང་བོད་ཕྱི་ནང་ཚང་མས་འགན་འཁུར་དགོས་པ་དེ་གསལ་བོ་ཞེ་དྲག་རེད། དེའི་ནང་ནས་ཀྱང་ཨ་རི་དང་རྒྱ་གར་གྱི་གསང་བའི་སྙན་ཐོའི་ནང་ལ་དོལ་རྒྱལ་ཐོག་ནས་༧གོང་ས་མཆོག་གི་སྐུ་ཕྱྭར་ཉེན་ཁ་ཡོད་པ་གསལ་ཡོད་སྟབས། བོད་ཕྱི་ནང་གཉིས་ཀྱི་མི་ཚང་མ་དང་ཆོས་བརྒྱུད་ཚང་མས་འགན་འཁུར་གནང་རོགས་གནང་ཞེས་ཞུ་རྒྱུ་ཡིན། ཞེས་གསུངས་སོང་།
དེའི་རྗེས་གསར་འགོད་པས་ཉེ་སྔོན ༧གོང་ས་མཆོག་སན་ཧྥུ་རན་སེ་སི་ཀོ་ནང་ཕེབས་སྐབས་ཕྱི་རྒྱལ་ཨ་ནེ་ཞིག་གིས་༧གོང་ས་མཆོག་བཞུགས་སའི་མགྲོན་ཁང་དུ་ངོ་རྒོལ་བྱས་པའི་གནས་སྟངས་ག་འདྲ་ཆགས་ཡོད་མེད་དྲིས་པར། སྲིད་སྐྱོང་མཆོག་གིས་དེའི་སྐོར་ལ་བཀའ་ཤག་ནས་ཚོགས་ཆུང་ཞིག་བཙུགས་ནས་ཞིབ་འཇུག་གནང་དང་གནང་མུས་རེད་ཅེས་བཀའ་ལན་སྐྱོན་སོང་།
གསར་འགོད་པ། ལྷ་སྐྱབས་རྒྱལ།
འཛམ་གླིང་འདིའི་ནང་ཏ་ལ་བླ་མར་སྐྱོན་འཛུགས་བྱེད་མཁན་རྒྱ་གཞུང་ཅིག་པུ་ཡིན་ན་འང་ད་ཆ་ཏ་ལ་བླ་མ་ཉིད་ཀྱི་རྩ་འཛུགས་བྱས་པའི་བཙན་བྱོལ་སྤྱི་ཚོགས་ནང་འཚོ་གནས་བྱེད་བཞིན་དུ་ཏ་ལ་བླ་མར་བསྙས་བཅོས་ཐུབ་ཚོད་གཏོང་མཁན་དེ་ཚོ་རྒྱ་གཞུང་ཕྱོགས་མ་སྒྲིགས་རང་འགྲིག་ཡིན་དུས་གནས་ཡུལ་རྒྱལ་ཁབ་རྒྱ་གར་གྱི་གཙོས་པའི་རྒྱལ་ཁབ་ཁག་གི་བཙན་བྱོལ་པའི་གནས་འབབ་ཁོ་ཚོར་སྤྲོད་དགོས་དོན་མི་འདུག་
དོལ་ཚོགས་རྒྱ་ནག་ལ་འགྲོ་རོགས་ ཏ་ལ་བླ་མའི་སྤྱི་ཚོགས་ནང་སྡོད་དགོས་དོན་མེད་
དོལ་ཚོགས་རྒྱ་ནག་ལ་ལོགས་རོགས་
དོལ་ཚོགས་རྒྱ་ནག་ལ་ལོགས་རོགས་ཏ་ལ་བླ་མའི་རྩའཛུག་བྱས་པའི་བཙན་བྱོལ་སྤྱི་ཚོགས་ནང་སྡོད་དགོས་དོན་མི་འདུག
དོལ་ཚོགས་རྒྱ་གཞུང་གི་ཁ་ཚབ་ངོ་ཚབ་བྱེད་མཁན་ཡིན་དུས་བཙན་བྱོལ་བོད་མིའི་གནས་ཡུལ་རྒྱལ་ཁབ་ཁག་གི་ཁོ་ཚོ་ལ་བཙན་བྱོལ་བོད་མིའི་གནས་བབ་སྤྲོད་དགོས་དོན་མེད་ལ་སྤྲད་ན་དགོས་པ་རྒྱུ་མཚན་གང་ཡང་ཡོད་མ་རེད་དེ་ལས་རྒྱ་ནག་རང་ལ་ལོག་ཅུགས་ན་ཡག་ཤོས་རེད་
ཆོས་དད་རང་དབང་གི་འབག་གྱོན་ནས་བོད་མིའི་སྤྱི་ཚོགས་ནང་མི་གསོད་ཁྲག་སྦྱོར་དང་རྙོག་ཁྲ་རྐྱང་རྐྱང་བཟོས་ནི་བསྡད་སོང། ད་རེས་ནོར་ཝེའི་གསར་ཤོག་འགོད་མཁན་གྱིས་ཁྱེད་ཚོའི་འབག་དེ་ཕུད་ནི་ངོ་གདོང་དམར་རྗེན་མཐོང་དུས་ཁྱེད་ཚོ་སུ་ཡིན་མིན་གསལ་པོ་ཆགས་སོང་། དེ་འདྲའི་ཐབས་སྐྱོ་བ་ལ་ཨང་། རང་འདོད་ཆུང་རྩག་ཅིག་མ་འགྲུབ་ན་རང་གི་རྒྱལ་ཁབ་དང་། མི་རིགས་ལ་རྒྱབ་གཏོད་བྱེད་ཐུབ་པ་ནི་དངོས་འབྲེལ་ཡ་མཚན་དགོས་པ་ཞིག་རེད།
སྲིད་སྐྱོང་ལགས། སྐུ་མཁྱེན། དགེ་ལུགས་པའི་རྙོག་འཛིང་དང་ནག་ཉེས་བོད་སྤྱིའི་མགོ་ལ་མ་འགེལ་རོགས། དགེ་ལུགས་རང་གི་ཁ་ལག་པ་གཉིས་ཀྱིས་ལས་བཞག་པ་དེ། དགེ་ལུགས་རང་གི་སྐེ་འཕྲག་པ་གཉིས་ཀྱིས་ཁུར་དགོས་ནི་རེད། ནག་ཉེས་འདི་གཞན་སུ་ལ་ཡང་འབྲེལ་བ་མེད། དེང་དུས་༧གོང་ས་མཆོག་རྒྱལ་ཁབ་གཞན་དང་གཞན་དུ་ཕེབས་སྐབས། ཆོས་བརྒྱུད་གཞན་པས་ཕེབས་བསུ་ཞུ་སྐབས། དགེ་ལུགས་པས་ངོ་རྒོལ་བྱེད་ཀྱིན་ཡོད་རེད།
ཞབས་འདྲེན་ཞུ་མཁན་དོལ་ཚོགས་ཚོ། །
ཚོད་ཟིན་ཚོད་ཟིན་མ་རབས་ཚོ། །
རང་མདོག་མ་སྟོན་བོད་རིགས་ཚོ། །
དགྲ་དགའ་གཉེན་སྡུག་མ་མང་ཅིག །
བླ་བྲང་གོང་འོག་གཉིས་ཀྱི་ནང་འཁྲུགས་དེ་དགེ་ལུགས་པའི་ནང་འཁྲུགས་ཆགས། དགེ་ལུགས་པའི་ནང་འཁྲུགས་དེ་བོད་སྤྱི་བའི་ནང་འཁྲུགས་ཆགས། ད་ཆུང་ཆུང་ཞིག་ཆེ་ས་དང་དམའ་མོ་ཞིག་མཐོ་སར་མ་བསྐྱལ་ན་མི་ཆོག་གམ། ཆོས་སྲིད་ཟུང་འབྲེལ་ཟེར་ན་འདི་འདྲ་ཞིག་ཡིན་ནམ། ཨ་ཁ་ཁ།
དོལ་རྒྱལ་བ་ཚོས་བོད་མི་རིགས་ཀྱི་རྩ་དོན་རྒྱབ་ཏུ་བསྐྱུར་ནས་བོད་སྤྱི་ལ་གནོད་པའི་ལས་འགུལ་འདྲ་མིན་སྤེལ་བཞིན་པ་ནི་ཁོ་ཚོའི་ནོར་འཁྲུལ་ཆེ་ཤོས་ཤིག་ལ་ངོས་འཛིན་བྱེད་བཞིན་ཡོད། ང་ཚོ་བོད་ཀྱི་ཕ་མེས་ཡང་མེས་དག་གི་གདོང་ལ་ཐལ་བ་སྤར་མོ་གང་བྱུགས་པ་དང་གཅིག་མཚུངས་རེད། མི་ཟེར་བ་འདི་མགོ་བོ་རྨོངས་སོང་ན་འདི་འདྲ་ཡིན་རྒྱུ་རེད། གསུམ་བཅུ་དུས་དྲན་གྱིས་མཚོན་པའི་བོད་ཀྱི་དུས་དྲན་ཁག་སྲུང་གཙི་བྱེད་རྒྱུ་ནི་ཁོ་ཚོའི་རྨི་ལམ་དུ་ཡང་འཁོར་མྱོང་མེད་པ་འདྲ། བོད་ཀྱི་རྩ་དོན་ལ་ཕན་པའི་ལས་ཀ་ཏིལ་འབྲུ་ཙམ་ཡང་བྱས་པ་གོ་མ་མྱོང་། ད་དུང་དེ་ལས་ལྡོག་ཕྱོགས་ཀྱི་ལས་འགུལ་འདི་འདྲ་སྤེལ་ནས་ཁོང་ཚོས་ཅིག་འཇོན་ཡོད་བསམ་སྲིད། དངོས་གནས་ཐབས་སྐྱོ་བོ་རེད། དགྲ་དགའ་གཉེན་སྡུག་གི་ལས་ཟེར་ནའང་འདི་ལས་ལྷག་ཅིག་ཡོད་པ་མ་རེད། ད་དུང་འདི་ལྟར་མུ་འཐུད་ནས་སོང་ཚེ་ཕྱིས་འབྱུང་རྒྱལ་རབས་ལོ་རྒྱུས་རྣམས་སུའང་དོལ་རྒྱལ་རྗེས་འབྲང་ཚོ་ནི་བོད་མི་རིགས་ཀྱི་བླ་བཙོང་དང་། བོད་མི་རིགས་ཀྱི་རྐང་འདྲེན་ཉག་གཅིག་ཆགས་པར་གདོན་མ་ཟ།
རྒྱ་ནག་གཞུང་གི་གནོན་ཤུགས་འོག་ནོར་ཝེའི་གཞུང་གི་གནད་ཡོད་མི་སྣས་༧གོང་ས་མཆོག་ལ་མཇལ་འཕྲད་མ་གནང་བ་དེར་རྒྱབ་སྐྱོར་ཡོད་ཅེས་བཤད་ཡོང་དུས། རྒྱ་ནག་ཆབ་སྲིད་བེད་སྤྱོད་འོག་ཚུད་ཀྱི་ཡོད་པ་གསལ་བོ་ཞེ་དྲག་རེད། དེ་ལ་མཐའ་གཅིག་ཏུ་ངོ་རྒོལ་ཡོད་ཅེས་གསུངས་སོང་
ས་སྐྱ་གོང་མས་རྒ་ཁྲི་དགོན་པར་དོལ་རྒྱལ་མ་བསྟན་ཞེས་པའི་ཕྱག་བྲིས་ཤིག་བཏང་པའི་དབང་དུ་བྱས་ནའང་། ཀརྨ་རྙིང་གཉིས་དང་། ཇོ་བོན་གཉིས་ཀྱིས་གཙོས་པའི་བླ་ཆེན་ཁག་གིས་ཕྱག་བྲིས་ཤིག་སུ་ལའང་གཏོང་ས་མེད་དེ། ཆོས་བརྒྱུད་དེ་ཚོ་ལ་དོལ་རྒྱལ་སྟོན་མཁན་ཡེ་ནས་མེད་པའི་ཕྱིར་རོ།།
བོང་ཀྱི་མི་སེར་རེ་རེ་ཡི་ཆེད་དུ་སྲིད་སྐྱོང་སྐུ་དགོས་ཕེབས་ནས་གསལ་བསྒྲགས་བསྐྱངས་ན་དགའ་བསུ་ཡོད། བྱེ་བྲག་པའི་ཆེད་ཡིན་ཚེ་ནུས་པ་ཐོན་གྱི་མ་རེད།
དེ་སྔར་ཆོས་རྒྱུད་ཁག་གི་བླ་ཆེན་ཡོངས་རྫོགས་ཀྱིས་དོལ་རྒྱལ་སྐོར་ལ་མ་ཤེས་མདོག་བྱས་ཏེ་བཞུགས་པ་རེད་ཟེར་ན་ཏག་ཏག་བདེན་པ་མ་རེད། ༧ས་སྐྱ་གོང་མ་རིན་པོ་ཆེས་བོད་ནང་དུ་ཡོད་པའི་རྒ་འཁྲི་འདུ་སྐལ་བཟང་དགོན་ལ་ཡིག་ཐོག་ནས་བླངས་དོར་བཀའ་སློབ་ཇི་ལྟར་གནང་བ་བཞིན་དགོན་དེ་ནས་ཀྱང་ལག་བསྟར་གནང་ཡོད་པར་ཡངས་གྲགས་རེད།
བཀའ་ཤག་གིས།
་་་་་་་་ དོལ་རྒྱལ་བ་ཚོས་ནོར་ཝེ་གཞུང་གི་གནད་ཡོད་མི་སྣས་༧གོང་ས་མཆོག་ལ་མཇལ་འཕྲད་མ་གནང་བར་རྒྱབ་སྐྱོར་ཡོད་སྐོར་དང་། ཆིབས་བསྒྱུར་སྐབས་ངོ་རྒོལ་བྱས་པ་བཅས་ལ་བཀའ་ཤག་གིས་གསལ་བསྒྲགས་སྤེལ་ཏེ།
རྒྱ་གཞུང་གི་གཡོ་འོག་ཏུ་ཚུད་པའི་དོལ་རྒྱལ་བ་ཚོའི་བྱེད་སྟངས་ལ་བློ་ཕམ་དང་། དོལ་རྒྱལ་གྱི་གནད་དོན་འདི་དགེ་ལུགས་ཙམ་མིན་པར་བོད་ཕྱི་ནང་གཉིས་དང་ཆོས་བརྒྱུད་ཚང་མས་འགན་འཁུར་དགོས་་་་་་་་་་
ཉུང་ཤས་ག་ལ་ཡིན། བོད་རིགས་གསུམ་བཞི་ལས་མི་འདུག་ཟེར།
ད་རེས་སྲིད་སྐྱོང་མཆོག་གིས་གནད་དོན་གལ་ཆེན་ཞིག་གླེང་འདུག ཆོས་ལུགས་ཆོས་བརྒྱུད་ཁག་གི་བླ་ཆེན་ཡོངས་རྫོགས་རྒྱ་གར་ནང་བཞུགས་ཡོད་པ་རེད། ད་སྔ་སྐུ་མདུན་དང་བོད་གཞུང་གི་ངོས་ནས་གང་ཐུབ་ཅི་ཐུབ་ཀྱིས་རྒྱ་དམར་གྱི་རྒྱུག་ཁྱི་དོལ་ཚོགས་སྐོར་ལ་གང་ཡོང་ཅི་ཡོང་གནང་སོང་ཡང་། ཆོས་བརྒྱུད་ཁག་གི་བསྟན་བདག་བླ་ཆེན་ཚོས་མ་གོ་མ་ཤེས་མདོག་མདོག་གིས་བསྡད་སོང་། འདི་ཡག་པོ་མ་རེད། དོལ་རྒྱལ་དང་སོ་སོའི་ཆོས་བརྒྱུད་བར་བཤག་དགོས་པ་མཐོང་གི་མེད་ཀྱང་། དོལ་ཚོགས་དང་རྒྱ་ནག་གཉིས་ཁོག་པ་གཅིག་དང་སྒྱུ་མ་གཅིག་བྱས་བསྡད་ཡོད་པ་མཐོང་གསལ་རེད། དོལ་ཚོགས་ཀྱིས་ད་བར་བོད་སྤྱི་ཚོགས་ནང་མི་གསོད་ཁྲག་སྤྱོར་གྱི་བྱ་བ་གང་བྱས་ཚང་མས་ཤེས་གསལ་ལྟར་རེད། དེར་མ་མཐོང་མ་ཐོས་ཁུལ་བྱས་ཏེ་སྡོད་ས་ཡོད་པ་མ་རེད། བོད་སྤྱི་བའི་ཆབ་སྲིད་རྩ་དོན་དང་། ལྷག་པར་དུ་བོད་མི་རིགས་ཀྱི་བདེ་རྩ་དང་སྤྱི་ཚོགས་ལ་འགན་འཁུར་གྱི་ཡོད་ན་བསྟན་བདག་བླ་ཆེན་ཚོས་འགན་ཏག་ཏག་འཁུར་དགོས་པ་རེད།
སྲིད་སྐྱོང་སེང་གེས། དོལ་རྒྱལ་གྱི་གནད་དོན་དེ་དགེ་ལུགས་གཅིག་པུའི་གནད་དོན་མིན་པར་ཆོས་བརྒྱུད་ཚང་མས་གནད་དོན་ཆགས་ཡོད་ཟེར་བར་མཐའ་གཅིག་ཏུ་ངོ་རྒོལ་ཡོད། ང་ཚོ་དོལ་རྒྱལ་དང་འབྲེལ་བ་སྤུ་ཙམ་ཡང་མེད།