བློ་གྲོས་རབ་བརྟན།
ཁ་སང་ནོར་ཝེ་ནས་༧གོང་ས་མཚོག་གིས་དོལ་ཚོགས་སྐད་འབོད་མཁན་ལ་དམིགས་ཏེ། མི་ཚོགས་ལ་བཤད་དོན། ཁོང་ཚོ་ཡག་པོ་རེད། རང་དབང་ལུང་པ་རེད། ཁོང་ཚོ་ལས་ཀ་དེ་ལ་དགའ་བོ་དང་སྐྱིད་པོ་ཡོད་རེད་ཅེས་བཞད་མོ་དང་བཅས་གསུངས་སོང་། དེ་དང་འབྲེལ་ཏེ་ཟླ་འགའི་སྔོན་ཨ་རིའི་སན་ཧྥི་རན་སུ་སི་ཁོ་ནས་ཕྱི་རྒྱལ་བ་ཞིག་༧གོང་ས་མཆོག་དང་ཆེས་ཐག་ཉེ་སར་བཅར་ཏེ་རྩོད་པ་བྱས་པའི་ཐད་ནས་འཐུས་ཤོར་ཞིག་དེ་རིང་གླེང་གི་ཡིན།
ཕྱི་རྒྱལ་བ་དེ་མི་ཚོས་བཤད་ན་ཨ་ནེ་ཞིག་རེད་ཟེར། འགུལ་བརྙན་དེ་ལས་མི་དེས་ཤོག་ལེ་ཞིག་ལག་ཏུ་བཟུང་སྟེ་ཆོས་དད་རང་དབང་མི་ཚང་མ་ལ་དགོས་ཟེར་ནས་སྐད་རྒྱག་པ་གོ་བ་ལས་ངོ་གདོང་དང་གཟུགས་དབྱིབས་སོགས་མཐོང་མི་ཐུབ་ཀྱང་། ༧གོང་ས་མཆོག་གིས་རྒྱུ་མཚན་དང་གནས་ལུགས་གཞི་བཟུང་གཟབ་གནད་ཀྱིས་གསལ་བཤད་བྱས་ཀྱང་། དོལ་ཚོགས་ལ་དགོས་པ་དེ་མིན་པས་ཉན་པའི་ཚབ་ལ་སྐད་ཆ་བསྐྱར་ཟློས་ཡང་ཟློས་བྱས་སོང་། མཐའ་མ་དེར་སྐུ་བཅར་འཆི་མེད་རིག་འཛིན་གྱིས་ཁྱོད་ཀྱིས་རྫུན་མ་བཤད་ཟེར་བ་མཐོང་ཐུབ། དེ་ལས་འཆི་མེད་རིག་འཛིན་གྱིས་མི་དེ་པར་ཞིག་བརྒྱབ་ཡོད་ན་ཅི་མ་རུང་། དེ་འདྲའི་༧གོང་ས་མཆོག་གི་མདུན་ལ་བཅར་ནས་རྩད་རྒྱག་མཁན་དེ་སུ་རེད། མིང་ལ་ཅི་ཟེར། ལུང་པ་གང་ནས་རེད། འབྲེལ་ཡོད་སུ་གང་ལའང་སྟོན་རྒྱུ་དང་ཤོད་རྒྱུ་མེད་ཚོད་རེད། ༧གོང་ས་མཆོག་གི་མདུན་ན་བཅར་ཏེ་པར་བརྒྱབ་པ་དེ། རྒྱུད་ལམ་ཁག་ཏུ་བཞག་སྟེ་མཚན་སྙན་གཅོག་ལ་འབད་བཞིན་ཡོད་ཀྱང་། ང་ཚོ་ལ་ནི་༧གོང་ས་མཆོག་ལ་དམའ་འབེབས་མཁན་དེའི་སྐོར་གང་ཡང་སྟོན་རྒྱུ་མེང་པ་དེ་རེད། ནམ་རྒྱུན་༧གོང་ས་མཆོག་གི་སྐུ་བཅར་ཁྲོད་ན་པར་རྒྱག་མཁན་ཞིག་ཡོད་པ་འདྲ་སྟེ། དགོས་དུས་པར་རྒྱག་མཁན་དེ་མེད་པའམ་ཡང་ན་པར་མ་བརྒྱབ་པ་རེད། གནད་དོན་དེའི་ཐད་ནས་དོལ་ཚོགས་ཀྱིས་གོ་སྐབས་བཟུང་སྟེ་འཇབ་རྒོལ་བྱས་པ་ལམ་ལྷོང་བྱུང་ཡོད་ལ། ང་ཚོ་ལ་ནི་པར་ཙམ་ཡང་སྟོན་རྒྱུ་མེད་དུས་འཐུས་ཤོར་ཆེན་པོ་ཞིག་མ་ཡིན་ནམ།
དོལ་ཚོགས་ཀྱིས་ལས་ཀ་ཅི་བྱས་དང་དོལ་རྒྱལ་གྱི་གནད་དོན་དེ་ཆོས་དད་རང་དབང་དང་འབྲེལ་བ་ཡོད་མེད་སོགས་ཕར་ཞོག་ཤོག དོལ་ཚོགས་ཀྱིས་མངོན་སུམ་འཛེམས་མེད་ཀྱིས་ཧམ་བཤད་ལ་ལྟོས་དང་། ༧གོང་ས་མཆོག་གི་ཁ་གྲག་མི་ཆོག་ལ། དོལ་རྒྱལ་སྐོར་སྐད་ཆ་བཤད་མི་ཆོག་པ་དེ་རེད། དེས་ན་དོལ་ཚོགས་ཀྱིས་ཀྱང་༧གོང་ས་མཆོག་གི་སྨྲ་བརྗོད་རང་དབང་འཕྲོག་གིན་འདུག་ལ། སྨྲ་བརྗོད་རང་དབང་ནི་མི་ཚང་མར་འདྲ་མཉམ་དུ་ཡོད་པ་ཞིག་རེད། ༧གོང་ས་མཆོག་ཀྱང་དེའི་ཁྲོད་ནས་གཅིག་རེད། ཅེས་ང་ཚོས་དོལ་ཚོགས་ལ་ངོ་རྒོལ་བྱས་ན་མི་ཆོག་པ་ཅི་ཡོད།
༧གོང་ས་མཆོག་གིས་དོལ་རྒྱལ་ཐད་ནས་དགེ་སྐྱོན་གླེང་བ་ལས་དོལ་རྒྱལ་བསྟེན་མི་ཆོག་གསུངས་མྱོང་མེད་ལ། གལ་ཏེ་དོལ་རྒྱལ་བསྟེན་ན་ངའི་སར་གསུང་ཆོས་ཞུ་བར་མ་བཅར་རོགས་ཞེས་གསུང་གི་ཡོད་ལ། དེ་ནི་ནང་ཆོས་དང་འབྲེལ་པའི་བླ་སློབ་བར་གྱི་དམ་ཚིག་གི་གནད་དོན་ཞིག་ཡིན་པས་རེད། ནང་ཆོས་རྣལ་མ་བྱེད་མཁན་ཞིག་ཡིན་ན་བླ་སློབ་བར་གྱི་དམ་ཚིག་ནི་རང་ཉིད་ཀྱི་ནང་ཆོས་ཉམས་ལེན་མཐར་འཁྱོངས་མིན་གྱི་མགོ་འཛུགས་ས་རེད། གལ་ཏེ་བླ་སློབ་བར་གྱི་དམ་ཚིག་བསྲེ་སླད་ཅན་ཡིན་ན་རང་གཞན་གཉིས་ཀ་དམྱལ་བར་འགྲོ་དགོས་པ་གསུང་རབ་ན་མཇལ་རྒྱུ་ཡོད། ཆོས་ལུགས་གང་དང་གང་ཡིན་ནའང་རང་ཉིད་ལ་བསྲུང་དགོས་པའི་དམ་ཚིག་རེ་ཡོད་པ་དེ་བསྲུང་དགོས་ལ། ༧གོང་ས་མཆོག་གིས་ནང་པའི་དམ་ཚིག་དེ་སྲུང་བཞིན་སུ་ལ་གསུང་ཆོས་གནང་མིན་སྐུ་སྒེར་གྱི་ཐོབ་ཐང་རེད། དོལ་རྒྱལ་བར་གསུང་ཆོས་གནང་གི་མིན་པའི་ཐག་གཅོད་དེ་ཡང་ཁོང་གི་ཐོབ་ཐང་རེད། དེར་བརྟེན་རང་དབང་དང་ཐོབ་ཐང་ཤོད་ཀྱིན་གཞན་གྱི་ཐོབ་ཐང་ཆེད་དུ་གསོད་མཁན་ངོ་མ་དེ་དོལ་ཚོགས་ཆགས་ཡོད།
༧གོང་ས་མཆོག་དོལ་རྒྱལ་རྗེས་འབྲང་བ་མི་བཅུ་སྐོར་ཞིག་ཕུད་རྗེས། བོད་མི་ཡོངས་ཀྱིས་རང་ལ་བཀའ་དྲིན་བླ་ལྷག་ཏུ་ལྕི་ཞིང་། ནམ་ཡང་༧གོང་ས་མཆོག་ལྟ་བུའི་འཛམ་གླིང་ལ་གཡོ་འགུལ་གཏོང་ཐུབ་པའི་སྐྱེས་ཆེན་ཞིག་བོད་མིའི་རིགས་སུ་འཁྲུངས་པ་དེ་རང་ཉིད་ཀྱི་སྤོབས་པ་དང་གཟི་བརྗིད་དུ་བརྩི་བཞིན་ཡོད་ན། སུ་ཞིག་གིས་༧གོང་ས་མཆོག་ལ་རྒྱུ་མཚན་མེད་ལ་དོན་དངོས་དང་མི་མཐུན་པའི་ངན་སྨྲ་དང་སྦྱོར་བ་ཅི་ཞིག་བརྩམས་ནའང་། བོད་མི་མི་རེ་ངོ་རེ་ལ་ངན་སྨྲས་དང་གླེང་འཁེལ་བྱས་པ་ཆགས་ཀྱིན་ཡོད་དུས། དོལ་ཚོགས་ནི་༧གོང་ས་མཆོག་གཙོས་བོད་མི་ཚོའི་དགྲ་རུ་ལངས་བཞིན་ཡོད་ལ། ཁོང་ཚོས་བོད་མིའི་ཚོའི་སེམས་ལ་རྨ་ཁ་བཟོ་བཞིན་ཡོད།
བསམ་བློ་གཏོང་དགོས་པ་ཞིག་ལ། དོལ་རྒྱལ་ཁ་ལ་འཁྱེར་ཏེ་རྒྱབ་ན་ཅི་ཞིག་ཡོད་པའང་གསལ་བོ་ཆགས་བཞིན་འདུག་ལ། མི་དེ་དག་ལ་དགོས་པ་དེ་དོལ་རྒྱལ་བསྟེན་མིན་གྱི་གནད་དོན་མ་ཡིན་པར་༧གོང་ས་མཆོག་གི་མཛད་འཕྲིན་ལ་གནོད་སྐྱེལ་ཐབས་དང་། བོད་མིའི་རང་དབང་འཐབ་རྩོད་ལ་ཕྱོགས་ཡོངས་ནས་རྨ་ཁ་བཟོས་ཏེ། འཐབ་རྩོད་དང་མཐུན་སྒྲིལ་ལ་གཏོར་བཤིག་གཏོང་རྒྱུ་དེ་རེད། ལས་ཀ་དེར་རྒྱ་གཞུང་ནས་རྒྱབ་སྐྱོར་ཐོབ་བཞིན་ཡོད་པའང་མངོན་གསལ་དུ་འགྲོ་བཞིན་ཡོད།
ང་ཚོས་བོད་ཀྱི་རྩ་དོན་ཆེད་གང་ཡོང་ཅི་ཐུབ་ཀྱི་ནུས་པ་འདོན་པའི་སྐབས་འདིར། དོལ་ཚོགས་ཀྱིས་ཕྱི་རྒྱལ་བ་མདུན་དུ་བརྫིངས་ཏེ། ༧གོང་ས་མཆོག་གི་ཆིབས་བསྒྱུར་སྐབས་སུ་ངོ་རྒོལ་བྱེད་ཐེངས་རེ་ལ་བོད་མི་ཚོ་སེམས་སྐྱོ་ཞིང་མིག་ཆུ་བཞུར་འཇུག་གི་ཡོད། དོལ་ཚོགས་ཀྱི་བྱེད་སྟངས་དེ་ནི་ཉམས་ཆུང་ལ་ཐུབ་ཚོད་དང་བརྙས་བཅོས་བྱས་པ་རང་ཡིན་སྟབས། བོད་མི་ཚོ་སྔར་ལས་ལྷག་པའི་༧གོང་ས་མཆོག་གི་བཀའ་དྲིན་དྲན་བཞིན་ཁོང་ལ་ཡིད་ཆེས་ཆེ་ནས་ཆེ་རུ་འགྲོ་བཞིན་ཡོད་ཅིང་། ལམ་སྟོན་བཀའ་སློབ་དག་སྙིང་གི་དཀྱིལ་དུ་ཉར་ཏེ་མདུན་དུ་བསྐྱོད་པར་སྤོབས་པ་སྔར་ལས་རྒྱས་བཞིན་ཡོད།
གནས་ཚང་འབོད་པའི་དྲ་གྲོགས་ལགས། གོང་ས་མཆོག་ལ་དོལ་ཚོགས་ཀྱི་རྗེས་འབྲང་བ་ཚོས་ཕར་བཤད་ཚུར་བཤད་བྱེད་ཟེར་གྱིན་ཡོད་བ་མ་རེད། ཁོ་ཚོས་སྐད་བརྒྱབ་ན་སྒོར་མོ་རེད། མཐར་དེད་ན་ལྟོ་དོན་རེད། རྒྱུ་མཚན་དགོས་བ་མ་རེད། ད་ཤེས་སོང་སམ།
བྱས་ཙང་རྒྱ་གཞུང་འདིས་༧གོང་ས་མཆོག་ལ་བརྙས་ཐུབ་རྟགས་པར་གཏོང་པ་དང།་མགོན་པོ་གང་ཉིད་རྒྱལ་ཁབ་གང་དང་གང་ལ་ཆིབ་འསྒྱུར་རྒྱལ་ཁབ་དེ་དང་དེའི་ནང་སྲིད་ཐེ་བྱུས་དང།་སྐྱེ་བོ་མི་སྒེར་གྱི་ཐོབ་ཐང་དང་འདུན་པ་འཕྲོག་་བཅོ་དང་གནོད་ཚེ་བྱེད་ཀྱི་འདུག་
་་་་་་་་ བསམ་བློ་གཏོང་དགོས་པ་ཞིག་ལ། དོལ་རྒྱལ་ཁ་ལ་འཁྱེར་ཏེ་རྒྱབ་ན་ཅི་ཞིག་ཡོད་པའང་གསལ་བོ་ཆགས་བཞིན་འདུག་ལ། མི་དེ་དག་ལ་དགོས་པ་དེ་དོལ་རྒྱལ་བསྟེན་མིན་གྱི་གནད་དོན་མ་ཡིན་པར་༧གོང་ས་མཆོག་གི་མཛད་འཕྲིན་ལ་གནོད་སྐྱེལ་ཐབས་དང་། བོད་མིའི་རང་དབང་འཐབ་རྩོད་ལ་ཕྱོགས་ཡོངས་ནས་རྨ་ཁ་བཟོས་ཏེ། འཐབ་རྩོད་དང་མཐུན་སྒྲིལ་ལ་གཏོར་བཤིག་གཏོང་རྒྱུ་དེ་རེད། ལས་ཀ་དེར་རྒྱ་གཞུང་ནས་རྒྱབ་སྐྱོར་ཐོབ་བཞིན་ཡོད་པའང་མངོན་གསལ་དུ་འགྲོ་བཞིན་ཡོད། ་་་་་་་
ནམ་རྒྱུན་༧གོང་ས་མཆོག་གི་ཆིབས་སྒྱུར་གང་དུ་ཡོད་ན་དེ་ལ་བོད་གཞུང་མཛད་གཙོ་ཁ་ཤས་སྐུ་རྗེས་སུ་ཡོད་ཡོད་པ་ཡིན་མོད། ད་བུར་དོལ་ཚོགས་ནས་ངོ་རྒོལ་བྱས་བ་ཉུང་།
ད་རབས་སྐུ་རྐྱང་ཡིན་པ་དང་དོལ་ཚོགས་ནས་ངོ་རྒོལ་བྱེད་པར་གྲ་སྒྲིག་ཨང་སར་ཡོད་པ་ལ་བལྟས་ན་མཛད་གཙོ་ཁ་ཤས་དང་དོལ་ཚོགས་ཁྱི་རྐྱང་ངན་འབྲེལ་མིན་ནམ་སྙམ།
སྟོན་པ་ཐུགས་རྗེ་ཅན་གྱིས་བསྲེག་བཅད་བརྡར་གསུམ་གསུང་ཡོད་པ་རེད། གོང་ས་མཆོག་ལའང་བསྲེག་བཅད་བརྡར་གསུམ་བྱེད་ཆོག་པ་ནི་མ་བཤད་ཀྱང་ཤེས་པ་ཞིག་རེད། དེ་ནི་སྤོབས་པར་འཁྱེར་ཆོག་པ་ཞིག་ཀྱང་རེད། དེ་ལས་ལྡོག་ན། ནང་བ་ཡིན་མིན་ལའང་དོགས་པ་ཡོང་གི་རེད་ལ། སུས་ཀྱང་ལྡོག་ཐབས་མེད་པ་ཞིག་རེད།