ཟླ་འདིའི་ཕྱི་ཚེས་ ༡༤ ཉིན་མཁན་པོ་བློ་གྲོས་རབ་གསལ་ལགས་ཀློད་གྲོལ་བཏང་ཡོད་ཀྱང་། ད་ནས་བཟུང་དགོན་པར་འགྲོ་མི་ཆོག་པའི་བཀའ་རྒྱ་བཏང་ཡོད་འདུག
ཟླ་འདིའི་ཚེས་ ༦ ཉིན་རྒྱ་གཞུང་གིས་ཆབ་མདོ་ཀརྨ་དགོན་གྱི་མཁན་པོ་བློ་གྲོས་རབ་གསལ་ལགས་བསྐྱར་དུ་འཛིན་བཟུང་བྱས་ཏེ་གར་ཡོད་ཅི་བྱུང་མེད་པར་གྱུར་ཡོད་ཀྱང་། ཟླ་འདིའི་ཕྱི་ཚེས་ ༡༤ ཉིན་ཁོང་ཀློད་གྲོལ་བཏང་ཡོད་འདུག
བརྒྱུད་ལམ་ནས་གནས་ཚུལ་ཐོན་པ་ལྟར་ན། རྒྱ་གཞུང་གིས་ད་ནས་བཟུང་ཁོང་དགོན་པར་འགྲོ་མི་ཆོག་ལ། གྲྭ་ཆས་ཀྱང་གྱོན་མི་ཆོག་པ་མ་ཟད། ཆོས་ཕྱོགས་ཀྱི་བྱེད་སྒོར་མཉམ་ཞུགས་བྱེད་མི་ཆོག་པ་དང་། རང་དགར་ས་གནས་གཞན་དུ་འགྲོ་མི་ཆོག་པར་བདུན་ཕྲག་རེའི་ནང་ངེས་པར་དུ་ཆབ་མདོ་རྫོང་ཉེན་རྟོག་ཁང་ལ་ཐོ་འགོད་བྱེད་དུ་ཡོང་དགོས་པའི་བཀའ་རྒྱ་བཏང་ཡོད་འདུག
མཁན་པོ་བློ་གྲོས་རབ་གསལ་ལགས་ཕྱི་ལོ་ ༢༠༡༡ ལོར་ཆབ་སྲིད་ཀྱི་ནག་ཉེས་འོག་འཛིན་བཟུང་བྱས་ཏེ། ལོ་ ༢ དང་ཟླ་ ༦ རིང་བཙོན་འཇུག་བྱས་རྗེས་ཀློད་གྲོལ་ཐོབ་ཡོད་ཀྱང་། ཟླ་འདིའི་ཕྱི་ཚེས་ ༦ ཉིན་རྒྱ་གཞུང་གིས་རྒྱུ་མཚན་ཅི་ཡང་མ་བཤད་པར་ཡང་བསྐྱར་བཙན་ཁྲིད་བྱས་ཡོད་འདུག
གསར་འགོད་པ། པདྨ་མཚོ།
