དེ་རིང་བོད་མིའི་སྒྲིག་འཛུགས་འོས་བསྡུ་ལྷན་ཁང་གིས་གསར་འགོད་གསལ་བསྒྲགས་སྤེལ་བར་སྤྱི་འཐུས་གཅིག་གི་བར་མའི་འོས་བསྡུའི་ཁྲོད་བལ་ཡུལ་གནས་བཞུགས་བཀྲ་ཤིས་དོན་གྲུབ་ལགས་ཨང་དང་པོ་ཆགས་ཡོད་འདུག
དེ་རིང་སྔ་དྲོའི་ཆུ་ཚོད་ ༡༠ པའི་སྟེང་གངས་སྐྱིད་ལྷག་པ་ཚེ་རིང་ཚོགས་ཁང་དུ། བོད་མིའི་སྒྲིག་འཛུགས་འོས་བསྡུ་ལྷན་ཁང་གི་འགན་འཛིན་འཇམ་དཔལ་ཆོས་བཟང་མཆོག་དང་འགན་འཛིན་ལས་འཕར་དགེ་བཤེས་རིག་འཛིན་ཆོས་གྲགས་ལགས། གཡང་མཁོ་རྒྱལ་ལགས་བཅས་ལྷན་བཞུགས་ཐོག་མདོ་སྨད་སྤྱི་འཐུས་གཅིག་གི་བར་མའི་འོས་བསྡུའི་དངོས་གཞིའི་གྲུབ་འབྲས་སྐོར་ལ་གསར་འགོད་གསལ་བསྒྲགས་སྤེལ་བར། བལ་ཡུལ་གནས་བཞུགས་མགོ་ལོག་གསེར་རྟའི་བཀྲ་ཤིས་དོན་གྲུབ་ལགས་སུ་འོས་གྲངས་ ༥༨༦ ཐོབ་སྟེ་བརྒྱ་ཆ་ ༥༧།༡༧ ཆགས་ཡོད་སྟབས། རིང་མིན་ཁོང་གིས་སྐབས་བཅོ་ལྔ་པའི་མདོ་སྨད་སྤྱི་འཐུས་གཅིག་གི་ལས་འཁུར་དམ་འབུལ་ཞུ་རྒྱུ་ཡིན་འདུག
ཐེངས་འདིའི་བར་མའི་འོས་བསྡུར་དེབ་སྐྱེལ་བྱེད་མཁན་ ༣༩༨༦ བྱུང་ཡོད་པ་ལས་དངོས་སུ་འོས་ལྡུག་མཁན་ ༡༠༢༥ བྱུང་ཡོད་པའི་ཁྲོད། ཨང་དང་པོ་མགོ་ལོག་གསེར་རྟའི་བཀྲ་ཤིས་དོན་གྲུབ་ལགས་སུ་འོས་གྲངས་ ༥༨༦ ཐོབ་སྟེ་བརྒྱ་ཆ་ ༥༧།༡༧ ཆགས་ཡོད་པ་དང་། ཨང་གཉིས་པ་ཚངས་དབྱངས་རྒྱ་མཚོ་ལགས་སུ་འོས་གྲངས་ ༣༡༧ ཐོབ་སྟེ་བརྒྱ་ཆ་ ༣༠།༩༣ ཆགས་ཡོད་འདུག ཨང་གསུམ་པ་ཀརྨ་དགེ་ལེགས་ལགས་སུ་འོས་གྲངས་ ༡༡༣ ཐོབ་སྟེ་བརྒྱ་ཆ་ ༡༡ བཅས་ཆགས་ཡོད་འདུག
དགའ་བསུ་ཞུ་བ་དང་ཆབ་ཅིག་རེ་ཞུ་ནི། ཇོ་ནང་བའི་སྤྱི་འཐུས་ཤིག་གི་ས་མི་ལ་དགོངས་བཞེས་གནང་རྒྱུ་དེའོ།།