མཚོ་སྔོན་ཆབ་ཆ་གྲོང་བརྡལ་དུ་ཡོད་པའི་མཚོ་སྔོན་དགེ་ཐོན་སློབ་ཆེན་ནང་པཎ་ཆེན་ཞིབ་འཇུག་གླིང་ཞེས་པ་ཞིག་གསར་འཛུགས་བྱས་ཡོད་ཅིང་། ཞིབ་འཇུག་གླིང་དེའི་མཚན་བྱང་རྒྱ་གཞུང་གིས་ངོས་འཛིན་བྱས་པའི་པཎ་ཆེན་ཆོས་ཀྱི་རྒྱལ་བོ་ཟེར་བས་བཏགས་པ་ཡིན་འདུག
གོང་གི་གནས་ཚུལ་དེ་མཚོ་སྔོན་རྒྱ་ཡིག་གསར་འགྱུར་དྲ་བ་(www.qhnews.com)ཞེས་པའི་སྟེང་འདི་ལྟར་བཀོད་འདུག ཉེ་བའི་ཆར། མཚོ་སྔོན་དགེ་ཐོན་སློབ་ཆེན་པཎ་ཆེན་ཞིབ་འཇུག་གླིང་དངོས་སུ་བཙུགས་ཡོད་པ་དང་། འདི་ནི་རྒྱལ་ཡོངས་སུ་བཙུག་པའི་པཎ་ཆེན་ཞིབ་འཇུག་གླིང་དང་པོ་ཡིན། ༡༩༨༥ ལོར། མཚོ་སྔོན་མི་རིགས་དགེ་འོས་ཆེད་སྦྱོང་སློབ་གླིང་མཚོ་ལྷོ་ཁུལ་ཆབ་ཆ་གྲོང་བརྡལ་དུ་བཙུགས། ༡༩༨༦ ལོར་དམངས་ཆེན་ཨུ་ཡོན་ཀྲང་སྐུ་གཞོན་པཎ་ཆེན་སྐུ་ཕྲེང་བཅུ་བ་མཆོག་གིས་མཚན་འཛིན་སློབ་གཙོ་གནང་། ༡༩༨༧ ལོར་པཎ་ཆེན་བཅུ་བས་སློབ་གླིང་དེར་གཟིགས་བསྐོར་གྲུབ་རྗེས། སློབ་གླིང་གིས་མཚན་འཛིན་སློབ་གཙོའི་གཞུང་ལས་ཁང་བཟོ་བསྐྲུན་བྱེད་རྒྱུ་ཐག་གཅོད་གནང་བ་དང་། ༡༩༨༩ ལོའི་ཟླ་ ༩ ནང་ལེགས་འགྲུབ་བྱུང་། སློབ་དཔོན་ཆེན་མོ་པཎ་ཆེན་མཆོག་ནི་རྒྱལ་གཅེས་ཆོས་གཅེས་པ་ཞིག་དང་། མེས་རྒྱལ་གཅིག་གྱུར་དང་མི་རིགས་མཐུན་སྒྲིལ། བོད་ཁུལ་སྤྱི་ཚོགས་དར་སྤེལ་དང་དཔལ་འབྱོར་འཕེལ་རྒྱས་ལ་མཛད་རྗེས་བླ་མེད་བཞག་ཡོད་ལ། ཡང་སྒོས་མཚོ་སྔོན་མི་རིགས་དགེ་ཐོན་ཆེད་སྦྱོང་སློབ་གླིང་གི་འཛུགས་བསྐྲུན་དང་འཕེལ་རྒྱས་རོགས་རམ་དང་རྒྱབ་བསྐྱོར་ཤུགས་ཆེན་གནང་ཡོད།
༢༠༠༠ ལོར། རང་ཞིང་གིས་མཐོ་སློབ་ཁག་གི་སྒྲིག་རིམ་ལེགས་བཅོས་ཀྱིས་མཚོ་སྔོན་མི་རིགས་དགེ་འོས་ཆེད་སྦྱོང་སློབ་གླིང་དང་མཚོ་སྔོན་དགེ་ཐོན་སློབ་ཆེན་གཉིས་ཟླ་སྒྲིལ་བཏང་སྟེ། མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་དུ་བསྒྱུར་ཡོད། པཎ་ཆེན་སྐུ་ཕྲེང་རིམ་བྱོན་གྱི་རྒྱལ་གཅེས་རིང་ལུགས་ཀྱི་བསམ་བློ་བརྒྱུད་འཛིན་དང་དར་སྤེལ། པཎ་ཆེན་སྐུ་ཕྲེང་ན་རིམ་གྱི་རིག་གནས་ལྟ་གྲུབ་ལ་ཞིབ་འཇུག་དང་མི་རིགས་མཐུན་སྒྲིལ་གོང་སྤེལ་གྱིས་དཔེ་བཟང་ཁོར་ཡུག་བསྐྲུན་པའི་བྱ་འགུལ་སྤེལ་སླད། ༢༠༡༣ ལོར་མཚོ་སྔོན་དགེ་ཐོན་སློབ་ཆེན་གྱིས་མཚོ་ལྷོའི་ཆབ་ཆར་ཡོད་པའི་མཚན་འཛིན་སློབ་གཙོའི་གཞུང་ལས་ཁང་གཞི་རྟེན་ལ་བཟུང་ནས་པཎ་ཆེན་ཞིབ་འཇུག་གླིང་འཛུགས་པའི་ཐག་གཅོད་བྱས། དེ་ནས་སློབ་ཆེན་གྱི་དབུ་ཁྲིད་རྣམས་སྔ་རྗེས་ཐེངས་གཉིས་ལ་པེ་ཅིན་དུ་བསྐྱོད་དེ་པཎ་ཆེན་སྐུ་ཕྲེང་ ༡༡ མཆོག་ལ་པཎ་ཆེན་ཞིབ་འཇུག་གླིང་གསར་འཛུགས་ཀྱི་སྙན་ཞུ་ཕུལ་ནས་༼པཎ་ཆེན་ཞིབ་འཇུག་གླིང་།༽གི་མིང་བྱང་ཕྱག་བྲིས་གནང་བར་སྐྱབས་འཇུག་ཞུས། པཎ་ཆེན་བཅུ་གཅིག་པ་མཆོག་གིས་སློབ་ཆེན་གྱི་བྱ་བར་གདེངས་འཇོག་དང་བོད་རྒྱ་ཡིག་རིགས་གཉིས་ཀྱི་ལམ་ནས༼པཎ་ཆེན་ཞིབ་འཇུག་གླིང་།༽གི་མིང་བྱང་ཕྱག་བྲིས་གནང་ནས་བསྩལ།
༢༠༡༣ ལོའི་ཟླ་ ༧ཚེས་ ༨ ཉིན། པཎ་ཆེན་སྐུ་ཕྲེང་བཅུ་གཅིག་པས་པཎ་ཆེན་སྐུ་ཕྲེང་བཅུ་བ་མཆོག་གི་ཞབས་རྗེས་དེད་ནས་མཚོ་སྔོན་དགེ་ཐོན་སློབ་ཆེན་དུ་བྱ་བའི་རྟོག་ཞིབ་གཟིགས་བསྐོར་གནང་བ་དང་། ༼པཎ་ཆེན་ཞིབ་འཇུག་གླིང་།༽ནི་གཅིག་ལས་གཉིས་མེད་པའི་བྱ་བཞག་ཅིག་ཡིན་སྟབས། སློབ་ཆེན་ཀྱི་ཐད་ནས་ཁྱོན་ཡོངས་ཀྱི་ཞིབ་འཇུག་བྱ་བ་ལེགས་འགྲུབ་ཡོང་བའི་ཐུགས་རེ་གནང་། མཚོ་སྔོན་དགེ་ཐོན་སློབ་ཆེན་གྱིས་དེ་མ་ཐག་ཏུ་གཙིག་འཛིན་གྱིས་མ་དངུལ་གཏོང་བ་དང་། ཞིབ་འཇུག་པའི་དཔུང་ཁག་གསར་འཛུགས་ཐད་རོགས་རམ་གནང་བར་མ་ཟད། པཎ་ཆེན་ཞིབ་འཇུག་ལ་ཁྱད་ཆོས་མངོན་གསལ་དང་གྲུབ་འབྲས་གཡུར་དུ་ཟ་བ། ལྷག་པར་དུ་རྒྱལ་གཅེས་སློབ་གསོ་དར་སྤེལ་ལ་ཤུགས་རྐྱེན་བསྐྲུན་ཏེ་མི་རིགས་མཐུན་སྒྲིལ་གྱི་སློབ་གསོ། པཎ་ཆེན་ན་རིམ་གྱི་མཛད་རྗེས། རིག་གནས་བསམ་བློ་བཅས་ཀྱི་ལྟེ་གནས་ཤིག་ཏུ་བསྐྲུན་རྒྱུ། ༼ པཎ་ཆེན་ཞིབ་འཇུག་གླིང་།༽གིས་པཎ་ཆེན་སྐུ་ཕྲེང་ན་རིམ་གྱི་རྒྱལ་གཅེས་བསམ་བློ་མཐོར་འདེགས་རྩ་བར་བཟུང་སྟེ། ཆེད་ལས་མི་སྣ་རྩ་འཛུགས་ཀྱིས་རིག་གཞུང་ཞིབ་འཇུག་སྤེལ་བ་དང་། གྲུབ་འབྲས་ཁྲོད་ཆེད་ལས་མི་སྣ་གསོ་སྐྱོང་དང་རིག་གནས་བརྒྱུད་འཛིན་གྱིས་རང་ཞིང་གི་མི་རིགས་མཐུན་སྒྲིལ་དང་སྔོན་ཐོན་ཁོར་ཡུག་བསྐྲུན་པར་འཇོག་འོས་པའི་བྱས་རྗེས་འཇོག་གི་ཡིན། ཞེས་འཁོད་ཡོད་པ་ཀརྨ་བློ་གསལ་ལགས་ནས་བོད་བསྒྱུར་གྱིས་བསྐུར་འབྱོར་བྱུང་།
རྒྱལ་མཚན་ནོར་བུས་རྒྱ་གཞུང་ལ་དགེ་འདུན་ཆོས་ཀྱི་ཉི་མ་ཀློད་གྲོལ་དགོས་པའི་འབོད་སྐུལ་ཞུ་རོགས བྱས་ན་ག་འདྲ་འདུག་ཅིག་བྱས་ན་ནུས་པ་ཆེན་པོ་ཐོན་ཡོང་ཡང་མིན་ན་རྒྱལ་མཚན་ནོར་བུའི་ཚེ་སྲོག་ལ་རྒྱ་གཞུང་གིས་ལག་པ་ཆང་ཉེན་ཡོད་།
འདི་ནི་ཕྱི་ལོགས་སུ་པཎ་ཆེན་ཞིབ་འཇུག་ལ་འབྲས་བུ་ཏོག་ཙམ་ཐོན་ཟིན་པའི་རྟགས་ཤིག་རེད་འདོད། ཡིན་ནའི། དགག་བཞག་གི་རིམ་པར་གཞི་ནས་འགྲོ་ཡ་འགོ་ཚུགས་འདུག་པས། གཡུལ་ས་འདི་ནས་སུ་ཕམ་སུ་རྒྱལ་ལྟ་བྱར་ལྷག་ཡོད། ཕྱོགས་གཉིས་ཀར་ལས་ཀ་ཇེ་མང་ལ་སོང་བ་རེད། ཡག་པོ་རེད།
རྒྱལ་མཚན་ནོར་བུ་ལ་་འགྲོ་བ་མིའི་ཐོབས་ཐང་དགོས་་་་རྒྱ་དམར་གྱིས་ཁོའི་འདོད་མོས་མེད་པར་སྟོབས་ཤུགས་དྲག་པོས་བཙན་བཀའ་བཏང་བར་ངོ་རྒོལ་ཡོད།།།