གཟའ་པ་སངས་ཉིན་ནས་སྟག་ལུང་རྩེ་སྤྲུལ་རིན་པོ་ཆེ་མཆོག་ཡུ་རོབ་ཕིན་ལན་ཌིའི་ནང་ཆིབས་བསྒྱུར་བསྐྱངས་ཏེ་མི་མང་ལ་དབང་ལུང་གནང་འཆར་ཡོད་འདུག
གནས་ཚུལ་བཏང་འབྱོར་བྱུང་བ་ལྟར་ན། སྟག་ལུང་རྩེ་སྤྲུལ་རིན་པོ་ཆེ་མཆོག་ཟླ་འདིའི་ཚེས་ ༡༨ ཉིན་ཕིན་ལན་ཌིར་ཞབས་སོར་འཁོད་ཡོད་ཅིང་། སྐབས་དེར་ Finnish Tibetan Cultural Assocition བོད་ཕཱིན་མཉམ་འགྲེལ་ཚོགས་པ་དང་། བོད་བརྒྱུད་ནང་བསྟན་ཀྱི་ཆོས་ཚོགས་གཞན་རྙིང་མ་བཀའ་བརྒྱུད་དགེ་ལུགས་བཅས་ཀྱི་འཐུས་མི་རྣམ་པས་ཕེབས་བསུ་ཞུས་ཏེ། དྷ་ན་ཀོ་ཤའི་ཆོས་ཚོགས་ཀྱི་ཚོགས་ཁང་དུ་ཆོས་ཚོགས་ཀྱི་དབུ་འཛིན་སྤྲུལ་སྐུ་གྲགས་པ་མཆོག་ནས་མཎྜལ་རྟེན་གསུམ་འདེགས་འབུལ་དང་མང་ཚོགས་ཀྱིས་མཇལ་དར་ཕུལ་ཡོད་འདུག
ཕྱི་ཚེས་ ༢༦ དང་ ༢༧ གཉིས་ལ་ཡང་ཟབ་དཀོན་མཆོག་སྤྱི་འདུས་ཀྱི་བཀའ་དབང་གནང་རྒྱུ་ཡིན་པ་དང་། ཕྱི་ཚེས་ ༢༨ ཉིན་ཡུ་རོབ་ཁུངས་གཏོགས་ Poland ལ་ཕེབས་ཏེ་ཐུགས་རྗེ་ཆེན་པོའི་སྒྲུབ་ཆེན་དང་། ཀློང་ཆེན་སྙིང་ཐིག་གི་བཀའ་དབང་གནང་འཆར་ཡོད་འདུག
སྔ་འགྱུར་རྙིང་མའི་བླ་ཆེན་སྟག་ལུང་རྩེ་སྤྲུལ་རིན་པོ་ཆེ་མཆོག་ད་ལྟ་དགུང་གྲངས་ ༨༩ ལ་ཕེབས་ཡོད་འདུག
མཐོན་པོའི་ཁྲི་ལ་འགྱིང་བ་མང་མོད་ཀྱང།།
ངེས་དོན་བསླབས་གསུམ་གཙང་མའི་དཔལ་ཡོན་གྱིས།།
བསྟན་འགྲོར་སྨན་པའི་མཛད་རླབས་ཆེར་མངོན་པ།།
དཔལ་ལྡན་སྟག་ལུང་བླ་མ་ཁྱེད་ཉིད་ཙམ།།
རིན་པོ་ཆེ་མཆོག་གི་མཚན་མང་པོ་གོ་བ་ལས་ཞལ་དངོས་སུ་མཇལ་མྱོང་མེད་པ་མ་ཟད། དེ་སྔོན་སྐུ་པར་ཙམ་ཡང་མཇལ་མྱོང་མེད་ཀྱང་དེ་རིང་འདིར་ཞལ་གསལ་བོར་མཇལ་རྒྱུ་བྱུང་བ་བསྐལ་བ་བཟང་ངོ་།། སྟག་ལུང་རྩེ་སྤྲུལ་རིན་པོ་ཆེ་མཆོག་གིས་རྗེས་སུ་འཛིན་པར་སྐྱབས་འཇུག་ཞུ།།།།།།།