དབུས་བོད་ཀྱི་བོད་མེད་ལྷན་ཚོགས་ཀྱིས་གོ་སྒྲིག་བྱས་པའི་༼བཙན་བྱོལ་བོད་ཀྱི་བུད་མེད་ལ་ཁྲིམས་དོན་གྱི་ནུས་སྟོབས་གོང་འཕེལ།༽ཞེས་པའི་ཉིན་ལྔའི་རིང་གི་ཟབ་སྦྱོང་དེ་རིང་མཇུག་བསྒྲིལ་ཡོད་འདུག
བུད་མེད་ལྷན་ཚོགས་ཀྱིས་མཇུག་བསྡོམས་གནས་ཚུལ་བཏང་འབྱོར་ལྟར་ན། ཐེངས་འདིའི་ཟབ་སྦྱོང་ལ་མཉམ་ཞུགས་གནང་མཁན་མི་གྲངས་ ༦༠ ཡིས་ང་ཚོའི་བཙན་བྱོལ་སྤྱི་ཚོགས་ནང་ཕོ་མོ་དབྱེད་འབྱེད་དང་ཁྲིམས་དོན་ནུས་སྟོབས་གོང་སྤེལ་གཏོང་ཐབས་ལ་ཤུགས་རྒྱག་རྒྱུའི་དམ་བཅའ་བཞག་ཡོད་པ་དང་། སྐྱེས་པ་ ༨ ཀྱིས་བོད་པའི་སྤྱི་ཚོགས་ནང་བདེ་འཇགས་ཀྱི་ཁོར་ཡུག་བསྐྲུན་ཐབས་ཐོག་ཤུགས་རྒྱག་རྒྱུའི་དམ་བཅའ་བཞག་ཡོད་འདུག
ཟབ་སྦྱོང་ཉིན་བཞི་བར་ཟབ་སྦྱོང་ལ་ཞུགས་མཁན་ཡོངས་ལ། ༧གོང་ས་མཆོག་ལ་མཇལ་བཅར་གོ་སྐབས་བྱུང་ཡོད་པ་དང་། སྐབས་དེར་༧གོང་ས་མཆོག་གིས། “འདི་ལྟ་བུ་ཁྲིམས་དོན་ནུས་སྟོབས་གོང་སྤེལ་གྱི་ཟབ་སྦྱོང་རིགས་མུ་མཐུད་སྤེལ་དགོས་པ་རེད་ལ། བུད་མེད་གཅིག་པུར་མ་ཡིན་པར་སྐྱེས་པ་ཕོ་ལའང་དེ་མཚུངས་སུ་གོ་རྟོགས་སྤེལ་དགོས་པ་རེད། སྤྱི་ཚོགས་ཀྱི་ཕོ་དང་བུད་མེད་གཅིག་པུར་ཕན་ཐོགས་སྒྲུབ་པ་ཙམ་མ་ཡིན་པར། མ་གྱུར་སེམས་ཅན་ཐམས་ཅན་ལ་ཕན་པ་སྒྲུབ་ཐབས་གནང་དགོས” ཞེས་བཀའ་གནང་ཡོད་འདུག
ཟབ་སྦྱོང་སྔོན་འགྲོའི་ཉིན། དཔལ་རྒྱལ་བ་ཀརྨ་པ་མཆོག་ལ་མཇལ་བཅར་ཁོང་གིས། ཁོང་གི་ངོས་ནས་ནང་བསྟན་ཆོས་ལུགས་ཀྱི་ཆོ་ཁ་དང་ཕྱག་ལེན་ཁྲོད་ན་ཕོ་མོ་དབྱེ་འབྱེད་ཏོག་ཙམ་ཡོད་པའི་དོ་སྣང་བྱུང་མྱོང་ཡོད་སྐོར་དང་། ཐེངས་འདིའི་ཟབ་སྦྱོང་ལ་ཞུགས་མཁན་ཚོས་མཐོང་རྒྱ་དང་ཐོས་རྒྱ་སྐྱེད་ནས་སྤྱི་ཚོགས་གཞན་དང་གཞན་གྱི་སླད་དུའང་རོགས་ཕན་དང་ཐུགས་ཁུར་གནང་དགོས་པ་དང་། བུད་མེད་ཚོགས་སྡེ་གཞན་དང་མཉམ་རུབ་ཀྱི་ཕྱག་ལས་གནང་ཐབས་ལ་འབད་དགོས་སྐོར་སོགས་གསུངས་ཡོད་འདུག
བོད་ཀྱི་བུད་མེད་ལྷན་ཚོགས་ཀྱིས་ཁྲིམས་དོན་ཀྱི་སྦྱོང་བརྡར་དང་ཟབ་སྦྱོང་ཐོབ་རིགས་ལ་དཔང་རྟགས་ཕྱག་འཁྱེར་སྤྲོད་བཞིན་ཡོད་པ་དང་། ཐེངས་འདིའི་ཟབ་སྦྱོང་ཐོག་ ༼རྒྱ་གར་ཁྲིམས་ཁ་ན་བུད་མེད་དང་བྱིས་པ་སྲུང་སྐྱོབ་གང་ཡོད་པ་ངོ་སྤྲོད་ཀྱི་རྒྱུན་སྤྱོད་ལག་དེབ།༽ཅེས་དབྱིན་བོད་གཉིས་ནང་ཡོད་པའི་ལག་དེབ་ཅིག་ཀྱང་བཀྲམས་ཡོད་འདུག
ཐེངས་འདིའི་ཟབ་སྦྱོང་དེ་ཚེས་ ༤ ནས་ ༧ བར་ཉིན་བཞིའི་རིང་སྤྲོད་ཡོད་པ་དང་། ས་གནས་བུད་མེད་ ༡༣ དང་ལྡི་ལི་མཐོ་སློབ་གཙོས་པའི་མཐོ་སློབ་ཁག་ཅིག་བཅས་ནས་མི་ ༦༠ ཙམ་མཉམ་ཞིག་གནང་ཡོད་འདུག
བོད་པའི་བུད་མེད་ཚོའི་བོད་ཡིག་མི་བྱང་པ་བོད་ཀྱི་རིགས་གནས་ལ་དོ་སྣང་ཡེ་ནས་མི་བྱེད་བཙན་བྱོལ་བུ་མོ་ཚོའི་ཕྱི་ཡི་སྐད་ཡིག་མ་གཏོག་བོད་ཡིག་རིགས་གནས་ལ་ཞེ་པ་རྟིང་ནས་ལོག སྣང་བྱེད་ཀྱི་ཡོད་པར།བུད་མེད་བོད་ཡིག་དགེ་རྒན་ནི་ཉིན་སྐར་ལྟར་དཀོན།་ བོད་ཀྱི་རིགས་གནས་ཆད་ཁྲིད་བྱེད་མཁན་དེ་ བའི་དཀོན། བུད་མེད་ལ་ཐོབ་ཐང་རི་ཙམ་སྤྲད་ཀྱང།ཕན་ཐོག་རྟིང་འབྲུ་ཙམ་མེད།
བོད་པའི་བུད་མེད་ཀྱི་ཐོབ་ཐང་རྩོད་རྒྱུ་ཡིན་ཟེར་མཁན་ཁ་ཤས་ཀྱིས་སྐྱེས་པ་ཚོར་སྡང་སེམས་ལྟ་བུ་ཞིག་གི་ཐོག་ནས་ཁྱིམ་ཚང་ནང་ཁུལ་དང་། ཁྱོ་ག་སྐྱེས་དམན་བར། གྲོགས་ཕོ་མོའི་བར་སོགས་སུ་ཐོབ་ཐང་དང་འདྲ་མཉམ་རྩོད་པ་རྒྱག་མཁན་ཡོང་གི་ཡོད་པ་དེ་དག་སྤྱི་ཚོགས་དཀྲུག་མཁན་དང་། བོད་པའི་གོམ་གཤིས་བཟང་བོ་གཏོར་མཁན། ཀླད་པ་སྟོང་པ་དང་སེམས་པ་ནག་པོ་དག་རེད་དོ།།