དྷ་ཤོད་བོད་ཁྱིམ་གྱི་སློབ་མ་ཞིག་འདས་གྲོངས།

དྷ་ཤོད་བོད་ཁྱིམ་སློབ་གྲྭའི་སློབ་མ་བཀྲོངས་བ།

སྐབས་འདིར་བཀྲོངས་ཞེས་པ་ནི། དམིགས་སུ་བཀར་ནས་མི་གསོད་ཁྲག་སྦྱོར་བྱས་པ་ལ་ཚིག་དོན་གྱི་གོ་བ་མིན། སློབ་གྲྭའི་སྒྲིག་གཞི་དང་སློབ་ཕྲུག་གི་འགན་དབང་ཆ་ཚང་དྷ་ཤོད་སློབ་གྲྭ་ལ་ཡོད་པའི་བདག་ཐོན་ལེགས་བསྒྲུབས་མ་བྱུང་བ་ལས་འབྲས་བུ་འདས་གྲོངས་གྱུར་བ་ལ་གོ་བ་ཡིན།
ཨེ་མ་་་ བོད་ཕྲུག་ཁྱིམ་སྡེ་དྷ་ཤོད་སློབ་གྲྭ་ནི། བཙན་བྱོལ་སློབ་གྲྭ་དྲག་ཤོས་ཡིན་སྙམ་བཞིན་ད་བར་ངའི་མིག་མཐོང་ལག་ཟིན་དུ་སློབ་ཕྲུག་གསུམ་སློབ་གྲྭ་ར་བ་འདིའི་སྒྲིག་གཞི་ལྟར་རྐྱེན་ལམ་དུ་གཏོང་ཟིན། མ་འོངས་སློབ་གྲྭའི་སྒྲིག་གཞི་ལྟར་ཇི་ཙམ་དགྲོང་འཆར་ཡོད་ན་ཨ་་་་་་་་ སྒྲིག་ལམ་འདི་ནི། སྣོད་ཞབས་རྡོལ་བ་ཞེས་པ་དེ་གསལ་བོར་མངོན་བཞིན་འདུག འདི་ནི་དྷ་ཤོད་སློབ་གྲྭའི་ཞབས་འདྲེན་རེད་ལ་བསམ་ཡུལ་ལས་འདས་པའི་ངོ་མཚར་གྱི་གཏམ་ངན་ཞིག་ཀྱང་རེད།
དངོས་སུ་མྱོང་ཚོར་ལས། འདས་པོ་༡༽ གོང་གསལ་ཨ་མདོ་གྲོང་གསེབ་འགྲོ་སའི་གསུམ་མདོའི་དོན་རྐྱེན་དང་། འདས་པོ་༢༽ སློབ་གྲྭའི་ཁྱིམ་ཚང་ཞིག་གི་ཞལ་ལག་ཆོ་མན་(Choemien)ནང་སྒོང་དུག་ཤོར་ཏེ་སློབ་ཕྲུག་འགའ་ཤས་གྲོད་པ་བཤལ་བ་དང་། ཁ་གཅིག་སྐྱུག་པ་སོགས་ངོ་མཚར་གནས་ཚུལ་དེ་ལ་བརྟེན་ནས་སློབ་མ་གཅིག་ཚེ་ལས་འདས། འདས་པོ་༣༽ རྒྱུ་གཙོ་བོ་ནི། ཕྱི་ཟླ་༨ ཚེས་༢༣ ཉིན་ཁྱིམ་ཚང་༨ པའི་ཨ་མ་ཨུ་རྒྱན་ལགས་ཀྱིས་ཁྱིམ་ཚང་འདིའི་སློབ་ཕྲུག་རྣམས་སློབ་གྲྭའི་ཕྱིར་སྐྱོད་ཁྲིད་ཏེ་སློབ་མ་ཉམ་ཆུང་དེ་ཉིད་རྐྱེན་ལམ་དུ་སོང་། རྐྱེན་ནི། སློབ་ཕྲུག་དཔལ་འབར་དང་ཁྱིམ་གྲོགས་ཚོ་ཁག་གཅིག་ཡོད་འདུག སློབ་ཕྲུག་འགའ་ཤས་རྒྱ་གར་ཚོང་ཁང་ཐོག་ཁར་སྒོང་བག་(Egg Toast)ཟོས་ཚར་ནས་འབུད་རྒྱག་དང་གློག་འཁྱུད་ལས་བྱུང་འདུག གློག་ཏར་ནི་རྒྱ་གར་གཞུང་གི་མཐུད་སྦྱོར་བྱས་པའི་གློག་སྐུད་ཨ་མ་དེ་རེད། གློག་སྐུད་དེ་རྒྱ་གར་ཚོང་ཁང་གི་ཁང་ཐོག་ཐ་ནས་ཕི་ཊི་གཅིག་གི་ཉེས་འགྲམ་དུ་འདུག
བཤད་སྲོལ་ལ་སྒོང་ང་ལྷག་ཕྲོའམ་ཟས་ལྷག་གཡུགས་པ་ལས་བྱུང་འདུག་ཞེས་སློབ་གྲྭ་ལས་སྣེ་ཞིག་གིས་ཟེར།(ལས་སྣེ་དེའི་མིང་འདིར་མ་བཀོད། Egg Toast འཇོག་སའི་སྡེར་མ་ཤོག་བུ་ཡིན་འདུག་ལ་ཤོག་བུའི་སྡེར་མ་འཕངས་པ་དངོས་ཡོད་གནས་ཚུལ་ཡིན་ནའང་དོན་རྐྱེན་དེ་ལས་བྱུང་བ་ཞིག་གཙོ་བོ་དེ་རེད་མིན་འདུག མདོར་ན། སློབ་གྲྭའི་སྒྲིག་གཞི་ལྟར་སློབ་གྲྭའི་ཕྱིར་སྐྱོད་ཁྲིད་དེ། ཡང་ང་བའི་སློབ་ཕྲུག་དེ་བཀྲོངས་པ་ལ་བསྔགས་བརྗོད་ཞུ་རྒྱུ་ཡིན། ཕ་མ་གཉིས་ལ་བུ་གཅིག་དང་བོུ་གཅིག་ཡོད་པ་ལས་བུ་དེ་དྷ་ཤོད་སློབ་གྲྭ་ནས་མེད་པ་ཆག་པ་རེད། ཁོང་གཉིས་ལ་མ་ཟོད་པའི་སྡུག་བསྔལ་དེ། ངའི་སེམས་ཁོང་ནང་ལྷམ་མེར་ཚོར་བཞིན་འདུག དེ་འདྲའི་བློ་བུར་དུ་སེམས་ཁྲལ་དང་འཇིགས་སྣང་གི་དངོས་ཡོད་གནས་ཚུལ་དེ་ངས་བསམ་ཡུལ་ལ་མ་དྲན། སློབ་གྲྭ་འདིའི་ནང་ཡོད་པའི་སློབ་ཕྲུག་གི་ཕ་མ་ཙམ་མ་ཡིན་པར་རྩམ་ཟན་ཕ་མ་ཚང་མས་སེམས་ཚབ་ཡོད་པ་ཚོར་སྣང་དྲག་པོ་སྐྱེད་བཞིན་འདུག ཕྱི་ལོ་༢༠༡༤ ཕྱི་ཟླ་༨ ཚེས་༢༩ ཉིན་དྷ་ཤོད་སློབ་གྲྭའི་སློབ་མ་རྐྱེན་ལམ་དུ་གཏོང་བ་ནི། ངའི་མིག་ལམ་དུ་མཐོང་ཐོས་དངོས་སུ་བྱུང་བ་ཐེངས་གསུམ་པ་རེད།
ཛ་དྲག་དེ་ལྟ་བུའི་སློབ་མ་ལ་ཛོ་ནོལ་སྨན་ཁང་ཁྲིད་པ་ཐུགས་རྗེ་ཆེ་ཞུ་རྒྱུ་དང་། ད་ཆ་སྨན་ཁང་དེའི་གནས་སྟངས་ནི། གནས་སྡོད་མི་སྣ་ང་ཚོས་གསལ་པོ་མཁྱེན་གསལ་རེད། བོད་མི་ནང་ཁུལ་ཁོ་མོས་བློ་རྒྱ་ཡངས་ལ་ཅི་བྱ་གཏོལ་མེད་འགྱུར་ཏེ་དོན་རྐྱེན་འདི་ནི་ཁྲིམས་ལ་ཞུ་གཏུག་བྱེད་ན་དེའི་མ་ཕན། འདས་པོའི་པཱ་ལགས་ཀྱི་མཛའ་གྲོགས་གཅིག་དྷ་ཤོད་སློབ་གྲྭ་འདིའི་ལས་དྲུང་རེད་འདུག
འདས་གྲོང་དུ་སོང་བའི་སློབ་མ་དེ། དྷ་ཤོད་སློབ་གྲྭའི་འགན་འཛིན་རྣམ་གཉིས་ཀྱི་བུ་ཕྲུག་ཡིན་ན། ད་ཚོད་སློབ་གྲྭའི་སྒྲིག་གཞི་འདི་ཇི་ལྟར་བྱེད་སྙམ། སློབ་མ་དེ་སྨན་ཁང་གང་འདྲ་ཞིག་ལ་ངོ་གཏུག་བྱེད་དམ། གནས་ཚུལ་དེ་ཚོ་རང་མགོ་ཐོག་དུ་འབབ་དུས་གསལ་པོ་ཡོང་ངེད་རེད།
གང་ལྟར་ཡང། དྷ་ཤོད་སློབ་གྲྭའི་ལས་ཀྱི་སྣེ་མོ་བས་འདས་པོའི་ཕ་མ་གཉིས་ལ་རོགས་རམ་གང་ཐུབ་གནང་བར་བཀའ་དྲིན་ཆེ་ཞུ་རྒྱུ་དང་། འཛིན་རིམ་བདུན་པ་འགྲིམ་བཞིན་པའི་སློབ་ཕྲུག་སངས་རྒྱས་བྱང་ཆུབ་བཀྲོངས་བ་དེ་ནི། དྷ་ཤོད་སློབ་གྲྭའི་ལོག་རྒྱུས་ནང་ངས་རྒྱུས་མངའ་གསལ་པོ་ཡོད་པ་སློབ་མ་ཐེངས་གསུམ་པ་རེད།།
སེམས་ཚོར་དྲག་པོའི་རེ་སྐུལ་ཞུ་རྒྱུ་མང་དག་ཡོད་ཀྱང་། ཞུ་མཁན་ཆུང་དྲག་པ་དང་ཞུ་ས་མཐོ་དྲག་པའི་སྐབས་འདིར་ངས་ཞུ་ཐབས་བྲལ། འོན་ཀྱང་མ་འོངས་པར་ཕྱི་ནང་གི་སྒྲིག་ཁྲིམས་ཡོད་ནའང། སྐབས་མཚམས་ཐོག་མ་ཉིད་ནས་སྒྲིག་འཛུགས་གནན་པོ་གནང་དགོས། ཐུས་ཤོར་ནི་སྒྲིག་འཛུགས་གནན་པོ་མེད་པ་ལས་བྱུང་བ་གསལ་པོ་རེད། ཨ་མ་ལགས་གཅིག་གིས་སློབ་ཕྲུག་གྲངས་༡༥།༣༠།༤༠།ཇི་ཙམ་སློབ་གྲྭའི་ཕྱིར་སྐྱོད་ཁྲིད་རུང་དེ་ལ་ལྤགས་པའི་བལྟ་སྐྱོངས་མི་སྣ་དང་དམིགས་བསལ་སྒྲིག་ཁྲིམས་དམ་གཟབ་སོགས་དགོས་གལ་ཤིན་ཏུ་ཆེ་བའི་སེམས་ཚོར་དྲག་པོ་ཟིན་བྲིས་འདི་ན་ཐལ།
སྤྱིར་གཏང་རྒྱུས་མངའ་གནས་ཚུལ་ཟུར་ཙམ་བརྗོད་པ། ངས་ནམ་རྒྱུན་ཟླ་བ་རེ་གཉིས་བར་ཐེངས་རེ་ཕྲུག་གུ་ཐུག་འཕྲད་དུ་བསྐྱོད་པ་མིག་ཐོང་ལག་ཟིན་གྱིས་གནས་ཚུལ་ཆུ་ཐིག་ཙམ་གླེང་ན། སློབ་ཕྲུག་འགའ་ཤས་རང་གི་ཕ་མ་ལྷན་དུ་སློབ་གྲྭའི་བར་སེང་སྤེན་པ་གཉིས་པ་དང་སྐབས་མཚམས་བཞི་པའི་དུས་སུ་ཁྱིམ་ཚང་ཨ་མ་ལགས་ཀྱི་ལག་ཐོག་ཁ་པར་བརྒྱུད་འབྲེལ་བ་བྱ་བཞིན་ཡོད་ནའང་། སློབ་ཕྲུག་ཁ་གཅིག་རྨས་སྐྱོན་སོགས་གནས་ཚུལ་ཆུང་ཚག་རིགས་སྦ་གསང་བྱ་དགོས་པའི་ཉེས་རྡུང་གཏོང་གིས་ཡིན་ཞེས་སློབ་ཕྲུག་ཚོ་ཁྱིམ་ཚང་ཨ་མ་ལགས་ཀྱིས་ཞེད་སྣང་སྐུལ་ཏེ་ཕ་མ་ལ་བཤད་མ་འཇུག་པར་ཐབས་ཇུས་ངན་པའི་གནས་ཚུལ་དེ་རིགས་ངས་ཤེས་རྟོགས་གསལ་པོ་ཡོད། ཐ་ན་ཐབས་ཇུས་ངན་པའི་གནས་ཚུལ་ཆུང་ཚག་འདི་ནི། ཕྲན་ཙམ་མིན་པར་སློབ་ཕྲུག་རང་ཉིད་དང་དྷ་ཤོད་སློབ་གྲྭ་སྐོར་བསྐྱོད་བྱ་བཞིན་པའི་ཕ་མ་འགའ་ཤས་གསལ་བོ་མཁྱེན་གསལ་རེད། སྒྲིག་ཁྲིམས་དང་ཁྱིམ་ཚང་ཨ་མ་ལགས་ཀྱིས་བྱ་སྤྱོད་ནི། བཟང་སྤྱོད་ཀྱི་དྲི་མ་ཙམ་མེད་པ་དང་ཁྱིམ་ཚང་རེ་ཟུང་ཨ་མ་ལགས་ཀྱིས་ལས་འགན་མ་སྒྲུབ་པ་གསལ་པོ་ཡིན་པ་ངས་སྐད་ཤུག་ཐོན་པོ་དང་སེམས་ཚོར་དྲག་པོས་བཟོད་སྒོམ་མི་ཐུབ་ཅིང་། ཤ་ཚ་ཆེན་པོའི་ངང་ཞུ་ཡིས་ཡོད།།
དངོས་ཡོད་བདེན་པའི་རྔ་སྒྲ། རྟོག་ཞིབ་ལས།

རྡ་ཤོད་བོད་ཁྱིམ་ནི་བོད་ཁྱིམ་སློབ་གྲྭ་ཁག་ལས་སློབ་སྦྱོང་སྐྱོ་ཤོས་དང་། བོད་ཀྱི་ཆོས་དང་རིག་གཞུང་ཐད་ལ་མུན་ནག་ཡིན་པའི་སློབ་གྲྭའི་མིང་ཙམ་ཞིག་རེད།སྔོན་ཆད་སློབ་གྲྭ་འདི་ནས་སྒོ་ངའི་ཟས་དུག་ཐེབས་ཞབས་འདྲེན་བྱས་པར། ༧གོང་ས་མཆོག་གིས་བཀའ་ཀྱོན་གནང་ཡོད། ད་ལྟ་ཡིན་ན་ཡང་རྒྱ་མི་ལས་སྡུག་པའི་ལས་ངན་རྩོམ་བཞིན་པ་རེད། སློབ་གྲྭ་འདི་ལ་ངོ་མ་རེ་བ་མེད། ཁོ་ཐག་ཆད་སོང་།

ཁོང་འདས་གྲོངས་སུ་ཕྱིན་པར་མྱ་ངན་གུས་འདུད་ཞུ་བ་དང་ལྷན་དུ་དོན་སྐྱེན་དེ་འདྲ་ལོ་ཉེ་བའི་ནང་ཕལ་ཆེར་ཐེངས་གཉིས་པ་དེ་རེད་བསམ་བྱུང་།གཅིག་དེ་མེག་ལོར་ཨ་མདོ་གྲོང་གསེབ་ལ་འགྲོ་སའི་སུམ་མདོ་རྫིང་རི་ཟ་ཁང་དུ་རེད།དེ་ཡང་གློག་གི་དོན་སྐྱེན་འོག་ནས་འཁོར་ཡུག་སྲུང་སྐྱོབ་ཚན་པའི་ལས་མི་པར་རྒྱག་མཁན་ཞིག་འདས་གྲོངས་སུ་ཕྱིན་ཡོད།དེ་ནི་དངོས་སུ་གོ་ཐོས་བྱུང་བ་ཤ་སྟག་རེད།ད་དུང་བོད་པའི་སྤྱི་ཚོགས་ནང་དེ་འདྲའི་དོན་སྐྱེན་བྱུང་ཡོད་མེད་ཆ་མ་འཚལ།དེ་འདྲ་སོང་ཙང་རྒན་གཞོན་གང་ཡིན་ཅིང་ཧ་ཅང་གཟབ་དགོས་པར་འདུག་སྙམ།གློག་ཆས་སྟངས་འཛིན་འོག་ལ་ཡོད་མེད་གང་འདྲ་ཞིག་ཡིན་ཡང་ས་ནས་མི་ཞིག་གི་ཕྲག་ཁའི་མཚམས་ཀྱི་གློག་གི་ཀ་བའི་མཚམས་ནས་གློག་སྐུད་མཐུད་མཚམས་འགྱིག་ཤོག་གིས་མ་བཏུམ་པར་བཞག་པ་ག་ས་ག་བ་ན་གཅིག་མཚུངས་རེད།དོ་སྣང་མ་སྤྲད་པར་ལག་པ་ཐུག་ཚེ་དོན་སྐྱེན་གཅིག་པ་ལྟར་བྱུང་རྒྱུ་ཉག་གཅིག་རེད།ཐ་ན་ཕྲུ་གུ་ཞིག་གིས་ལག་པ་སྙོབ་སར་གློག་གི་ཉེན་ཁ་སྣང་མེད་དུ་བཞག་པ་རེད།དོན་དངོས་ཁྲིམས་ཤིག་ཡོད་ན་ས་གནས་དེ་དང་དེའི་གློག་གི་ཁ་འཕྲོ་བ་ཚོར་འགན་ཡོད་མོད།ཡིན་ཡང་དོན་དངོས་ཁྲིམས་ཐོག་གི་རེ་བ་ཞིག་ཡོད་བསམ་རྒྱུ་ཁག་པོ་རེད།གློག་བརྒྱབས་ཚར་རྗེས་སྨན་ཁང་ཇི་འདྲའི་ཚད་མཐོན་པོ་ཞིག་ཏུ་བསྐྱལ་ཅིང་བརྒྱ་ཆའི་བརྒྱ་ཐམ་པ་སྲོག་སྐྱོབས་རྒྱུ་ཁག་པོ་རེད།འོ་ན་ཐབས་ཤེས་གཞན་མེད་དམ་ཞེ་ན་ལོས་ཡོད།ཚེ་སྲོག་མྱུར་སྐྱོབས་བྱེད་པ་ལ་དོན་སྐྱེན་བྱུང་སའི་ས་ཆ་དེ་ག་རང་ནས་ས་དོང་བརྐོས་ཏེ་མི་དེའི་ཧམ་དང་གྱོན་ཆས་ཡོངས་སུ་ཕུད་དེ་ཆུ་ཚོད་ཕྱེ་ཀ་ཞིག་གི་རིང་ལ་གཟུགས་པོའི་ཁོག་སྨད་ས་འོག་ཏུ་བཅུག་དགོས།དེ་ནས་སྨན་ཁང་དུ་བསྐྱལ་ཐབས་བྱས་ན་ད་གཟོད་བརྒྱ་ཆའི་དགུ་བཅུ་གོ་དགུ་མྱུར་སྐྱོབས་བྱེད་ཐུབ།ཐབས་ལམ་དེ་མ་བརྒྱུད་ཚེ་སྨན་ཁང་དུ་བསྐྱལ་ཡང་གཟུགས་པོའི་ནང་དུ་ལྷག་པའི་གློག་དེ་འཁོར་སྐྱོད་ཀྱིས་སྐར་ཆ་རེ་རེ་བཞིན་ཁྲག་གི་རྒྱུ་བ་ནས་དོན་ལྔ་སྣོད་དྲུག་རིམ་པར་འཚིག་གི་ཡོད།སྐབས་དེ་དུས་སྨན་པ་སུ་ཞིག་གིས་ཅིང་ཐབས་ཤེས་མེད།སྤུན་ཟླ་ཚང་མས་དོ་སྣང་དང་ཡིད་གཟབ་ཀྱིས།