རྒྱ་ནག་སྲིད་འཛིན་ཞི་ཅིན་ཕིན་རྒྱ་གར་ནང་སྐོར་སྐྱོད་དང་འབྲེལ་ནས་རྒྱ་ནག་གིས་ལོ་ལྔའི་ནང་རྒྱ་གར་ལ་ཨ་སྒོར་ཐེར་འབུམ་ ༡༠༠ ཡི་མ་འཛུགས་མཉམ་ལས་བྱ་འཆར་ཡོད་འདུག
ཟླ་འདིའི་ཚེས་ ༡༧ ནས་ ༡༩ ཉིན་བར་རྒྱ་ནག་གི་སྲིད་འཛིན་ཞི་ཅིན་ཕིན་རྒྱ་གར་ནང་གཟིགས་སྐོར་གནང་རྒྱུ་ཡིན་པ་དང་། འདི་ནི་ཞི་ཅིན་ཕིན་རྒྱ་ནག་གི་སྲིད་འཛིན་དུ་བསྡད་རྗེས་ཀྱི་རྒྱ་གར་ནང་སྐོར་སྐྱོད་གནང་བ་ཐོག་མ་དང་། ནཱ་རེན་ཌ་མུ་དྷེ་རྒྱ་གར་སྲིད་བློན་དུ་བསྡད་རྗེས་རྒྱ་ནག་གི་སྲིད་འཛིན་རྒྱ་གར་ནང་སྐོར་སྐྱོད་ཐོག་མ་བཅས་ཆགས་རྒྱུ་ཡིན་འདུག
ད་རེབ་རྒྱ་དཀར་ནག་གཉིས་ཀྱི་མགོ་ཁྲིད་ཐུག་འཕྲད་དང་བསྟུན་ཏེ། རྒྱ་གཞུང་གིས་ཨ་སྒོར་ཐེར་འབུམ་ ༧ གྱིས་འགྲོ་གྲོན་བཏང་ནས་རྒྱ་གར་གྲོང་ཁྱེར་པུ་ནེ་དང་གྷན་དྷི་ནཱ་གྷར། ཏ་མིལ་ནཱ་ཌོ་བཅས་ནང་རྒྱ་ནག་གི་བཟོ་སྐྲུན་ཁེ་ལས་ (Industrial park)གསར་འཛུགས་དང་། རྒྱ་ནག་གིས་ཨ་སྒོར་ཐེར་འབུམ་ ༥༠ ཡི་མ་འཇོག་བྱས་ཏེ་རྒྱ་གར་ནང་མྱུར་ཚད་ལྡན་པའི་མེ་འཁོར་ལྕགས་ལམ་བཟོ་སྐྲུན། གཞུང་ལམ་རྒྱ་སྐྱེད་དང་གྲུ་ལམ་ (Port) གསར་བཟོ། གློག་ཤུགས་རྒྱུད་གཏོང་བཅས་ཀྱི་ཐོག་མཉམ་ལས་བྱ་རྒྱུ་ཡིན་པ་མ་ཟད། རྒྱ་ནག་གིས་རྒྱ་གར་ནང་རླངས་འཁོར་བཟོ་སྐྲུན་ཁེ་ལས་དང་ཟས་རིགས་ཀྱི་ཁེ་ལས་གསར་འཛུགས་བཅས་ལོ་ལྔའི་ནང་རྒྱ་ནག་གིས་རྒྱ་གར་ནང་ཨ་སྒོར་ཐེར་འབུམ་ ༡༠༠ ཡི་མ་འཛུགས་མཉམ་ལས་བྱ་རྒྱུ་ཡིན་སྐོར་བསྒྲགས་འདུག དེ་ནི་ཟླ་འདིའི་ཚེས་ ༣ ཉིན་རྒྱ་གར་གྱི་སྲིད་བློན་ནཱ་རེན་ཌ་མུ་དྷེ་ཉི་ཧོང་ནང་སྐོར་སྐྱོད་ཀྱིས་ཉི་ཧོང་གཞུང་གིས་རྒྱ་གར་ནང་ལོ་ལྔའི་ནང་ཚུད་དུ་ཨ་སྒོར་ཐེར་འབུམ་ ༣༥ ཡི་མ་འཛུགས་བྱ་རྒྱུའི་ལས་འཆར་ཡོད་པ་དག་ལས་ལྡབ་གསུམ་གྱིས་མང་བ་ཆགས་ཡོད་འདུག
ཟླ་འདིའི་ཚེས་ ༡༢ ཉིན་རྒྱ་གར་གྲོང་ཁྱེར་མོམ་བྷེ་ནང་ཡོད་པའི་རྒྱ་ནག་གི་ཚོང་དོན་སྐུ་ཚབ་ལེའུ་ཡུ་ཧྥ་ (Liu Youfa) ཡིས་རྒྱ་གར་དུས་བབ་གསར་ཁང་ལ། “ད་རེབ་སྲིད་འཛིན་ཞི་ཅིན་ཕིན་རྒྱ་གར་ནང་སྐོར་སྐྱོད་གནང་སྐབས་ཏེ། ལོ་ལྔའི་ནང་རྒྱ་ནག་གཞུང་གིས་རྒྱ་གར་ནང་ཉི་ཧོང་གིས་མ་འཇོག་བྱ་འཆར་ཡོད་པ་ལས་ལྡབ་གསུམ་ཙམ་གྱིས་མང་བའི་མ་འཛུགས་བྱས་ཏེ། རྒྱ་གར་ནང་རྒྱ་ནག་གི་ཁེ་ལས་གསར་འཛུགས་དང་འབྲེལ། རྒྱ་གར་ལ་རོགས་རམ་བྱས་ཏེ་རྒྱ་གར་ནང་མྱུར་ཚད་ལྡན་པའི་མེ་འཁོར་ལྕགས་ལམ་གསར་སྐྲུན་དང་། གཞུང་ལམ་གསར་རྒྱག རླངས་འཁོར་བཟོ་སྐྲུན་ཁང་དང་ཟས་རིགས་ཁེ་ལས་གསར་འཛུགས་གཙོས། མཚོ་ཐོག་བརྒྱུད་རྒྱལ་ཁབ་གཉིས་བར་དར་གོས་ཚོང་འབྲེལ་བྱ་རྒྱུ་བཅས་ཀྱི་ཐད་གྲོས་མོལ་བྱེད་རྒྱུའི་འཆར་གཞི་ཡོད” ཅེས་བརྗོད་འདུག
ཁོས་མུ་མཐུད་དུ།”ཉི་ཧོང་ལ་རྒྱ་གར་གཞུང་གིས་རྒྱ་གར་ནང་མྱུར་ཚད་ལྡན་པའི་མེ་འཁོར་ (Bullet Trains) བཟོ་སྐྲུན་བྱ་རྒྱུའི་ལས་འཆར་ཐོག་མ་དེ་སྤྲད་ཡོད་པ་ལྟར། ད་ལྟ་ང་ཚོས་རྒྱ་གར་ནང་མྱུར་ཚད་ལྡན་པའི་མེ་འཁོར་བཟོ་སྐྲུན་བྱ་རྒྱུའི་ལས་འཆར་གཉིས་པ་དེར་ཤུགས་རྒྱག་གི་ཡོད། རྒྱ་གར་གྱི་གྲོང་ཁྱེར་ཕན་ཚུན་བར་ཆུ་ཚོད་གཅིག་ནང་སྤྱི་ལེ་ ༡༦༠ ལྷག་བགྲོད་ཐུབ་པའི་མེ་འཁོར་བཟོ་སྐྲུན་གཙོས། རྒྱ་གར་རྒྱལ་ཡོངས་ཀྱི་མེ་འཁོར་ལྕགས་ལམ་འཕེལ་གཏོང་བ་སོགས་རྒྱ་ནག་གཞུང་གིས་རྒྱ་གར་ནང་ཨ་སྒོར་ཐེར་འབུམ་ ༥༠ ལྷག་མ་འཇོག་བྱས་ཏེ། རྒྱ་གར་གྱི་གཞུང་ལམ་དང་གྲུ་ཁ། གཙང་ཆུའི་ལས་འཆར་ཁག་ལ་མཉམ་ལས་བྱ་རྒྱུ་ཡིན” ཞེས་བརྗོད་འདུག
ཁ་སང་རྒྱ་གར་སྲིད་བློན་ནཱ་རེན་ཌ་མུ་དྷེ་ཡིས་གསར་ལམ་དུ། རྒྱ་གར་གྱི་མེ་འཁོར་ལྕགས་ལམ་བཟོ་སྐྲུན་ཆེད་རྒྱ་ནག་གཙོས་རྒྱལ་སྤྱིའི་རྒྱལ་ཁབ་ཁག་ལ་བརྒྱ་ཆ་བརྒྱ་ཡི་མ་འཛུགས་བྱ་རྒྱུར་ (FDI) ཆོག་མཆན་སྤྲད་ཡོད་སྐོར་དང་། རྒྱ་གར་འགྲིམ་འགྲུལ་བློན་ཆེན་སྐུ་ཞབས་ནེ་ཊིན་གྷ་ཀ་རེ་(Nitin Gadkari) ལགས་ཀྱིས་ཀྱང་། ད་ལོ་རྒྱ་གར་གཞུང་གིས་ཨ་སྒོར་ཐེར་འབུམ་ ༣༢།༩ ཡིས་འགྲོ་སོང་བཏང་སྟེ། རྒྱ་གར་གྱི་གཞུང་ལམ་གསར་སྐྲུན་དང་རྒྱ་སྐྱེད་ཀྱི་ལས་འཆར་ཁག་བསྒྲུབ་རྒྱུ་ཡིན་སྐོར། དེ་བཞིན་ཟླ་འདིའི་ཚེས་ ༡༡ ཉིན་རྒྱ་གར་གྱི་གློག་ཤུགས་མཁོ་འདོན་བློན་ཆེན་ (Power minister) པི་ཡུ་ཤི་གྷོ་ཡལ་ (Piyush Goyal) ལགས་ཀྱིས། ཨོ་རི་ས་མངའ་སྡེའི་སྤྱི་ཁྱབ་བློན་ཆེན་ནཱ་ཝན་ (Naveen Patnaik) ལགས་སུ། མ་འོངས་པའི་ལོ་ ༤ ནང་རྒྱ་གར་ནང་རྒྱལ་སྤྱིའི་རྒྱལ་ཁབ་ཁག་གིས་རྒྱ་གར་གྱི་རྒྱུན་སྤྱོད་ཐུབ་པའི་གློག་ཤུགས་ཐོན་ལས་ (renewable sector) ཁག་ལ་ཨ་སྒོར་ཐེར་འབུམ་ ༡༠༠ ཡི་ཐད་འཛུགས་མ་འཇོག་བྱ་འཆར་ཡོད་སྐོར་བརྗོད་ཡོད་པ་མ་ཟད། མ་འོངས་པའི་ལོ་ ༥ ནང་ཨོ་རི་སའི་རྡོ་སྣུམ་ཁེ་ལས་ཁག་དང་། རྡོ་སྣུམ་དང་སོལ་རླངས་སྦུབས་ལམ་ (pipelines) གཙོས་གློག་འདོན་ས་ཚིགས་ཀྱི་བརྒྱུད་ལམ་ཁག་ལ་ཨ་སྒོར་ས་ཡ་ ༣༠ ཡི་འགྲོ་གྲོན་གཏོང་རྒྱུ་ཡིན་སྐོར་སོགས་བསྒྲགས་ཡོད་འདུག
ཟླ་འདིའི་ཚེས་ ༡༧ ཉིན་རྒྱ་ནག་སྲིད་འཛིན་ཞི་ཅིན་ཕིན་གྱིས་སྣེ་ཁྲིད་འོག་རྒྱ་གར་ནང་སྐོར་སྐྱོད་བྱ་འཆར་ཡོད་པའི་རྒྱ་ནག་གི་ཚོང་དོན་སྐུ་ཚབ་ཚོགས་ཆུང་ཁྲོད། རྒྱ་ནག་གི་གྲུ་ཁ་ལྷན་ཚོགས་ཀྱི་ཚོགས་མི་དང་། མེ་འཁོར་ལྕགས་ལམ་བཟོ་སྐྲུན་ཚན་པ(China Railway Construction Group)། བརྡ་འཕྲིན་ཚན་རྩལ་ཁེ་ལས་ཧུའུ་ཝེ (Huawei)། རྒྱ་ནག་གི་དངུལ་ཁང་ (Bank of China)། རྒྱ་ནག་གི་བཟོ་ཚོང་དངུལ་ཁང་ (Industrial & Commercial Bank of China)། རྒྱ་ནག་གི་འཛུགས་སྐྲུན་དང་སོ་ནམ་ཞིང་ལས་དངུལ་ཁང་ (China Construction and Agricultural Bank) སོགས་ཀྱི་སྐུ་ཚབ་ཡོད་འདུག
ད་རེབ་རྒྱ་ནག་སྲིད་འཛིན་ཞི་ཅིན་ཕིན་རྒྱ་གར་ནང་སྐོར་སྐྱོད་བྱེད་འཆར་ཡོད་པར་རྒྱལ་སྤྱིའི་རྒྱལ་ཁབ་ཁག་གིས་དོ་སྣང་ཆེན་པོ་བྱེད་བཞིན་ཡོད་པ་དང་། ལྷག་པར་དུ་བཙན་བྱོལ་བོད་མིའི་སྒྲིག་འཛུགས་དང་བོད་དོན་རྒྱབ་སྐྱོར་ཚོས་དོ་སྣང་གནང་ཆེན་པོ་བྱེད་བཞིན་ཡོད།
ཟླ་སྔོན་མའི་ཚེས་ ༢༩ ཉིན་རྒྱ་གར་དུས་བབ་ཀྱིས་པེ་ཅིན་ནང་ཡོད་པའི་རྒྱ་ནག་དམར་ཤོག་ཚོགས་པའི་སློབ་གྲྭའི་རྒྱ་གར་གནད་དོན་ཆེད་མཁས་པ་མཱ་ཅཱ་ལི་ (Ma Jiali) ལ་བཅར་འདྲི་ཞུས་པའི་ནང་། རྒྱ་ནག་གི་སྲིད་འཛིན་ཞི་ཅིན་ཕིན་རྒྱ་གར་ནང་སྐོར་སྐྱོད་བྱེད་སྐབས། རྒྱ་གར་གྱི་དཔོན་རིགས་ཚོར་༧གོང་ས་མཆོག་གི་གནང་སྒོ་ཇི་ཡིན་དང་རྒྱ་གར་ནང་བོད་མིའི་སྒྲིག་འཛུགས་གནས་ཆོག་མིན་ཐོག་གླེང་སློང་ཡོང་རྒྱུ་ཡིན་སྐོར་བརྗོད་ཡོད་པ་དང་། ཟླ་འདིའི་ཚེས་ ༡༡ ནང་རྒྱ་གར་དབུས་ཆབ་སྲིད་ཉམས་ཞིབ་ཁང་གི་ཐབས་ཇུས་མཁས་པ་ལྦར་མ་ཅཱ་ལ་ནི་ལགས་ཀྱིས་ཀྱང་། རྒྱ་དཀར་ནག་གཉིས་ཀྱི་འབྲེལ་ལམ་ཐོག་ཆེད་བརྗོད་ཅིག་སྤེལ་ཡོད་པའི་ནང་། རྒྱ་ནག་གི་དཔོན་རིགས་ཚོའི་འཚམས་གཟིགས་དམིགས་ཡུལ་གཙོ་བོ་ནི། རྒྱ་གར་དང་མཉམ་ལས་བྱེད་ཤུགས་ཆེ་རུ་གཏོང་ཆེད་མིན་པར་ས་ཆའི་བདག་དབང་རྩོད་རྒྱུ་ནས་མགོ་ཚུགས་ཏེ་ཁེ་ཕན་བསྒྲུབ་ཆེད་ཡིན། ཞེས་བརྗོད་ཡོད་པ་མ་ཟད། རྒྱ་གར་སྲིད་བློན་ནེ་རུ་ནས་བཟུང་སྲིད་བློན་རིམ་པས་རྒྱ་ནག་ནང་འཚམས་གཟིགས་གནང་སྐབས། ཁོང་རྣམ་པས་རྒྱ་ནག་གཞུང་ལ་མཛའ་མཐུན་གྱི་རྣམ་པ་མཚོན་པའི་གཏམ་བཤད་གནང་བ་དང་རྩ་ཆེན་གནང་སྐྱེ་དེ་འདྲ་ཕུལ་བ་སོགས་བཟང་ཕྱོགས་རྣམ་འགྱུར་སྟོན་ཅི་ཐུབ་བྱས་ཡོད་ཀྱང་། དེ་ཚོའི་ལན་ལ་རྒྱ་ནག་གིས་རྒྱ་གར་ལ་ཁེ་ཕན་གང་ཡང་སྤྲད་མེད་པ་མ་ཟད། ཕན་ཚུན་གྲོས་མཐུན་འཇོག་སྐབས་ཀྱང་རྒྱ་གར་ལ་གྱོང་གུད་ཆེན་པོ་ཕོག་གི་ཡོད་སྐོར་བསམ་ཚུལ་སྤེལ་ཡོད།
ཟླ་འདིའི་ཚེས་ ༩ ཉིན་རྒྱ་གར་སྲིད་བློན་ཉི་ཧོང་དུ་སྐྱོད་སྐབས་ཁོང་གིས། “བར་ལམ་ང་ཚོའི་ཉེ་འཁོར་དུ་དུས་རབས་ ༡༨ ནང་རྒྱ་སྐྱེད་རིང་ལུགས་ཀྱི་བསམ་བློའི་འོག་གཞན་གྱི་ས་ཆ་བཙན་བཟུང་དང༌། གཞན་གྱི་མཚོ་ཁུལ་དུ་བཙན་འཛུལ་བྱེད་མཁན་ཡོད་སྟབས། རྒྱ་གར་དང་ཉི་ཧོང་གཉིས་ལ་ཨེ་ཤ་ཡའི་བརྟན་ལྷིང་སྲུང་སྐྱོབ་བྱ་རྒྱུའི་འོས་འགན་ ཡོད” ཅེས་དང་། ཟླ་འདིའི་ཚེས་ ༩ ཉིན་རྒྱ་གར་གྱི་ཕྱི་སྲིད་བློན་ཆེན་ལྕམ་ (Sushma Swaraj) ལགས་ཀྱིས་གསར་འགྱུར་བརྒྱུད་ལམ་ཐོག “དེ་སྔ་རྒྱ་ནག་ངོས་ནས་ང་ཚོ་དང་མཉམ་དུ་བོད་དང་ཐའེ་ཝན་གྱི་གནད་དོན་གླེང་སློང་ བྱེད་སྐབས། ང་ཚོས་རྒྱ་ནག་གི་གཅིག་གི་འདོད་ཚུལ་ལ་བསམ་ཤེས་བྱས་ཡོད་པ་ལྟར་རྒྱ་ནག་གཞུང་ གིས་ཀྱང༌ང་ཚོས་ཨ་རུ་ན་ཅལ་མངའ་སྡེའི་གནད་དོན་དེ་གལ་ཆེན་པོ་བརྩི་བཞིན་ཡོད་པར་ བསམ་ཤེས་བྱས་ཏེ། རྒྱ་གར་གཅིག་གི་འདོད་ཚུལ་ལ་མོས་མཐུན་བྱེད་དགོས་ཀྱི་རེད” ཅེས་བརྗོད་ཡོད།
དེ་བཞིན། ཉིན་འདི་གར་དྷ་རམ་ས་ལར་ཚོགས་བཞིན་པའི་བོད་མི་མང་སྤྱི་འཐུས་ལྷན་ཚོགས་ཀྱི་དབུ་འབྱེད་གཏམ་བཤད་ནང་དུའང་ཚོགས་གཙོ་སྤེན་པ་ཚེ་རིང་མཆོག་གིས། ད་ཐེངས་རྒྱ་ནག་སྲིད་འཛིན་ཞི་ཅིན་ཕིན་རྒྱ་གར་ནང་ཐོག་མར་གཟིགས་སྐོར་གནང་བཞིན་ཡོད་པ་དང་བསྟུན་ཏེ། སྤྱི་འཐུས་ལྷན་ཚོགས་ངོས་ནས་ལྡི་ལིར་ཡོད་པའི་རྒྱ་ནག་གཞུང་ཚབ་བརྒྱུད། རྒྱ་ནག་སྲིད་འཛིན་ལ། རྒྱ་ནག་གཞུང་གིས་བོད་དེ་སྤྱི་ཚོགས་རིང་ལུགས་ཀྱི་ལམ་ལུགས་འོག་ལྷ་ཡུལ་ལྟ་བུར་བསྒྱུར་ཡོད་ཅེས་བཤད་པ་ལྟར། དངོས་ཡོད་གནས་ཚུལ་རྟོག་ཞིབ་ཆེད་སྤྱི་འཐུས་ལྷན་ཚོགས་ཀྱི་སྐུ་ཚབ་ཅིག་བོད་ནང་ཡོང་ཆོག་པ་ཞུ་ཞེས་ཞུས་ཡོད། ཅེས་གསུངས་ཡོད།
ཆབ་སྲིད་དབྱེ་ཞིབ་པ་ཚོས། རྒྱ་ནག་སྲིད་འཛིན་ཞི་ཅིན་ཕིན་རྒྱ་གར་ནང་སྐོར་སྐྱོད་དང་འབྲེལ་རྒྱལ་ཁབ་གཉིས་བར་ཚོང་དོན་གྲོས་ཆོད་ག་ཚོད་ཅིག་བཞག་ཀྱང་། རྒྱ་དཀར་ནག་གི་འབྲེལ་ལམ་ཡག་ཏུ་འགྲོ་རྒྱུ་ཁག་པོ་ཡིན་པ་ཙམ་མ་ཟད། བོད་ཐོག་འཛིན་པའི་སྲིད་བྱུས་ལའང་འགྱུར་ལྡོག་འགྲོ་རྒྱུ་ཁག་པོ་ཡིན་སྐོར་རྗོད་བཞིན་ཡོད་འདུག
གསར་འགོད་པ། དོན་གྲུབ།
རྒྱ་དཔོན་ཞིས་ལ་དགའ་བསུ་བྱས་རུང།བོད་ནང་དམ་དྲག་ལྷོད་ཡངས་དང།གཏེར་ཁ་སྔོགས་འདོན་མཚམས་འཇོགས་མེད་ཁར་འདི་ཕྱོགས་སུ་ང་ཚོར་རྒྱ་གར་མི་དམང་གི་བལྟ་སྟངས་མི་ལེགས་པར་ཡོང་རྒྱུ་ལས་སྒྲུབ་འབྲས་བཟང་པོ་སྣེ་གཅིག་མི་རག་ཁོ་ཐག་ཡིན་དེ་ལས་ངོ་རྒོལ་གང་ཐུབ་ཅི་ཐུབ་བྱས་ན་དེ་དྲག་
བོད་པའི་སྒྲིག་འཛུགས་འདི་མེད་པ་བཟོས་ན་རྒྱ་མི་ངོ་སོ་སྟོད་ཐུབ་ཡོང་ན་མ་གཏོགས་གཞན་རེ་བ་ཡོད་མ་རེད།
བོད་པའི་སྒྲིག་འཛུགས་འདི་མེད་པ་བཟོས་ན་རྒྱ་མི་ངོ་སོ་སྟོད་ཐུབ་ཡོང་ན་མ་གཏོགས་གཞན་རེ་བ་ཡོད་མ་རེད།
བོད་པའི་སྒྲིག་འཛུགས་འདི་མེད་པ་བཟོས་ན་རྒྱ་མི་ངོ་སོ་སྟོད་ཐུབ་ཡོང་ན་མ་གཏོགས་གཞན་རེ་བ་ཡོད་མ་རེད།
བོད་པའི་སྒྲིག་འཛུགས་འདི་མེད་པ་བཟོས་ན་རྒྱ་མི་ངོ་སོ་སྟོད་ཐུབ་ཡོང་ན་མ་གཏོགས་གཞན་རེ་བ་ཡོད་མ་རེད།
འོ་ད་དེ་འདྲ་ཡིན་ན་རྒྱ་དཔོན་ཞིས་ལ་དོན་གཉིས་འབུལ་རྒྱུ་འདུག་དང་པོ་དེ་ཏཱ་ལ་བླ་མ་རྒྱོག་མྱུར་ཐོག་བོད་པ་གིས་རྒྱ་གཞུང་ལ་རྩིས་འབུལ་ཞུ་རྒྱུ་གཉིས་པ་དེ་བོད་མིའི་སྒྲིགས་འཛུགས་ཕྲལ་མལ་ཉིད་དུ་གཏོར་རྒྱུ་ལས་ཀ་དེ་གཉིས་རྒྱ་གཞུང་དང་རྒྱ་དཔོན་ལ་ཞུས་དང།་དེ་ནི་བརྡ་ལེན་བཟང་པོ་ཞིག་གཏན་གཏན་ཡོང་ངེས་ཡིན་དེ་མ་གཏོགས་ཞུ་པ་ཕུལ་ན་ངོ་རྒོལ་ན་ཅིག་པ་རེད་
འོ་ད་དེ་འདྲ་ཡིན་ན་རྒྱ་དཔོན་ཞིས་ལ་དོན་གཉིས་འབུལ་རྒྱུ་འདུག་དང་པོ་དེ་ཏཱ་ལ་བླ་མ་རྒྱོག་མྱུར་ཐོག་བོད་པ་གིས་རྒྱ་གཞུང་ལ་རྩིས་འབུལ་ཞུ་རྒྱུ་གཉིས་པ་དེ་བོད་མིའི་སྒྲིགས་འཛུགས་ཕྲལ་མལ་ཉིད་དུ་གཏོར་རྒྱུ་ལས་ཀ་དེ་གཉིས་རྒྱ་གཞུང་དང་རྒྱ་དཔོན་ལ་ཞུས་དང།་དེ་ནི་བརྡ་ལེན་བཟང་པོ་ཞིག་གཏན་གཏན་ཡོང་ངེས་ཡིན་དེ་མ་གཏོགས་ཞུ་པ་ཕུལ་ན་ངོ་རྒོལ་ན་ཅིག་པ་རེད་
འོ་ད་དེ་འདྲ་ཡིན་ན་རྒྱ་དཔོན་ཞིས་ལ་དོན་གཉིས་འབུལ་རྒྱུ་འདུག་དང་པོ་དེ་ཏཱ་ལ་བླ་མ་རྒྱོག་མྱུར་ཐོག་བོད་པ་གིས་རྒྱ་གཞུང་ལ་རྩིས་འབུལ་ཞུ་རྒྱུ་གཉིས་པ་དེ་བོད་མིའི་སྒྲིགས་འཛུགས་ཕྲལ་མལ་ཉིད་དུ་གཏོར་རྒྱུ་ལས་ཀ་དེ་གཉིས་རྒྱ་གཞུང་དང་རྒྱ་དཔོན་ལ་ཞུས་དང།་དེ་ནི་བརྡ་ལེན་བཟང་པོ་ཞིག་གཏན་གཏན་ཡོང་ངེས་ཡིན་དེ་མ་གཏོགས་ཞུ་པ་ཕུལ་ན་ངོ་རྒོལ་ན་ཅིག་པ་རེད་
འོ་ད་དེ་འདྲ་ཡིན་ན་རྒྱ་དཔོན་ཞིས་ལ་དོན་གཉིས་འབུལ་རྒྱུ་འདུག་དང་པོ་དེ་ཏཱ་ལ་བླ་མ་རྒྱོག་མྱུར་ཐོག་བོད་པ་གིས་རྒྱ་གཞུང་ལ་རྩིས་འབུལ་ཞུ་རྒྱུ་གཉིས་པ་དེ་བོད་མིའི་སྒྲིགས་འཛུགས་ཕྲལ་མལ་ཉིད་དུ་གཏོར་རྒྱུ་ལས་ཀ་དེ་གཉིས་རྒྱ་གཞུང་དང་རྒྱ་དཔོན་ལ་ཞུས་དང།་དེ་ནི་བརྡ་ལེན་བཟང་པོ་ཞིག་གཏན་གཏན་ཡོང་ངེས་ཡིན་དེ་མ་གཏོགས་ཞུ་པ་ཕུལ་ན་ངོ་རྒོལ་ན་ཅིག་པ་རེད་
༼ལས་འགུལ་སྤེལ་སྟངས་ནོར་མི་རུང་༽
སྲིད་འཛིན་ཞེའི་ཅིང་ཕེང་རྒྱ་གར་དུ་ཕེབས་པའི་སྐབས་སུ་ང་དང་ཁྱེད་ལ་ཁེ་བཟང་དགོས་ན་ཁོང་ལ་ངན་སྨྲས་དང་ཟུར་ཟ་མཚམས་འཇོག་ཐོག་ནས་རང་རིགས་ཀྱི་བདེ་སྡུག་ར་སྤྲོད་ཐུབ་པ་དགོས། གལ་སྟེ་རང་ཉིད་ལ་གྱོང་ཁ་འཕར་མ་རེ་དགོས་ན་བ་གླང་འཁྲུག་འཛིང་ལྟར་བྱོས། འཇུག་འབྲས་ནི་མགོ་ལས་རྨ་ཁ་ཆེ་བ་ཞིག་ཡོང་རྒྱུ་ཉག་ཅིག་གོ།
དེ་བཞིན་རྒྱ་བོད་རྩོད་གླེང་ལ་ཡང་རིག་འགྲེལ་དགོས། ང་ཚོ་བོད་པ་དང་། བོད་དོན་རྒྱབ་སྐྱོར་བ། དེ་བཞིན་ཨ་རི་དང་ཡུ་རོབ། མཉམ་འབྲེལ་རྒྱ་ཚོགས་སོགས་རྒྱལ་སྤྱིའི་ཚོགས་པ་དང་སྒྲིགས་འཛུགས་གང་འདྲ་ཞིག་ཡིན་ཡང་རྒྱ་ནག་གི་སྟོབས་ཤུགས་ལ་རེ་བ་དང་དོགས་པ་གཉིས་ཀ་དགོས་པ་གྱུར་ཡོད། ང་ཚོ་ལ་དམག་དཔུང་དང་། གོ་ལག དཔལ་འབྱོར་དང་མི་འབོར། ཁྲོམ་ར་དང་ལག་རྩལ། མདོར་ན་གཡུལ་དུ་དགོས་པའི་སྟོབས་ཤུགས་དང་ནུས་པ་སོགས་གང་ཡང་མེད་ཕྱིན། ང་ཚོ་ལ་དྲང་བདེན་ཡོད་ཅེས་དང་། ང་ཚོ་ལ་ཐོབ་ཐང་མི་འདུག་ཞེས་ག་ཚོད་བཤད་རུང་སུས་ཀྱང་དོན་ཕན་ལྡན་པའི་རོགས་སྐྱོར་ཞིག་སྔར་བྱུང་མ་མྱོང་ལ། ཕྱིས་སུ་ཡང་འབྱུང་མི་སྲིད་པ་ནི་མྱོང་བས་གྲུབ་ཡོད། དེ་ལས་བྱ་མ་དཀྲོག་པར་སྒོ་ང་ཐོབ་ཐུབ་པའི་རྣམ་དཔྱོད་དང་། ཐབས་ཤེས་ཡོད་ན་སྐབས་སུ་བབས་པའི་གཏམ་དང་། དུས་སུ་བབས་པའི་ཆར་ཡིན། གལ་སྲིད་ཁྱེད་ཚོས་དངོས་སུ་རྒྱ་མིའི་དར་དམར་མེ་ལ་བསྲེག་རུང་། དོན་དངོས་ཚིག་རྒྱུ་ནི་བོད་མིའི་གངས་སེང་དར་ཆ་ཡིན། ཁྱེད་ཚོས་སྲིད་འཛིན་ཞེ་ཅིང་ཕིང་ལ་ཕོག་ཐུག་འགྲོ་གཞིའི་ཐལ་ཆ་ཆེ་བའི་བྱ་སྤྱོད་སྤེལ་ཚེ། དིབ་རྒྱུ་ནི་སོ་སོའི་རྩ་དོན་ལས་མ་འདས། ཁྱེད་ཚོས་ཁོང་གི་འདྲ་པར་ལ་བཟོ་བཅོས་གཏོང་བ་ཡིན་ན་དེའི་འཇུག་འབྲས་ནི་སོ་སོའི་ངོ་གདོང་ལ་བཟོ་བཅོས་ངན་པ་རེ་དོད་ངེས་ཡིན། མདོར་ན་ཁེར་འདོད་ལ་གྱོང་མི་འདོད་མཁན་གྱི་མི་བུ་ཞིག་ཡིན་ཕྱིན་རང་མགོ་བརྡོ་ཡིས་མ་བརྡུང་རོགས། ཡིན་ཡང་གོང་དུ་ཞུས་མ་ཐག་པ་བཞིན། ལས་འགུལ་མ་སྤེལ་ཟེར་གྱི་མེད། ལས་འགུ་ངེས་པར་དུ་སྤེལ་དགོས། ཁ་ཕྱོགས་མ་ནོར་བ་སྤེལ་དགོས། ཚོར་སྣང་ཙམ་དང་གཡམ་རྒྱུགས་ཀྱི་གོ་ཐིག་ནང་དུ་ནམ་ཡང་མ་ཚུད་པའི་སྒོ་ནས་ལས་འགུལ་སྤེལ་དགོས། ངེས་པར་དུ་སྤེལ་དགོས།།།།
༼ལས་འགུལ་སྤེལ་སྟངས་ནོར་མི་རུང་༽
སྲིད་འཛིན་ཞེའི་ཅིང་ཕེང་རྒྱ་གར་དུ་ཕེབས་པའི་སྐབས་སུ་ང་དང་ཁྱེད་ལ་ཁེ་བཟང་དགོས་ན་ཁོང་ལ་ངན་སྨྲས་དང་ཟུར་ཟ་མཚམས་འཇོག་ཐོག་ནས་རང་རིགས་ཀྱི་བདེ་སྡུག་ར་སྤྲོད་ཐུབ་པ་དགོས། གལ་སྟེ་རང་ཉིད་ལ་གྱོང་ཁ་འཕར་མ་རེ་དགོས་ན་བ་གླང་འཁྲུག་འཛིང་ལྟར་བྱོས། འཇུག་འབྲས་ནི་མགོ་ལས་རྨ་ཁ་ཆེ་བ་ཞིག་ཡོང་རྒྱུ་ཉག་ཅིག་གོ།
དེ་བཞིན་རྒྱ་བོད་རྩོད་གླེང་ལ་ཡང་རིག་འགྲེལ་དགོས། ང་ཚོ་བོད་པ་དང་། བོད་དོན་རྒྱབ་སྐྱོར་བ། དེ་བཞིན་ཨ་རི་དང་ཡུ་རོབ། མཉམ་འབྲེལ་རྒྱ་ཚོགས་སོགས་རྒྱལ་སྤྱིའི་ཚོགས་པ་དང་སྒྲིགས་འཛུགས་གང་འདྲ་ཞིག་ཡིན་ཡང་རྒྱ་ནག་གི་སྟོབས་ཤུགས་ལ་རེ་བ་དང་དོགས་པ་གཉིས་ཀ་དགོས་པ་གྱུར་ཡོད། ང་ཚོ་ལ་དམག་དཔུང་དང་། གོ་ལག དཔལ་འབྱོར་དང་མི་འབོར། ཁྲོམ་ར་དང་ལག་རྩལ། མདོར་ན་གཡུལ་དུ་དགོས་པའི་སྟོབས་ཤུགས་དང་ནུས་པ་སོགས་གང་ཡང་མེད་ཕྱིན། ང་ཚོ་ལ་དྲང་བདེན་ཡོད་ཅེས་དང་། ང་ཚོ་ལ་ཐོབ་ཐང་མི་འདུག་ཞེས་ག་ཚོད་བཤད་རུང་སུས་ཀྱང་དོན་ཕན་ལྡན་པའི་རོགས་སྐྱོར་ཞིག་སྔར་བྱུང་མ་མྱོང་ལ། ཕྱིས་སུ་ཡང་འབྱུང་མི་སྲིད་པ་ནི་མྱོང་བས་གྲུབ་ཡོད། དེ་ལས་བྱ་མ་དཀྲོག་པར་སྒོ་ང་ཐོབ་ཐུབ་པའི་རྣམ་དཔྱོད་དང་། ཐབས་ཤེས་ཡོད་ན་སྐབས་སུ་བབས་པའི་གཏམ་དང་། དུས་སུ་བབས་པའི་ཆར་ཡིན། གལ་སྲིད་ཁྱེད་ཚོས་དངོས་སུ་རྒྱ་མིའི་དར་དམར་མེ་ལ་བསྲེག་རུང་། དོན་དངོས་ཚིག་རྒྱུ་ནི་བོད་མིའི་གངས་སེང་དར་ཆ་ཡིན། ཁྱེད་ཚོས་སྲིད་འཛིན་ཞེ་ཅིང་ཕིང་ལ་ཕོག་ཐུག་འགྲོ་གཞིའི་ཐལ་ཆ་ཆེ་བའི་བྱ་སྤྱོད་སྤེལ་ཚེ། དིབ་རྒྱུ་ནི་སོ་སོའི་རྩ་དོན་ལས་མ་འདས། ཁྱེད་ཚོས་ཁོང་གི་འདྲ་པར་ལ་བཟོ་བཅོས་གཏོང་བ་ཡིན་ན་དེའི་འཇུག་འབྲས་ནི་སོ་སོའི་ངོ་གདོང་ལ་བཟོ་བཅོས་ངན་པ་རེ་དོད་ངེས་ཡིན། མདོར་ན་ཁེར་འདོད་ལ་གྱོང་མི་འདོད་མཁན་གྱི་མི་བུ་ཞིག་ཡིན་ཕྱིན་རང་མགོ་བརྡོ་ཡིས་མ་བརྡུང་རོགས། ཡིན་ཡང་གོང་དུ་ཞུས་མ་ཐག་པ་བཞིན། ལས་འགུལ་མ་སྤེལ་ཟེར་གྱི་མེད། ལས་འགུ་ངེས་པར་དུ་སྤེལ་དགོས། ཁ་ཕྱོགས་མ་ནོར་བ་སྤེལ་དགོས། ཚོར་སྣང་ཙམ་དང་གཡམ་རྒྱུགས་ཀྱི་གོ་ཐིག་ནང་དུ་ནམ་ཡང་མ་ཚུད་པའི་སྒོ་ནས་ལས་འགུལ་སྤེལ་དགོས། ངེས་པར་དུ་སྤེལ་དགོས།།།།
༼ལས་འགུལ་སྤེལ་སྟངས་ནོར་མི་རུང་༽
སྲིད་འཛིན་ཞེའི་ཅིང་ཕེང་རྒྱ་གར་དུ་ཕེབས་པའི་སྐབས་སུ་ང་དང་ཁྱེད་ལ་ཁེ་བཟང་དགོས་ན་ཁོང་ལ་ངན་སྨྲས་དང་ཟུར་ཟ་མཚམས་འཇོག་ཐོག་ནས་རང་རིགས་ཀྱི་བདེ་སྡུག་ར་སྤྲོད་ཐུབ་པ་དགོས། གལ་སྟེ་རང་ཉིད་ལ་གྱོང་ཁ་འཕར་མ་རེ་དགོས་ན་བ་གླང་འཁྲུག་འཛིང་ལྟར་བྱོས། འཇུག་འབྲས་ནི་མགོ་ལས་རྨ་ཁ་ཆེ་བ་ཞིག་ཡོང་རྒྱུ་ཉག་ཅིག་གོ།
དེ་བཞིན་རྒྱ་བོད་རྩོད་གླེང་ལ་ཡང་རིག་འགྲེལ་དགོས། ང་ཚོ་བོད་པ་དང་། བོད་དོན་རྒྱབ་སྐྱོར་བ། དེ་བཞིན་ཨ་རི་དང་ཡུ་རོབ། མཉམ་འབྲེལ་རྒྱ་ཚོགས་སོགས་རྒྱལ་སྤྱིའི་ཚོགས་པ་དང་སྒྲིགས་འཛུགས་གང་འདྲ་ཞིག་ཡིན་ཡང་རྒྱ་ནག་གི་སྟོབས་ཤུགས་ལ་རེ་བ་དང་དོགས་པ་གཉིས་ཀ་དགོས་པ་གྱུར་ཡོད། ང་ཚོ་ལ་དམག་དཔུང་དང་། གོ་ལག དཔལ་འབྱོར་དང་མི་འབོར། ཁྲོམ་ར་དང་ལག་རྩལ། མདོར་ན་གཡུལ་དུ་དགོས་པའི་སྟོབས་ཤུགས་དང་ནུས་པ་སོགས་གང་ཡང་མེད་ཕྱིན། ང་ཚོ་ལ་དྲང་བདེན་ཡོད་ཅེས་དང་། ང་ཚོ་ལ་ཐོབ་ཐང་མི་འདུག་ཞེས་ག་ཚོད་བཤད་རུང་སུས་ཀྱང་དོན་ཕན་ལྡན་པའི་རོགས་སྐྱོར་ཞིག་སྔར་བྱུང་མ་མྱོང་ལ། ཕྱིས་སུ་ཡང་འབྱུང་མི་སྲིད་པ་ནི་མྱོང་བས་གྲུབ་ཡོད། དེ་ལས་བྱ་མ་དཀྲོག་པར་སྒོ་ང་ཐོབ་ཐུབ་པའི་རྣམ་དཔྱོད་དང་། ཐབས་ཤེས་ཡོད་ན་སྐབས་སུ་བབས་པའི་གཏམ་དང་། དུས་སུ་བབས་པའི་ཆར་ཡིན། གལ་སྲིད་ཁྱེད་ཚོས་དངོས་སུ་རྒྱ་མིའི་དར་དམར་མེ་ལ་བསྲེག་རུང་། དོན་དངོས་ཚིག་རྒྱུ་ནི་བོད་མིའི་གངས་སེང་དར་ཆ་ཡིན། ཁྱེད་ཚོས་སྲིད་འཛིན་ཞེ་ཅིང་ཕིང་ལ་ཕོག་ཐུག་འགྲོ་གཞིའི་ཐལ་ཆ་ཆེ་བའི་བྱ་སྤྱོད་སྤེལ་ཚེ། དིབ་རྒྱུ་ནི་སོ་སོའི་རྩ་དོན་ལས་མ་འདས། ཁྱེད་ཚོས་ཁོང་གི་འདྲ་པར་ལ་བཟོ་བཅོས་གཏོང་བ་ཡིན་ན་དེའི་འཇུག་འབྲས་ནི་སོ་སོའི་ངོ་གདོང་ལ་བཟོ་བཅོས་ངན་པ་རེ་དོད་ངེས་ཡིན། མདོར་ན་ཁེར་འདོད་ལ་གྱོང་མི་འདོད་མཁན་གྱི་མི་བུ་ཞིག་ཡིན་ཕྱིན་རང་མགོ་བརྡོ་ཡིས་མ་བརྡུང་རོགས། ཡིན་ཡང་གོང་དུ་ཞུས་མ་ཐག་པ་བཞིན། ལས་འགུལ་མ་སྤེལ་ཟེར་གྱི་མེད། ལས་འགུ་ངེས་པར་དུ་སྤེལ་དགོས། ཁ་ཕྱོགས་མ་ནོར་བ་སྤེལ་དགོས། ཚོར་སྣང་ཙམ་དང་གཡམ་རྒྱུགས་ཀྱི་གོ་ཐིག་ནང་དུ་ནམ་ཡང་མ་ཚུད་པའི་སྒོ་ནས་ལས་འགུལ་སྤེལ་དགོས། ངེས་པར་དུ་སྤེལ་དགོས།།།།
ང་ཚོ་བྱ་བ་བཟང་པོའི་གནས་ཚུལ་གཅིག་ཀྱང་ཡོང་མི་སྲིད། རྒྱ་གར་སྐོར་སྲུང་པས་ཉེས་རྡུང་རག་མིན་ལ་མ་སྟོས་པར་རྒྱ་དཔོན་གྱི་གདོང་ལ་ཐལ་བ་སྤར་མོ་གང་དང་ཆིལ་ཞག་ཞིག་ཕེན་ཐུབ་ན་ཁ་ེདང་རྒྱལ་ཁ་དེ་ག་ཡིན།
།
རྒྱ་མིའི་མགོ་པ་ཞིས་རྒྱ་གར་ཡོང་སྐབས་།ང་ཚོ་བོད་ལ་བྱ་བ་བཟང་པོའི་གནས་ཚུལ་གཅིག་ཀྱང་ཡོང་མི་སྲིད་པར་རེ་མ་རྒྱག་དེ་ལས་རྒྱ་གར་སྐོར་སྲུང་བའི་རྡུང་སྡིག་དང།བཙོན་འཇུག་བྱས་མིན་ལ་མ་སྟོས་པར་རྒྱ་དཔོན་ཁོའི་གདོང་ལ་ཆིལ་མ་ཐིག་པ་ཐལ་བ་སྤར་མོ་གང་གཏོར་ཐུབ་ན་དེ་ནི་ང་ཚོར་པགས་པའི་ཁེ་བཟང་དང།་རྒྱལ་ཁ་རེད།
རྒྱ་གར་ནང་ཡོད་པའི་བོད་པ་རྒྱ་ཡིག་མཁྱེན་མཁན་ཚོར་ལས་ཀའི་གོ་སྐབས་རེད། ཚང་མ་ལོས་གོ་སྐབས་མ་ཤོར་བ་གནང་རོགས།