བོད་ཀྱི་གཞོན་ནུའི་རང་བཙན་ལྟ་བ་ལས་དབུ་མའི་ལམ་དུ་སྐྱོད་མཁན་ས་གནས་ཁག་བརྒྱད་ཀྱིས་ཚོགས་འདུ་བསྐོངས་ཏེ་གཞོན་ནུའི་འགན་འཛིན་ལྷན་ཚོགས་སྟེང་གི་གྲོས་ཆོད་ཁག་ལ་ངོས་ལེན་མེད་པའི་གྲོས་ཆོད་བཞག་འདུག
བོད་ཀྱི་གཞོན་ནུ་ལྷན་ཚོགས་ཀྱི་ས་གནས་ཁག་བརྒྱད་དེ་མོན་གྷོ་དང་སྦེལ་ཀོབ། ལ་དྭགས། ཀོ་ལི་གྷལ། ཧོན་སོར། ཌལ་ཧོར། སྤོན་གྲོ བྷིང་ལོར་བཅས་ཀྱིས་ཚོགས་འདུ་ཚོགས་ཏེ། ཉེ་ལམ་འབྲས་ལྗོངས་རྒྱལ་ས་སྒང་ཏོག་ནས་ཚོགས་པའི་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༥ པའི་སྟེང་། གོང་གསལ་ས་གནས་ཁག་བརྒྱད་དང་འབྲེལ་བའི་གྲོས་ཚོད་དོན་ཚན་ ༣ བཞག་ཡོད་པ་དེར་ངོས་ལེན་མེད་པའི་གསལ་བསྒྲགས་སྤེལ་འདུག
དེ་རིང་འདི་གའི་གསར་ཁང་གིས་ཁ་པར་བརྒྱུད་ས་གནས་ཁག་བརྒྱད་ཀྱི་ཚོགས་གཙོ་བྱ་ཉལ་ཚེ་རིང་ལྷ་སྐྱབས་ལགས་སུ། ཐེངས་འདིར་ཚོགས་བཅར་བ་ག་ཚོད་ཡོད་མེད་སོགས་བཅར་འདྲི་ཞུས་པར། ཁོང་གིས་ད་རེབ་ཀྱི་ཚོགས་འདུའི་སྟེང་དངོས་སུ་ཚོགས་ཞུགས་གནང་མཁན་ས་གནས་ཁག་ ༤ ཡི་རྒྱུན་ལས་དང་སྐབས་སྔ་མའི་རྒྱུན་ལས་བཅས་མི་ ༢༧ ཙམ་འཛོམས་ཡོད། ལ་དྭགས་དང་སྤོན་གྲོ ཌལ་ཧོར། བྷིང་ལོར་བཞི་ཕེབས་མ་ཐུབ་པ་དེ་གང་ཡིན་ཟེར་ན། ལ་དྭགས་ནང་ཁ་སང་དེ་རིང་ཆུ་ལོག་གི་དཀའ་ངལ་ཞིག་འཕྲད་འདུག ཐ་ན་ང་ཚོའི་བར་ཁ་པར་ཡང་མཐུད་མ་ཐུབ་པའི་དཀའ་ངལ་བྱུང་ཡང་། མཐའ་མ་ཁོ་རང་ཚོས་དྲ་ཐོག་ནས་ཡི་གེ་འབྱོར་སོང་། དེ་བཞིན་ཌལ་ཧོར་དང་སྤོན་གྲོ་གཉིས་ཀྱང་ཚོགས་འདིར་བཅར་རྩིས་ཡོད་ཀྱང་ཚོགས་འདུ་ཚོགས་ཁ་ཏག་ཏག་ལ་རྒྱུན་ལས་སྒེར་གྱི་དཀའ་ངལ་དབང་གིས་ཕེབས་ཐུབ་མ་སོང་། བྷིང་ལོར་ལ་མཚོན་ན་རྒྱུན་ལས་དང་ཚོགས་མི་ཕལ་ཆེ་བ་སློབ་ཕྲུག་ཆགས་ཡོད་པ་རེད། ཐོག་མ་ང་ཚོས་གཟའ་ཉི་མར་ཚོགས་འདུ་འཚོགས་རྒྱུ་བྱས་ཀྱང་ས་གནས་གཞན་ལ་ལྟ་དགོས་དུས། གཟའ་ཟླ་བ་ལ་ཚོགས་དགོས་བྱུང་སྟེ་སློབ་ཕྲུག་དེ་ཚོ་ཕེབས་ཐུབ་ཡོད་པ་མ་རེད། ལྷག་པར་དུ་ཁོ་རང་ཚོ་ད་ལྟ་ཡིག་ཚད་ཀྱི་སྐབས་ལ་འཁེལ་འདུག ཁོ་རང་ཚོས་ཡིག་ངག་གཉིས་ཐོག་ནས་གང་འབྱོར་བ་དེ་ད་རེབ་ཚོགས་འདུའི་ནང་གསལ་བཤད་བྱས་ཡོད། ཐེངས་འདིའི་ཚོགས་འདུའི་སྟེང་གྲོས་ཆོད་གང་བཞག་པ་དེར་ཁོ་རང་ཚོས་རྒྱབ་སྐྱོར་ཆ་ཚང་ཡོད་པའི་ཐོག་ནས་སྤྱི་མོས་བྱུང་བ་རེད། ཅེས་ལན་བསྐྱོན་སོང་།
གསལ་བསྒྲགས་ནང་འཁོད་དོན། བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་ཐེངས་ ༡༥ སྔ་སྣུར་གྱིས་དྷ་སར་ཕྱི་ལོ་ ༢༠༡༣ ཕྱི་ཟླ་ ༥ ཚེས་ ༢༧ ནས་ཕྱི་ཟླ་ ༦ ཚེས་ ༡ བར་ལྷན་འཛོམས་བསྐྱངས་སྐབས་ཚོགས་འདུ་སྔ་སྣུར་དང་འབྲེལ་བའི་གྲོས་གཞིས་ཐད་ཚོགས་མིའི་མངོན་འདོད་ཇི་ཡོད་བགྲོ་བསྡུར་སྦྱང་བཤད་ཀྱི་གོ་སྐབས་རྩ་བ་ནས་མ་སྤྲད་པ་མ་ཟད། ལངས་ཕྱོགས་ལ་འང་འགྱུར་བ་མེད་པའི་གསལ་བསྒྲགས་གནང་བར་བརྟེན་ནས་ས་གནས་ཁག་བརྒྱད་ཀྱི་མང་ཚོགས་ཀྱི་མངོན་འདོད་བཏོན་མ་ཐུབ་སྟབས་ཚོགས་འདུ་ནས་ཕྱིར་ཐོན་མ་བྱས་ག་མེད་བྱུང་།
གོང་གསལ་ས་གནས་རྣམས་ནས་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་ལ་བརྩི་མཐོང་དང་གུས་བཀུར། དེ་བཞིན་མ་འོངས་པར་གཞོན་ནུའི་ལངས་ཕྱོགས་ལ་འགྱུར་བ་བྱུང་མཚམས་སྔ་ལམ་ལྟར་མུ་མཐུད་འཕྱར་གྲུ་མཉམ་འདེགས་ཞུ་རྒྱའི་ལྷག་བསམ་དང་སྙིང་སྟོབས་ལ་འགྱུར་བ་ནམ་ཡང་མེད་པའི་དམ་བཅའ་བརྟན་པོ་ཡོད་ཅེས་ཕྱི་ལོ་ ༢༠༡༣་ཟླ་བ་ ༥ ཚེས་ ༣༠ ཉིན་ཚོགས་ཆེན་ཐོག་དབུས་རྒྱུན་ལས་ལྷན་རྒྱས་གཙོས་པའི་ཚོགས་བཅར་བའི་མཚན་འགོད་ཞུ་ཡིག་ཕུལ་བ་དང་དེའི་ངོ་བཤུས་ཁག དགའ་ལྡན་ཕོ་བྲང་དང་བཀའ་སྤྱི་སོགས་ལ་ཕུལ་ཡོད། ཅེས་སོགས་འཁོད་འདུག
ཐེངས་འདིའི་ཚོགས་འདུའི་ཐོག་གྲོས་ཆོད་དོན་ཚན་ ༨ བཞག་ཡོད་པ་དག་ནི།
དང་པོ། སྒང་དོག་ཏུ་བོད་ཀྱི་གཞོན་ནུ་ལྷན་ཚིགས་ཀྱི་འགན་ལྷན་ཐེངས་༤༥ཐོག་རྒྱབ་ལྗོངས་ཀྱི་རྒྱུན་མཚན་ཡང་དག་ཡང་མེད་པའི་ས་གནས་ཁག་བརྒྱད་ཀྱི་ཐོག་གྲོས་ཆོད་དོན་ཚན་ གསུམ་བཞག་པར་ངོས་ལེན་ཞུ་ཐབས་མེད།
གཉིས་པ། ས་གནས་ཁག་བརྒྱད་ཀྱི་ཚོགས་མིའེ་མངོན་འདོད་ལ་བརྟེན་ནས་རང་བཞིན་གྱིས་གཞོན་ལྷན་ ནང་ལངས་ཕྱོགས་གཉིས་ཅན་ཞིག་ཆགས་སྟབས་འགྲོ་ལུགས་ལྟར་གཞོན་ནུའི་མཚན་བྱང་དང་ལས་ རྟགས་ལས་དམ་་ངོ་སྤྲོད་ལག་འཁྱེར་སོགས་ལ་འགྱུར་བ་མ་བཏང་ཐབས་མེད་ཆགས་ཡོད།
གསུམ་པ། བོད་ཀྱི་གཞོན་ནུ་ལྷན་ཚོགས་དང་ས་གནས་ཁག་བརྒྱད་ཀྱི་གཞོན་ལྷན་གཉིས་དབར་ལངས་ཕྱོགས་ཁོ་ན་མ་མཐུན་པ་ལས་དེ་མིན་གཞོན་ལྷན་གྱི་སྒྲིགས་འཛུགས་ལ་གཏོར་བཤིག་དང་ བརྩི་མེད་རིགས་གཏན་ནས་བཏང་མེད་པ་དང་འབྱུང་འགྱུར་བོད་ཀྱི་གཞོན་ནུ་ལྷན་ཚོགས་ ཀྱི་ལངས་ཕྱོགས་ལམ་དབུ་མར་གཏན་འབེབས་བྱུང་ཉིན་ཚོགས་མིའི་མངོན་འདོད་གཞིར་ བཟུང་གཞོན་ལྷན་སྒྲིག་འཛུགས་ནང་སྔོན་ཚུད་ཐག་གཅོད་གྲོས་ཆོད་བཞིན་གོམ་པ་མདུན་ སྤོས་ཀྱིས་སྒྲིག་འཛུགས་ཞུགས་ཞུ་རྒྱུ།
བཞི་པ། ལོ་གཅིག་རིང་ས་གནས་ཁག་བརྒྱད་ནས་རང་ཚུགས་བརྟན་པོའི་ངང་ཆབ་སྲིད་དང་འབྲེལ་བའི་ ལས་འགུལ་ཁག་དུས་ཐོག་འཐུས་གཙང་ཞུས་པ་ལས་དབུས་ལ་ད་བར་སྐྱོན་འཛུགས་རིགས་བྱས་ མྱོང་མེད་ལ་།འབྱུང་འགྱུར་དང་ད་ལྟའི་ཆར་གང་དུ་ཡང་དེ་རིགས་གཏན་ནས་བྱེད་རྩིས་ མེད་སྟབས་ས་གནས་སོ་སོའི་ཚོགས་མི་རྣམས་ནས་དགའ་སྤོབས་ཆེན་པོ་དང་རྒྱ་ཆེའི་སྐྱ་ སེར་ཡོངས་ནས་བསྔགས་བརྗོད་ཐོབ་མུས་ཡོན།
ལྔ་པ། ལོ་གཅིག་ནང་དབུས་ནས་ད་བར་ས་གནས་ཆེ་ཁག་བརྒྱད་ཀྱི་དགོས་འདུན་ལ་དགོངས་བཞེས་གཏད་ནས་མ་གནང་བར་བློ་ཕམ་གྱི་གནས་སུ་གྱུར།
དྲུག་པ། གྲོས་ཆོད་ཨང་གཉིས་པ་ནང་གསལ།་སྐབས་སྔོན་མའི་ས་གནས་ཁག་བརྒྱད་ཀྱི་རྒྱུན་ལས་ རྣམས་ད་ནས་བཟུང་གཞོན་ལྷན་ཚོགས་མི་ཡིན་པར་ངོས་ལེན་མེད་ཅེས་འཁོད་ཐད།་ས་གནས་ ཁག་བརྒྱད་ཀྱི་ཚོགས་མི་གཙོས་ལས་ཐོག་རྒྱུན་ལས་དང་། རྒྱུན་ཟུར་བཅས་ནས་གྲོད་ཆོད་དེར་ནམ་ཡང་ངོས་ལེན་མེད་པ་ནི་ས་གནས་ཚོགས་མི་རྣམས་ ཀྱི་མངོན་འདོད་བཞིན་ཕྱག་ལས་མུ་འཐུད་རྒྱུན་འཁྱོངས་ཡོང་རྒྱུར་ངོས་ལེན་ཞུས་པ་ ཡོན།
བདུན་པ། གྲོས་ཆོད་དོན་ཚན་གསུམ་པའི་ནང་གསལ་ས་གནས་ཁག་བརྒྱད་ཀྱི་རྒྱུན་ལས་གསར་བ་དང་ ཚོགས་མི་ཚོས་བོད་ཀྱི་གཞོན་ནུ་ལྷན་ཚོགས་ཀྱི་ཁྱབ་ཁོངས་འོག་གཞོན་ལྷན་གྱི་ སྒྲིག་གཞིར་རྩ་འཛིན་གྱིས་བོད་བསྟན་སྲིད་མི་རིགས་དང་བཅས་པར་སྨན་པའི་ལས་དོན་རྒྱུན་སྐྱོང་གནང་རྒྱུའི་འབོད་སྐུལ་ཞུས་པ་དང་ཆབས་ཅིག མ་འོངས་པར་ས་གནས་ཁག་བརྒྱད་ཀྱི་གནས་དོན་ཐོག་ཐག་གཅོད་ཅི་ཞིག་གནང་དགོས་ཀྱང་ གནང་ཆོག་པའི་དབང་ཚད་ཆ་ཚང་དབུས་སྤྱི་ཁྱབ་རྒྱུན་ལས་ལ་འགན་ལྷན་འདེའི་ཐོག་ནས་ཕུལ་བ་ཡིན་ཞེས་པའི་ཐད་། ས་གནས་ཁག་བརྒྱད་ཀྱི་ལས་ཐོག་རྒྱུན་ལས་དང་ཚོགས་མི་ཡོངས་ནས་གྲོས་ཆོད་འདིར་ངོས་ལེན་གནང་ཐབས་མེད།
བརྒྱད་པ། མཐའ་དོན་ས་སྟེང་རྒྱལ་བསྟན་ཡོངས་ཀྱི་བླ་ན་མེད་པ་འདི་ཕྱི་གཉིས་ཀྱི་དབུ་ཁྲིད་འཛམ་གླིང་ཞི་བདེའི་དེད་དཔོན་༧སྤྱི་ནོར་༧གོང་ས་སྐྱབས་མགོན་རྒྱལ་བའི་དབང་པོ་མཆོག་གི་སྔ་ཕྱི་བར་གསུམ་གྱི་བཀའ་སློབ་ལམ་སྟོན་མུན་སེལ་འོག་བཙན་བྱོལ་དབུས་བོད་མིའི་སྒྲིགས་འཛུགས་ཀྱིས་གཏན་ལ་ཕབ་པའི་སྲིད་བྱུས་གཉིས་་སྨན་དབུ་མའི་ལམ་ གྱི་ཐོག་ཚོགས་མི་ཡོངས་ནས་ཤར་བསྐྱོད་ཞུ་རྒྱུའི་དམ་བཅའ་གཏན་པོ་ཞུ་རྒྱུའི་གྲོས་ཆོད་དུ་སྦེལ་ཀོབ་བདེ་སླར་ཚོགས་ཁང་ནང་ས་གནས་ཁག་བརྒྱད་ཀྱི་རྒྱུན་ལས་ལས་ཐོག་དང་སྐབས་སྔོན་མའི་རྒྱུན་ཟུར་མཐུན་མོང་ནས་ཚེས་ ༡༥ ཉིན་ཚོགས་འདུ་དང་ཚེས་ ༡༦ ཞོགས་པར་གསར་འགོད་ལྷན་ཚོགས་ཞིག་ཚོགས་ཡོད་པ་རེད་འདུག ཅེས་སོགས་འཁོད་འདུག
གཞོན་ནུའི་ལངས་ཕྱོགས་ལ་ངོས་ལེན་མེད་ན་ཕྱིར་འབུད་བྱེད་དགོས་པ་རེད། རྒན་ཡོལ་གྱི་དུས་ཚོད་ལྟ་བུ་ཞིག་སྒུག་ནས་འདུག་དགོས་དོན་ཡོད་པ་མ་རེད། ཚོགས་པ་གང་ཞིག་ཡིན་ཀྱང་གཞན་དང་མི་འདྲ་བའི་ལངས་ཕྱོགས་དམིགས་བསལ་བ་ཞིག་ཡོད་པ་རེད། བསམ་ཚུལ་ལྡོག་ཕྱོགས་པ་མང་བོ་ཞིག་ཚོགས་པར་ཞུགས་བཅུག་ཏེ་ཚོགས་པའི་ལངས་ཕྱོགས་བསྒྱུར་དགོས་ཟེར་ན་འགྲིག་ཐབས་ཡོད་པ་ཞིག་ཨེ་རེད། རང་བཙན་ཚོགས་པ་ཉུང་རུ་གཏོང་ཐབས་རང་ཉིད་དེ་ལས་ཕྱིར་འབུད་བྱེད་རྒྱུ་ལས་རང་བཙན་ཚོགས་པའི་ལྟ་བ་སྒྱུར་ཐབས་བྱེད་རྒྱུ་དེ་མ་རེད་སྙམ། རང་བཙན་དང་རང་སྐྱོང་ནི་ད་ལྟར་ང་ཚོ་ལ་ཡོད་པའི་ལྟ་བ་མི་འདྲ་བ་གཉིས་ཡིན་ལ་རང་བཙན་གྱི་མགྲིན་ཚབ་ཚོགས་པ་ལྟ་བུ་དེ་གཞོན་ནུ་ཆགས་ཀྱི་ཡོད་སྟབས་གཞོན་ནུ་ཚོགས་པ་དང་གཞོན་ནུ་རང་བཙན་ཚོགས་པ་ཞེས་པ་དོན་གཅིག་ལ་འགྲོ་གི་ཡོད་པ་ཤེས་པའི་སྒོ་ནས་འཛུལ་ཞུགས་དང་ཕྱིར་འབུད་བྱེད་སྟངས་ཀྱང་ཤེས་དགོས་པ་རེད། དེ་ན་མི་ཚེ་གང་བོར་བྱ་ཤ་རྐྱང་རྐྱང་ཟ་རྒྱུ་ཡོད་པ་ལྟ་བུ་ནི་མིན་པས་ལྟ་བ་བརྗེས་ནས་ད་དུང་ཨུ་ཚུགས་ཀྱིས་དེའི་ཁོངས་བྱས་ནས་འདུག་ཐབས་བྱེད་པ་ནི་འོས་པ་མ་ཡིན་ནོ།།
དུས་དང་བསྟུན་ནས་ལས་འགུལ་སྤེལ་མཁན་རྣམས་རྣམ་དཔྱོད་ཡོད་པ་ཞིག་ལ་དངོས་འཛིན་ཞུ་རྒྱུ་ཡིན། སྤྱིར་རང་བཙན་མི་འདོད་མཁན་གངས་ཅན་པ་སུ་ཡང་མེད། འོན་ཀྱང་གནས་སྐབས་བོད་ནང་གི་ཛ་དྲག་གནས་དོན་ལ་དགོོངས་པ་ཞེས་རྒྱུ་གལ་ཆེ། སོ་སོའི་འདོད་པ་དང་མ་ཐུན་ན་ནོར་འཁྲུལ་རེད་ཟེར་བ་དང་ཁ་གཏོང་བསྡད་ན་མི་དེ་ལ་ཡོན་ཏན་གྱི་ཤེས་རབ་མེད་པའི་རྟགས་རེད། ཕ་མི་གཅིག་པའི་བུ་ལ་བསམ་ཚུལ་མི་ཐུན་པ་ཡོང་སྲིད། གཞན་ལ་སྐྱོན་བརྗོད་པ་ལས་སོ་སོའི་ངོས་ནས་སྤྱི་པའི་ལས་དོན་སྣ་གཅིག་ཙམ་བསྒྲུབ་ན་ཕན་རླབས་ཆེ། གཞན་ཁ་གཡུག་ལག་གཡུག་བྱེད་པ་ཙམ་ཧ་མི་ལས།
བྱ་ཉལ་ལྷ་སྐྱབས་ལ་སོགས་པའི་མི་ངན་དེ་ཚོའི་བྱ་སྤྱོད་ལ་ངོ་རྒོལ་ཡོད། མང་གཙོའི་སྤྱི་ཚོགས་ནང་ལྟ་ཚུལ་མ་མཐུན་ན་སྤྱི་མོས་སམ་མང་མོས་ནི་སྤྱི་ཡོངས་ཀྱི་འགྲོ་ལུགས་ཡིན་པ་བརྗོད་ག་ལ་དགོས། ཡིན་རུང་ཀླད་མེད་བྱ་ཉལ་སོགས་ཀྱི་མང་མོས་མཁས་ལེན་མ་བྱས་པར་རང་འདོད་ལྟར། རླབས་ཆེན་གྱི་ཚོགས་པ་ཞིག་གི་ནུས་པ་ཇེ་ཆུང་དུ་གཏོང་ཐབས་བྱེད་པ་ནི། རྒྱ་གཞུང་མྱུལ་མ་འམ་བཙན་བྱོལ་ནང་གི་སྐབས་འཚོལ་ཆབ་སྲིད་པ་དེ་ཚོའི་རྒྱུགས་ཁྱི་ཡིན་པ་ཐེ་ཚོམ་མི་དགོས་སོ། ཁྱེད་ཚོའི་ཕུགས་བསམ་གཞོན་ལྷན་གྱི་ནུས་པ་ཇེ་ཆུང་གཏོང་ཐབས་བྱ་ཡས་ནི་ཉི་མོའི་རྨི་ལམ་རེད། བོད་ཀྱི་གཞོན་ནུ་ལྷན་ཚོགས་ཀྱིས་ད་ལྟ་བར་དུ་ཕྱག་ལས་རླབས་ཆེན་གང་འདྲ་གནང་མིན། མང་གཙོའ་སྤྱི་ཚོགས་ནང་དུ་ཚར་ལོངས་བྱུང་བའི་ང་ཚོས་སྐབས་འཚོལ་པ་ཁྱེད་ཚོར་བརྗོད་མ་དགོས་པར་རྒྱ་གཞུང་གིས་རྒྱུད་ལམ་ཁག་ཏུ་བརྗོད་དང་བརྗོད་མོས་ཡིན་པ། ལོང་བ་ཡིན་ཡང་མཐོང་ཚོད་དང་། འོན་པ་ཡིན་ནའང་གོ་ཚོད་རེད། མ་ཟད་རང་བཙན་གྱི་ལྟ་གྲུབ་དོར་བའི་ས་གནས་གཞོན་ནུ་ང་ཚོ་བོད་མིར་མི་དགོས་ལ། ཕུགས་བསམ་མེད་པའི་སྐབས་འཚོལ་པ་བྱ་ཉལ་ལ་སོགས། ང་ཚོ་བོད་མིར་དགོས་ཡས་མི་འདུག བོད་ཀྱི་གཞོན་ནུ་ལྷན་ཚོགས་རྒྱས་གྱུར་ཅིག མང་གཙོའི་འགྲོ་ལུགས་དང་འགལ་བའི་ས་བརྒྱད་ནུབ་གྱུར་ཅིག
ལྷོ་ཕྱོགས་ཁག་གི་གཞོན་ནུའི་ཚོག་མི་ཚོས་བསམ་བློ་ཡག་པོ་ཐོངས། ཚོགས་པ་གང་ཞིག་ཡིན་ཡང་། རྩ་བའི་དམིགས་པ་འམ་ལྟ་བ་བསྒྱུར་དགོས་བྱུང་ཚེ། དེ་ནུས་མེད་ཆགས་སྟེ་རང་བཞིན་གྱིས་ཤི་འགྲོ་བཞིན་པའི་སྐབས་ཡིན་དགོས་པ་རེད། བོད་གཞོན་དེའི་ཚད་ལ་ཕར་ཞོག ནུས་པ་ཧ་ལས་པ་ཡོད་བཞིན་པ་རེད།
བྱ་ཉལ་གྱི་བྱ་ཉེས་ལ་ཐ་གཅིག་ཏུ་ངོ་རྒོལ་ཡོད།
ད་འཐབ་ཕྱོགས་གཅིག་གྱུར་ཁང་གིས་དངུལ་འབོར་ཆེན་སྤྲོད་ས་རེག་སོང་བ་རེད། མི་ཉུང་ཤས་ཤིག་ཕྱུག་པོ་ཆགས་ནའང་ཡག་པོ་རེད།
ས་གནས་ཁག་བརྒྱད་ཀྱི་གཞོན་ལྷན་འཐུས་མི་བྱབ་ཆུང་ཀླད་མེད་རྨོངས་དད་ཅན་དེ་ཚོར་ངོ་རྒོལ་ཐ་ཅིག་ཏུ་ཡོད། མ་གཞི་ཁྱེད་ཚོར་ཁག་མེད་ཚོད། སྔོན་མ་ནས་སྒེར་སྤྱོད་རིང་ལུགས་པ་ཚོས་ཉོས་ཟིན་པ་རེད། སྤྱི་ཁྱབ་དབུས་རྒྱུན་ལས་ནས་བཀའ་ལ་བརྩི་བཀུར་མི་དགོས་པར་རང་སྣང་གང་དྲན་བྱེད་དགོས་དོན་གང་ཡིན། འཛམ་གླིང་སྤྱིའི་ཁྲིམས་དང་མཐུན་ཡོད་དམ། ཡང་ན་ཁྱེད་ཚོར་རྒྱབ་ལྗོངས་ཆེ་བས་རེད་དམ། མ་རབ་ཐ་ཤལ་གྱི་བྱ་སྤྱོད་རེད།
བྱ་ཉལ་ཟེར་བའི་མི་འདི་གཙོས་པའི་ས་གནས་ཁག་བཞིའི་མི་འདི་ཚོའི་ཧམ་པ་ཚ་བ་ལ།
ཁོ་ཚོས་དབུས་བོད་ཀྱི་གཞོན་ནུ་ལྷན་ཚོགས་ལ་ཚུར་ལམ་སྟོན་དང་བཀོད་པ་འཐེན་ཡོང་གིན་འདུག སྔར་མིའི་གཏམ་དཔེ་ལ། བླ་མས་དྲིལ་བུ་གར་བཞག་ལས། དྲིལ་བུས་བླ་མ་གར་བཞག་མ་རེད། ཟེར་སྲོལ་ཡོད། ངོ་མ་མགོ་དང་མཇུག་གི་རྣམ་བཞག་ཙམ་ཡང་མ་ཤེས་ན་ཁྱེད་ཚོས་བོད་བསྟན་པ་ཆབ་སྲིད་ཇི་ལྟར་བསྐྱང་རྩིས་ཡོད། མ་གཞི་དབུས་གཞོན་ནུའི་ལོང་ཕྱོགས་དབུ་ལམ་དུ་བསྒྱུར་ནའང་དབུ་ལམ་ནི་སྔར་ནས་ཀྲུང་ཧྭ་མི་མང་སྤྱི་འཐུས་རྒྱལ་ཁག་གི་དར་དམར་འོག་ཏུ་འཛུལ་རྒྱུའི་དམ་བཅའ་བཞག་ཚར་བ་རེད།
གཞོན་ལྷན་དབུ་མར་བསྒྱུར་ན་དགེ་ཕན་ག་རེ་ཡོད་རེད། དངོས་གནས་ཅི་ཞིག་བཤད་ཀྱིན་ཡོད་མེད་མགོ་ཚོས་ཀྱི་མི་འདུག དབུ་མའི་ལམ་ལས་འགུལ་ཁང་ཞེས་པའི་ཚོགས་པ་ཟུར་དུ་བཙུགས་ཡོད་པ་མ་རེད་དམ། སོ་སོ་ལངས་ཕྱོགས་གཞོན་ལྷན་གྱི་ལངས་ཕྱོགས་དང་མཐུན་གྱི་མེད་པར་དབུ་མའི་ལམ་གྱི་ལངས་ཕྱོགས་དང་མཐུན་གྱི་ཡོད་ན། དབུ་མའི་ལམ་ལས་འགུལ་ཁང་ཚོགས་པར་འཛུལ་ཞུགས་ཀྱིས་ཚོགས་པ་དེར་རྒྱབ་སྐྱོར་གྱིས་ནུས་པ་བཏོན་ཏེ་རྒྱ་བསྐྱེད་བྱས་པ་ཡིན་ན་དེ་ནི་འགྲོ་སྟངས་ཤིག་རེད། དེ་མིན་པར། གཞོན་ལྷན་གྱི་མང་མོས་ཐག་གཅོད་ཀྱང་ངོས་ལེན་མི་བྱེད། གཞོན་ལྷན་གྱི་ལངས་ཕྱོགས་ཀྱང་ངོས་ལེན་མི་བྱེད། གཞོན་ལྷན་གྱི་ཚོགས་གྲས་ནས་ཀྱང་ཕྱིར་མི་འབུད། འདི་ནི་རྙོག་དྲ་རང་བཟོ་སྟངས་ཤིག་ལས་ཅི་ཡང་མ་རེད་བསམ། ནང་ནས་བཀྲ་མ་ཤིས་ན། ཕྱི་ནས་དོན་མི་འགྲུབ་ཅེས་པའི་དཔེ་ལྟར། ཚང་མས་སེམས་ལྷོད་ལ་བབས་ནས་བསམ་གཞིགས་བྱེད་རན་རེད།
རང་བཙན་ལྟ་གྲུབ་བཞག་ནས། གཞོན་ལྷན་ཡོད་ཆོག་ས་ལ། དབུས་ལམ་ལྟ་གྲུབ་བཞག་ནས་གཞོན་ལྷན་གསར་པ་བཙུག་ན་ཡང་སྐྱོན་ཆེར་མ་མཐོང་། གཞོན་ལྷན་གཉིས་བྱུང་ན། ཕན་མེད་དེ་རང་བཞིན་གྱིས་མེད་པ་ཆགས་རྒྱུ་ཡིན་པ་ཆོས་ཉིད་རེད་སྙམ་ལགས།
བསྟན་པ་བཤིག་ཟེར་བ་འདི་འདྲ་ལས་གང་ཡོད། གཞུང་འབྲེལ་མ་ཡིན་པའི་ཚོགས་པ་ཧྲ་ཐག་ཐག་ཅིག་ཡོད་པ་དེ་ཡང་གཡས་གཏོར་གཡོན་གཏོར་བྱེད་ཀྱིན་འདུག བོད་ཀྱི་ཆབ་སྲིད་པ་རེ་འགས་རྒྱ་ནག་པོའི་ངོ་སྲུང་གི་ཆེད་དུ་ལས་དོན་འདི་རིགས་སྤེལ་བཞིན་པ་ནི་ཆེས་གཉན་འཕྲང་གི་སྐབས་འདིར་བགྱེལ་བའི་ཐོག་ཏུ་རྡོག་བརྫིས་རང་རེད། རྒྱབ་ཏུ་ཡིབ་ནས་བོད་ཀྱི་སྤྱི་ཚོགས་ལ་འདྲེ་ལག་སྐྱོང་མཁན་འདི་ཚོ་གཏན་དུ་མེད་པར་གྱུར་ཅིག དེ་དག་གི་རྗེས་འཇུག་རྨོངས་ཤིང་འཐིབ་པའི་ཆབ་སྲིད་པར་འབོད་པ་དེ་དག་ཀྱང་རྨོངས་པ་འདི་ལས་སད་པར་གྱུར་ཅིག རང་ཚུགས་རྒྱལ་ལོ། རྣམ་དཔྱོད་རྒྱལ་ལོ། སྙིང་སྟོབས་རྒྱལ་ལོ། བོད་རྒྱལ་ལོ།
བོད་པའི་གནས་སྟངས་ཛ་དྲག་ཏུ་ཆགས་ཡོད་པའི་སྐབས་ལ་གཞོན་ནུ་ལྷན་ཚོགས་ནང་ཁུལ་དུ་རྙོག་དྲ་རིགས་མ་བཟོ་བར་འགྲིག་འཇགས་ཡོང་ཐབས་གནང་རོགས། བོད་སྤྱི་དོན་ལ་འབད་འབུངས་གནང་སྟེ་ཕྱག་ལས་མཉམ་རུབ་གནང་རོགས། ཁ་ནང་དུ་གཏོད་པ་ལས་རྒྱ་ནག་ལ་ཁ་གཏད་དེ་གང་ཐུབ་ཅི་ཐུབ་གནང་དགོས་པའི་དུས་ཚོད་ཅིག་རེད། གཞོན་ནུའི་ཚོགས་མི་ཚོའི་ལངས་ཕྱོགས་རང་བཙན་དང་དབུ་མའི་ལམ་གང་ཡིན་ཡང་ཁྱད་པར་མི་འདུག་གཙོ་བོ་སྤྱི་ཚོགས་སྣེ་འཁྲིད་དེ་འཐབ་རྩོད་ཐོག་ལས་འགུལ་སྤེལ་རྒྱུ་གལ་ཆེ་ཤོས་རེད།
དུས་བབ་ཡག་པོ་བྱུང་།
ཡིག་འཁྱམས་ལྟ་བུའི་གནས་ཚུལ་རིགས་འགོད་རྐྱང་མི་བྱེད་པ་རྩད་གཅོད་བྱས་ཏེ་དོགས་འདྲི་ཞུས་པ་ཡག་པོ་བྱུང་འདུག སྤྱི་ཚོགས་བརྒྱུད་ལམ་ཁག་ནང་དུ་ཁ་གསལ་བོ་མེད་པ་དང་། དཀྲོག་གཏམ་འདྲ་མིན་བརྒྱུད་འགོད་བྱེད་བཞིན་འདུག
དུས་བབ་ཡག་པོ་བྱུང་།
ཡིག་འཁྱམས་ལྟ་བུའི་གནས་ཚུལ་རིགས་འགོད་རྐྱང་མི་བྱེད་པ་རྩད་གཅོད་བྱས་ཏེ་དོགས་འདྲི་ཞུས་པ་ཡག་པོ་བྱུང་འདུག སྤྱི་ཚོགས་བརྒྱུད་ལམ་ཁག་ཏུ་གནས་ཚུལ་རྫུན་མ་འདྲ་མིན་འགྲོ་བཞིན་འདུག
ནང་བཀྲིས་མ་གཤིགས་ན། ཕྱི་དོན་མི་འགྲུབ་ཞེས་པ་ཅི་མི་བདེན། ད་དངོས་གནས་གད་མོ་ཤོར་གྱི་འདུག གཞོན་ལྷན་སྒྲིག་འཛུགས་ཀྱིས་བོད་ཀྱི་རྩ་དོན་ཆེད་དུ་ལྷག་བསམ་ཆེན་པོ་ལས་འགུལ་གནང་དང་གནང་མུས་རེད། ཡིན་ཡང་ས་གནས་ཁག་བརྒྱད་ཀྱི་མིང་བེད་སྤྱོད་བཏང་ཏེ་རང་ཉིད་འགྲོ་སྟངས་བཟོ་མཁན་བྱ་ཉལ་ལྷ་སྐྱབས་ཚེ་རིང་སོགས་སྐབས་འཚོལ་པ་དེ་ཚོས་རྩ་དོན་ཁ་ལ་ཁྱེར་ཏེ་བཙན་བྱོལ་ནང་དུ་ཐུག་པ་དཀྲུགས་དཀྲུགས་དཀྲུགས་ཏེ་རང་ཉིད་སྐད་གྲགས་ཡོང་ཆེད་ལས་ཉན་དེ་འདྲས་བྱེད་ཀྱི་འདུག ད་རེས་མགོ་མེད་ཚོགས་འདུ་འདིར་ས་གནས་ཁག་བརྒྱད་ཀྱི་མི་ཡང་མི་འདུག ས་གནས་བཞི་ལས་མི་འདུག ད་རྫུན་ཤོད་མུ་མཐུད་ཤོད།