དེ་རིང་གཟའ་ལྷག་པའི་དགོང་མོ་དྷ་རམ་ས་ལར་བོད་མི་ཚོས་ཧོང་ཀོང་མི་མང་གི་དམངས་གཙོའི་ལས་འགུལ་ལ་གདུང་སེམས་མཉམ་སྐྱེད་དང་རྒྱབ་སྐྱོར་མཚོན་ཆེད་མར་མེ་ཁྲོམ་སྐོར་གནང་སོང་།
དེ་རིང་ཚེས་ ༡ ཉིན་གྱི་ཕྱི་དྲོའི་ཆུ་ཚོད་ ༥།༠༠ ཡས་མས་སུ་དབུས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག བཞུགས་སྒར་དྷ་རམ་ས་ལའི་རླངས་འཁོར་འབབ་ཚིགས་སུ། ཧོང་ཀོང་མི་མང་ལ་གདུང་སེམས་མཉམ་སྐྱེད་མཚོན་ཆེད་མར་མེ་ཁྲོམ་སྐོར་གྱི་ལས་འགུལ་ཞིག་སྤེལ་སོང་། དེར་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་གཙོས་པའི་དབུས་དང་ས་གནས་གཉིས་ཀྱི་རྒྱུན་ལས་རྣམ་པ་དང་། བཞུགས་སྒར་ཁུལ་གྱི་གཞུང་འབྲེལ་མིན་པའི་ཚོགས་པ་ཁག་གི་ཚོགས་མི། ཧོང་ཀོང་དང་ཐའེ་ཝན། རྒྱ་ནག་སྐམ་ས་བཅས་ནས་ཕེབས་པའི་རྒྱ་རིགས་དང་ཕྱི་རྒྱལ་བ། བཞུགས་སྒར་གནས་སྡོད་བོད་མི་བཅས་མི་ ༡༠༠ ལྷག་འཛོམས་འདུག
ལས་འགུལ་སྐབས་མི་མང་གིས་ལག་ཏུ་ཧོང་ཀོང་ལ་མང་གཙོ། བོད་ལ་རང་བཙན། དེ་རིང་གི་ཧོང་ཀོང་། སང་ཉིན་གྱི་བོད། ཅེས་པ་དང་། ཧོང་ཀོང་ལ་རང་དབང་། བོད་ལ་རང་བཙན། འཛམ་གླིང་མི་མང་གིས་ཧོང་ཀོང་གི་དམངས་གཙོ་ལ་རོཊ་འདེཊ་གནང་རོཊ་སོཊ་འཕྲེད་དར་འདྲ་མིན་འཕྱར་བཞིན་མེག་ལོར་ཁྲོམ་གཞུང་དུ་ཞི་བའི་ངོ་རྒོལ་དང་མར་མེ་ཁྲོམ་སྐོར་བཅས་གནང་སོང་ལ། སྐབས་དེར་བོད་ཀྱི་གཞོན་ནུ་ལྷན་ཚོཊ་ཀྱི་ཚོཊ་གཙོ་བསྟན་འཛིན་འཇིཊ་མེད་ལཊ་ཀྱིས་དེ་རིང་གི་ལས་འགུལ་གྱི་དམིཊ་ཡུལ་དང་འབྲེལ་བའི་གཏམ་བཤད་གནང་སྐབས། དེ་རིང་གཞོན་ནུ་ལྷན་ཚོཊ་ཀྱིས་ཧོང་ཀོང་མི་མང་ལ་གདུང་སེམས་མཉམ་སྐྱེད་ཀྱི་ལས་འགུལ་སྤེལ་དགོས་དོན། ཉེ་བའི་དུས་ནས་ཧོང་ཀོང་མི་མང་གིས་ཁོང་ཚོར་དམངས་གཙོ་དང་རང་དབང་དགོས་ཞེས་ལས་འགུལ་མུ་མཐུད་སྤེལ་བཞིན་པ་དེར་བོད་མི་ཚོའི་ངོས་ནས་གདུང་སེམས་མཉམ་སྐྱེད་དང་རྒྱབ་སྐྱོར་ཡོད་པའི་བརྡ་ལན་སྤྲོད་རྒྱུ་གལ་ཆེན་པོར་མཐོང་སྟེ་ལས་འགུལ་སྤེལ་ཡོད་པ་དང་། དམིགས་བསལ་ད་ལྟའི་བོད་ནང་གི་གནས་སྟངས་དང་ཧོང་ཀོང་གནས་སྟངས་གཅིག་མཚུངས་ལྟ་བུ་ཆགས་ཡོད་སྟབས། བོད་མི་ཚོའི་ངོས་ནས་ཁོང་ཚོའི་ལས་འགུལ་ལ་རྒྱབ་སྐྱོང་གནང་རྒྱུ་ཧ་ཅང་གལ་ཆེན་ཡིན་སྐོར་སོགས་གཏམ་བཤད་གནང་སོང་།
རྒྱ་ནག་སྐམ་ས་ནས་ཡོང་བའི་རྒྱ་རིགས་ཝང་ལགས་ཀྱིས། ང་ལ་མཚོན་ན་དེ་རིང་མི་མང་འདུ་འཛོམས་ཀྱི་ངོ་རྒོལ་ལས་འགུལ་ནང་ཞུགས་ཐེངས་ཐོག་མ་ཡིན། ཚང་མས་མཁྱེན་གསལ་ལྟར་རྒྱ་ནག་སྐམ་སར་འདི་འདྲའི་གནས་ཚུལ་རིགས་ཚང་མ་བཀག་སྡོམ་བྱས་ཡོད་པ་རེད། ལས་འགུལ་འདིར་མཉམ་ཞུགས་གནང་སྐབས་ང་རང་སེམས་འགུལ་ཐེབས་ཡོང་གི་འདུག ཁ་དཔེར། འབད་པ་ཅན་ལ་ལེགས་འགྲུབ་དང་། ལེ་ལོ་ཅན་ལ་ཕམ་ཉེས་ཞེས་པ་ལྟར། རྒྱ་ནག་སྐམ་སར་མཚོན་ན་གཞུང་གི་དྲག་གནོན་དབང་བསྒྱུར་གྱི་སྲིད་ཇུས་འོག་མི་མང་གིས་མི་རིགས་གནད་དོན་དང་འབྲེལ་བའི་འཐབ་རྩོད་བྱེད་ཐུབ་ཀྱི་ཡོད་པ་མ་རེད། རྒྱ་ནག་གི་གནས་སྟངས་ལ་བལྟས་ཡོང་སྐབས་ངས་ཧོང་ཀོང་མི་མང་ལ་རེ་བ་ཞིག་མཐོང་གི་འདུག་ལ། ཁོང་ཚོའི་ལས་དབང་ཡག་པོ་འདུག་བསམ་གྱི་ཡོད། ཁོང་ཚོར་འཛམ་གླིང་གི་སྙན་གྲགས་ཅན་གྱི་མི་སྣ་མང་པོས་རྒྱབ་སྐྱོར་འདུག་སྟབས་རྒྱལ་ཁ་ཐོབ་པའི་ཡིད་ཆེས་ཡོད། གཙོ་བོ་ཧོང་ཀོང་དམངས་གཙོ་གཞུང་གིས་རྒྱ་ནག་གཞུང་ལ་རེ་སྐུལ་བྱས་ཏེ། མི་མང་ལ་འགྲོ་བ་མིའི་རང་དབང་དང་ཐོབ་ཐང་། མི་རིགས་དང་རྒྱལ་ཁབ། དད་མོས་སོགས་ཀྱི་རང་དབང་སྤྲོད་རྒྱུ་ཧ་ཅང་གལ་ཆེན་པོ་རེད། འདི་རྒྱ་ནག་སྐམ་ས་ནས་ཡོང་བའི་གཞོན་སྐྱེས་ཤིག་གི་རེ་བ་ཡིན། ཞེས་བརྗོད་བྱུང་།
དེ་རིང་གི་ལས་འགུལ་སྐབས་གསར་འགོད་པས་རྒྱ་རིགས་བུད་མེད་ཁྲིན་པེ་ཞི་ལགས་སུ་ཧོང་ཀོང་གི་ལས་འགུལ་ཐད་སེམས་ཚོར་གང་འདྲ་ཡོད་མེད་བཅར་འདྲི་བྱས་པར་ཁོ་མོས། ང་རང་ཧོང་ཀོང་གི་མི་སེར་ཞིག་ཡིན། ཧོང་ཀོང་ལ་མཚོན་ན་ ༡༩༩༧ ལོར་རྒྱ་ནག་གི་རྒྱལ་ཁོངས་སུ་བཅུག་པ་རེད། ༢༠༠༧ ལོ་ནས་བཟུང་ང་ཚོར་མིང་དོན་མཚུངས་པའི་དམངས་གཙོའི་སྲིད་ཇུས་ལག་བསྟར་བྱས་པ་རེད། སྐབས་དེ་དག་ཏུ་ང་ཚོས་མི་ ༡༢༠༠ གྲུབ་པའི་ཚོགས་ཆུང་གིས་འོས་བསྡུའི་ལམ་ནས་ཧོང་ཀོང་དམིགས་བསལ་སྲིད་འཛིན་ས་ཁུལ་གྱི་སྲིད་འཛིན་འོས་འདེམས་ཀྱི་ཡོད་པ་རེད། ཉེ་ལམ་རྒྱ་ནག་གཞུང་གིས་ཧོང་ཀོང་གི་འོས་བསྡུའི་སྐོར་ལ་ཐེ་ཇུས་བྱས་པ་དང་། ང་ཚོའི་འོས་བསྡུ་རྒྱ་ནག་གཞུང་འབྲེལ་གྱི་བཀོད་མངགས་ལས་དམངས་གཙོའི་ལམ་སྲོལ་ལྟར་འགྲོ་ཐུབ་ཀྱི་མེད་སྟབས། ང་ཚོའི་མང་ཚོགས་ཀྱིས་ཞི་བའི་ལམ་ནས་དམངས་གཙོའི་དགེ་འདུན་འདོན་གྱི་ཡོད་པ་རེད། ང་ཚོས་རྒྱ་ནག་གཞུང་ལ་ངོ་རྒོལ་གནང་གི་ཡོད་པ་མ་རེད། ད་ལྟའི་བར་འཛམ་གླིང་གི་རྒྱལ་ཁབ་ཁག་དང་དབུ་ཁྲིད་མང་པོས་རྒྱབ་སྐྱོར་གནང་ཡོད་པ་རེད། དེ་རིང་དྷ་རམ་ས་ལར་བཙན་བྱོལ་བོད་མི་ཚོས་ཀྱང་རྒྱབ་སྐྱོར་གནང་གི་འདུག ང་རང་ལ་མཚོན་རྒྱ་ནག་གཞུང་གིས་བོད་ནང་དྲག་གནོན་གྱི་སྲིད་ཇུས་ལག་བསྟར་བྱེད་ཀྱིན་པ་ཤེས་ཀྱི་ཡོད། ཐེངས་འདིར་བོད་མི་ཚོས་ཧོང་ཀོང་མི་མང་དཀའ་ངལ་འཕྲད་བཞིན་པའི་སྐབས་གདུང་སེམས་མཉམ་སྐྱེད་དང་རྒྱབ་སྐྱོར། ཐུགས་ཁུར་གནང་བར་ངས་སྙིང་ཐག་པ་ནས་རྗེ་ཆེ་ཞུ་བ་ཡིན་ཞེས་བརྗོད་བྱུང་།
ཐའེ་ཝན་ནས་ཡོང་བའི་རྒྱ་རིགས་བུད་མེད་ཡྰང་ལེ་ཕིན་ལགས་ཀྱིས། སྤྱིར་བཏང་ཐའེ་ཝན་རང་བཙན་གྱི་རྒྱལ་ཁབ་ཅིག་ཡིན་ཡང་ང་ཚོར་ཡང་དཀའ་ངལ་མང་དག་ཅིག་འཕྲད་བསྡད་ཡོད་པ་རེད། ངས་ཐེངས་འདིའི་ཧོང་ཀོང་གི་ལས་འགུལ་བལྟས་ཡོང་སྐབས། ཧོང་ཀོང་གི་མི་མང་ཧ་ཅང་སྙིང་སྟོབས་ཆེན་པོ་རེད་བསམ་གྱི་འདུག ཁོང་ཚོས་རང་ཉིད་ཀྱི་ཐོབ་ཐང་ཆེད་དགོས་འདུན་འདོན་ཐུབ་ཀྱི་འདུག ཐའེ་ཝན་ལ་མཚོན་ན་གནད་དོན་འདི་འདྲའི་ཆེད་མི་མང་པོ་འཛོམས་རྒྱུ་ཧ་ཅང་ཁག་པོ་རེད། ད་ཆར་ཧོང་ཀོང་མི་དམངས་ལ་མཚོན་ན་གནད་འགག་གི་དུས་སྐབས་ཤིག་ལ་བསླེབ་ཡོད་པ་རེད་བསམ་གྱི་འདུག གལ་སྲིད། ཁོང་ཚོས་མི་མཐུད་ངོ་རྒོལ་བྱ་མ་ཐུབ་ཚེ། ཁོང་ཚོའི་དགེ་འདུན་འགྲུབ་མིན་བཤད་ཁག་པོ་རེད། ད་ལྟའི་ཆར་ཧོ་ཀོང་གི་ལས་འགུལ་ལ་འཛམ་གླིང་མི་མང་གི་གདུང་སེམས་མཉམ་སྐྱེད་བྱེད་ཀྱིན་པ་ལྟར། བཙན་བྱོལ་བོད་མི་ཚོས་ཀྱང་རང་ནུས་གང་ཡོད་ཀྱིས་རྒྱབ་སྐྱོར་གནང་བཞིན་པ་འདིར་ང་རང་རྒྱ་རིགས་ཤིག་ཡིན་པའི་ངོས་ནས་སེམས་འགུལ་ཐེབས་སོང་། ཐའེ་ཝན་ལ་མཚོན་ན་འདི་ལྟར་གདུང་སེམས་མཉམ་སྐྱེད་བྱེད་མཁན་ཧ་ཅང་དཀོན་པོ་རེད། ཅེས་བརྗོད་བྱུང་།
བོད་རིགས་བུད་མེད་ཚེ་ལྷ་ལགས་ཀྱིས། ང་རང་གི་ངོས་ནས་ཧོང་ཀོང་མི་མང་གི་ངོ་རྒོལ་གྱི་བྱུང་རྐྱེན་གཙོ་བོ། རྒྱ་ནག་གིས་ཧོང་གི་སྲིད་ཇུས་ལ་ཐེས་བྱུས་བྱེད་པ་ཞིག་ལ་ངོས་འཛིན་བྱེད་ཀྱི་ཡོད། ང་རང་བོད་མི་ཞིག་ཡིན་པ་དང་། རྒྱ་ནག་ང་ཚོས་དགྲ་ཡིན་པའི་ཆ་ནས། ངས་ང་ཚོ་ལ་རང་དབང་དགོས་པ་དང་། ཧོང་ཀོང་མི་མང་ལ་དམངས་གཙོ་དགོས་པ་གཅིག་མཚུངས་ཆགས་འདུག་བསམ་གྱི་ཡོད། ད་རེབ་བོད་ཀྱི་གཞོན་ནུ་ལྷན་ཚོགས་གཙོས་པའི་ཚོགས་པ་མང་པོ་ཞིག་གིས་ཧོང་ཀོང་མི་མང་ལ་གདུང་སེམས་མཉམ་སྐྱེད་ཀྱི་ལས་འགུལ་སྤེལ་བ་འདི་ཧ་ཅང་ཡག་པོ་མཐོང་བྱུང་། རྒྱ་ནག་གི་སྲིད་ཇུས་འོག་ང་ཚོ་གཅིག་པུ་མིན་པར་ཐའེ་ཝན་དང་ཧོང་ཀོང་སོགས་ལ་གཅིག་མཚུངས་ཀྱི་དཀའ་ངལ་འཕྲད་ཀྱི་ཡོད་སྟབས། ང་ཚོས་རྒྱབ་སྐྱོར་དང་གདུང་སེམས་མཉམ་སྐྱེད་བྱེད་བཞིན་པ་འདིས་ཧོང་ཀོང་མི་མང་ལ་སེམས་ཤུགས་དང་སྤོབས་པ་སྤྲོད་ཐུབ་ཀྱི་རེད་བསམ་གྱི་འདུག ཅེས་བརྗོད་བྱུང་།
གསར་འགོད་པ། དོན་གོ
སྤྱིར་བོད་མི་ཚོས་ཧང་ཁང་མི་མང་ལ་རྒྱབ་སྐྱོར་བྱེད་ཁུལ་བྱེད་རྒྱུ་འདི་ཡག་པོ་རེད། འོན་ཀྱང་གཙོ་བོ་བོད་མི་རང་གི་ཀླད་པ་མགུལ་བསྐྱོད་ཅུང་ཙམ་ཨེ་ཤེས་བལྟས་ནས་བསྒྲིག་འཛུགས་ཞིག་ཡོད་དགོས་པ་རེད་མ་གཏོགས་གཞན་གྱི་རྐུབ་ལ་རྒྱུགས་སྐྱང་བྱས་པ་ཙམ་གྱི་བྱ་བ་གང་ཡང་འཇོན་གྱིན་མ་རེད། དེས་སང་འཛམ་གླིང་གང་སར་བོད་མིའི་རིན་ཐང་ཅེ་ཞན་ཏུ་འགྲོ་བཞིན་པའི་རྒྱུ་མཚན་ཡང་། འཛམ་གླིང་གང་སར་འཁྱམས་པའི་བོད་མི་ཚོའི་ཁ་བཤད་སྐྱང་པ་མ་གཏོགས་ལག་ལེན་མེད་པ་དང་། རང་གི་ཀླད་པ་བེད་མེད་དུ་བཞག་ནས་གཞན་གྱི་རྐུབ་རྒྱུགས་དྲགས་པས་རེད།
ཞིན་ཅིན་ཕིན་གྱི་རྒྱ་རིགས་ཆེན་པོ་རིང་ལུགས་ལ་ང་རྒོལ་ཟེར་པའི་གཡོ་ཚིག་སྤེལ་ཡོད་ཚུལ་འདུག་གལ་ཏེ་དེ་འདྲ་ཡིན་ཚེ་བོད་ཁུལ་དམ་དྲག་མེད་པར་རྒྱ་མི་ཚོའ་འགྲོ་འདུག་སྤྱོད་གསུམ་རང་དབང་ཡོད་པ་ནང་བཞིན་བོད་ཁུལ་ལ་ལྷོད་ཡངས་སྤྲོད་རོགས་རྒྱ་ནག་་རང་གི་གྲོང་ཁྱེར་ཆེ་ཁག་ལ་མེད་པར་བོད་ཁུལ་ལ་སྐར་ལྔ་དར་ཆ་དང་དམར་ཤོག་མགོ་ཁྲིད་ཚོའི་པར་ཁྱིམ་ཚང་སོ་སོའི་ཁང་ཐོག་སྒྲེང་དང་ནང་བཤམས་བྱེད་དགོས་པ་ཕྱིན་ཐེན་བྱས་ན་བདེན་པ་ཡིན།