ཏེ་ལོ་རིན་པོ་ཆེ་མཆོག་རུ་སོག་དོན་གཅོད་དུ་བསྐོ་བཞག

སྲིད་སྐྱོང་གི་གྲོགས་པོ་ཨ་རིའི་སྐུ་ཚབ་དོན་གཅོད་དང། སྲིད་སྐྱོང་གི་ཨ་ཞང་གི་གྲོགས་པོ་ཤེས་རིག་བཀའ་བློན་དུ་བསྐོས་ཏེ་སྐུ་ཚབ་ཐུབ་ཀྱི་ཡོད་ན། ཏེ་ལོ་རིན་པོ་ཆེ་མཆོག་གིས་སྐུ་ཚབ་མི་ཐུབ་པ་ཅི་ཞིག་ཡོད། ཁོང་གི་སྤྲུལ་སྐུ་ཡིན་པ་མ་ཟད། གཞུང་ཆེན་སློབ་གཉེར་ཁུངས་འཁྱོལ་བ་གནང་ཟིན་པ། བོད་སོག་གི་མཛའ་འབྲེལ་ལོ་རྒྱུས་ཀྱི་ཤེས་ཚད་ལྡན་པ། སོག་པོ་ཨ་ཅང་ཅང། བོད་སྐད་སྤུས་ཚད་སྲིད་སྐྱོང་ལས་ཀྱང་ཚད་ལྡན་བསྐྱོན་པ། ད་དུང་ཨིན་སྐད་ལ་མཁས་པ། བཤད་ན་གདངས་སྙན་པ། རྒྱ་གར་གི་ཨིན་སྐད་ནང་བཞིན་མ་ཡིན་པ། མི་ལ་འབྲེལ་བ་ཆེ་བ་བཅས་ཁོང་སྐུ་ཚབ་དོན་གཅོད་དུ་བསྐོས་པ་འགྲིག་འདུག ཁྲིམས་སྒྲིག་གི་རྒྱ་ལས་མི་བརྒལ་རྒྱུ་གལ་ཆེ། རང་རེའི་སྒྲིག་འཛུགས་ཁྲིམས་ཀྱི་དབང་བསྒྱུར་རེད་ཝ།

སྐུ་ཚབ་བསྐོ་འཛུགས་ཞུ་སྟངས་བོད་གཞུང་གི་ཁྲིམས་སྒྲིག་གི་རྒྱ་ལས་བརྒལ་འགྲོ་ས་མེད་སྟབས། རང་བློར་ཤར་ཚད་ཀྱི་འགྲེལ་བཤད་རེ་རྒྱག་རྒྱུའི་སྨྲ་བརྗོད་རང་དབང་ཡོད་ཀྱང། དེ་ལས་གྲོས་ཚོགས་རྭ་བའི་ནང་ཁྲིམས་སྒྲིག་བསྐྱར་བཅོས་རེ་ཨེ་འཇོན་ལྟོས་ན་ཡག་གི་རེད།

དེང་གི་སྐུ་ཚབ་དོན་གཅོད་རྣམས་ལ་༸གོང་ས་སྐྱབས་མགོན་ཆེན་པོའི་མཚན་གནས་གཡར་རྒྱུ་ཙམ་ལས། བསྐོ་འཛུགས་གནང་མཁན་བཀའ་ཤག་རེད།

སྐུ་ཚབ་རྣམས་ཀྱིས་༸གོང་ས་མཆོག་གི་སྐུ་ཚབ་ཐུབ་ཀྱི་ཡོད་མེད་ཐད་ནས་གླེང་དགོས་ན། སྐུ་ཚབ་དོན་གཅོད་ཡོད་དོ་ཅོག་དང་དམིགས་བསལ་སྐུ་ཚབ་ལས་ཟུར་བཅས་ཚང་མ་གདན་ཐོག་གཅིག་ལ་བཞག་སྟེ་དྲི་བ་གཏོང་དགོས་པ་རེད། གལ་སྲིད་དྲི་བ་གཏོང་དགོས་ཤར་ཚེ། དེ་འདྲ་གནང་རྒྱུ་སྐུ་ངལ་ཐོལ་བ་ཡིན་པ་གངས་ཅན་སྐྱིད་གཤོངས་ཀྱི་ཡིག་གད་ཚུན་ཆད་ཀྱིས་ཚོད་དཔག་ཐུབ་ཀྱི་རེད་བསམས།

ཏེ་ལོ་རིན་པོ་ཆེ་བསྐོ་བཞག་ཡི་གེ་ནང་༼ ཆེ་བསྟོད་མཚན་གནས་༽ཟེར་པ་ཞིག་བཀོད་འདུག་པས། འདི་ནི་བཀའ་ཤག་གིས་རང་འགན་ཆ་ཚང་མ་འཁུར་བར་༸གོང་ས་མཆོག་ལ་རྒྱབ་ཅུང་ཙམ་བསྙེས་ཡོད་པའི་རྟགས་རེད་བསམས། དེའི་ཆ་ནས་འདི་རིགས་ལམ་ལུགས་རྙིང་པའི་ནང་མ་གཏོགས། མང་གཙོའི་འགྲོ་ལུགས་ནང་ལས་རྙོག་ཆགས་སྲིད་པ་རེད། རབ་ཏུ་བྱུང་ན། བཀའ་ཤག་གི་ཡི་གེ་དེའི་ནང་གི་ཆེ་བསྟོད་མཚན་གནས་ཟེར་པ་འདི་ཕྱིར་འཐེན་གྱིས་དོན་གཅོད་རྣམས་སྤྱི་མཚུངས་སྐུ་ཚབ་དོན་གཅོད་ཟེར་པ་གཅིག་མཚུངས་ཡིན་ན་ཡག་གི་རེད་བསམས།

སྐུ་ཚབ་དོན་གཅོད་བསྐོ་བཞག་སྐོར་དཔྱ་ཁྲལ་ལག་དེབ་དགོས་མིན་དང་བོད་མི་ཡིན་དགོས་མིན་སོགས་བཅའ་ཁྲིམས་དང་ཁྲིམས་སྒྲིག་ཁག་ཏུ་མ་གསལ་བས་རྩོད་པ་སྟོང་པ་ཡིན་པ་འདྲ།

རྒྱལ་སྲིད་བཙན་གྱིས་མི་མང་ལ་རྩིས་སྤྲོད་གནང་རྗེས། བཅའ་ཁྲིམས་ལེའུ་དང་པོའི་ནང་གསེས ༣ ནང་སྐུ་ཚབ་དོན་གཅོད་བཀའ་ཤག་བསྐོ་འཛུགས་ཞུས་རྗེས་༸གོང་ས་མཆོག་གིས་སྐུ་ཚབ་ཀྱི་མཚན་གནས་སྩོལ་རྒྱུ་ཙམ་རེད།

འདིར་དྲངས་ན། ལེའུ་དང་པོའི་ནང་གསེས ༣ པར༼ བོད་མིའི་སྒྲིག་འཛུགས་དང་བོད་མི་མང་གི་ཆེད་རྒྱལ་སྤྱིའི་དབུ་ཁྲིད་རྣམ་པ་དང། གལ་ཆེའི་མི་སྣ་ཁག་དང་མཇལ་འཕྲད་བཀའ་བསྡུར་གནང་རྒྱུ་དང། བཀའ་ཤག་གིས་བསྐོ་འཛུགས་བྱས་པའི་སྐུ་ཚབ་དོན་གཅོད་དང་དམིགས་བསལ་སྐུ་ཚབ་རྣམས་ལ་༸གོང་ས་སྐྱབས་མགོན་པོ་མཆོག་གི་སྐུ་ཚབ་ཀྱི་མཚན་གནས་བསྩལ་རྒྱུ་བཅས། ༽ཞེས་གསལ་འདུག

འོན་ཀྱང་བཀའ་ཤག་གིས་དོན་གཅོད་བསྐོ་འཛུགས་ཞུ་ཕྱོགས་ཁྲིམས་སྒྲིག་ཁག་ཏུ་ད་དུང་གསལ་ཁ་མི་འདུག་ཀྱང། དབུས་བོད་མིའི་སྒྲིག་འཛུགས་ཀྱི་འཛིན་སྐྱོང་སྒྲིག་གཞིའི་དོན་ཚན ༥ པའི་ནང་གསེས་ ཁ་་་པའི་དོན་ཚན ༢ པའི་ནང། ༼ ལས་ཁུངས་དེ་དག་གི་འགན་འཛིན་གཞུང་ཞབས་དྲུང་ཆེའི་གནས་རིམ་ཅན་གྱི་སྐུ་ཚབ་རེ་དགོས་པ་དང། དེའི་འོག་ལས་དོན་ལ་གཞིགས་པའི་ལས་བྱེད་ཇི་དགོས་ས་མིག་གཏན་འབེབས་དང་འབྲེལ་བཀོད་སྒྲིག་བྱ་རྒྱུ། ༽ཞེས་གསལ་འདུག་པ་བསྐྱར་བཅོས་སོང་མེད་ཚེ། དྲུང་ཆེའི་གནས་རིམ་ཅན་མིན་ཚེ་སྐུ་ཚབ་བསྐོ་འཛུགས་བྱས་ཆོག་པའི་ཆ་རྐྱེན་མེད་པ་གསལ་འདུག་པས། དྲ་གྲོགས་ཚོས་གནད་འགག་ལ་མཛུབ་མོ་བཙུགས་ནས་བགྲོ་གླེང་གནང་རོགས།

དེ་མིན་ཏེ་ལོ་རིན་པོ་ཆེ་སྐུ་སྒེར་ལ་སྐྱོན་བརྗོད་བྱས་ན་རང་མདོག་བསྟན་པ་ལས་གཞན་ཅི་ཡང་མིན་སྟབས། བཀའ་མོལ་གནང་ན་ཤེས་ནས་གནང་རྒྱུ་འདི་གལ་ཆེ་ཞིང། ལྷག་པར་གཞུང་གི་གནད་ཡོད་ཚོས་དྲ་མཆན་སྤེལ་ན་དེ་བས་ཀྱང་གཟབ་རོགས།།

ད་ཁྱེད་ཚོས་རླབས་ཆེན་ཞེས་བསྟོད་བསྔགས་བྱས་ཏེ་ལམ་ལུགས་རུལ་སུངས་ཀྱི་དྲི་མར་སྣོམ་རོགས། ཏེ་ལོ་སྤྲུལ་སྐུ་ནི་ཆུང་བྱིས་པའི་དུས་ནས་སྤྲུལ་སྐུར་ངོས་འཛིན་དང་། ད་ལྟའི་བར་དུ་ཁྱི་ས་ནས་མི་སར་འཇོག་མཁན་གོང་ས་མཆོག་རེད། གོང་ས་མཆོག་གི་མཛད་འཕྲིན་མེད་ན་ཏེ་ལོ་སྤྲུལ་སྐུའི་དེ་རིང་གི་ཉིན་མོ་འདི་གང་ནས་ཡོང་བ་རེད་དམ། དེང་སང་འབུར་འབུར་བྱེད་པའི་ཀྲོག་ཀྲོག་གི་མགོ་དེ་ཨུ་རུ་སུའི་གཞུང་དང་། ཨ་རིའི་གཞུང་སུ་གཅིག་གིས་སྤྲད་པ་མ་རེད། གོང་ས་མཆོག་དང་བོད་པའི་བཀའ་དྲིན་གྱིས་ཏེ་ལོ་ཞེས་པའི་མིང་འདི་སྤྱི་ཚོགས་ཀྱིས་རྙེད་པ་རེད། འདི་ཏེ་ལོ་རང་ཉིད་ནས་ངོས་འཛིན་ཐུབ་དགོས་པ་ཞིག་རེད། ཏེ་ལོ་སྤྲུལ་སྐུས་བོད་ལ་ཡ་མཚན་ཞིག་བྱེད་ཀྱིན་ཡོད་ན་བོད་མི་མང་སྤྱི་འཐུས་ལྷན་ཚོགས་ཀྱིས་གོ་སྒྲིག་བྱས་པའི་བདེན་པའི་མེ་ལྕེ་དགོན་པའི་ནང་འཁྱེར་མ་ཡོང་ཆབ་སྲིད་རེད་ཅེས་ཁལ་མིག་དགོན་ནང་དུ་ཁྱེར་མ་བཅུག་པ་རེད། འདི་གང་མཚོན་པ་རེད་དམ། བོད་གཞུང་གི་ཞབས་སྟེགས་འདི་རྩེད་མོ་རྩེད་ས་མ་རེད། མིང་འདྲ་མིན་བཏགས་སྟེ་གང་ཟག་རེ་ཟུང་ལ་དམིགས་བསལ་དུ་ཁ་གཡར་བ་འདིས་ད་ལྟ་བར་ཡིད་ཆེས་དང་རེ་བས་བཟུང་བའི་སྲིད་སྐྱོང་བཀའ་ཤག་ལ་སེར་ག་ཞིག་ཆགས་སོང་། འདི་འབྲེལ་གྱི་དངོས་ཡོད་ཞིབ་འཇུག་རྩོམ་ཡིག་རིང་པོ་ཞིག་དྲང་དཔྱོད་ཀྱི་བློ་མིག་ཅན་ཚོར་སྤྱན་འབུལ་ཞུ་ངེས་ལགས།

ལས་ཀ་བྱེད་སྟངས་འདི་ག་རེ་བྱེད་རྩིས་ཡིན་ནམ། བཀའ་ཤག་སྨྱོས་པ་མིན་ནམ། ད་ངོ་མ་འཐོགས་སོང་།

བློ་ལྡན་ལགས། ཆེ་བསྟོད་ཀྱི་ཆེད་དུ་ལག་རྟགས་ཕུལ་ཆོག་ལ་ལག་འཁྱེར་ཕུལ་ཆོག་གིན་རེད། ཡིན ནའང་། ཆེ་བསྟོད་མཚན་གནས་ལ་ཁ་གཡར་ཏེ་བོད་གཞུང་གི་རྐུབ་བཀྱག་ཕུལ་བ་ནི་བོད་གཞུང་འདི་ཁ་ཕྱོགས་མེད་པ་དང་། གང་ཟག་རེ་ཟུང་གི་དབང་བསྒྱུར་འོག་འགྲོ་བཞིན་པ་ཤེས་ཐུབ་པ་འདུག ཉེ་ཆར་ངའི་འཛིན་གྲོགས་ཁ་ཤས་ཀྱིས་བོད་གཞུང་ལས་བྱེད་ལ་ཡིག་རྩལ་གཏོང་སྐབས་ལག་དེབ་ལྗང་ཀི་ཆ་རྐྱེན་ཨང་དང་པོ་ཡིན་འདུག མཐོ་རིམ་མི་སྣ་ཚོར་ཞབས་བཀྱག་སྤྲོད་སྐབས་ཆ་རྐྱེན་གང་ཡང་མི་དགོས་པ་འདི་འདྲ་མཉམ་ཞིག་འེ་རེད་དམ། ཏེ་ལོ་རིན་པོ་ཆེ་ལས་ལྷག་པའི་བོད་ཀྱི་མཐུན་གྲོགས་གལ་ཆེན་ཚོར་ཆེ་མཐོང་མཚན་གནས་གང་འདྲ་འབུལ་གྱིན་ཡིན་ནམ།

ཏེ་ལོ་སྤྲུལ་སྐུ་ཨུ་རུ་སུའུ་སྐུ་ཚབས་དོན་གཅོད་དུ་བསྐོ་བ་འདིས་ང་ལ་མིག་བརྒྱ་གསར་པ་ཞིག་བསྐྱེད་སོང་། སྐབས་རྗེས་མའི་བོད་ཀྱི་སྲིད་སྐྱོང་ལ་ཨོ་བྷ་མ་འདེམ་ངེས་ཡིན། བོད་ཀྱི་དོན་གཅོད་དང་། བོད་ཀྱི་སྲིད་སྐྱོང་། བོད་ཀྱི་སྤྱི་འཐུས། བོད་ཀྱི་གཞུང་ཞབས་ལས་བྱེད་སོགས་ལ་བོད་རིགས་མི་དགོས་ཤིང་། ལག་དེབ་ལྗང་ཀིའི་ཆ་རྐྱེན་མི་དགོས་པ། ལས་བྱེད་གནས་རིམ་སོགས་ཀྱི་རྩ་འཛིན་མི་དགོས་པ་ནི་སྐབས་༡༤ ་པའི་བཀའ་ཤག་གི་གསར་གཏོད་ཡག་ཤོས་དེ་ཡིན་པར་སེམས།

ཏེ་ལོ་རིན་པོ་ཆེ་མཆོག་གིས་སོག་ཡུལ་གྱི་སྐུ་ཚབ་དོན་གཅོད་ཀྱི་ཐུགས་འགན་བཞེས་པར་འཚམས་འདྲིའི་བཀྲ་ཤིས་བདེ་ལེགས་ཞུ།