ཁ་སང་ཨུ་རུ་སུ་དང་ཡུའུ་ཁུ་རེན་གྱི་གློག་ཤུགས་བློན་ཆེན་རྣམ་གཉིས་ཡུ་རོབ་སྦེལ་ཇམ་དུ་ཐུག་འཕྲད་གྲོས་མོལ་བྱས་ཏེ་རྒྱལ་ཁབ་གཉིས་བར་སོལ་རླངས་གནད་དོན་ཐོག་གྲོས་མོལ་བྱས་ཡོད་འདུག
ཁ་སང་ཕྱི་ཚེས་ ༢༩ ཉིན་ཡུ་རོབ་སྦེལ་ཇམ་གྱི་རྒྱལ་གྱི་རྒྱལ་སར། ཡུ་རོབ་མཐུན་ཚོགས་ཀྱི་གློག་ཤུགས་འགན་གྱི་བར་འདུམ་འོག ཨུ་རུ་སུའི་གློག་ཤུགས་བློན་ཆེན་ནོབ་བཱ་ཁུ་ (Alexander Novak)དང་སོལ་རླངས་བཟོ་གྲྭའི་འགན་འཛིན་མེ་ལེར་ (Alexei Miller)། ཡུའུ་ཁུ་རེན་གྱི་གློག་ཤུགས་བློན་ཆེན་ཡོ་རེ་པུ་རོབ་ཌེན་ (Yuri Prodan) གསུམ་ཐུག་འཕྲད་བྱས་ནས་ཨུ་རུ་སུས་ཡུའུ་ཁུ་རེན་ལ་སོལ་རླངས་གཏོང་དགོས་པའི་སྐོར་ལ་གྲོས་མོལ་ཚོགས་འདུ་ཞིག་ཚོགས་ཡོད་ཀྱང་། ཨུ་རུ་སུ་ཕྱོགས་ནས་ཡུའུ་ཁུ་རེན་གྱིས་ཨུ་རུ་སུར་སོལ་རླངས་བུ་ལོན་ཨ་སྒོར་ཐེར་འབུམ་ ༣།༡ ཆད་ཡོད་པ་དེ་ལས་ཨ་སྒོར་ཐེར་འབུམ་ ༡།༦ ཙམ་སྔོན་ལ་སྤྲོད་དགོས་པའི་ཆ་རྐྱེན་བཏོན་པར་བརྟེན། ཨུ་རུ་སུས་ཡུའུ་ཁུ་རེན་ལ་སོལ་རླ
ཨུ་རུ་སུའི་སོལ་རླངས་བཟོ་གྲྭའི་འགན་འཛིན་མེ་ལེར་ལགས་ཀྱིས་བརྗོད་པར། ཡུ་རོབ་མཐུན་ཚོགས་ཀྱིས་ཡུའུ་ཁུ་རེན་ལ་དཔལ་འབྱོར་རོགས་སྐྱོར་བྱེད་པར་གྲོས་ཆོད་བཞག་པ་ཡིན་ན། ཨུ་རུ་སུས་ཡུའུ་ཁུ་རེན་ལ་སོལ་རླངས་གཏོང་ངེས་ཡིན་ཚུལ་བརྗོད་འདུག དེ་བཞིན། ཨུ་རུ་སུའི་གློག་ཤུགས་བློན་ཆེན་ནོ་བཱ་ཁུ་ཡིས་ཀྱང་། ཐེངས་འདིར་ཡུ་རོབ་མཐུན་ཚོགས་དང་རྒྱལ་སྤྱིའི་དངུལ་ཁང་གིས་ཡུའུ་ཁུ་རེན་ལ་སོལ་རླངས་ཨ་སྒོར་ཐེར་འབུམ་ ༤ ལྷག་གི་མ་དངུལ་ཐོག་རོགས་སྐྱོར་ཁག་ཐེག་བྱེད་པའི་ཡིད་ཆེས་བསླེབས་མ་སོང་ལ། ཡུའུ་ཁུ་རེན་ལ་རོགས་དངུལ་ཚེ་ཨུ་རུ་སུ་ལ་སོལ་རླངས་ཡོད། ཅེས་བརྗོད་འདུག
ཡུ་རོབ་མཐུན་ཚོགས་ཀྱི་འབྲེལ་ཡོད་མི་སྣ་ཞིག་གིས་གསར་འགོད་པར་ཐེངས་འདིའི་གྲོས་མོལ་སྐོར་ལ། ཨུ་རུ་སུ་དང་ཡུའུ་ཁུ་རེན་གཉིས་གྲོས་མོལ་མགོ་འཛུགས་བྱས་ཟིན་ཡང་། གྲོས་མོལ་ལ་གྲུབ་འབྲས་ཡོང་མིན་དེ་ཡུ་རོབ་མཐུན་ཚོགས་ཀྱིས་ཡུའུ་ཁུ་རེན་ལ་དཔལ་འབྱོར་རོགས་སྐྱོར་བྱེད་མིན་ལ་རག་ལས་ཡོད། ཅེས་བརྗོད་འདུག
ཡུ་རོབ་ཤར་ཕྱོགས་ཁུལ་གྱི་སོལ་རླངས་
ཡུའུ་ཁུ་རེན་གྱི་དཔལ་འབྱོར་བློ
གནད་དོན་དབྱེ་ཞིབ་པ་ཚོས་ཨུ་རུ་སུས་ཡུའུ་ཁུ་རེན་གྱི་སོལ་རླངས་དཀའ་ངལ་སེལ་འདོད་ཡོད་མེད་སྐོར་ལ། ཨུ་རུ་སུའི་མཐར་ཐུག་གི་ཀུན་སློང་དཔལ་འབྱོར་ཡིན་པ་དང་། ཡང་ན། ཡུའུ་ཁུ་རེན་དང་ནུབ་ཕྱོགས་རྒྱལ་ཁབ་ཚོའི་བར་ཨུ་རུ་སུའི་སྲིད་དོན་གྲོས་མོལ་ལ་རྩོད་པ་རྒྱག་བཅུག་ནས་དགུན་དུས་བསླེབ་པར་དུས་ཚོད་འགྱངས་ཐབས་བྱེད་ཀྱིན་ཡོད་ཚུལ་བརྗོད་འདུག
ཟླ་འདིའི་ཚེས་ ༢༡ ཉིན་ཡུ་རོབ་མཐུན་ཚོགས་ཀྱི་གློག་ཤུགས་འགན་འཛིན་གྱིས་ཨུ་རུ་སུ་དང་ཡུའུ་ཁུ་རེན་གཉིས་བར་འདུམ་སྒྲིག་བྱས་ཏེ། ད་ལོའི་ལོ་མཇུག་བར་ཡུའུ་ཁུ་རེན་གྱིས་ཨུ་རུ་སུར་ཨ་སྒོར་ཐེར་འབུམ་ ༡།༣ ཙམ་གྱི་བུ་ལོན་སྤྲད་དེ། ཨུ་རུ་སུས་ད་ལོ་དགུན་དུས་ནས་བཟུང་ལོ་རྗེས་མའི་ཟླ་ ༣ པའི་བར་ཡུའུ་ཁུ་རེན་ལ་བརྒྱ་ཆ་ ༢༠ ཆག་ཡང་གིས་སོལ་རླངས་རྒྱ་དཔངས་གྲུ་བཞི་མ་ (Cubic metre)ཆིག་སྟོང་རེ་རེར་ཨ་སྒོར་ ༣༨༥ སྤྲོད་རྒྱུར་གྲོས་མོལ་བྱས་ཡོད་འདུག
ཟླ་འདིའི་ཚེས་ ༢༥ ཉིན་ཨུ་རུ་སུའི་སྲིད་འཛིན་པུ་ཊིན་གྱིས། ཨུ་རུ་སུས་ཡུའུ་ཁུ་རེན་དང་མཉམ་དུ་གནས་སྐབས་རིང་ཡུའུ་ཁུ་རེན་གྱི་སོལ་རླངས་དཀའ་ངལ་སེལ་ཐུབ་པར་རེ་བ་རྒྱག་གི་ཡོད་ཚུལ་བརྗོད་ཡོད་པ་དང་། ཡུའུ་ཁུ་རེན་གྱི་སྲིད་འཛིན་པོ་རོབ་ཤེན་ཀོ་ (Petro Poroshenko) ལགས་ཀྱིས་ཀྱང་ཨུ་རུ་སུ་དང་མཉམ་དུ་སོལ་རླངས་དཀའ་ངལ་སེལ་ཐུབ་པའི་ཡིད་ཆེས་བྱེད་ཀྱིན་ཡོད་ཚུལ་བརྗོད་འདུག
ཡུའུ་ཁུ་རེན་གྱིས་ལོ་རེའི་དགུན་དུས་ལ་སོལ་རླངས་རྒྱ་དཔངས་གྲུ་བཞི་མ་ཐེར་འབུམ་གསུམ་ནས་བཞི་བེད་སྤྱོད་གཏོང་གི་ཡོད་པ་དང་། ཡུའུ་ཁུ་རེན་གྱི་སོལ་རླངས་བརྒྱ་ཆ་ ༥༠ ལྷག་ཨུ་རུ་སུར་བརྟེན་དགོས་ཀྱིན་ཡོད་འདུག ༢༠༠༦ དང་ ༢༠༠༩ ལོར་ཨུ་རུ་སུ་དང་ཡུའུ་ཁུ་རེན་བར་སོལ་རླངས་གོང་ཚད་ཐོག་རྩོད་རྙོག་བྱུང་སྟེ། ཡུ་རོབ་རྒྱལ་ཁབ་ཁག་ཅིག་དཀའ་ངལ་ཆེན་པོ་འཕྲད་ཡོད་པ་དང་། ཡུ་རོབ་མཐུན་ཚོགས་ལ་མཚོན་ན་སོལ་རླངས་བརྒྱ་ཆ་ ༣༠ ལྷག་ཡུའུ་ཁུ་རེན་བརྒྱུད་ནས་ལེན་དགོས་ཀྱི་ཡོད་འདུག
ད་ལོའི་ཟླ་ ༣ པ་ནས་བཟུང་ཡུའུ་ཁུ་རེན་གྱི་ཤར་ཕྱོགས་གྲོང་ཁྱེར་ཁག་ནང་ཨུ་རུ་སུར་དགའ་མོས་བྱེད་མཁན་གྱེན་ལོག་པ་ཚོར་ཨུ་རུ་སུས་མཚོན་ཆ་དང་དངུལ་སོགས་ཀྱི་རོགས་སྐྱོར་འོག་ཡུའུ་ཁུ་རེན་གྱི་རང་སྐྱོང་མངའ་སྡེ་ཁུ་རེ་མཱེ་ཡ་བཙན་བཟུང་བྱས་སྟབས། ཨ་རི་དང་ཡུ་རོབ་མཐུན་ཚོགས་བཅས་ཀྱིས་ཨུ་རུ་སུར་དཔལ་འབྱོར་ཉེས་ཆད་ཐེངས་གསུམ་བཏང་བ་དང་། ཡུའུ་ཁུ་རེན་གྱིས་ཨུ་རུ་སུའི་སོལ་རླངས་བུ་ལོན་སྤྲོད་མ་ཐུབ་པ་བཅས་ལ་བརྟེན་ཏེ། ད་ལོའི་ཕྱི་ཟླ་ ༦ པ་ནས་བཟུང་ཨུ་རུ་སུས་ཡུའུ་ཁུ་རེན་ལ་སོལ་རླངས་གཏོང་མཚམས་བཞག་ཡོད་འདུག
གནད་དོན་དབྱེ་ཞིབ་པ་ཚོས། ཨུ་སུ་རུས་དགུན་དུས་ཀྱི་གོ་སྐབས་བཟུང་ནས་ནུབ་ཕྱོགས་རྒྱལ་ཁབ་ཚོས་ཡུའུ་ཁུའུ་རེན་གྱི་སོལ་རླངས་བུ་ལོན་སྤྲོད་ཐབས་བྱས་ཏེ་ཨུ་རུ་སུའི་དཔལ་འབྱོར་ཉམས་རྒུད་ཕྱིན་པ་བསྐྱར་གསོ་བྱེད་པར་འབད་བརྩོན་བྱེད་ཀྱིན་ཡོད། དེ་མིན་ན་ཡུའུ་ཁུ་རེན་དང་ཡུ་རོབ་རྒྱལ་ཁབ་ཁག་ཅིག་ལ་དགུན་དུས་སྐབས་དཀའ་ངལ་ཆེན་པོ་འཕྲད་འཇུག་གི་ཡོད་ཚུལ་བརྗོད་འདུག
གསར་འགོད་པ། ལྷ་སྐྱབས་རྒྱལ།
