འདི་ལོའི་ཕྱི་ཟླ་ ༡༢ ཚེས་ ༥ ཉིན་ནས་བཟུང་རབ་མཛེས་མཚོ་སྔོན་A320 རྟགས་ཅན་གྱི་འགྲུལ་སྐྱེལ་གནམ་གྲུས་ཟི་ལིང་ནས་ཐའེ་ལན་ཌིའི་རྒྱལ་ས་བར་འགྲུལ་བ་སྐྱེལ་འདྲེན་བྱ་རྒྱུ་ཡིན་འདུག
དེ་རིང་མཚོ་སྔོན་བརྙན་འཕྲིན་ཁང་གི་དྲ་བའི་ཐོག་གནས་ཚུལ་སྤེལ་བ་ལྟར་ན། འདི་ལོའི་ཕྱི་ཟླ་ ༡༢ ཚེས་ ༥ ཉིན་མཚོ་སྔོན་ཞིང་ཆེན་གྱི་ཐེངས་དང་པོའི་རྒྱལ་སྤྱིའི་མཁའ་ལམ་སྒོ་འབྱེད་བྱས་ཏེ། ཏུང་ཧྥེང་མཁའ་སྐྱོད་ཁང་དང་མཚོ་སྔོན་མཁའ་སྐྱོད་དངུལ་གཏོང་དོ་དམ་ཁང་གཉིས་ཀྱིས་གཉེར་བའི་༼རབ་མཛེས་མཚོ་སྔོན་ A320 རྟགས་ཅན་༽གྱི་འགྲུལ་སྐྱེལ་གནམ་གྲུ་ཞིག ཟི་ལིང་གྲོང་ཁྱེར་ནས་ཐའེ་ལན་ཌིའི་རྒྱལ་ས་བྷན་ཀོག་བར་དངོས་སུ་གཏོང་མགོ་རྩོམ་རྒྱུ་ཡིན་པ་དང་། འགྲུལ་སྐྱེལ་གནམ་གྲུ་དེ་གཟའ་འཁོར་རེའི་གཟའ་པ་སངས་ཉིན་ཐེངས་གཅིག་གཏོང་རྒྱུ་ཡིན་འདུག
གཞན་ཡང་། ཉེ་སྔོན་རྒྱ་ནག་རྒྱལ་ཁབ་འཕེལ་རྒྱས་བཅོས་བསྒྱུར་ཨུ་ཡོན་ལྷན་ཁང་ཟེར་བས་ཆོག་མཆན་སྤྲད་དེ། མ་དངུལ་རྒྱ་སྒོར་ཁྲི་ ༡༠༤ ལྷག་བཏང་སྟེ་མ་འོངས་ལོ་ ༤ དང་ཕྱེད་ཀྱི་ནང་ལན་ཀྲུའུ་གྲོང་ཁྱེར་ནས་གཙོད་གྲོང་ཁྱེར་བར་ལྕགས་ལམ་གསར་པ་རྒྱག་རྒྱུ་ཡིན་པ་དང་། ལྕགས་ལམ་དེར་རིང་ཚད་སྤྱི་ལེ་ ༡༨༣ ལྷག་ཡོད་ཅིང་། ཀ་ཅུ་དང་ཧོར་གཙང་ཤིང་སྒོ། ཆུ་སྔོན། མར་ཐང་། གཙོད་སོགས་སུ་འབབ་ཚིགས་བཅོ་ལྔ་རྒྱག་རྒྱུ་ཡིན་འདུག
གསར་འགོད་པ། པདྨ་མཚོ།
མཚོ་སྔོན་གྱི་གསར་འགྱུར་ངོ་མའི་ནང་གཤམ་གསལ་ལྟར་བྲིས་འདུག་པས་ཐེ་གོ་ཞེས་པ་མལ་ཡུལ་ཡིན་ནམ།
མཚོ་སྔོན་ཞིང་ཆེན་གྱི་ཐོག་དང་པོའི་རྒྱལ་སྤྱིའི་མཁའ་ལམ་ཟི་ལིང་ནས་ཐེ་གོ་མན་ཀུའུ་བར་གྱི་གནམ་གྲུ་ཟླ་བཅུ་གཉིས་པའི་ཚེས་ལྔ་ཉིན་དངོས་སུ་གཏོང་མགོ་རྩོམ་རྒྱུ་རེད།
http://www.qhtb.cn/news/shehui/2014/11-20/12701.html