༧གོང་ས་མཆོག་གིས་དྷ་སར་སོག་རིགས་ཚོར་བྱང་ཆུབ་ལམ་རིམ་ཆེན་མོའི་བཀའ་ཆོས་གནང་སྐབས། ཁལ་ཁ་རྗེ་བཙུན་དམ་པའི་ཡང་སྲིད་སོག་ཡུལ་དུ་འཁྲུངས་དགོས་སྐོར་དང་། ཁྲི་བྱང་རིན་པོ་ཆེའི་ཡང་སྲིད་ལ་འབྲེལ་བ་ཡང་ཡང་ཞུས་ཀྱང་ཉན་འཇོག་བྱས་མ་སོང་སྟབས་ད་ལྟ་རིན་པོ་ཆེ་ངོས་དང་འབྲེལ་བ་གཏན་ནས་མེད་ཅེས་སོགས་གསུངས།
༧གོང་ས་མཆོག་གིས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ། སོག་རིགས་གཙོས་པའི་ཆོས་ཞུ་བ་ ༡༧༠༠ ལྷག་ལ་བྱང་ཆུབ་ལམ་རིམ་ཆེན་མོའི་བཀའ་ཆོས་ཀྱི་ཉིན་གཉིས་པར། སོག་པོའི་ཁལ་ཁ་རྗེ་བཙུན་དམ་པའི་ཡང་སྲིད་སྐོར་ལ་བཀའ་འདྲི་ཞུས་པའི་ལན་ཏུ་༧གོང་ས་མཆོག་གིས། ཁལ་ཁ་རྗེ་བཙུན་དམ་པ་སྐུ་གོང་མ་དེ་ངོས་དང་ཐུན་མོང་མ་ཡིན་པའི་འབྲེལ་བ་ཡོད། ངོས་རང་ལོ་བཅུ་གྲངས་སྐབས་རྗེ་བཙུན་དམ་པ་ལོ་བཅོ་ལྔ་ཙམ་ཡིན་པ་ཡོད། སྐབས་དེ་དུས་ནས་ངེད་གཉིས་ངོ་ཤེས་ཡིན། ཁོང་རྒྱ་གར་ལ་ཕེབས་རྗེས་བསྟན་པའི་ཞབས་འདེགས་ཧ་ཅང་ཡག་པོ་བསྒྲུབས་སོང་། ངའི་བསམ་བློར་གང་ཡོད་པ་རིན་པོ་ཆེས་དེ་བཞིན་གནང་གི་རེད། རིན་པོ་ཆེ་ཁ་ལ་ཉན་པོ་དང་དམ་ཚིག་གཙང་མ་ཧ་ཅང་ཡག་པོ་ཡོད། རིན་པོ་ཆེ་མ་གཤེགས་གོང་ངོས་རང་མཇལ་རྒྱུ་བྱུང་སྐབས་ངོས་ཀྱིས་རིན་པོ་ཆེར། སྐུ་གཟུགས་ཧ་ཅང་སྐྱོ་པོ་འདུག སྐུ་ཚེ་རྗེས་མའི་དགོངས་པ་བཞེས་རྒྱུའི་དུས་ཚོད་བསླེབས་འདུག ཡང་སྲིད་རྗེས་མ་ངེས་པར་སོག་ཡུལ་ནང་འཁྲུངས་ཐུབ་པ་གནང་དགོས། ཞེས་ཞུས་པ་ཡིན། རིན་པོ་ཆེ་ཏན་ཏན་སོག་ཡུལ་ནང་འཁྲུངས་ཀྱི་རེད། སོག་ཡུལ་ནང་འཁྲུངས་རྒྱུའི་མཚན་མ་དེ་འདྲའང་འདུག ཁྱེད་རང་ཚོས་དགེ་བ་ཡག་པོ་སྒྲུབ་དགོས། དགེ་བ་སྒྲུབ་པ་ལ་དགེ་བ་ཡག་པོ་བསྒྲུབ་ཤེས་པ་བྱེད་དགོས་པ་དང་སློབ་གཉེར་ཡག་པོ་བྱེད་དགོས། དམིགས་བསལ་ཞབས་རིམ་བྱེད་རྒྱུ་ཡིན་ན་ཁྱེད་ཚོ་སྐྱ་སེར་ཚང་མས་འཇམ་དཔལ་མཚན་བརྗོད་གསོག་བསྒྲུབ་བྱས་ཚེ་ཡང་སྲིད་འཁྲུལ་མེད་ཕེབས་རྒྱུར་ཕན་ཐོགས་ཡོད། ཡང་སྲིད་ཕེབས་རྗེས་སོག་ཡིག་ཐོག་བསྒྱུར་པའི་གཞུང་དེ་དག་བསླབ་དགོས། ཁྲི་མཐོན་པོའི་སྟེང་ཡོན་ཏན་རྩ་བ་ནས་མེད་པའི་རྗེ་བཙུན་དམ་པ་གཅིག་བཞག་ན་ཕན་ཐོགས་མེད། ༸གོང་ས་ལྔ་པ་ཆེན་པོས་ཁོང་ལ་ཡོད་པའི་ཤེས་ཡོན་དེ་དག་བསླབ་ནས་ཤེས་པ་ཞིག་ཡིན་པ་ལས། ཁྲི་མཐོན་པོའི་སྟེང་བཞུགས་ཏེ་མ་བསླབ་པར་མཁྱེན་པ་ཞིག་མ་རེད།
ཡང་ཁྲི་བྱང་རིན་པོ་ཆེའི་ཡང་སྲིད་དང་འབྲེལ་བའི་སྐོར་གྱི་བཀའ་འདྲི་ཞིག་གི་ལན་དུ་༧གོང་ས་མཆོག་གིས་བཀའ་ལན་ཕེབས་དོན། ཁྲི་བྱང་རིན་པོ་ཆེའི་ཡང་སྲིད་སོག་ཡུལ་དུ་ཕེབས་པའི་སྐབས་དེར་གནས་ཆུང་སྐུ་རྟེན་ ཡང་དེར་སླེབས་པ་དང་སྐབས་ཁེལ་བས་སྐུ་རྟེན་གྱིས་གསལ་བཤད་ཡག་པོ་བྱས་འདུག ཁྲི་བྱང་རིན་པོ་ཆེའི་ཡང་སྲིད་སྐོར་ལ་ལོ་རྒྱུས་ཧ་ཅང་རིང་པོ་ཡོད་པ་རེད། ཁྲི་བྱང་རིན་པོ་ཆེ་སྐུ་གོང་མར་ངོས་ཀྱིས་དོལ་རྒྱལ་བསྟེན་གསོལ་བཞག་པའི་སྐབས་ལ་སྙན་སེང་ཆ་ཚང་ཞུས་པར་དགོས་པ་རྒྱུ་མཚན་ཏན་ཏན་ཡོད་པ་རེད་ཅེས་ཐུགས་ལ་བབ་ནས་མཚམས་བཞག་པ་མ་གཏོགས་ཐུགས་ལ་མ་བབ་པ་དེ་འདྲ་མེད། བར་སྐབས་ཡང་སྲིད་རིན་པོ་ཆེ་རྒྱ་གར་ནས་བཞུགས་མ་བདེ་བ་ཆགས་ཏེ་སུད་སི་ལ་ཕེབས་པའི་སྐབས་ལ། ཡང་སྲིད་རིན་པོ་ཆེ་ཡག་པོ་བྱུང་ན་བསམ་ནས་ཁོང་སྐུ་འཁོར་ཚོའི་ཐོག་ནས་སྐུ་མཉེལ་པོ་ཡོད་སྟབས། ཡང་སྲིད་རིན་པོ་ཆེ་ལ་གསང་སྟབས་བྱས་ཏེ་བྷིང་བྷེ་དང་ལྡི་ལི་གང་རུང་དུ་ཕེབས་ཐབས་གནང་དགོས། དེ་ནས་དྷ་རམ་ས་ལར་ངོས་ཀྱིས་གདན་འདྲེན་ཞུ་ཐུབ་གི་རེད།། འདིར་བཞུགས་ཏེ་སློབ་གཉེར་གནང་ན་ཞེས་དམིགས་བསལ་གྱིས་ཐབས་ཤེས་མང་པོ་བྱས་པ་ཡིན། རིན་པོ་ཆེས་གསན་མ་སོང་། རྗེས་སུ་རིན་པོ་ཆེ་ཨ་རིར་ངོས་དང་ཐེངས་གཅིག་མཇལ་བྱུང་། སྐབས་དེར་རིན་པོ་ཆེས་དོལ་རྒྱལ་གྱི་སྐོར་ཕྱོགས་གཅིག་གི་གནས་ཚུལ་མ་གཏོགས་མཁྱེན་གྱི་ཡོད་པ་མ་རེད། ཕྱོགས་ཡོངས་ཀྱི་གནས་ཚུལ་འདི་འདྲ་རེད་ཅེས་ཆ་ཚང་ཞུས་པ་ཡིན། ངོས་ཀྱིས་དོལ་རྒྱལ་མཚམས་འཇོག་བྱས་པའི་རྒྱུ་མཚན་ཞུས་ནས་རིན་པོ་ཆེས་དགོངས་པ་ཡག་པོ་བཞེས་དགོས་པ་རེད་ཅེས་གསལ་བཤད་བྱས་པ་ཡིན་ཡང་རིན་པོ་ཆེས་གསན་མ་སོང་།
ཁྲི་བྱང་རིན་པོ་ཆེ་སྐུ་གོང་མའི་སྐུ་མདུན་ནས་ངོས་ཀྱིས་གསུང་ཆོས་ཞུས་ཡོད་པ་དག་རིན་པོ་ཆེ་རང་ལ་ཕུལ་དགོས་བསམས་ནས་སློབ་མའི་གཙོ་བོ་རིན་པོ་ཆེ་བྱས་ཏེ་དབང་འབུལ་རྒྱུའི་འབད་བརྩོན་བྱས་ཀྱང་བྱུང་མ་སོང་། དེར་བརྟེན། རིན་པོ་ཆེ་ངོས་དང་འབྲེལ་བ་གཏན་ནས་མེད། དངོས་ཡོད་གནས་ཚུལ་ལ་རིན་པོ་ཆེ་ཏཱ་ལའི་བླ་མའི་ཡོངས་འཛིན་གྱི་ཡང་སྲིད་ཡིན་གསུང་གི་ཡོད་པ་རེད། དོལ་རྒྱལ་ཚོགས་པས་ངོས་རང་ཏཱ་ལའི་བླ་མ་རྫུན་མ་རེད་ཟེར་གྱི་ཡོད་པ་རེད། དེང་སང་དོལ་རྒྱལ་ཚོགས་པས་ངོས་རང་གང་དུ་ཕྱིན་ཡང་དེར་སྐད་བརྒྱབ་ནས་ངོ་རྒོལ་ བྱེད་ཀྱི་ཡོད། ངོས་ནས་བསམ་པ་རྣམ་དག་གིས་ཆོས་ལུགས་ཚང་མ་མཐུན་འབྲེལ་ཡོང་ཐབས་ཀྱི་འབད་བརྩོན་ བྱས་ཏེ་ཆོས་བརྒྱུད་འདྲ་མིན་གྱི་ལྷ་ཁང་དུའང་འགྲོ་བཞིན་ཡོད། དེར་བརྟེན་ཁ་ཆེའི་ལྷ་ཁང་ལ་འགྲོ་བའི་སྐབས་ཁ་ཆེའི་ཞྭ་མོ་གྱོན་པ་དང་། སིཀ་དང་ཇེའུ་སོགས་ཀྱི་ལྷ་ཁང་ལ་འགྲོ་དུས་དེ་དག་གི་ཞྭ་མོ་གྱོན་གྱི་ཡོད། ཉེ་སྔོན་ངོས་རང་ཨ་རིར་སླེབས་པའི་སྐབས་སུ་ངོས་ཀྱིས་ཁ་ཆེའི་ཞྭ་མོ་གྱོན་པའི་པར་ཞིག་བསྟན་ནས་ནང་པ་མ་རེད་ཁ་ཆེ་རེད་ཅེས་རྗོད་ཀྱིན་འདུག དེ་ནི་གད་མོ་ཤོར་བའི་གནས་ལས་གཞན་གང་ཡང་མེད། ཁོ་ཚོས་གང་ཡང་ཤེས་ཀྱི་ཡོད་པ་མ་རེད། བོད་རིགས་ཉུང་ཤས་ཤིག་འདུག་པ་དེ་དག་གིས་ཤེས་བཞིན་ཁྱད་གསོད་བྱེད་ཀྱི་ཡོད་པ་རེད། དེ་ལྟ་བུ་ཡོང་བ་ནི་སྙིང་རྗེའི་ཡུལ་རེད། བཅོམ་ལྡན་འདས་ཞལ་བཞུགས་པའི་སྐབས་སུའང་སངས་རྒྱས་བཅོམ་ལྡན་འདས་ལ་ཁ་གཏོང་མཁན་མང་པོ་ཡོད་པ་རེད། སྤྱོད་འཇུག་ཏུ། སེམས་ཅན་མོས་པ་སྣ་ཚོགས་པ།། རྒྱལ་བས་ཀྱང་ནི་མི་མགུ་ན།། བདག་འདྲ་ངན་པས་སྨོས་ཅི་དགོས།། ཞེས་གསུངས་པ་ལྟར་ཡིན། དོལ་རྒྱལ་བསྟེན་པ་ཡིན་ན་༧རྒྱལ་དབང་ལྔ་པའི་སྐབས་ནས་བཟུང་༧རྒྱལ་དབང་སྐུ་ཕྲེང་རིམ་བྱོན་དང་དམ་ཚིག་ཉམས་པ་ཆགས་ཀྱི་ཡོད། ངོས་ལ་ཆ་བཞག་ནའང་དོལ་རྒྱལ་བསྟེན་མཁན་དང་དམ་ཚིག་མི་མཐུན་པར་བརྟེན་ངོས་ཀྱི་མདུན་ནས་བཀའ་ཆོས་དང་སྡོམ་པ་ཞུ་བ་སོགས་མ་བྱེད་རོགས་ཞེས་ཡོངས་བསྒྲགས་ཀྱིས་རྗོད་བཞིན་ཡོད། དོལ་རྒྱལ་བསྟེན་དང་མ་བསྟེན་སོ་སོའི་རང་དབང་རེད། བསྟེན་ནས་ངོས་ཀྱི་མདུན་བཀའ་ཆོས་སོགས་ཞུས་ན་བླ་མ་དང་སློབ་མའི་དམ་ཚིག་མི་གཙང་བའི་སྐྱོན་ཡོང་གི་ཡོད། འདི་ལ་ཁྱོད་རང་ཚོས་དོ་སྣང་བྱེད་དགོས།
དོལ་རྒྱལ་ཚོགས་པ་ཁ་ཤས་ཀྱིས་ངོས་ལ་༧རྒྱལ་བ་རིན་པོ་ཆེ་རྫུན་མ་རེད་ཅེས་ཟེར་བཞིན་ཡོད་པར་ངོས་རང་གང་ཡང་བསམ་གྱི་མི་འདུག སྔོན་མ་༧རྒྱལ་བ་རིན་པོ་ཆེ་འཇམ་མགོན་བླ་མའི་བསྟན་པ་བསྣུབས་པའི་ཆེད་དུ་བསམ་ བཞིན་དུ་སྐྱེས་པ་ཞིག་རེད་ཅེས་བརྗོད་མཁན་བྱུང་སྐབས་ངོས་རང་བློ་ཕམ་ཕྲན་བུ་བྱུང་། ངོས་རང་འཇམ་མགོན་བླ་མའི་བསྟན་པ་ལ་ཤེས་ནས་དད་པ་ཐོབ་པ་ཞིག་ཡིན། བྱང་ཆུབ་སེམས་ཀྱི་ཉམས་ལེན་ཡང་སྤྱོད་འཇུག་གཞི་ལ་བཞག་ནས་བྱེད་ཀྱིན་ཡོད། སྟོང་ཉིད་ཀྱི་ལྟ་བ་རྗེ་རིན་པོ་ཆེའི་གསུང་གཞི་ལ་བཞག་ནས་བསམ་བློ་གཏོང་གི་ཡོད། དེས་དངོས་ནས་ཕན་ཞིང་སེམས་ལ་འགྱུར་བ་འགྲོ་གི་འདུག དེར་བརྟེན་རྗེ་རིན་པོ་ཆེའི་བསྟན་པ་ལ་བསམ་ངན་བྱེད་མཁན་རེད་ཅེས་བཤད་དུས་བློ་ཕམ་ཕྲན་བུ་བྱུང་། ངོས་ནས་རྙིང་མ་དང་བཀའ་བརྒྱུད། ས་སྐྱ་བཅས་ཉམས་ལེན་བྱེད་ཀྱིན་ཡོད། དེ་དག་པཎ་ཆེན་བློ་བཟང་ཆོས་ཀྱི་རྒྱལ་མཚན་གྱིས། ལྷན་ཅིག་སྐྱེས་སྦྱོར་གའུ་མ། །ལྔ་ལྡན་རོ་སྙོམས་ཡི་གེ་བཞི། །ཞི་བྱེད་གཅོད་ཡུལ་རྫོགས་ཆེན་དང༌། །དབུ་མའི་ལྟ་ཁྲིད་ལ་སོགས་པ། །སོ་སོར་མིང་འདོགས་མང་ན་ཡང༌། །ངེས་དོན་ལུང་རིགས་ལ་མཁས་ཤིང༌། །ཉམས་མྱོང་ཅན་གྱི་རྣལ་འབྱོར་བས། །དཔྱད་ན་དགོངས་པ་གཅིག་ཏུ་འབབས། །ཞེས་གསུངས་པ་ལྟར་བསམ་བློ་ཡག་པོ་བཏང་བ་ཡིན་ན། གནད་འགག་འབབ་ས་གཅིག་ཏུ་ཡོད། དེར་བརྟེན་བསྟན་པ་ཐམས་ཅད་གྲུ་བཞི་ལམ་དུ་འཁྱེར་ཤེས་པ་ཟེར་བའི་དགོངས་པ་སྒྲུབ་ཀྱི་ཡོད་བསམ་བཞིན་ཡོད། ཅེས་༧རྒྱལ་བ་རིན་པོ་ཆེའི་དྲ་གནས་སུ་འཁོད་འདུག
ཁྲི་བྱང་མཆོག་སྤྲུལ་བསམ་ཤེས་མ་མཐོང་བའི་སྔོན་དུ་སུད་སིར་གནས་སྡོད་དགོན་པ་གསར་གྱིས་བཙན་ཁྲིད་བྱས་ཏེ་ལག་རྩེད་རྩེ་ཡག་བྱས་པ་རེད། དགོན་པ་གསར་གྱི་སྦར་མོའི་ནང་ལ་ཁྲི་བྱང་མཆོག་སྤྲུལ་ཡོན་ཏན་མེད་པ་སྐྱེས་དམན་ཡོད་པ་ཞིག་ཏུ་གྱུར་མཚམས་གཞི་ནས་འབྲེལ་བ་མེད་མདོག་གིས་གློད་གྲོལ་བཏང་པ་རེད། ད་ལྟ་ཁྲི་བྱང་མཆོག་སྤྲུལ་ཡོན་ཏན་མེད་པའི་ཐོག་སྐྱེས་དམན་དང་མ་འོངས་པར་ཕྲུ་གུ་གསོ་དགོས་པས་ནོར་བདག་དོལ་རྒྱལ་ལ་སྐྱབས་འཇུག་མི་ཞུ་ཐབས་མེད་རེད། ༸རྒྱལ་བ་རིན་པོ་ཆེས་ཐུགས་རེ་ག་ཚད་གནང་ཡང་དེར་ཁ་ངོ་མ་བལྟས་པས་ཁྲི་བྱང་མཆོག་སྤྲུལ་ཁ་ཟུག་ལོག་པ་རེད། ཞྭ་སེར་རིང་ལུགས་གཙང་མ་སྐྱོང་མཁན་ཡིན་ཞེས་རང་ངོ་རང་གིས་བསྟོད་མཁན་དགོན་པ་གསར་གྱིས་དགེ་ལུགས་པའི་བླ་ཆེན་ཞིག་གི་ཡང་སྲིད་ཀྱི་མདུན་ལམ་མེད་པར་བཏང་བ་འདི་ཡང་དོལ་ཚོགས་ཀྱིས་འཇམ་མགོན་བླ་མའི་བསྟན་པ་སྐྱོང་སྟངས་ཞིག་རེད།
༸གོང་མཆོག་གིས་སོག་པོ་ཆོས་ཞུ་བས་དྲིས་པའི་ལན་དུ། ༸གོང་ས་མཆོག་གིས།
ཁྲི་བྱང་རིན་པོ་ཆེའི་ཡང་སྲིད་ངོས་དང་འབྲེལ་བ་གཏན་ནས་མེད།
་་་་་་་་་་་་་་ ཡང་སྲིད་རིན་པོ་ཆེ་ཡག་པོ་བྱུང་ན་བསམ་ནས་ཁོང་སྐུ་འཁོར་ཚོའི་ཐོག་ནས་སྐུ་མཉེལ་པོ་ཡོད་སྟབས། ཡང་སྲིད་རིན་པོ་ཆེ་ལ་གསང་སྟབས་བྱས་ཏེ་བྷིང་བྷེ་དང་ལྡི་ལི་གང་རུང་དུ་ཕེབས་ཐབས་གནང་དགོས། དེ་ནས་དྷ་རམ་ས་ལར་ངོས་ཀྱིས་གདན་འདྲེན་ཞུ་ཐུབ་གི་རེད།། འདིར་བཞུགས་ཏེ་སློབ་གཉེར་གནང་ན་ཞེས་དམིགས་བསལ་གྱིས་ཐབས་ཤེས་མང་པོ་བྱས་པ་ཡིན། རིན་པོ་ཆེས་གསན་མ་སོང་། རྗེས་སུ་རིན་པོ་ཆེ་ཨ་རིར་ངོས་དང་ཐེངས་གཅིག་མཇལ་བྱུང་། སྐབས་དེར་རིན་པོ་ཆེས་དོལ་རྒྱལ་གྱི་སྐོར་ཕྱོགས་གཅིག་གི་གནས་ཚུལ་མ་གཏོགས་མཁྱེན་གྱི་ཡོད་པ་མ་རེད། ཕྱོགས་ཡོངས་ཀྱི་གནས་ཚུལ་འདི་འདྲ་རེད་ཅེས་ཆ་ཚང་ཞུས་པ་ཡིན། ངོས་ཀྱིས་དོལ་རྒྱལ་མཚམས་འཇོག་བྱས་པའི་རྒྱུ་མཚན་ཞུས་ནས་རིན་པོ་ཆེས་དགོངས་པ་ཡག་པོ་བཞེས་དགོས་པ་རེད་ཅེས་གསལ་བཤད་བྱས་པ་ཡིན་ཡང་རིན་པོ་ཆེས་གསན་མ་སོང་།
ཁྲི་བྱང་རིན་པོ་ཆེ་སྐུ་གོང་མའི་སྐུ་མདུན་ནས་ངོས་ཀྱིས་གསུང་ཆོས་ཞུས་ཡོད་པ་དག་རིན་པོ་ཆེ་རང་ལ་ཕུལ་དགོས་བསམས་ནས་སློབ་མའི་གཙོ་བོ་རིན་པོ་ཆེ་བྱས་ཏེ་དབང་འབུལ་རྒྱུའི་འབད་བརྩོན་བྱས་ཀྱང་བྱུང་མ་སོང་། དེར་བརྟེན། རིན་པོ་ཆེ་ངོས་དང་འབྲེལ་བ་གཏན་ནས་མེད། དངོས་ཡོད་གནས་ཚུལ་ལ་རིན་པོ་ཆེ་ཏཱ་ལའི་བླ་མའི་ཡོངས་འཛིན་གྱི་ཡང་སྲིད་ཡིན་གསུང་གི་ཡོད་པ་རེད། དོལ་རྒྱལ་ཚོགས་པས་ངོས་རང་ཏཱ་ལའི་བླ་མ་རྫུན་མ་རེད་ཟེར་གྱི་ཡོད་པ་རེད། དེང་སང་དོལ་རྒྱལ་ཚོགས་པས་ངོས་རང་གང་དུ་ཕྱིན་ཡང་དེར་སྐད་བརྒྱབ་ནས་ངོ་རྒོལ་ བྱེད་ཀྱི་ཡོད། ་་་་་་་་་་་་་་་་་་་
༸གོང་ས་མཆོག་གིས།
་་་་་་་་་་་་་་ ངོས་ནས་རྙིང་མ་དང་བཀའ་བརྒྱུད། ས་སྐྱ་བཅས་ཉམས་ལེན་བྱེད་ཀྱིན་ཡོད། དེ་དག་པཎ་ཆེན་བློ་བཟང་ཆོས་ཀྱི་རྒྱལ་མཚན་གྱིས།
ལྷན་ཅིག་སྐྱེས་སྦྱོར་གའུ་མ། །
ལྔ་ལྡན་རོ་སྙོམས་ཡི་གེ་བཞི། །
ཞི་བྱེད་གཅོད་ཡུལ་རྫོགས་ཆེན་དང༌། །
དབུ་མའི་ལྟ་ཁྲིད་ལ་སོགས་པ། །
སོ་སོར་མིང་འདོགས་མང་ན་ཡང༌། །
ངེས་དོན་ལུང་རིགས་ལ་མཁས་ཤིང༌། །
ཉམས་མྱོང་ཅན་གྱི་རྣལ་འབྱོར་བས། །
དཔྱད་ན་དགོངས་པ་གཅིག་ཏུ་འབབས། །ཞེས་གསུངས་པ་ལྟར་བསམ་བློ་ཡག་པོ་བཏང་བ་ཡིན་ན། གནད་འགག་འབབ་ས་གཅིག་ཏུ་ཡོད། དེར་བརྟེན་བསྟན་པ་ཐམས་ཅད་གྲུ་བཞི་ལམ་དུ་འཁྱེར་ཤེས་པ་ཟེར་བའི་དགོངས་པ་སྒྲུབ་ཀྱི་ཡོད་བསམ་བཞིན་ཡོད། ་་་་་་་་་་་་་
དོལ་རྒྱལ་བསྟེན་མཁན་ཚོས་རྒྱལ་བ་རིན་པོ་ཆེ་རྫུན་མ་རེད་ཟེར་གྱི་ཡོད་པ་རེད། ཁྲི་བྱང་རྡོ་རྗེ་རྡོ་རྗེ་འཆང་གི་ཡང་སྲིད་དེ་འདི་ཕྱི་གཉིས་ཀྱི་སྐབས་གནས་སུ་བརྩི་བཞིན་ཡོད་པ་རེད། ཏཱ་ལའི་བླ་མ་རྫུན་མ་ཡིན་ན་དེའི་ཡོངས་རྫིན་དེ་ཡང་ཁྱད་པར་བ་གང་ཡང་མིན་པ་མ་ཟད། དེ་ལ་ཡང་སྲིད་མཆོག་གི་སྤྲུལ་སྐུ་ཞིག་ཀྱང་འབྱུང་དགོས་དོན་མེད་ལ། གལ་སྲིད་འབྱུང་བའི་དབང་དུ་བྱས་ཀྱང་དེ་སྐྱེས་བུ་ཁྱད་པར་བ་གང་ཡང་མིན་པ་རྒྱུ་མཚན་གྱིས་གྲུབ་བོ།།།