ཁ་སང་ཨ་ཅག་ཅིག་གིས་གླིང་སྐོར་ལམ་ནས་རྙེད་པའི་ཅ་དངོས་དེར་རྒྱ་གར་བདེ་སྲུང་ལས་ཁུངས་ཀྱིས་བརྟག་དཔྱད་བྱས་ཏེ་འབར་རྫས་རིགས་སོགས་ཉེན་ཚབས་ཅན་གྱི་དངོས་པོ་གང་ཡང་མིན་པར་གད་སྙིགས་ཤིག་ཡིན་སྐོར་འགྲེལ་བརྗོད་གནང་འདུག
དེ་རིང་འདི་གའི་གསར་འགོད་པས་ཁ་པར་བརྒྱུད་བདེ་སྲུང་དྲུང་འཕར་ཀརྨ་རིན་ཆེན་ལགས་སུ། ཁ་སང་གླིང་སྐོར་ལམ་ནས་རྙེད་པའི་ཅ་དངོས་དེར་རྒྱ་གར་གཞུང་གིས་བརྟག་དཔྱད་གནང་རྗེས་གསལ་བཤད་ག་རེ་གནང་ཡོད་དྲིས་པར་ཁོང་གིས། ཅ་དངོས་དེར་རྒྱ་གར་བདེ་སྲུང་ལས་ཁུངས་ཀྱིས་ཆེད་ལས་པ་སྐད་བཏང་ནས་བརྟག་དཔྱད་གནང་བ་བརྒྱུད། འབར་རྫས་རིགས་སོགས་ཉེན་ཚབས་ཅན་གྱི་ཅ་དངོས་གང་ཡང་མིན་པར་གད་སྙིགས་ཤིག་ཡིན་སྐོར་འགྲེལ་བརྗོད་གནང་སོང་པས། ཚང་མས་བློ་བདེ་པོ་གནང་རོགས། ཞེས་བརྗོད་བྱུང་།
ཡང་ཁོང་གིས་གནས་ཚུལ་འདི་རིགས་ལ་བརྟག་དཔྱད་མ་བྱས་པར་གང་བྱུང་བརྒྱུད་བསྒྲགས་བྱས་པ་ཡིན་ན། སྤྱི་ཚོགས་ཀྱི་ལྷིང་འཇགས་ལ་གནོད་པ་མ་ཟད། བརྒྱུད་བསྒྲགས་བྱེད་མཁན་དོ་བདག་ལའང་ཁྲིམས་ཐོག་ནས་དཀའ་ངལ་འཕྲད་སྲིད་སྐོར་བརྗོད་དོན། སྤྱི་ཚོགས་ཀྱི་དྲ་ལམ་ཁག་གི་ནང་གནས་ཚུལ་ཞིབ་ཕྲ་མ་བརྟག་མ་དཔྱད་པར་གང་དྲན་བཀོད་རྒྱུ་དེ་རྩ་བ་ནས་ཡག་པོ་མི་འདུག གནས་ཚུལ་ཆ་ཚང་རྟོགས་རྗེས་མང་ཚོགས་ལ་བརྒྱུད་བསྒྲགས་གནང་བ་ཡིན་ན་འོས་པ་ཞིག་རེད། དེ་མིན་གང་བྱུང་བརྒྱུད་བསྒྲགས་གནང་བ་ཡིན་ན་སྤྱི་ཚོགས་ནང་དོགས་འདྲོག་ཡོང་རྒྱུ་དང་། དེ་ཡང་འབར་རྫས་རིགས་དང་། ལྷག་པར་བཞུགས་སྒར་གླིང་སྐོར་ཉེ་འཁོར་དུ་རྙེད་པ་རེད་ཅེས་ཧ་ལམ་ཆ་ཚང་ཧ་གོ་གི་ཡོད་པ་ལྟ་བུ་བྱས་ཏེ། སོ་སོའི་ངོས་ནས་ཞིབ་འཇུག་མཐིལ་ཕྱིན་བྱས་པ་ལྟ་བུ་གནང་ན་རྩ་བ་ནས་ཡག་པོ་མི་འདུག དེས་ང་ཚོའི་སྤྱི་ཚོགས་ཀྱི་ལྷིང་འཇགས་ལ་གནོད་པ་མ་ཟད། དོ་བདག་རང་ཉིད་ལ་ཁྲིམས་ཐོག་ནས་དཀའ་ངལ་འཕྲད་སྲིད་པ་རེད། གང་ཡིན་ཞེ་ན་གནས་ཚུལ་འདི་རིགས་ཧ་ཅང་ཉེན་ཚབས་ཆེན་པོ་ཡིན་པར་བརྟེན། མ་འོངས་པར་ཚང་མས་ཐུགས་གཟབ་གནང་རོགས་ཞུ་རྒྱུ་ཡིན། ཞེས་བརྗོད་འདུག
གསར་འགོད་པ། པདྨ་མཚོ།
དང་པོ། ཆེད་ལས་པ་སྐད་བཏང་ནས་ཞིབ་འཇུག་བྱས།
གཉིས་པ། མགྲིན་ཚབ་པ་དངོས་སུ་དོན་ནས་མི་དམངས་ཀྱི་བསམ་བློ་ལ་འགན་འཁྲི་མ་འཁུར་བའི་སྐད་ཆ་བཤད།
གསུམ་པ། ཕྱི་ནང་བོད་རིགས་མང་པོ་སེམས་འཁྲལ་གྱི་གནས་སུ་སྐྱེལ།
སོ་སོའི་རང་གཞུང་འདི་བཀའ་དྲིན་ཆེན་པོ་རེད། དེ་ལ་སྐྱོན་འཛུག་གཏན་ནས་བྱ་འདོད་མེད་ཀྱང་། འཚམས་འཚམས་ལ་གོང་རིམ་མི་སྣ་དེ་ཚོས་མི་མང་ལ་བློ་ཕམ་དུ་འཇུག་གིན།
ཁྱབ་བསྒྲགས་བྱེད་མཁན་མི་མང་མ་རེད། གནས་ཚུལ་དེ་དངངས་སྐྲག་གི་རང་བཞིན་ཅན་དུ་སྒྱུར་མཁན་བདེ་སྲུང་ལས་ཁུངས་རེད། རྒྱ་གར་གྱི་ཆེད་ལས་མི་སྣ་མངགས་ནས་རྟོག་དཔྱོད་བྱེད་བཞིན་ཡོད་ཅེས་ག་ཚོད་བསྒྲགས་སོང་། འབར་རྫས་ཆེད་ལས་མི་སྣས་བརྟག་དགོས་པ་ཞིག་བྱུང་ཚར་དུས་མི་མང་གི་བློ་རང་བཞིན་དུ་གནས་ཐུབ་མིན་ཁག་པོ་རེད། ད་དུང་ཉེས་འཁྲུལ་ཡོད་ཚད་མི་མང་གི་མགོར་ཕྱིར་འགེབ་བཞིན་འདུག མཐར་འགོ་མཇུག་གང་ཡང་མེད་པར་མཐར་”གད་སྙིགས་ཤིག་རེད་”ཅེས། ཇི་འདྲའི་སྣང་མེད་ཆེ་བའི་གསལ་བཤད་ཅིག་རེད། དེའི་རྒྱབ་ལོག་ལ་འགེབ་རྒྱུ་ཞིག་དང་གསང་རྒྱུ་ཞིག་ལོས་ཡོད་བསམ་པ་འདྲ་ཞིག་བྱུང་། དགོངས་དག་སེམས་ཚོར་བྱུང་ནས་ཁ་ནས་ཤོར་སོང་། དེ་ཙམ་ཡིན།
སྤྱིར་བཏང་གནས་ཚུལ་མི་ལེགས་པ་རེ་བྱུང་སྐབས་འབངས་མི་སེར་ཚོས་སེམས་ཁྲལ་དང་དོ་སྣང་བྱེད་པ་ནི་བཟང་ཕྱོགས་ཀྱི་རྣམ་འགྱུར་ཞིག་རེད་། ལྷག་པར་དུ་གཙུག་ལག་ཁང་གི་ཉེ་འགྲམ་དུ་མངོན་གསལ་མེད་པའི་ཅ་དངོས་རྙེད་སྐབས་མི་བུ་ཚོས་སེམས་འཚབ་བྱེད་པ་ནི་ཁོ་པ་ཚོས་བརྩེ་སེམས་ཟབ་མོ་ཡོད་པ་མཚོན་། བདེ་སྲུང་ནས་ཅ་དངོས་དེ་གད་སྙིགས་ཞིག་རེད་ཅེས་ལབ་ནས་བཞག་ན་དེ་འགན་འཁུར་མེད་པའི་སྐྱག་རྫུན་ཞིག་དང་འདྲ་བར་མཉམ། གང་ལགས་ཞེ་ན་གད་སྙིགས་ཞིག་ཡིན་ན་ཕལ་ཆེར་རྒྱ་གར་གཞུང་གིས་མི་སྣས་དེར་བརྟག་དཔྱད་བྱེད་དགོས་མེད་ལ་ཁྱེད་རྣམས་པས་དཔྱད་པ་མཐར་ཕྱིན་བྱེད་ཐུབ་པའི་གདེངས་ཚོད་ཡོད། གང་ལྟར་ཡང་འདས་དོན་ནི་འདས་དོན་རང་ཡིན་པས་ཕྱིས་སུ་གནས་ཚུལ་གང་འདྲ་ཞིག་ཡིན་རུང་བསམ་བློ་ཞིབ་ཏུ་བཏང་ནས་དཔྱད་པ་དང་ལྷག་པར་དུ་འབངས་མི་སེར་རྣམས་ལ་དངོས་ཡོད་གནས་ཚུལ་ཁ་གསལ་ཤོད་དགོས་པ་ནི་སྐབས་སུ་བབ་པའི་འོས་འགན་ཞིག་ཡིན་། དེས་ན་འདས་ལོག་མ་རྒྱབ་པར་དུས་ཀྱི་འཕོ་འགྱུར་དང་བསྟུན་ནས་བསམ་བློ་འགྱུར་བཅོས་བྱེད་དགོས།། ཡིག་ནོར་རེ་ཡོད་ན་ལེགས་བཅོས་ཡོད་པ་ཞུ།།
གད་སྙིགས་ཤིག་རེད་ཟེར། བདེ་སྲུང་ལས་ཁུངས་ཀྱིས་གད་སྙིགས་ཙམ་ཡང་དུས་ཐོག་ལ་ཐག་གཅོད་བྱེད་མ་ཐུབ་པར་རྒྱ་གར་བདེ་སྲུང་ཉེན་རྟོག་པར་སྤྲད་དེ་ཞབས་འདྲེན་ཞུ་དོན་གང་ཡིན་ནམ།
ཉེན་ཚབ་ཅན་གྱི་ཅ་དངོས་གང་ཡང་མ་རེད་ཟེར། གལ་སྲིད་ཉེན་ཚབ་ཅན་གྱི་ཅ་དངོས་ཤིག་མིན་ན། ཅ་དངོས་ཅི་ཞིག་ཡིན་པ་དང་གད་སྙིགས་དེ་ལྟ་བུ་ཞིག་བཟོས་ཏེ་ས་དེར་སྦས་དགོས་དོན་གང་ཡིན་སོགས་གསལ་གསལ་ཐང་ཐང་གིས་ཅིའི་ཕྱིར་མང་ཚོགས་ལ་གསལ་བཤད་མ་བྱས་པ་རེད།
གཟབ་གཟབ་མ་བྱས་ན་ཁྲིམས་ཐོག་ནས་དཀའ་ངལ་འཕྲད་གི་རེད་ཟེར། ཉེན་ཁའི་གནས་ལ་ཡིད་གཟབ་དང་བཟང་སྤྱོད་དང་ལྡན་པའི་ཐོག་ནས་བཀའ་མོལ་མི་གནང་བར་འཇིགས་སྐུལ་གྱི་རྣམ་པའི་ཐོག་ནས་སྐད་ཆ་བཤད་སྟངས་འདི་ག་རེ་ཡིན་ནམ།
ནོར་འཁྲུལ་ཡོངས་རྫོགས་བོད་གཞུང་བདེ་སྲུང་གི་མགོ་ལ་གཡོགས་ན་འགྲིག་གི་མ་རེད། ཡིན་ནའང་ད་རེས་གནས་ཚུལ་ཆུང་ཆུང་ཞིག་ལ་བརྟེན་ཏེ་ཆེན་པོ་ཆགས་པ་དེ་ཡག་པོ་བྱུང་མ་སོང་། ངོ་མ་འགྲོ་སྟངས་བྱས་ན་ཅ་དངོས་དེ་ག་རེ་ཡིན་པ་བརྩད་ཞིབ་ཡག་པོ་བྱས་ཏེ་རྒྱ་གར་ལས་ཁུངས་ལ་སྤྲོད་དགོས་པ་ཞིག་ཡིན་ན་སྤྲོད་རྒྱུ་དང་། དེ་འདྲ་མིན་ན་དུས་ཐོག་ལ་གསལ་བོ་ཆགས་པ་ཡིན་ན་དཀྲོག་གཏམ་ཆེན་པོ་དེ་འདྲ་ལྷག་ཡོད་པ་མ་རེད། གད་སྙིགས་ཙམ་ལའང་ཞིབ་འཇུག་མ་བྱས་པར་ཉེན་ཁ་ཆེན་པའི་རྣམ་པའི་ཐོག་ནས་རྒྱ་གར་བདེ་སྲུང་བར་སྤྲད་པ་དེས་མི་ཚང་མ་སེམས་འཚབ་ཞེ་དྲག་བྱུང་བཅུག་པ་རེད།
གསར་འགོད་པའི་དྲི་བར་ལན་གསལ་བོ་ཞིག་བཏབས་མི་འདུག་ལ་མདོར་བསྡུས་ན་མང་ཚོགས་ལའང་འགན་མ་འཁུར་བའི་སྐད་ཆ་མང་པོ་ཞིག་བཤད་འདུག སྤྱིར་བཏང་བོད་གཞུང་གི་ལས་ཁུངས་ཁག་གི་མི་སྣས་མང་ཚོགས་ལ་འགན་འཁུར་སྟངས་དེ་སྣང་བར་ཁྱོན་ནས་འགྲོ་མ་སོང་། སྔོན་ཆད་བོད་གཞུང་དང་བོད་གཞུང་གི་ལས་བྱེད་ཚོ་གནམ་ཡིན་པའི་སྐབས་ལ་མང་ཚོགས་ལ་མགོ་གཡོགས་མགོ་སྐོར་དང་སྐད་ཆ་ཡིན་ལ་མིན་ཙམ། གསར་འགོད་པའི་དྲི་བ་དང་མང་ཚོགས་ཀྱི་དོགས་གནས་རིགས་ལ་མགོ་བདེ་བོའི་ཡར་སྐོར་མར་སྐོར་གྱི་ལན་རེ་བརྒྱབ་སྟེ་མང་ཚོགས་ལ་མགོ་སྐོར་གཏོང་རྒྱུ་མང་དྲགས་ཏེ་སྐྱག་ལངས་ལ་ཤོར་ཡོད་པ་རེད། མང་ཚོགས་ལྐུག་པའི་ཚད་དུ་འཇོག་ཡ་མང་དྲགས་ཡོད་པ་རེད། ད་ལྟ་བྱེད་ལུགས་བྱེད་སྟངས་དེ་འདྲ་མང་ཚོགས་སུ་ལའང་འགྲོ་གི་མ་རེད། བརྡ་འཕྲིན་གྱི་དུས་རབས་རེད། མང་ཚོགས་ཚང་མ་ལྐུག་པ་རང་ཡོད་པ་མ་རེད། ཁྱོད་རང་གི་སྐད་ཆའི་ཚིག་སྣེ་ལས་ནང་ཁྲོད་ཀྱི་སྒྱུ་མའི་སྣེ་མོ་ཇི་ལྟར་འགུལ་གྱི་ཡོད་པ་ཧ་གོ་གི་ཡོད་པ་རེད། ཆབ་སྲིད་པ་དང་མགོ་བདེ་བོ་དག་གི་སྤྱོད་ངན་ལམ་ལྷོང་ཡོང་ཐབས་ཡོད་པ་མ་རེད། ངས་འོག་ཏུ་གནད་འགག་ཅན་གྱི་སྐད་ཆ་ཁ་ཤས་ཟུར་འདོན་བྱེད་རྒྱུ་ཡིན།
གད་སྙིགས་ཤིག་རེད་ཟེར། བདེ་སྲུང་ལས་ཁུངས་ཀྱིས་གད་སྙིགས་ཙམ་ཡང་དུས་ཐོག་ལ་ཐག་གཅོད་བྱེད་མ་ཐུབ་པར་རྒྱ་གར་བདེ་སྲུང་ཉེན་རྟོག་པར་སྤྲད་དེ་ཞབས་འདྲེན་ཞུ་དོན་གང་ཡིན་ནམ། བོད་ཕྱི་ནང་གཉིས་ལ་དཀྲོག་གཏམ་ས་གྲགས་གནམ་གྲགས་ཆགས་ཏེ་བོད་རྒྱ་ཆེའི་མི་མང་ལ་སེམས་འཚབ་དང་དངངས་སྐྲག་དེ་ཙམ་བཟོ་རུ་འཇུག་དོན་ཅི་ཡིན་ནམ།
ཉེན་ཚབ་ཅན་གྱི་ཅ་དངོས་གང་ཡིན་མ་རེད་ཟེར། གལ་སྲིད་ཉེན་ཚབ་ཅན་གྱི་ཅ་དངོས་ཤིག་མིན་ན། ཅ་དངོས་ཅི་ཞིག་ཡིན་པ་དང་གད་སྙིགས་དེ་ལྟ་བུ་ཞིག་བཟོས་ཏེ་ས་དེར་སྦས་དགོས་དོན་གང་ཡིན་སོགས་གསལ་གསལ་ཐང་ཐང་གིས་ཅིའི་ཕྱིར་མང་ཚོགས་ལ་གསལ་བཤད་མ་བྱས་པ་རེད། འགན་མ་འཁུར་བ་རེད་དམ། བོད་རྒྱ་ཆེའི་མང་ཚོགས་སྣང་མེད་བཏང་བ་རེད།
བརྟག་དཔྱད་མ་བཏང་ན་སྤྱི་ཚོགས་ཀྱི་རླིང་འཇགས་ལ་གནོད་པ་རེད་ཟེར། ད་བར་མང་ཚོགས་སུ་ཞིག་གིས་ལྷིང་འཇགས་དཀྲོགས་ཏེ་འགྲོ་སྡོད་མ་ཐུབ་པ་བཟོས་སོང་། ཛ་དྲག་རང་བཞིན་དང་ཉེན་ཚབས་རང་བཞིན་གནས་དུས་བྱ་དངོས་ཀུན་ལ་དུས་རྒྱུན་དོགས་ཟོན་ཚད་མཐོ་བོ་བྱས་ཏེ་སྡོད་དགོས་པ་ལས་ལྷིང་འཇགས་གཅིག་པོའི་ཆེད་དུ་གནད་དོན་ཡོངས་རྫོགས་སྦ་གསང་བྱེད་དགོས་པ་རེད་དམ།
གཟབ་གཟབ་མ་བྱས་ན་ཁྲིམས་ཐོག་ནས་དཀའ་ངལ་འཕྲད་གི་རེད་ཟེར། ཉེན་ཁའི་གནས་ལ་ཡིད་གཟབ་དང་བཟང་སྤྱོད་དང་ལྡན་པའི་ཐོག་ནས་བཀའ་མོལ་མི་གནང་བར་འཇིགས་སྐུལ་གྱི་རྣམ་པའི་ཐོག་ནས་སྐད་ཆ་བཤད་སྟངས་འདི་ག་རེ་ཡིན་ནམ། གལ་སྲིད་ཁྲིམས་ཐོག་ལ་བསྐྱེལ་རྒྱུའི་ནུས་པ་ཡོད་ན་དེང་སྐབས་དོལ་ཚོགས་ཀྱིས་གང་འདྲ་བྱེད་ཀྱིན་འདུག་དེ་དག་ཅིའི ་ཕྱིར་ཁྲིམས་ཐོག་ལ་མ་བསྐྱལ་བ་ཡིན། དངོས་གནས་དྲང་གནས་སྐད་ཆ་བཤད་སྟངས་དང་། གསར་འགོད་པར་ལན་རྒྱག་སྟངས་སྣང་བར་འགྲོ་མ་སོང་མ་སོང་མ་འོངས་པར་འདི་རིགས་ལ་ཡར་རྒྱས་དང་གཟབ་གཟབ་གནང་བའི་རེ་བ་ཡོད།
འོག་གི་གནས་ཚུལ་འདི་སྔོན་མ་ཞིག་ལ་བདེ་སྲུང་ལས་ཁུངས་ཀྱིས་རྒྱ་ནག་གི་གསང་མྱུལ་བ་འཇུས་པའི་གནས་ཚུལ་སྐོར་རེད།
དྲི་བ། ཀརྨ་དང་ཁྱེད་གཉིས་ཀྱིས་སྤེན་པ་འཛིན་བཟུང་བྱས་རྗེས་བདེ་སྲུང་ལ་ཇི་ལྟར་རྩིས་སྤྲོད་བྱས་ཡོད་དམ།
ལན། དེ་ནས་ངས་སྤེན་པ་ལ། ཁྱོད་བདེ་སྲུང་ལ་སྤྲོད་དགོས་སམ་རྒྱ་གར་ཉེན་རྟོག་པར་སྤྲོད་དགོས་ལབ་ཡིན། ཁོས་བདེ་སྲུང་ལ་སྤྲོད་རོགས་ལབ་སོང་། ང་བདེ་སྲུང་ལ་འབྲེལ་བ་བྱེད་ས་མི་འདུག ཡང་བསྐྱར་ཁོ་ལ་དྲིས་ཏེ་ཁ་པར་ཨང་གྲངས་ཤིག་རག་སོང་ཡང་དེ་ལེན་མཁན་མི་འདུག དེ་ནས་ངྷ་རམ་ས་ལའི་རོགས་པ་སྐུ་ཤོག་ཅིག་ལ་ཁ་པར་བཏང་སྟེ་བདེ་སྲུང་ལས་ཁུངས་ལ་མངགས་པ་ཡིན། ཉི་མ་དེའི་ཕྱི་ཉིན་འཕྱི་བོ་ཙམ་ལ་གཞི་ནས་བདེ་སྲུང་དྲུང་ཆེ་དངོས་གྲུབ་རྡོ་རྗེ་དང་ཀརྨ་རིན་ཆེན་གཉིས་འབྱོར་སོང་། ངས་གནས་ཚུལ་ཆ་ཚང་ཞུས་ཏེ་ད་ཁྱེད་རང་ཚོར་རྩིས་སྤྲོད་བྱས་པ་ཡིན། ཁྱོད་ཚོས་ལས་ཀ་ཡག་པོ་བྱས་ན་གསང་མྱུལ་བ་གཉིས་པ་ཞིག་ཀྱང་འཇུ་ཐུབ་ས་རེད་ལབ་ཡིན། ཀརྨ་རིན་ཆེན་གྱིས། ཞེ་དྲག་ཞེ་དྲག་བྱེད་ཡ་ཡོད་པ་མ་རེད། བོད་ནང་དང་འདི་གཉིས་འདྲ་གི་མ་རེད་ལབ་སོང་། ང་སེམས་པ་ཞེ་དྲག་ཕམ་སོང་། དེ་ནས་ངས་ཀརྨ་རིན་ཆེན་ལ། ང་ཁྱོད་ལ་ཡིད་ཆེས་མེད། ང་ཐོག་མ་རྒྱ་གར་ནང་འབྱོར་སྐབས། ང་ལ་ཚིག་ཐོ་ལེན་མཁན་ཀརྨ་རིན་ཆེན་རེད། ང་ཡོང་ལུགས་ཡོང་སྟངས་ཆ་ཚང་དྲང་མོར་བཤད་སྐབས། ཁོས་ང་ལ་ཁྱོད་ཀྱིས་སྙན་ཞུ་ཞིག་ཕྲིས་ཤོག་དང་། ཁྱོད་ཆབ་སྲིད་བཙོན་པའི་ནང་གཏོང་ཐབས་བྱེད་དགོས་ལབ་སོང་། ངས་རྗེས་སུ་སྙན་ཞུ་ཞིག་བྲིས་ཀྱང་ལན་གང་ཡང་འབྱོར་མ་སོང་།
སྐབས་དེར་ངའི་རོཊ་པ་ཀརྨས་བརྙན་(video)ལེན་རྒྱུ་ཡིན་ལབ་སྐབས། ཀརྨ་རིན་ཆེན་གྱིས་བརྙན་མ་ལེན་ལབ་སོང་། ང་ཚོས་བརྙན་ལེན་དང་མི་ལེན་གྱི་རྙོག་དྲ་ཞིག་བྱུང་སྐབས་ངའི་རོགས་པ་ཁོང་ཁྲོ་ལངས་ཏེ་ཅོག་ཙེ་སྒང་ལ་ཁུ་ཚུར་ཞིག་གཞུས་སོང་། ངས་ཁོ་རང་གི་ལག་པར་འཇུས་ཡིན། དེ་ལྟར་ཟ་ངེ་ཟེང་ངེ་ཞིག་ཆཊ་པའི་བར་ནས་ཀརྨ་རིན་ཆེན་དང་དངོས་གྲུབ་རྡོ་རྗེ་གཉིས་བྲོས་ཚར་འདུག སྒོ་ཕྱི་ལོགས་ནས་བརྒྱབ་འདུག ཀརྨ་རིན་ཆེན་གྱི་བདེ་སྲུང་ལས་བྱེད་ཀྱི་ངོས་འཛིན་ལག་ཁྱེར་ཡང་གཡུགས་ཏེ་བྲོས་འདུག
གནས་ཚུལ་འདི་རིགས་ལ་བརྟག་དཔྱད་མ་བྱས་པར་གང་བྱུང་བརྒྱུད་བསྒྲགས་བྱས་པ་ཡིན་ན། སྤྱི་ཚོགས་ཀྱི་ལྷིང་འཇགས་ལ་གནོད་པ་མ་ཟད། བརྒྱུད་བསྒྲགས་བྱེད་མཁན་དོ་བདག་ལའང་ཁྲིམས་ཐོག་ནས་དཀའ་ངལ་འཕྲད་སྲིད་སྐོར་བརྗོད་དོན། སྤྱི་ཚོགས་ཀྱི་དྲ་ལམ་ཁག་གི་ནང་གནས་ཚུལ་ཞིབ་ཕྲ་མ་བརྟག་མ་དཔྱད་པར་གང་དྲན་བཀོད་རྒྱུ་དེ་རྩ་བ་ནས་ཡག་པོ་མི་འདུག གནས་ཚུལ་ཆ་ཚང་རྟོགས་རྗེས་མང་ཚོགས་ལ་བརྒྱུད་བསྒྲགས་གནང་བ་ཡིན་ན་འོས་པ་ཞིག་རེད། དེ་མིན་གང་བྱུང་བརྒྱུད་བསྒྲགས་གནང་བ་ཡིན་ན་སྤྱི་ཚོགས་ནང་དོགས་འདྲོག་ཡོང་རྒྱུ་དང་། དེ་ཡང་འབར་རྫས་རིགས་དང་། ལྷག་པར་བཞུགས་སྒར་གླིང་སྐོར་ཉེ་འཁོར་དུ་རྙེད་པ་རེད་ཅེས་ཧ་ལམ་ཆ་ཚང་ཧ་གོ་གི་ཡོད་པ་ལྟ་བུ་བྱས་ཏེ། སོ་སོའི་ངོས་ནས་ཞིབ་འཇུག་མཐིལ་ཕྱིན་བྱས་པ་ལྟ་བུ་གནང་ན་རྩ་བ་ནས་ཡག་པོ་མི་འདུག དེས་ང་ཚོའི་སྤྱི་ཚོགས་ཀྱི་ལྷིང་འཇགས་ལ་གནོད་པ་མ་ཟད། དོ་བདག་རང་ཉིད་ལ་ཁྲིམས་ཐོག་ནས་དཀའ་ངལ་འཕྲད་སྲིད་པ་རེད། གང་ཡིན་ཞེ་ན་གནས་ཚུལ་འདི་རིགས་ཧ་ཅང་ཉེན་ཚབས་ཆེན་པོ་ཡིན་པར་བརྟེན། མ་འོངས་པར་ཚང་མས་ཐུགས་གཟབ་གནང་རོགས་ཞུ་རྒྱུ་ཡིན། ཞེས་བརྗོད་འདུག
སྒྲིགས་འཛུགས་འདིས་གང་ཡག་ཡག་མ་
གཏོགས་གནས་ཚུལ་སྡུག་པ་ཚང་མ་
སྦས་གསང་བྱེད་མཁན་མིན་ནམ་སྙམ་པའི་དོག་པ་སྐྱེད་ཀྱི་འདུག་
མི་འདིའི་གདོང་པ་ལ་བལྟས་ན་འབར་རྫས་ཆེན་པོ་ཞིག་འགད་སོང་པ་འདྲ་པོ་འདུག་སྟེ། གང་ལྟར་སྐྱབས་བཅོལ་པའི་ས་ཆར་འཇིགས་བསྐུལ་པ་འོང་རྒྱུ་མ་རེད། ཁོང་ཚོ་སྟོབས་ཆེན་རྒྱལ་ཁབ་ཚོ་ལ་འདྲན་མཁན་རེད་མ་གཏོགས། སྐྱབས་བཅོལ་པ་ལ་འཇིགས་བསྐུལ་བྱས་ན་བྲོ་བ་ཅི་ཡོད། གད་སྙིགས་ལ་མ་སྐྲག་ཅིག སེམས་ལྷོད་པོར་བཞུགས་རོགས། འུར་མ་ལང་། འུར་མ་ལང་།