རུལ་སུངས་ལ་རྒོལ་བ་དང་ཁ་བྲལ་ལ་རྒོལ་བ་ཟུང་འབྲེལ་བྱེད་དགོས་ཟེར།

ཞི་ཅིན་ཕིན་གཞུང་གིས་བོད་ཐོག་འཛིན་པའི་སྲིད་བྱུས། “རྒྱལ་ཁབ་སྐྱོང་བར་ངེས་པར་དུ་མཐའ་མཚམས་སྐྱོང་དགོས་པ་དང་། མཐའ་མཚམས་སྐྱོང་བར་སྔོན་ལ་བོད་བརྟན་ལྷིང་ཡོང་དགོས། ” ཟེར་བ་འདི་རེད།

དེ་རིང་བོད་ལྗོངས་ཉིན་རེའི་ཚགས་པར་གྱི་མདུན་ངོས་སུ། ཟླ་འདིའི་ཚེས་ ༢༨ ཉིན་བོད་རང་སྐྱོང་ལྗོངས་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་སྐབས་བརྒྱད་པའི་ཚོགས་འདུ་ཐེངས་དྲུག་པ་ཟེར་བ་ཚོགས་པའི་སྟེང་། བོད་རང་སྐྱོང་ལྗོངས་དམར་ཤོག་ཚོགས་པའི་དྲུང་ཆེ་ཁྲིན་ཆོན་ཀའོ་ཡིས་ལྐོག་ཟ་རུལ་སུངས་དང་ཁ་བྲལ་ལ་ངོ་རྒོལ། རྒྱ་ནག་ཏང་གི་ཚོགས་ཆེན་བཅོ་བརྒྱད་པ་དང་སྲིད་འཛིན་ཞི་ཅིན་ཕིན་གྱི་གསུང་ཟེར་བ་བཅས་ཀྱི་ཐོག་གཏམ་བཤད་རིང་བོ་ཞིག་སྤེལ་འདུག

བོད་ལྗོངས་ཉིན་རེ་ཚགས་པར་ཞེས་པའི་སྟེང་བཀོད་པའི་ཁྲིན་ཆོན་གོ་ཡི་གཏམ་བཤད་འདིར་འདྲེན་བཀོད་བྱས་ཡོད། ༼ 2014 ལོར་བློ་མཐུན་ཞིས་ཅིན་ཕིང་གིས་སྤྱི་ཁྱབ་ཧྲུའུ་ཅི་གནང་བའི་ཏང་ཀྲུང་དབྱང་གི་སྲ་ བརྟན་འགྱུར་མེད་ཀྱི་འགོ་ཁྲིད་དང་། ཀྲུང་དབྱང་སྒྲིག་ཨུད་ཀྱི་ཐད་ཀའི་འགོ་ཁྲིད། རང་སྐྱོང་ལྗོངས་ཏང་ཨུད་ཀྱི་སྣང་ཆེན་དང་སྐུལ་གཏོང་བཅས་འོག་ལྗོངས་ཡོངས་ཀྱི་ རིམ་ཁག་ཏང་རྩ་འཛུགས་དང་སྒྲིག་བཤེར་ལྟ་ཞིབ་ལས་ཁུངས་ཀྱིས་ཏང་གི་ཚོགས་ཆེན་བཅོ་ བརྒྱད་པ་དང་། སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་དང་བཞི་པ། ཀྲུང་དབྱང་སྒྲིག་ཨུད་ཀྱི་སྐབས་བཅོ་བརྒྱད་པའི་ཚང་འཛོམས་གྲོས་ཚོགས་ཐེངས་གསུམ་ པ་དང་བཞི་པ་བཅས་ཀྱི་དགོངས་དོན་ལག་བསྟར་དོན་འཁྱོལ་ནན་ཏན་བྱེད་པ་དང་། སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་གསུང་བཤད་གལ་ཆེན་རབ་དང་རིམ་པའི་དགོངས་ དོན་དང་ལྷག་པར་དུ“རྒྱལ་ཁབ་སྐྱོང་བར་ངེས་པར་དུ་མཐའ་མཚམས་སྐྱོང་དགོས་པ་དང་། མཐའ་མཚམས་སྐྱོང་བར་སྔོན་ལ་བོད་བརྟན་ལྷིང་ཡོང་བ་བྱེད་དགོས་པའི”འཐབ་ཇུས་གལ་ ཆེའི་དགོངས་དོན་དང“བོད་རྒྱུན་མཐུད་བརྟན་ལྷིང་དང་། ཡུན་རིང་བརྟན་ལྷིང་། ཁྱོན་ཡོངས་ནས་བརྟན་ལྷིང་བཅས་ཡོང་བ་བྱེད་དགོས་པའི”མཛུབ་སྟོན་གལ་ཆེན་གྱི་ དགོངས་དོན་སློབ་སྦྱོང་ལག་བསྟར་བྱེད་པ། ཀྲུའུ་ཞི་ཡུས་ཀྲེང་ཧྲེང་གི“ཁྲིམས་ལྟར་བོད་སྐྱོང་བ་དང་། ཡུན་རིང་བོད་འཛུགས་སྐྲུན་བྱེད་པ། མི་སེམས་ཐོབ་ཐབས་བྱེད་པ། རྨང་གཞི་བརྟན་པོ་འདིང་བའི”རྩ་དོན་གལ་ཆེན་ལག་བསྟར་དོན་འཁྱོལ་བྱེད་པ། ཧྲུའུ་ཅི་ཝང་ཆི་ཧྲན་གྱི་མཛུབ་སྟོན་བླང་བྱ་ལག་བསྟར་དོན་འཁྱོལ་བཅས་བྱས་ནས་ ལྟེ་བའི་ལས་འགན་ལ་དམིགས་པ་དང་འགན་ནུས་འདོན་སྤེལ་ཡག་པོ་བྱས་ནས་གསར་གཏོད་རང་ བཞིན་ངང་ལས་ཀ་བྱེད་པ་དང་། ཏང་གི་ཆབ་སྲིད་སྒྲིག་ཁྲིམས་དང་རྩ་འཛུགས་ཀྱི་སྒྲིག་ཁྲིམས་ནན་དུ་གཏོང་བ་དང་། ཏང་ཡོན་དཔུང་ཁག་གི་དྭངས་གཙང་རང་བཞིན་སྲུང་སྐྱོང་བྱེད་པ། སྒྱུར་བཅོས་གསར་གཏོད་མཐའ་འཁྱོངས་དང་སྒྲིག་ཁྲིམས་ཞིབ་བཤེར་ལམ་སྲོལ་གྱི་ སྒྱུར་བཅོས་ལ་བརྟན་པོའི་ངང་སྐུལ་འདེད་གཏོང་བ། སྒྲིག་བཤེར་ལྟ་སྐུལ་བྱེད་ཤུགས་ཆེ་རུ་བཏང་ནས་རྒྱུན་སྲིང་ལྷོད་མེད་ངང“སྤྱོད་ཚུལ་བཞི”ཡོ་བསྲང་བྱེད་པ། སྐོར་ཞིབ་ལས་དོན་ལ་ཤུགས་སྣོན་བརྒྱབ་ནས་རྒྱུན་སྲིང་གི་འཇིགས་སྐུལ་ཆགས་པ་ བྱེད་པ། གྱོད་གཞི་ཞིབ་གཅོད་བྱེད་ཤུགས་ཆེ་རུ་བཏང་ནས་རུལ་སུངས་ལ་ངོ་རྒོལ་བྱེད་པའི་དམ་ བསྒྲགས་རྣམ་པ་རྒྱུན་འཁྱོངས་བྱེད་པ། “འགྱུར་ལྡོག་གསུམ”གྱི་བླང་བྱ་དོན་འཁྱོལ་བྱེད་པ་དང་ཉམས་སད་ཐེག་ཐུབ་པའི་དཔུང་ ཁག་གཏོད་པ་བཅས་བྱས་པས་ལས་དོན་ཁག་ལ་ཕན་འབྲས་མངོན་གསལ་དོད་པོ་ཐོབ་པ་དང་། བོད་ཀྱི་འཕེལ་རྒྱས་དང་བརྟན་ལྷིང་གི་ཁྱོན་ཡོངས་ལ་ལེགས་སྐྱེས་གལ་ཆེན་ཕུལ་ཡོད་ཅེས་གསུངས་པ་རེད།

ཁྲེན་ཆོན་གོས་ནན་བཤད་གནང་དོན། སྤྱི་ཁྱབ་ཧྲུའུ་ཅི་ཞིས་ཅིན་ཕིང་གིས་ཀྲུང་དབྱང་སྒྲིག་ཨུད་ཀྱི་སྐབས་བཅོ་ བརྒྱད་པའི་ཚང་འཛོམས་གྲོས་ཚོགས་ཐེངས་ལྔའི་ཐོག་གནང་བའི་གསུང་བཤད་གལ་ཆེན་དེ་ ཏང་དང་རྒྱལ་ཁབ་ཀྱི་འཐབ་ཇུས་ཀྱི་ཁྱོན་ཡོངས་ཀྱི་མཐོ་ཚད་ཐོག་ནས་འདས་ཟིན་པའི་ ལོ་གཅིག་རིང་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་ ལས་དོན་ལ་ཐོབ་པའི་མངོན་གསལ་དོད་པའི་ཕན་འབྲས་ཁས་ལེན་གང་ལེགས་གནང་བ་དང་། ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་ ཀྱི་དུས་བབ་ལ་དབྱེ་ཞིབ་གཏིང་ཟབ་གནང་ནས་དེང་སྐབས་དང་སླད་ཕྱིན་དུས་སྐབས་ཤིག་ རིང་གི་སྤྱིའི་བླང་བྱ་དང་ལས་འགན་གཙོ་བོ་གསལ་པོ་བཏོན་གནང་བ་དེ་ལས་ཏང་ནན་པོ་ སྐྱོང་བའི་བློ་བརྟན་འགྱུར་མེད་ཀྱི་ཆོད་སེམས་དང་སྲ་བརྟན་འགྱུར་མེད་ཀྱི་སེམས་ ཤུགས་གང་ལེགས་མཚོན་པ་དང་། བླ་ན་མེད་པའི་ཏང་གཤིས་གཤིས་རྒྱུད་དང་འགན་ཁུར་ཕོད་པའི་སྙིང་སྟོབས་གང་ལེགས་ མཚོན་པ། རྒྱ་ཆེའི་ཏང་ཡོན་ལས་བྱེད་པར་བླང་བྱ་ནན་འདོན་དང་གཅེས་སྐྱོང་ཐུགས་ཁུར་གནང་ ལུགས་གང་ལེགས་མཚོན་པས་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་ བྱེད་པའི་འཐབ་རྩོད་ལ་ཤུགས་སྣོན་རྒྱག་པའི་བསམ་བློའི་མཚོན་ཆ་གལ་ཆེན་ཞིག་དང་། ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་ལ་ མཛུབ་ཁྲིད་བྱེད་པའི་རྩ་འཛིན་རང་བཞིན་གྱི་ཡིག་ཆ་ཞིག་རེད། ལྗོངས་ཡོངས་ཀྱི་རིམ་ཁག་ཏང་རྩ་འཛུགས་དང་རྒྱ་ཆེའི་ཏང་ཡོན་ལས་བྱེད་པ་དང་ལྷག་ པར་དུ་སྒྲིག་བཤེར་དང་ལྟ་ཞིབ་ལས་ཁུངས་ཀྱིས་སྤྱི་ཁྱབ་ཧྲུའུ་ཅི་ཞིས་ཅིན་ཕིང་ གི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་ལག་བསྟར་བྱ་རྒྱུ་དེ་ཆབ་སྲིད་ ཀྱི་ལས་འགན་གལ་ཆེན་ཞིག་ཏུ་བརྩིས་ནས་ཧྲུའུ་ཅི་ཝང་ཆི་ཧྲན་གྱི་ལས་དོན་སྙན་ སྒྲོན་གྱི་བཀོད་སྒྲིག་བླང་བྱ་གཞིར་བཟུང་བསམ་བློ་དང་བྱ་སྤྱོད་དེ་ཏང་སྲོལ་ སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་ཐད་ཀྱི་ ཀྲུང་དབྱང་གི་ཐབས་ཇུས་བཀོད་སྒྲིག་ཐོག་གཅིག་གྱུར་ཡོང་བ་བྱེད་པ་དང་ཏང་ནན་པོ་ སྐྱོང་བའི་བློ་བརྟན་འགྱུར་མེད་ཀྱི་ཆོད་སེམས་ཆེ་རུ་བཏང་སྟེ་བཟོད་སྒོམ་གཏན་ ནས་མི་བྱེད་པའི་རྣམ་འགྱུར་འགྱུར་བ་མི་གཏོང་བ་དང་། སྨན་ཆེན་གྱིས་གཅོང་ནད་བཅོས་པའི་ཆོད་སེམས་ཆུང་དུ་མི་གཏོང་བ། རུས་བྲད་དུག་སེལ་གྱི་བློ་སྟོབས་མི་ཉམས་པ། ཆད་གཅོད་ནན་པོའི་ཚད་གཞི་ལྷུག་ཏུ་མི་གཏོང་བ་བཅས་བྱ་རྒྱུ་མཐའ་འཁྱོངས་ཀྱིས་ བློ་བརྟན་འགྱུར་མེད་ངང་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་ རྒོལ་བྱེད་པའི་འཐབ་རྩོད་མཐའ་གཅིག་ཏུ་བྱེད་དགོས།

ཁྲེན་ཆོན་གོས་ནན་ བཤད་གནང་དོན། 2015ལོར་རང་ལྗོངས་ཀྱི་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་ བྱེད་པའི་ལས་དོན་གྱི་སྤྱིའི་བླང་བྱ་ནི་ཀྲུང་གོའི་ཁྱད་ཆོས་ཀྱི་སྤྱི་ཚོགས་ རིང་ལུགས་ཀྱི་རླབས་ཆེན་དར་ཆ་མཐོན་པོར་སྒྲེང་བ་དང་། ཏེང་ཞའོ་ཕིང་གི་རིགས་པའི་གཞུང་ལུགས་དང་། “མཚོན་བྱེད་གསུམ”གྱི་དགོངས་པ་གལ་ཆེན། ཚན་རིག་དང་མཐུན་པའི་གོང་འཕེལ་ལྟ་བ་བཅས་མཛུབ་ཁྲིད་དུ་བྱེད་པ། ཏང་གི་ཚོགས་ཆེན་བཅོ་བརྒྱད་པ་དང་། སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་དང་བཞི་པ། ཀྲུང་དབྱང་སྒྲིག་ཨུད་ཀྱི་སྐབས་བཅོ་བརྒྱད་པའི་ཚང་འཛོམས་གྲོས་ཚོགས་ཐེངས་གསུམ་ པ་དང་། བཞི་པ། ལྔ་པ་བཅས་ཀྱི་དགོངས་དོན་ལག་ལེན་གཏིང་ཟབ་བསྟར་བ། སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་གསུང་བཤད་གལ་ཆེན་རབ་དང་རིམ་པའི་དགོངས་ དོན་ལག་བསྟར་ནན་ཏན་བཅས་བྱས་ནས་འབྱོར་འབྲིང་སྤྱི་ཚོགས་སྒོ་ཀུན་ནས་སྐྲུན་ཐུབ་ པ་བྱེད་པ་དང་། སྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་གཏོང་བ། ཁྲིམས་ལྟར་རྒྱལ་སྐྱོང་ལ་སྒོ་ཀུན་ནས་ཤུགས་སྣོན་རྒྱག་པ། ཕྱོགས་ཡོངས་ནས་ཏང་ནན་པོ་སྐྱོང་བ་བཅས་ཀྱི་བླང་བྱ་གཞིར་བཟུང་བསམ་བློའི་ཐོག་ ནས་ཏང་འཛུགས་སྐྱོང་དང་ལམ་ལུགས་ཀྱི་ཐོག་ནས་ཏང་བཅོས་སྐྱོང་བྱ་རྒྱུ་མཐའ་ འཁྱོངས་ཀྱིས་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་ གནད་དོན་ཐད་བོད་ལ་དམིགས་བསལ་གང་ཡང་མེད་པའི་བསམ་བློ་བརྟན་དུ་གཏོང་བ་དང་། ཕྱོགས་གཅིག་ནས་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་ པའི་འཐབ་རྩོད་དམ་འཛིན་དང་ཕྱོགས་གཞན་ཞིག་ནས་ཁ་ཕྲལ་ལ་ངོ་རྒོལ་བྱེད་པའི་འཐབ་ རྩོད་དམ་འཛིན་བྱ་རྒྱུ་མཐའ་འཁྱོངས་ཀྱིས་ཆབ་སྲིད་སྒྲིག་ལམ་དང་ཆབ་སྲིད་ལུགས་ སྲོལ་གཟབ་ནན་དུ་གཏོང་བ་དང་སྒྲིག་ལམ་འཛུགས་སྐྱོང་ལ་ཤུགས་སྣོན་བརྒྱབ་ནས“འགན་ འཁྲི་གཉིས”དོན་འཁྱོལ་བྱེད་པ་དང་། ལྟ་སྐུལ་དང་སྒྲིག་ལམ་ལག་བསྟར་གྱི་འགན་འཁྲི་རྩད་གཅོད་བྱེད་ཤུགས་ཆེ་རུ་གཏོང་ བ། ཀྲུང་དབྱང་གི་གཏན་འབེབས་དོན་ཚན་བརྒྱད་དོན་འཁྱོལ་ནན་པོ་བྱེད་པ། རུལ་སུངས་གྱི་གྱོད་གཞི་ཞིབ་གཅོད་མཐའ་གཅིག་ཏུ་བྱེད་པ། སྐོར་ཞིབ་ལས་དོན་ལ་རྒྱུན་ཆད་མེད་པར་ཤུགས་སྣོན་རྒྱག་པ། སྒྲིག་ཁྲིམས་ཞིབ་བཤེར་ལམ་སྲོལ་སྒྱུར་བཅོས་ལ་བརྟན་པོའི་ངང་སྐུལ་འདེད་གཏོང་བ། ཏང་སྲོལ་སྲིད་གཙང་འཛུགས་སྐྱོང་གི་ཁྲིམས་སྲོལ་དང་ལམ་ལུགས་འཐུས་ཚང་དུ་གཏོང་བ་ བཅས་བྱས་ནས་བློ་བརྟན་འགྱུར་མེད་ངང་ཏང་སྲོལ་སྲིད་གཙང་འཛུགས་སྐྱོང་དང་རུལ་ སུངས་ལ་ངོ་རྒོལ་བྱེད་པའི་འཐབ་རྩོད་དེ་གཏིང་ཟབ་ཀྱི་ཕྱོགས་སུ་སྐུལ་འདེད་གཏོང་ བ་དང་བོད་ཀྱི་དཔལ་འབྱོར་དང་སྤྱི་ཚོགས་ལེགས་ལ་མྱུར་བའི་འཕེལ་རྒྱས་དང་ཡུན་ རིང་བདེ་འཁོད་ཡོང་ཕྱིར་འགན་ལེན་ནུས་ལྡན་བྱེད་དགོས།

ཁྲེན་ཆོན་གོས་གསུང་དོན། ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་ད་ལོའི་ལས་ དོན་ཡག་པོ་སྒྲུབ་པར་གཙོ་གནད་ཐོག་ཕྱོགས་བརྒྱད་ཐད་ཀྱི་ལས་དོན་དམ་འཛིན་ཡག་པོ་བྱེད་དགོས།

དང་པོ། ཏང་ནན་པོ་སྐྱོང་རྒྱུ་མཐའ་འཁྱོངས་ཀྱིས་ཏང་སྲོལ་སྲིད་གཙང་འཛུགས་ སྐྱོང་དང་རུལ་སུངས་ལ་ངོ་རྒོལ་བྱེད་པའི་གནད་དོན་ཐད་བོད་ལ་དམིགས་བསལ་གང་ཡང་ མེད་པའི་བསམ་བློ་བརྟན་པོ་འཛུགས་དགོས། ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་ལས་དོན་ལ་ ཤུགས་སྣོན་རྒྱག་པའི་གལ་ཆེའི་རང་བཞིན་དང་དགོས་གཏུགས་རང་བཞིན་ངོས་འཛིན་གང་ ལེགས་བྱེད་པ་དང་ལོ་རྒྱུས་ཀྱི་འགན་འཁྲིའི་བསམ་པ་དང་། འགན་འཁྲིའི་སེམས་ཁྲལ་འདུ་ཤེས་ཆེན་པོའི་ཐོག་ནས་ཏང་སྲོལ་སྲིད་གཙང་འཛུགས་ སྐྱོང་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་ལ་སྐུལ་འདེད་གཏོང་དགོས། བོད་འདི་ཉིད་ས་བབ་མཐོ་ཡང་བླང་བྱ་སྔར་བས་མཐོ་བ་འདོན་རྒྱུ་མཐའ་འཁྱོངས་དང་གཟབ་ ནན་ཨང་དང་པོར་འཇོག་པ་དང་གཟབ་ནན་ནས་ལས་དོན་བྱེད་འགོ་བཙུགས་ཏེ་ཏང་དོ་དམ་དང་ བཅོས་སྐྱོང་ནན་པོ་བྱེད་པའི་ཆོད་སེམས་འགྱུར་བ་མི་གཏོང་བ་དང་། ཚད་གཞི་དམའ་རུ་མི་གཏོང་བ། དམ་འཛིན་བྱེད་ཤུགས་ཆུང་དུ་མི་གཏོང་བ་བཅས་མཐའ་འཁྱོངས་བྱས་ནས་ཏང་སྲོལ་སྲིད་ གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་ལས་དོན་དེ་སྒྱུར་འཕེལ་ བརྟན་གསུམ་བཅས་ཀྱི་བརྒྱུད་རིམ་ཧྲིལ་པོར་ཁྱབ་པ་བྱེད་དགོས།

གཉིས་པ། ཆབ་སྲིད་ཀྱི་སྒྲིག་ཁྲིམས་ནན་སྲུང་བྱས་ནས་བློ་མཐུན་ཞིས་ཅིན་ཕིང་གིས་སྤྱི་ ཁྱབ་ཧྲུའུ་ཅི་གནང་བའི་ཏང་ཀྲུང་དབྱང་དང་ཚད་མཐོའི་གཅིག་གྱུར་བྱ་རྒྱུ་རྒྱུན་ འཁྱོངས་བྱེད་དགོས། ཏང་ནང་སྒྲིག་ལམ་གྱི་འདུ་ཤེས་ཟབ་ཏུ་བཏང་ནས་སྒྲིག་ཁྲིམས་ནན་སྲུང་དང་སྒྲིག་ལམ་ ནན་པོ་བཟོ་རྒྱུ་དེ་གནས་བབ་སྔར་བས་མངོན་གསལ་དོད་པོར་འཇོག་པ་དང་བཅའ་ཁྲིམས་ ཁྲིམས་སྲོལ་དང་། ཏང་གི་སྒྲིག་ཁྲིམས། སྲོལ་རྒྱུན་བཟང་པོ། ལས་ཀའི་རྒྱུན་སྲོལ་བཅས་ཚད་གཞི་གལ་ཆེན་ལ་འགྱུར་བ་བྱས་ནས་སེམས་ནང་བརྟན་པོར་ ཟུག་པ་བྱེད་པ་དང་ཕྱིའི་བྱ་སྤྱོད་ལ་འགྱུར་བ་བྱེད་དགོས། ཆབ་སྲིད་སྒྲིག་ཁྲིམས་དང་ཆབ་སྲིད་སྒྲིག་ལམ་ནན་སྲུང་བྱེད་པ་དང་། ཆབ་སྲིད་ཀྱི་ཁ་ཕྱོགས་དང་ཆབ་སྲིད་ཀྱི་ལངས་ཕྱོགས་ཐོག་མཐའ་བར་གསུམ་དུ་བརྟན་པོ་ ཡོང་བ་བྱེད་པ། རང་རྟོགས་ངང“བརྩི་སྲུང་བཞི”མཐའ་འཁྱོངས་བཅས་བྱས་ནས་བོད་འདི་ཉིད་པེ་ཅིང་དང་ བར་ཐག་རིང་ཡང་ང་ཚོའི་སེམས་པ་སྔ་ཕྱི་བར་གསུམ་དུ་བློ་མཐུན་ཞིས་ཅིན་ཕིང་གིས་ སྤྱི་ཁྱབ་ཧྲུའུ་ཅི་གནང་བའི་ཏང་ཀྲུང་དབྱང་དང་གཅིག་ཏུ་སྦྲེལ་བ་དང་ངེས་པར་དུ་ བློ་མཐུན་ཞིས་ཅིན་ཕིང་གིས་སྤྱི་ཁྱབ་ཧྲུའུ་ཅི་གནང་བའི་ཏང་ཀྲུང་དབྱང་གི་དབང་ གྲགས་བློ་བརྟན་འགྱུར་མེད་ངང་སྲུང་སྐྱོབ་བྱས་ནས་དུས་ཚོད་གང་རུང་དང་གནས་ཚུལ་ གང་རུང་འོག་ངེས་པར་དུ་བསམ་བློ་དང་། ཆབ་སྲིད། བྱ་སྤྱོད་བཅས་ཀྱི་ཐད་བློ་མཐུན་ཞིས་ཅིན་ཕིང་གིས་སྤྱི་ཁྱབ་ཧྲུའུ་ཅི་གནང་བའི་ ཏང་ཀྲུང་དབྱང་དང་ཚད་མཐོའི་གཅིག་གྱུར་བྱ་རྒྱུ་རྒྱུན་འཁྱོངས་བྱེད་པ་དང་། ངེས་པར་དུ་ཏང་གི་མཐུན་སྒྲིལ་སྲུང་སྐྱོབ་བྱེད་པ་དང་ཕྱོགས་བཞི་མཚམས་བརྒྱད་ ཀྱི་ཏང་ལ་བློ་དཀར་སེམས་དཀར་བྱེད་པའི་བློ་མཐུན་མཐའ་དག་དང་མཐུན་སྒྲིལ་མཐའ་ འཁྱོངས་བྱེད་པ། ངེས་པར་དུ་རྩ་འཛུགས་ཀྱི་གོ་རིམ་ལ་བརྩི་སྲུང་ཞུས་ནས་གནད་དོན་གལ་ཆེན་དགོངས་ སྐོར་ཞུ་དགོས་ཚེ་དགོངས་སྐོར་ཞུ་བ་དང་སྙན་སེང་ཞུ་དགོས་ཚེ་སྙན་སེང་ཞུས་པ་ལས་ དབང་ཚད་ལས་གཏན་ནས་མི་བརྒལ་བ་བྱེད་པ། ངེས་པར་དུ་རྩ་འཛུགས་ཀྱི་གཏན་འབེབས་བརྩི་སྲུང་ཞུ་བ་ལས་རྩ་འཛུགས་མིན་པའི་ བྱེད་སྒོ་གཏན་ནས་སྤེལ་མི་རུང་བ་དང་རྩ་འཛུགས་ཀྱི་གཏན་འབེབས་ལས་རྒྱབ་འགལ་ བྱེད་མི་རུང་བ། ངེས་པར་དུ་གཉེན་ཉེ་དང་ཉེ་འགྲམ་གྱི་ལས་དོན་མི་སྣར་དོ་དམ་ཡག་པོ་བྱས་ནས་ཁོང་ ཚོས་དམིགས་བསལ་གྱི་ཐོབ་ཐང་སྤྱད་དེ་ཁྲིམས་འགལ་གྱི་ཁེ་ཕན་རག་པ་བྱེད་པར་ཁས་ བླངས་ཤུགས་བསྟན་བྱེད་མི་རུང་བ་བཅས་བྱེད་དགོས།

གསུམ་པ། “ཕྱོགས་གཉིས་དམ་འཛིན”དོན་འཁྱོལ་བྱ་རྒྱུ་མཐའ་འཁྱོངས་བྱས་ནས་ཏང་སྲོལ་སྲིད་གཙང་འཛུགས་ སྐྱོང་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་དེ་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་དང་ཟུང་འབྲེལ་དང་གཅིག་གྱུར་ཡོང་བ་བྱེད་དགོས། ཕྱོགས་གཉིས་ལ་དམ་འཛིན་དང་ཕྱོགས་གཉིས་ལ་དམ་འཛིན་ནན་པོ་བྱ་རྒྱུ་མཐའ་འཁྱོངས་ཀྱིས་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་དེ་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་འགན་ལེན་གལ་ཆེན་ཞིག་ཏུ་བརྩི་བ་དང་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ནང་གི་ཏང་ཡོན་ལས་བྱེད་པའི་མཚོན་ཚུལ་དེ་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་ཀྱི་ནང་དོན་གལ་ཆེན་ཞིག་ཏུ་བརྩིས་ཏེ་ཏང་སྲོལ་སྲིད་གཙང་འཛུགས་སྐྱོང་ དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་དེ་ཁ་ཕྲལ་ལ་ངོ་རྒོལ་བྱེད་པའི་འཐབ་ རྩོད་དང་མཉམ་དུ་བཀོད་སྒྲིག་དང་། མཉམ་དུ་དོན་འཁྱོལ། མཉམ་དུ་ཞིབ་བཤེར། མཉམ་དུ་དཔྱད་ཞིབ་བཅས་ཐུབ་པ་བྱེད་དགོས། ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་སྒྲིག་ལམ་ནན་ཏུ་གཏོང་བ་དང་ཏང་ཡོན་ལས་བྱེད་པས་ཏང་གི་མི་རིགས་ཆོས་ལུགས་སྲིད་ཇུས་ལག་ལེན་བསྟར་བ་དང་ཁ་ཕྲལ་ལ་ངོ་ རྒོལ་བྱེད་པའི་འཐབ་རྩོད་ཀྱི་ལངས་ཕྱོགས་མཚོན་ཚུལ་ལ་ལྟ་སྐུལ་ཞིབ་བཤེར་བྱེད་ ཤུགས་ཆེ་རུ་བཏང་ནས་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ནང་ཐོབ་རེ་ཤོར་དོགས་ བྱེད་པ་དང་། ཏཱ་ལ་སྐྱེ་ཕྲེང་བཅུ་བཞི་པའི་རུ་ཚོགས་ལ་སྟོང་སེམས་བཅངས་པ། ཏཱ་ལ་སྐྱེ་ཕྲེང་བཅུ་བཞི་པའི་རུ་ཚོགས་ཀྱི་རྗེས་སུ་འབྲང་བ། ཁ་ཕྲལ་དང་། སིམ་འཛུལ། གཏོར་བཤིག་བཅས་ཀྱི་བྱེད་སྤྱོད་ནང་ཞུགས་པ་དང་རྒྱབ་སྐྱོར་བྱེད་པ་བཅས་ཀྱི་ཏང་ ཡོན་ལས་བྱེད་པར་བཅའ་ཁྲིམས་དང་སྒྲིག་ཁྲིམས་ལྟར་ཞིབ་གཅོད་ནན་པོ་བྱེད་དགོས།

བཞི་པ། རྒྱུན་སྲིང་ལྷོད་མེད་ཀྱིས“སྤྱོད་ཚུལ་བཞི”བཅོས་སྒྲིག་བྱས་ནས་སྤྱོད་ཚུལ་ འཛུགས་སྐྱོང་རྒྱུན་རྣམ་ཅན་དུ་འགྱུར་བར་སྐུལ་འདེད་གཏོང་དགོས། ཏན་ཏན་ཏིག་ཏིག་དང་དཀའ་སྤྱད་འབད་འབུངས་ཀྱི་འདུ་ཤེས་བརྟན་པོ་འཛུགས་པ་དང་ཀྲུང་ དབྱང་གི་གཏན་འབེབས་དོན་ཚན་བརྒྱད་དེ་ལྡོག་མེད་ཀྱི་སྒྲིག་ལམ་དང“ལྡོག་མེད་ཀྱི་ གཏན་འབེབས་དོན་ཚན་བརྒྱད”ལ་བརྩི་རྒྱུ་མཐའ་འཁྱོངས་ཀྱིས་ལག་བསྟར་ནན་པོ་དང་དོན་ འཁྱོལ་མཐའ་གཅིག་ཏུ་བྱས་ཐོག་རྒྱུན་སྲིང་ལྷོད་མེད་ངང“སྤྱོད་ཚུལ་བཞི”ཡོ་བསྲང་ བྱེད་པ་དང་དུས་རྒྱུན་ནས་དམ་འཛིན་བྱས་ཏེ་གོམས་གཤིས་ཆགས་པ་བྱེད་པ་དང་ངང་ རྒྱུད་རིང་པོས་དམ་འཛིན་བྱས་ཏེ་ཕུགས་ཕན་ནུས་ཐོན་པ་བྱེད་དགོས། འཛུགས་སྐྱོང་གི་གྲུབ་འབྲས་རྒྱུན་ཆད་མེད་པར་རྒྱ་ཆེར་གཏོང་བ་དང་མང་ཚོགས་ལམ་ ཕྱོགས་ཀྱི་སློབ་གསོ་ལག་ལེན་བྱེད་སྒོའི་ཁྲོད་གྲལ་བཤེར་ཐུབ་པའི་གནད་དོན་ལ་ གཟེར་རྒྱག་པའི་སྙིང་སྟོབས་ཀྱི་ཐོག་ནས་དམ་འཛིན་མཐའ་གཅིག་ཏུ་བྱས་ཏེ་དོན་ཚན་ ཚང་མ་དོན་འཁྱོལ་ཐུབ་པ་དང་བྱ་བ་ཚང་མར་ལན་འདེབས་ཐུབ་པ་བྱེད་དགོས། ཆེད་དོན་བཅོས་སྒྲིག་མུ་མཐུད་ཡག་པོ་བྱས་ནས“སྤྱོད་ཚུལ་བཞིའི”རྣམ་པ་གསར་པ་དང་། སྒུལ་ཚུལ་གསར་པ། འགྱུར་བ་གསར་པ། འཕོ་འགྱུར་གསར་པ་བཅས་ལ་དམ་པོར་དམིགས་ནས་ཚོགས་ཆེན་བཅོ་བརྒྱད་པ་དང་། ཀྲུང་དབྱང་གི་གཏན་འབེབས་དོན་ཚན་བརྒྱད་བཏོན་པ། མང་ཚོགས་ལམ་ཕྱོགས་ཀྱི་སློབ་གསོ་ལག་ལེན་བྱེད་སྒོ་སྤེལ་བ་བཅས་ཀྱི་རྗེས་སུ་ སྔར་བཞིན་བཀག་རྒྱ་ཡོད་རུང་སྒྲིག་ཁྲིམས་ལས་འགལ་བའི་བྱེད་སྤྱོད་ལ་གཙོ་གནད་ ཐོག་ཞིབ་གཅོད་བྱེད་པ་དང་ཆེད་དོན་བཅོས་སྒྲིག་མུ་མཐུད་གཏིང་ཟབ་བྱས་ནས་སྤྱོད་ ཚུལ་འཛུགས་སྐྱོང་དེ་དོན་ཐོག་ཏུ་འཁྱོལ་ཐུབ་པ་བྱེད་པ་དང་རྒྱུན་རྣམ་གསར་པར་ འགྱུར་བ་བྱེད་དགོས།

ལྔ་པ། ཐོག་མཐའ་བར་གསུམ་དུ་དམ་བསྒྲགས་རྣམ་པ་ རྒྱུན་འཁྱོངས་བྱས་ནས་རུལ་སུངས་ཀྱི་གྱོད་གཞི་ཞིབ་གཅོད་མཐའ་གཅིག་ཏུ་བྱེད་ དགོས། ཚད་མཐོའི་དོགས་ཟོན་དང་ཉེན་བརྡ་རྒྱུན་སྒྲོག་གིས་རུལ་སུངས་བྱས་ཚེ་ངེས་པར་དུ་ ངོ་རྒོལ་དང་ལྐོག་ཟ་བྱས་ཚེ་ངེས་པར་དུ་ཐག་གཅོད་བྱ་རྒྱུ་མཐའ་འཁྱོངས་བྱས་ ཏེ“སྟག་སྦྲང་མཉམ་རྡུང”བྱེད་པར་ངོ་སྲུང་མི་བྱེད་པ་དང་སྤྱོད་བཟང་དར་སྤེལ་དང་ སྒྲིག་ལམ་ནན་གཏོང་ཐད་དམིགས་བསལ་མི་བྱེད་པར་ཁུག་ཆ་མེད་པ་དང་། ཁྱོན་ཡོངས་ལ་ཁྱབ་པ། ཐར་པར་མི་གཏོང་བ་བཅས་བྱེད་དགོས། ཆོད་སེམས་བརྟན་དུ་གཏོང་བ་དང་ལས་དོན་སྤེལ་ཤུགས་ཆེ་རུ་བཏང་སྟེ་སྨན་ཆེན་གྱིས་ གཅོང་ནད་བཅོས་པའི་ཆོད་སེམས་དང་རུས་བྲད་དུག་སེལ་གྱི་བློ་སྟོབས་ཐོག་ནས་ཏང་གི་ ཆབ་སྲིད་སྒྲིག་ལམ་དང་། རྩ་འཛུགས་སྒྲིག་ལམ། གསང་སྲུང་སྒྲིག་ལམ་བཅས་དང་ལྷག་དོན་དུ་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ ཀྱི་སྒྲིག་ལམ་ལས་ཚབས་ཆེན་བརྒལ་བའི་བྱེད་སྤྱོད་ཞིབ་གཅོད་མཐའ་གཅིག་ཏུ་བྱེད་པ་ དང་གནད་ཆེའི་གྱོད་གཞི་དང་མང་ཚོགས་ཀྱི་བདེ་རྩར་ཐུག་པའི་ཁེ་ཕན་ལ་གནོད་པའི་ ཚུལ་མིན་སྤྱོད་ཚུལ་ཞིབ་གཅོད་ནན་པོ་བྱེད་དགོས། ཆད་གཅོད་ནན་པོ་བྱེད་པ་དང་ངན་རིགས་ཤུལ་མེད་བཟོས་ཏེ་མི་སུ་འདྲ་ཞིག་ཡིན་རུང་ དབང་ཆ་ཆེ་ཆུང་དང་གནས་བབ་མཐོ་དམའ་ལ་མི་བལྟོས་པར་གྱོད་གཞི་ཞིག་ཤེས་རྟོགས་ཐུབ་ ཚེ་དེ་ཞིབ་གཅོད་བྱེད་པ་ལས་ལང་ཤོར་དུ་གཏན་ནས་མི་གཏོང་བ་དང་སྙིང་རྗེ་གཏན་ནས་ བྱེད་མི་རུང་།

དྲུག་པ། སྐོར་ཞིབ་ལས་དོན་ལ་ཤུགས་སྣོན་ཏན་ཏིག་བརྒྱབ་ནས་ རུལ་སུངས་ལ་ངོ་རྒོལ་བྱེད་པའི་རལ་གྲིའི་ནུས་པ་འདོན་སྤེལ་གང་ལེགས་བྱེད་དགོས། རྒྱུན་སྲིང་དག་ཐེར་ལ་དམ་འཛིན་ཡག་པོ་བྱེད་པ་དང་ཀྲུང་དབྱང་སྐོར་གཟིགས་ཚོགས་ ཆུང་གི་ལྡོག་འདྲེན་བསམ་འཆར་དག་ཐེར་དང་དོན་འཁྱོལ་ལས་དོན་རྒྱུན་སྲིང་ངང་དམ་ འཛིན་བྱས་ནས་དག་ཐེར་དོན་འཁྱོལ་གྱི་ལས་འགན་མཐའ་གཅིག་ཏུ་ལེགས་གྲུབ་ཡོང་བ་ བྱེད་དགོས། སྐོར་གཟིགས་བྱེད་ཤུགས་ཆེ་རུ་གཏོང་བ་དང་ཏང་ཀྲུང་དབྱང་གིས་གསལ་བཏོན་གནང་ བའི“ཤུགས་རྒྱག་ས་བཞིར”དམ་པོར་དམིགས་ཏེ་རང་ལྗོངས་ཀྱི་སྐོར་གཟིགས་ལས་དོན་ལ་ ཤུགས་སྣོན་རྒྱག་པ་དང་རྒྱུན་གཏན་གྱི་སྐོར་གཟིགས་དེ་ཆེད་དོན་སྐོར་གཟིགས་དང་ ཟུང་འབྲེལ་བྱ་རྒྱུ་མཐའ་འཁྱོངས་ཀྱིས་ཐེངས་གྲངས་མང་དུ་གཏོང་བ་དང་ཁྱབ་རྒྱ་ཆེ་ རུ་གཏོང་དགོས། མངོན་གསལ་དོད་པའི་གནད་དོན་ལ་དམིགས་ནས་སྐོར་གཟིགས་ལས་དོན་དེ་ཁུག་ཆ་མི་ལུས་པ་ དང་། སྟོང་ཆ་མི་ལུས་པ། ཁྱོན་ཡོངས་ལ་ཁྱབ་པ་བཅས་བྱས་ཏེ་ཟིལ་གནོན་ཆགས་པ་དང་། སྣོན་ཤུགས་བརྒྱུད་ཁྲིད། དབང་གྲགས་ལྡན་པ་བཅས་བྱེད་དགོས།

བདུན་པ། རུལ་རྒོལ་གཙང་སྤེལ་གྱི་སློབ་གསོ་གཏིང་ཟབ་བརྒྱབ་ནས་ངོ་འགྱུར་སྔོན་འགོག་གི་འགོག་ སྲུང་འཛིང་རགས་བརྟན་པོ་བསྐྲུན་དགོས། ཕུགས་བསམ་དད་སེམས་སློབ་གསོར་ཤུགས་སྣོན་རྒྱག་པ་དང་། ཀྲུང་གོའི་ཕུགས་འདུན་དང་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བའི་ དྲིལ་བསྒྲགས་སློབ་གསོར་སྐུལ་འདེད་གཏོང་བ། “བོད་སྐྱོད་པ་རྒན་གྲས་ཀྱི་སྙིང་སྟོབས”དང“ལམ་གཉིས་ཀྱི་སྙིང་སྟོབས”ཀྱི་སློབ་ གསོ་གཏིང་ཟབ་རྒྱག་པ་བཅས་བྱས་ནས་རྒྱ་ཆེའི་ཏང་ཡོན་ལས་བྱེད་པའི་སྣེ་ཁྲིད་དེ་ ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་ལམ་བུའི་གདེང་ཚོད་དང་། རིགས་པའི་གཞུང་ལུགས་ཀྱི་གདེང་ཚོད། ལམ་ལུགས་ཀྱི་གདེང་ཚོད་བཅས་སྲ་བརྟན་དུ་བཏང་ནས་སྤྱི་ཁྱབ་ཧྲུའུ་ཅི་ཞིས་ཅིན་ ཕིང་གི་གསུང་བཤད་གལ་ཆེན་རབ་དང་རིམ་པའི་དགོངས་དོན་བློ་བརྟན་འགྱུར་མེད་ངང་ལག་ བསྟར་དོན་འཁྱོལ་བྱེད་པ་དང་ཏང་གི་ལམ་ཕྱོགས་དང་། བྱེད་ཕྱོགས། སྲིད་ཇུས་བཅས་དང་འཐབ་ཇུས་བཀོད་སྒྲིག་ཁག་བློ་བརྟན་འགྱུར་མེད་ངང་ལག་བསྟར་དོན་ འཁྱོལ་བྱེད་དགོས། “དམ་ནན་གསུམ་དང་དྲང་བདེན་གསུམ”གྱི་སློབ་གསོར་ཤུགས་སྣོན་བརྒྱབ་ནས་ཏང་ཡོན་ལས་ བྱེད་པས་རང་རྟོགས་ངང་སེམས་ནང་ཏང་འཇོག་པ་དང་། སེམས་ནང་དམངས་ཡོད་པ། སེམས་ནང་འགན་འཁྲི་ཡོད་པ། སེམས་ནང་སྡོམ་ཁྲིམས་ཡོད་པ་བཅས་ཐུབ་པ་བྱེད་དགོས། སྤྱོད་གཙང་སྲིད་ཞུགས་ཀྱི་སློབ་གསོར་ཤུགས་སྣོན་རྒྱག་པ་དང་སྤྱོད་གཙང་རང་གཅུན་ དང་། དཔེ་མཚོན་དཔེ་སྟོན། ཉེན་བརྡ་གཏོང་བའི་སློབ་གསོ་བཅས་ཀྱི་ཕུགས་ཕན་ལམ་སྲོལ་འཐུང་ཚང་དུ་བཏང་ནས་ སྤྱོད་གཙང་བྱས་ན་གཟི་བརྗིད་དང་ལྐོག་ཟ་བྱས་ན་ཞེ་ཁྲེལ་ཡིན་པའི་སྤྱི་ཚོགས་ཀྱི་ རྣམ་པ་ཞིག་གཏོད་དགོས། བརྒྱད་ནས་ལམ་ལུགས་འཛུགས་སྐྱོང་ལ་ཤུགས་སྣོན་རྒྱག་རྒྱུར་སྣང་ཆེན་བྱས་ནས་རུལ་ སུངས་བྱེད་མི་ཕོད་པ་དང་། རུལ་སུངས་བྱེད་མི་ཐུབ་པ། རུལ་སུངས་བྱེད་མི་འདོད་པ་བཅས་ཀྱི་ཕུགས་ཕན་ལམ་སྲོལ་བཟོ་དགོས། ནུས་ཤུགས་ཡོད་རྒུས་ཏང་ནང་གི་ལྟ་སྐུལ་ལམ་ལུགས་དང་། ཆབ་སྲིད་ཀྱི་སྒྲིག་ཁྲིམས་ལས་འགལ་བའི་ཆད་གཅོད་ལམ་ལུགས། མི་འདེམས་སྤྱོད་དང་དོ་དམ་གྱི་ལམ་ལུགས། འགོ་ཁྲིད་ལས་བྱེད་པའི་ལས་ཀ་དང་འཚོ་བའི་ལམ་ལུགས་བཅས་འཐུས་ཚང་དུ་གཏོང་བ་དང་། ནུས་ཤུགས་ཡོད་རྒུས་སྲིད་འཛིན་གྱི་ཞིབ་མཆན་ལམ་ལུགས་སྒྱུར་བཅོས་གཏིང་ཟབ་བྱེད་ པ། ནུས་ཤུགས་ཡོད་རྒུས་གཞུང་ཁུངས་ཁེ་ལས་ཀྱི་ལྟ་སྐུལ་དོ་དམ་ལམ་ལུགས་འཐུས་ཚང་དུ་གཏོང་བ་བཅས་བྱས་ནས་ལམ་ལུགས་ཀྱི་ཚོད་འཛིན་སྔར་བས་ནན་དུ་གཏོང་བ་དང་དབང་ཆར་གཞི་རྩའི་ཐོག་ནས་ཚོད་འཛིན་ནན་པོ་དང་ཡོངས་བསྒྲགས་ངང་འཁོར་རྒྱུག་ཐུབ་པ་བྱེད་དགོས།༽ ཞེས་སོགས་བརྗོད་ཡོད་འདུག

གསར་འགྱུར་དེའི་ནང་མུ་མཐུད་འཁོད་དོན། ཁྲེན་ཆོན་གོས་ཏང་འཛུགས་སྐྱོང་ལ་དམ་འཛིན་བྱ་རྒྱུ་དེ་ཆབ་སྲིད་ཀྱི་བྱས་རྗེས་ཆེ་ཤོས་ཡིན་པའི་འདུ་ཤེས་བརྟན་པོ་བཙུགས་ནས་ཏང་ལ་དོ་དམ་ནན་པོ་དང་བཅོས་སྐྱོང་ནན་པོ་བྱེད་པའི་འགན་འཁྲི་དོན་འཁྱོལ་གཟབ་ནན་བྱེད་པ་དང་ཏང་སྲོལ་སྲིད་གཙང་འཛུགས་སྐྱོང་གི་འགན་འཁྲིའི་ལམ་ལུགས་དོན་འཁྱོལ་ལ་དམ་འཛིན་ཡག་ པོ་བྱས་ནས་རང་ལྗོངས་ཀྱི་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་ རྒོལ་བྱེད་པའི་འཐབ་རྩོད་ཀྱི་རྣམ་པ་གསར་པ་ཞིག་ཧུར་ཐག་གཏོད་དགོས། གཅིག་ནས་ཏང་ཨུད་ཀྱི་གཙོ་གཟུགས་འགན་འཁྲི་དོན་འཁྱོལ་བྱེད་དགོས། རིམ་ཁག་ཏང་ཨུད（ཏང་ཙུའུ）ཀྱིས་ཏང་སྲོལ་སྲིད་གཙང་འཛུགས་སྐྱོང་དེ་འགན་བབ་དང་ འཁུར་འོས་པའི་འགན་འཁྲི་ཞིག་ཏུ་བརྩིས་ནས་སེམས་ནང་བརྟན་པོར་ངེས་པ་དང་། འགན་འཁྲི་ཕྲག་ཐོག་ཏུ་འཁུར་བ། དམ་འཛིན་ནན་པོ་བཅས་བྱས་ཏེ་དུས་ཐོག་ཏུ་ཏང་སྲོལ་སྲིད་གཙང་འཛུགས་སྐྱོང་དང་རུལ་ སུངས་ལ་ངོ་རྒོལ་བྱེད་པའི་ལས་དོན་སྙན་ཞུ་ཉན་པ་དང་། གནས་པའི་གནད་དོན་ཞིབ་འཇུག་བྱས་ནས་ཐག་གཅོད་བྱེད་པ། གནད་ཆེའི་གྱོད་གཞི་ཞིབ་གཅོད་ལ་མཛུབ་ཁྲིད་བྱེད་པ། སྲིད་གཙང་མི་བྱེད་པའི་ཉམས་ཉེན་སྔོན་འགོག་ཚོད་འཛིན་ནུས་ལྡན་བཅས་བྱེད་དགོས། ཏང་ཨུད（ཏང་ཙུའུ）ཀྱི་ཧྲུའུ་ཅིས་ཏང་སྲོལ་སྲིད་གཙང་འཛུགས་སྐྱོང་གི“འགན་འཁྲི་བ་ དང་པོའི”འགན་འཁྲི་ཏན་ཏིག་འཁུར་ནས་རྩ་དོན་མཐའ་འཁྱོངས་ཀྱིས་དམ་འཛིན་དང་དོ་དམ་ བྱེད་ཕོད་པ་བྱེད་པ་དང་ཚན་ཁག་ལ་དོ་དམ་ཡག་པོ་དང་དཔུང་ཁག་སྣེ་ཁྲིད་ཡག་པོ་བྱེད་ དགོས། ཚན་ཁག་གི་ཁུངས་མི་གཞན་གྱིས“ལས་གནས་གཅིག་ལ་འགན་འཁྲི་གཉིས”དོན་འཁྱོལ་ནན་ཏན་ བྱས་ནས་ལས་སྒོའི་ལས་དོན་གང་ཞིག་ལ་དོ་དམ་བྱས་ནའང་ཏང་སྲོལ་སྲིད་གཙང་འཛུགས་ སྐྱོང་ལས་དོན་དེ་གར་ཁྱབ་པའི་འགན་ལེན་བྱེད་དགོས།

གཉིས་ནས་སྒྲིག་ཨུད་ ཀྱི་ལྟ་སྐུལ་འགན་འཁྲིར་ཤུགས་སྣོན་རྒྱག་དགོས། རིམ་ཁག་སྒྲིག་ཨུད་ཀྱིས་འགན་འཁྲིའི་ངེས་གནས་ཁ་གསལ་བཟོ་བ་དང་ལྟེ་བའི་ལས་འགན་ ལ་དམིགས་ཏེ་ཏང་ཨུད་ལ་གཞོགས་འདེགས་ཀྱིས་ཏང་སྲོལ་སྲིད་གཙང་འཛུགས་སྐྱོང་ལ་ ཤུགས་སྣོན་རྒྱག་པ་དང་རུལ་སུངས་ལ་ངོ་རྒོལ་བྱེད་པའི་ལས་དོན་སྒྲིག་འཛུགས་མཐུན་ སྦྱོར་བྱས་ཏེ་འབྲེལ་ཡོད་སྡེ་ཚན་གྱིས་རུལ་སུངས་ལ་ཆད་གཅོད་དང་སྔོན་འགོག་བྱེད་ པའི་ལས་འགན་དོན་འཁྱོལ་བྱེད་ཚུལ་ལ་སྐུལ་འདེད་གཏོང་བ་དང་སྤྱོད་བཟང་དར་སྤེལ་ དང་སྒྲིག་ལམ་ནན་གཏོང་དང་རུལ་སུངས་ཀྱི་གྱོད་གཞི་ཞིབ་གཅོད་བྱེད་ཤུགས་ཆེ་རུ་ གཏོང་དགོས།

གསུམ་ནས་སྒྲིག་བཤེར་གྱི་དཔུང་ཁག་འཛུགས་སྐྱོང་ལ་ཤུགས་ སྣོན་རྒྱག་དགོས། རིམ་ཁག་ཏང་ཨུད་ཀྱིས་སྒྲིག་བཤེར་དང་ལྟ་ཞིབ་ལས་དོན་ལ་ཚད་མཐོའི་མཐོང་ཆེན་དང་ རྒྱབ་སྐྱོར་ཤུགས་ཆེན་བྱས་ནས་སྒྲིག་བཤེར་དང་ལྟ་ཞིབ་ཁོངས་གཏོགས་ཀྱི་འགོ་ཁྲིད་ ཚན་ཁག་འཛུགས་སྐྱོང་ལ་ཤུགས་སྣོན་རྒྱག་པ་དང་སྒྲིག་བཤེར་ལས་བྱེད་པར་སེམས་ཁུར་ དང་གཅེས་སྐྱོང་ཡག་པོ་བྱེད་དགོས། རིམ་ཁག་སྒྲིག་བཤེར་དང་ལྟ་ཞིབ་ལས་ཁུངས་ཀྱིས་རང་ངོས་འཛུགས་སྐྱོང་ལ་ཤུགས་སྣོན་ རྒྱག་པ་དང་འགན་ནུས་དང་། བྱེད་ཐབས་། སྤྱོད་ཚུལ་བཅས་སྔར་བས་འགྱུར་ལྡོག་ཏན་ཏིག་བཏང་ནས་རྩ་འཛུགས་དང་མི་དམངས་ཀྱིས་ ཡིད་ཆེས་བྱེད་པའི་སྒྲིག་བཤེར་དང་ལྟ་ཞིབ་ལས་བྱེད་པའི་དཔུང་ཁག་ཅིག་ཧུར་ཐག་ གཏོད་དགོས། རྒྱ་ཆེའི་སྒྲིག་བཤེར་དང་ལྟ་ཞིབ་ལས་བྱེད་པས་སྲ་ཞིང་བརྟན་པའི་ཏང་གཤིས་སྦྱོང་ བརྡར་བྱེད་པ་དང་། ཀུན་སྤྱོད་བློ་སྦྱོང་ལ་སྣང་ཆེན་བྱེད་པ། ནུས་པ་དང་བྱང་ཚད་མཐོ་རུ་གཏོང་བ་བཅས་བྱས་ནས་ཏང་གི་བློ་དཀར་སེམས་དཀར་གྱི་ སྲུང་དམག་དང་མང་ཚོགས་ཀྱི་གཉེན་ཉེ་བར་དངོས་གནས་འགྱུར་བ་བྱེད་དགོས།

བཞི་ནས་རྣམ་པ་བཟང་པོ་ཧུར་ཐག་གཏོད་དགོས། རིམ་ཁག་དྲིལ་བསྒྲགས་སྡེ་ཚན་དང་རླུང་འཕྲིན་དང་། བརྙན་འཕྲིན། ཚགས་པར། དུས་དེབ། དྲ་བ་བཅས་གསར་འགྱུར་སྨྱན་སྦྱོར་གྱི་ནུས་པ་འདོན་སྤེལ་གང་ལེགས་བྱེད་པ་དང་ དྲིལ་བསྒྲགས་བྱེད་ཤུགས་ཆེ་རུ་བཏང་སྟེ་ཏང་སྲོལ་སྲིད་གཙང་གི་དྲིལ་བསྒྲགས་དང་ སློབ་གསོ་དེ་རྒྱུན་རྣམ་ཅན་དང་། ཚད་ལྡན་ཅན། ལམ་ལུགས་ཅན་བཅས་སུ་འགྱུར་བ་བྱས་ནས་མི་ཚང་མས་སེམས་ཁུར་དང་། མི་ཚང་མ་ཞུགས་པ། མི་ཚང་མས་རྒྱབ་སྐྱོར་བཅས་བྱེད་པའི་ཏང་སྲོལ་སྲིད་གཙང་འཛུགས་སྐྱོང་དང་རུལ་ སུངས་ལ་ངོ་རྒོལ་བྱེད་པའི་རྣམ་པ་བཟང་པོ་ཞིག་ཧུར་ཐག་གཏོད་པ་བཅས་བྱེད་དགོས་པའི་བླང་བྱ་བཏོན་གནང་བ་རེད། ཅེས་སོགས་བསྟན་འདུག