ལྷོ་ཨ་མི་རི་ཁར་སྐུ་ཚབ་དོན་གཅོད་འཛུགས་འཆར།

ལྷོ་ཨ་མི་རི་ཁའི་རྒྱལ་ཁབ་ཁག་གི་ཆེད་དུ་བྷ་ར་ཛིལ་དུ་བོད་མིའི་སྐུ་ཚབ་དོན་གཅོད་ཁང་གསར་པ་ཞིག་སྒོ་འབྱེད་གནང་རྒྱུ་ཡིན་འདུག

བོད་མིའི་སྒྲིག་འཛུགས་ཀྱིས་འདས་པའི་ལོ་ཤས་རིང་ལྷོ་ཨ་མི་རི་ཁ་ཁུལ་གྱི་རྒྱལ་ཁབ་ཁག་གི་ཆེད་དུ་དེ་ཁུལ་དུ་སྐུ་ཚབ་དོན་གཅོད་ཁང་ཞིག་འཛུགས་རྒྱུར་འབད་བརྩོན་བྱས་པ་ལྟར། ད་ལོའི་ཕྱི་ཟླ་ ༤ ཚེས་ ༡ ཉིན་ནས་བཟུང་ལྷོ་ཨ་མི་རི་ཁའི་བྷ་ར་ཛིལ་དུ་བོད་ཀྱི་རིག་གཞུང་ཁང་(Brazil)གི་ངོ་བོར་སྐུ་ཚབ་དོན་གཅོད་ཁང་ཞིག་གསར་འཛུགས་བྱ་རྒྱུའི་ཐག་གཅོད་གནང་ཡོད་འདུག

ད་ལྟའི་ལྷོ་ཨ་མི་རི་ཁའི་འབྲེལ་མཐུད་པ་ཚེ་དབང་ཕུན་ཚོགས་ལགས་ལྷོ་ཨ་མི་རི་ཁའི་སྐུ་ཚབ་དོན་གཅོད་དུ་བསྐོ་བཞག་གནང་ཡོད་པ་དང་། ཁོང་གིས་འབྱུང་འགྱུར་ཕྱི་ཟླ་ ༤ ཚེས་ ༡ ཉིན་ནས་བཟུང་ལས་འཁུར་ཞུ་རྒྱུ་ཡིན་འདུག

ལྷོ་ཨ་མི་རི་ཁ་ཁུལ་གྱི་ཞིབ་ཕྲའི་གནས་ཚུལ་སྔར་ལོའི་ཕྱི་ཟླ་ ༧ པའི་ནང་འདི་གའི་གསར་འགོད་པས་ཚེ་དབང་ཕུན་ཚོགས་ལགས་སུ་བཅར་འདྲི་ཞུས་པ་ཞིག་༼ལཱ་ཌེན་ཨ་མི་རི་ཁ་ཁུལ་དུ་རྒྱ་ནག་གི་ཤུགས་རྐྱེན་ལོ་རེ་བཞིན་ཇེ་ཆེ་རེད།༽འདིར་བཀོད་ཡོད་པས། གོང་གི་གུག་རྟགས་ནང་གི་ཁ་བྱང་སྟེང་འབྲེལ་ཐག་མཐུད་ཡོད་པ་དེར་བསྣུན་ཏེ་གཟིགས་རོགས།