བལ་ཡུལ་ཀ་ཐ་མན་གྲུའི་རྫོང་དཔོན་ལས་ཁུངས་ཀྱིས་བལ་སྡོད་བོད་མི་ཚོར་ད་ལོ་སླར་ཡང་གསུམ་བཅུའི་དུས་དྲན་ལ་ལས་འགུལ་རྒྱུར་ཆོག་མཆན་སྤྲད་མི་འདུག
ཁ་སང་བལ་ཡུལ་བོད་མིའི་དོན་གཅོད་འབྲེལ་མཐུད་ཁང་ལས་གསལ་བསྒྲགས་ཤིག་སྤེལ་བའི་ནང་། ད་ལོའི་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་ ༥༦ པ་སྲུང་གཙིའི་ལས་འགུལ་སྤེལ་རྒྱུར། ཀ་ཐ་མན་གྲུའི་རྫོང་དཔོན་ལས་ཁུངས་ལ་ཆོག་མཆན་ཞུས་ཀྱང་གྲུབ་འབྲས་མ་འཐོན་སྟབས། བོད་མིའི་སྒྲིག་འཛུགས་ཀྱིས་ཀྱང་གནས་ཡུལ་ས་གནས་སོ་སོའི་ཡུལ་ཁྲིམས་ལ་བརྩི་བཀུར་ཞུ་དགོས་པའི་ལམ་སྟོན་ཡོད་པ་བཅས་ལ་བརྟེན་ཏེ། ད་ལོར་ཡང་བལ་སྡོད་བོད་མི་ཚོས་གསུམ་བཅུའི་དུས་དྲན་ཉིན་ལས་འགུལ་འདུ་འཛོམས་རིགས་མི་གནང་རྒྱུའི་འབོད་སྐུལ་ཞུས་འདུག
ཕྱི་ལོ་ ༢༠༠༢ ལོ་ཡས་མས་ནས་བལ་ཡུལ་ནང་གི་བོད་མིའི་ཚོའི་ཆབ་སྲིད་དང་སྤྱི་ཚོགས་གནས་སྟངས་ཇེ་སྡུག་ཏུ་ཕྱིན་ཡོད་པ་དང་། དེ་སྔོན་བལ་ཡུལ་ནང་༧གོང་ས་མཆོག་གི་སྐུ་ཚབ་དོན་གཅོད་ལས་ཁུངས་ཤིག་ཡོད་པ་དེའང་ཕྱིར་བསྡུ་བྱེད་དགོས་བྱུང་ཡོད་ཅིང་། བལ་ཡུལ་སྣེ་ལེན་འབྲེལ་མཐུད་ལས་ཁུངས་ལའང་དཀའ་ངལ་ཡང་ཡང་འཕྲད་བཞིན་ཡོད། བལ་ཡུལ་ནང་གི་བོད་མི་ཚོར་སྐྱབས་བཅོལ་སོགས་ཀྱི་ཁྲིམས་མཐུན་ཡིག་ཆ་གང་ཡང་མེད་པའི་ངོ་བོའི་ཐོག་གནས་དགོས་བྱུང་ཡོད།
བལ་ཡུལ་གཞུང་གིས་བོད་མི་ཚོར་གསུམ་བཅུའི་དུས་དྲན་དང་༧གོང་ས་མཆོག་གི་འཁྲུངས་སྐར། ཞི་བདེ་གཟེངས་རྟགས་ཉིན་མོ་སོགས་སྲུང་གཙི་བྱེད་འཇུག་གི་མེད་པ་མ་ཟད། བོད་མིའི་འདུ་འཛོམས་ལས་འགུལ་རིགས་ལ་ཉེན་རྟོག་པ་དང་སྐོར་སྲུང་བས་ཉེས་རྡུང་བཙོན་འཇུག་བྱེད་བཞིན་ཡོད། གནས་སྟངས་དེ་ནི་བལ་གཞུང་ལ་རྒྱ་ནག་གི་གནོན་ཤུགས་དང་དཔལ་འབྱོར་གྱི་བསླུ་བྲིད་ཐེབས་བཞིན་ཡོད་པའི་ངོས་འཛིན་ཐོག་རྒྱལ་སྤྱིའི་ཚོགས་སྡེ་ཁག་གིས་བལ་གཞུང་ལ་སྐྱོན་བརྗོད་བྱེད་བཞིན་ཡོད།
བལ་ཡུལ་ཡང་རྒྱ་ནག་ཁོངས་སུ་གང་མགྱོགས་ཚུད་ཐུབ་པར་ཤོག ཧཧཧཧཧ། །
ཀྲུང་གོའི་ཀ་ཐ་མན་གྲུའི་སྲིད་གཞུང་གིས་བོད་པ་ཚོར་དཀའ་ངལ་སྐུ་ལས་བཟོས་པ་རྒྱ་ནག་ལས་སྡུག་པ་མེ་དན་ཡག་པ་མེད། བལ་ཡུལ་ཚང་གི་དམག་མི་ཚོས་བོད་མ་རྒྱ་གར་ནང་ཡོང་མཁན་ཚོར་བརྙས་བཅོས་བཏང་བ་དང་དངུལ་འཕྲོག་པ་ཡང་ལོ་ངོ་གསུམ་བཅུ་བཞི་བཅུའི་རིང་མུ་མཐུད་ནས་བྱས་པའི་ནག་ཉེས་ཡོད་རེད།
བལ་ཡུལ་གྱིས་བོད་པ་ག་ཚོད་རྡུང་ན་ཡང་ཁྱོད་ཚོ་སྲིད་འབྱོར་རིགས་གསེམ་ཡར་རྒྱས་གཏན་ནས་འགྲོ་མི་སྲིད་ལ་ང་ཚོ་བོད་པས་བལ་པོ་ལ་གནོད་པ་ནམ་
ཡང་མི་སྐྱེལ་