༄༅། །ཏཱ་ལའི་བླ་མ་མཐོ་རིམ་སློབ་གཉེར་ཁང་གི་ཆེད་སྦྱོང་བོད་ཡིག་རིག་གནས་རབ་འབྱམས་དང་ཆེད་སྦྱོང་རྒྱ་ཡིག་རིག་གནས་རབ་འབྱམས་གཉིས་ཀྱི་ ༼B. A. Honours in Tibetan Language and Literature/ B.A. Honours in Chinese Language and Literature ༽སློབ་མ་གསར་བསྡུའི་གསལ་བསྒྲགས།
༈ མཱེ་སོར་གཙུག་ལག་སློབ་གཉེར་ཁང་གི་ངོས་འཛིན་ཡོད་པའི་ཏཱ ལའི་བླ་མ་མཐོ་རིམ་སློབ་གཉེར་ཁང་གི་སྐབས་གསུམ་པའི་ཆེད་སྦྱོང་རིག་གནས་རབ་འབྱམས་ནང་འཛུལ་ཞུགས་གནང་འདུན་ཡོད་རིགས་ཀྱི་ཆ་རྐྱེན་གཤམ་གསལ།
༡༽ རང་ལོ་ ༡༧ ཡན་གྱི་སློབ་གཉེར་བ་རྣམས་ལ་ཆེད་སྦྱོང་རིག་གནས་རབ་འབྱམས་ལ་འཛུལ་ཞུགས་ཆོག་པའི་གོ་སྐབས་ཡོད་ཅིང་། དེ་ཡང་འཛིན་རིམ་བཅིུས་ཐོན་པའི་སློབ་མ་གང་ཞིག་སྤྱི་སྙོམས་བརྒྱ་ཆ་ ༦༠% དང་། བོད་ཡིག་སློབ་ཚན་ལ་བརྒྱ་ཆ་ ༦༠% ལོན་པ་ཡིན་ཚེ་ཆེད་སྦྱོང་རིགས་གནས་རབ་འབྱམས་ནང་ཐད་ཀར་འཛུལ་ཞུགས་ཆོག་པ་དང་། གལ་སྲིད་སློབ་མའི་གྲངས་ཚད་ལས་མང་བ་འཛུལ་ཞུགས་གནང་མཁན་ཡོད་ཚེ་བོད་ཡིག་བརྒྱ་ཆ་སུ་མཐོ་ལ་ཆ་འཛིན་བྱ་རྒྱུ།
༢༽ ཡང་འཛིན་རིམ་བཅིུས་མ་ཐོན་རུང་བོད་ཀྱི་སྐད་ཡིག་ཐོག་དགོས་ངེས་ཚད་འཛིན་འཕེར་བའི་ཤེས་ཚད་ཡོད་ཚེ་འདི་ནས་འཚང་རྒྱུགས་ཀྱིས་ལམ་ནས་བརྒྱ་ཆ་ ༦༠% ལོན་པ་དག་ལ་གོ་སྐབས་འབུལ་རྒྱུ་ཡིན། འོན་ཀྱང་འདི་གའི་ས་མིག་ལ་གཞིགས་པའི་འདེམས་སྒྲུག་ཞུ་རྒྱུ་ལས་བརྒྱ་ཆ་ལོན་པ་ཚང་མ་ཚུད་གཏན་ཁེལ་བའི་ངེས་པ་མེད། དེ་བཞིན་སློབ་ཚུད་བྱུང་བའི་རིགས་ལས་བོད་ཁྱིམ་ཁྱབ་ཁོངས་མིན་ན། སློབ་ཡོན་སོགས་ཀྱི་མཐུན་རྐྱེན་རང་ངོས་ནས་གོ་སྒྲིག་དགོས་ཤིང་དེའི་ཐད་ཚུད་རྒྱུགས་ཀྱི་གྲུབ་འབྲས་སོན་མཚམས་སྒེར་ངོས་ནས་འབྲེལ་བ་གནང་ན་ཁ་གསལ་ཆགས་ངེས་ལགས་པ་དགོངས་འཇགས་འཚལ།
༣༽ ཡང་རྒྱ་ཡིག་ཆེད་སྦྱོང་རབ་འབྱམས་ཁོངས་འཚང་རྒྱུགས་ཀྱི་བརྒྱ་ཆ་ལོན་པའི་སློབ་གཉེར་བ་རྩེ་ཕུད་ལྔ་ལ་བོད་ཁྱིམ་ནས་སློབ་ཡོན་གནང་རྒྱུ་ཡིན་ཡང་དེ་དག་གིས་གཤམ་གསལ་ཆ་རྐྱེན་རྣམས་དང་ལེན་བྱ་དགོས།
༡། འདི་གར་ཉུང་མཐར་ལོ་གསུམ་གྱི་རིང་རྒྱ་ཡིག་ཐོག་སློབ་གཉེར་ཚད་ལྡན་གནང་དགོས་པ།
༢། བསླབ་པ་མཐར་སོན་མཚམས་ཉུང་མཐར་ལོ་གཉིས་རིང་བཙན་བྱོལ་བོད་མིའི་གཞུང་འབྲེལ་དང་གཞུང་འགྲེལ་མིན་པའི་ཚོགས་གང་ རུང་ཞིག་གི་ནང་ཞབས་ཞུ་གནང་དགོས་པ།
༣། དེ་ལྟར་མ་བྱུང་ཚེ་ལོ་གསུམ་གྱི་སློབ་ཡོན་ཕྱིར་འབུལ་ཞུ་དགོས་པ་།
༤༽ འཚང་རྒྱུགས་ནང་ཞུགས་མཁན་སློབ་གཉེར་བ་རྣམས་ནས་གཤམ་གསལ་དགོས་ངེས་ཀྱི་ཡིག་ཆ་ཁག་མཉམ་འཁྱེར་ཐུབ་པ་དགོས།
༡། རང་ཁོངས་ངོ་སྤྲོད་ཡི་གེ།
༢། དག་མཆན་ཡོད་པའི་བཙན་བྱོལ་བོད་མིའི་དང་བླང་དཔྱ་དངུལ་ལག་དེབ་དང་རྒྱ་གར་དུ་གནས་སྡོད་ལག་དེབ་ཀྱི་འདྲ་བཤུས།
༣། རང་གི་སྡོད་གནས་ཁ་བྱང་དང་། གློག་འཕྲིན་ཁ་བྱང་། ཁ་པར་ཨང་བཅས་གསལ་ཡོད་པ།
༤། ཤེས་ཡོན་དང་འབྲེལ་བའི་རྒྱབ་ནོན་ཡིག་ཆ་མཉམ་འཁྱེར་ཡོད་ན་དགེ་མཚན་ཆེ།
༥། འཚང་རྒྱུགས་ནང་ཞུགས་བློ་ཡོད་པ་རྣམས་ཀྱི་ངོ་སྤྲོད་སྙན་ཞུ་ཕྱི་ཟླ་ ༤ ཚེས་ ༣༠ འགྱངས་མེད་ཏཱ་ལའི་བླ་མ་མཐོ་རིམ་སློབ་གཉེར་ཁང་གི་སློབ་སྤྱི་གཞོན་པའི་དྲ་རྒྱའི་ཁ་བྱང་ཐོག་ (viceprincipal@dalailamainstitute.edu.in) གཏོང་གནང་ཡོང་བ་ཞུ།
༥༽ འཚང་རྒྱུགས་ཀྱི་དུས་ཚེས་དང་གཏོང་ཡུལ།
༡ ཕྱི་ཟླ་ ༥ ཚེས་ ༡༡ ལ་འཚང་རྒྱུགས་གཏང་རྒྱུ་ཡིན་ཞིང་། རྒྱ་གར་བྱང་ཕྱོགས་ཁུལ་དུ་ཡོད་པ་རྣམས་རྡ་སྟེང་བོད་ཁྱིམ་དང་། ལྷོ་ཕྱོགས་ཁུལ་དུ་ཡོད་པ་རྣམས་སྦེང་ལོར་ཏཱ་ལའི་བླ་མ་མཐོ་རིམ་སློབ་གཉེར་ཁང་གཉིས་སུ་གོང་ཚེས་སྔ་དྲོ་ཕྱག་ཚོད་ ༡༠ པའི་ཐོག་ ཡིག་རྒྱུགས་གཏང་རྒྱུ་ལགས་པས་དུས་ཐོག་ངེས་འབྱོར་ཐུབ་པ་དགོས།
༢ ཡིག་རྒྱུགས་གྲུབ་འབྲས་ཕྱི་ཟླ་ ༥ ཚེས་ ༢༥ འགྱངས་མེད་དོ་བདག་ལ་བརྡ་ལེན་ཐུབ་པ་ཡོང་ངེས་བཅས་ཀྱི་གསལ་བསྒྲགས་སུ།།
![China's Vice Minister of Foreign Affairs Sun Weidong in Tokyo, Japan in 2023 [File: Issei Kato/Pool via Reuters]](https://tibettimes.net/wp-content/uploads/2026/04/Screen-Shot-2026-04-15-at-2.32.14-PM-360x180.png)
