ཞི་ཅེན་ཕེན་གྱི་འདོད་འདུན།

ཕྱི་ལོ་ ༢༠༡༢ ལོར་རྒྱ་ནག་གི་སྲིད་དབང་བཟུང་ཉིན་ནས་སྲིད་འཛིན་ཞི་ཅེན་ཕེན་གྱིས་རྒྱལ་སྲུང་རྩོད་ལེན་གྱི་སྲིད་ཇུས་ལ་མནོ་བསམ་གཏོང་གི་ཡོད། ལོ་གཅིག་གི་རྗེས་སུ་དམིགས་འདུན་འདི་མངོན་འགྱུར་བྱ་ཆེད། ཁོས་རྒྱལ་སྲུང་ལྷན་ཁང་ཞིག་གསར་དུ་བཙུགས་ཏེ། ཁོ་རང་གིས་དེའི་གཙོ་འགན་ཁུར་ཡོད།

ཕྱི་ཟླ་ ༧ ཚེས་ ༡ ཉིན། རྒྱ་ནག་འཐུས་མིའི་ཚོགས་ཆེན་གྱི་ངོས་ནས་སྲིད་འཛིན་ཞི་ཅེན་ཕེན་གྱི་རྒྱལ་སྲུང་སྒྲིག་ཁྲིམས་གསར་བར་མོས་མཐུན་རྒྱབ་སྐྱོར་བྱས་པ་དེས། རྒྱ་ནག་གི་འབྱུང་འགྱུར་དྲ་ལམ་དང་མཁའ་སྐྱོད། རིག་གནས་དང་སློབ་གསོ་བཅས་ཀྱི་འཕོ་འགྱུར་ལས་འབྱུང་སྲིད་པའི་འཇིག་ཉེན་ཞིག་དང་ལྷན་དུ། ཞི་ཅེན་ཕེན་གྱི་སེམས་ཁུར་ཇེ་ཡང་དུ་བཏང་། ཡིན་ན་ཡང་ནམ་ཞར་སེམས་ཁམས་བདེ་ཐང་མིན་པའི་རྒྱ་ནག་གི་མཐོ་རིམ་སྤྱི་ཚོགས་ངོས་ནས་རྒྱལ་སྲུང་སྒྲིག་ཁྲིམས་གསར་བར་ངོས་ལེན་སྲིད་དམ་ཞེ་ན། དེ་སྲིད་པ་མ་རེད། འཚོ་གནས་ཀྱི་དཀའ་སྡུག་དང་དྲག་གནོན་གྱི་མྱ་ངན་འོག་གི་མི་ཚང་མ་དམར་ཤོག་ཚོགས་པའི་ཁ་གཏད་དུ་ལངས་ཡོད།

རྒྱལ་སྲུང་སྒྲིག་ཁྲིམས་གསར་བ་དེ་དམར་ཤོག་ཚོགས་པའི་ཚོགས་གཏམ་ ༦༩༠༠ གྲུབ་ཅིང་། དེ་ལ་ཞིབ་ཕྲའི་གནས་ཚུལ་ཅི་ཡང་མེད་པའི་ཐར་ཐ་ན་ཉེས་ཆད་གཅོད་ཕྱོགས་ཐད་ནས་ཀྱང་གསལ་ཁ་ཡོད་པ་མ་རེད། ཡིན་ནའང་། ཁ་ཚ་དགོས་གཏུགས་ཀྱི་རྒྱལ་སྲུང་སྒྲིག་ཁྲིམས་ལག་བསྟར་དང་རྒྱལ་དམངས་ཀྱི་ཁེ་ཕན་འགན་སྲུང་སོགས་ཀྱི་ཁས་ལེན་དམ་བཅའ་མང་པོ་བཞག་པ་རེད། སྤྱིར་བཏང་རྒྱ་གར་དང་ཨ་རི་ཐེ་བའི་ཤར་ནུབ་ཀྱི་རྒྱལ་ཁབ་མང་པོ་ཞིག་ལའང་རྒྱལ་སྲུང་གི་སྒྲིག་ཁྲིམས་ཡོད་ཀྱང་། རྒྱ་ནག་གཞུང་གིས་ཕྱི་ཟླ་ ༤ ཚེས་ ༡༥ རྗེས་ནས་བཟུང་། རྒྱ་ནག་རྒྱལ་ཡོངས་སྐད་ཡིག་སློབ་གསོ་འགན་སྲུང་ཉིན་མོར་གཙི་སྲུང་གཏན་ཁེལ་ཙམ་མ་གཏོགས། ངེས་གཏན་མེད་པའི་སྐད་ཡིག་སློབ་གསོའི་བྱ་འགུལ་སོགས་ཀྱི་སེམས་ཁྲལ་མང་པོ་ཞིག་གསང་རྒྱ་བྱས་ཡོད། འོན་ཀྱང་གཅིག་བྱས་ན། རྗེས་སུ་གཏན་འབེབས་སྒྲིག་ཁྲིམས་གཞིར་བཟུང་གིས་ལག་བསྟར་བྱ་སྲིད་ནའང་། དེའི་དུས་ཡུན་ལ་ནམ་ཡང་གསལ་བཤད་སྲིད་པ་མ་རེད། དེར་མ་ཟད། སྐུ་ཞབས་ཞི་ཅིན་ཕེན་ལ་མཚོན་ན། ལས་དོན་གང་ལའང་གསལ་ཁ་མེད་པ་ནི་བེད་སྤྱོད་ཆེས་ཆེ་བའི་གོ་མཚོན་ཞིག་ཡིན།

རྒྱལ་སྲུང་སྒྲིག་ཁྲིམས་དོན་ཚན་དང་པོའི་དམིགས་འབེན་ནི། “མི་མང་དམངས་གཙོའི་སྲིད་དབང་སྒེར་འཛིན་ལམ་ལུགས་ཀྱི་ཆབ་སྲིད་སྟོབས་ཤུགས་དང་རྒྱ་ནག་སྤྱི་ཚོགས་རིང་ལུགས་ཀྱི་ཐུན་མོང་མ་ཡིན་པའི་ཁྱད་ཆོས་སྲུང་སྐྱོབ” བྱེད་རྒྱུ་དེ་རེད། དམར་ཤོག་ཚོགས་པའི་ ‘སྲིད་དབང་སྒེར་འཛིན’དང་‘རྒྱལ་སྲིད་བདེ་འཇགས’གཉིས་ནི་ནམ་ཞར་དོན་གཅིག་མིང་གི་རྣམ་གྲངས་སུ་ངོས་འཛིན་ཞིང་། སྤྱིར་བཏང་སྐུ་ཞབས་ཞི་ཅེན་ཕེན་གྱི་རྒྱལ་སྲུང་བྱ་འགུལ་དེ་ནི་རྒྱ་ནག་ནང་ཁུལ་གྱི་འཇིག་ཉེན་ལ་དམིགས་པ་ཙམ་མ་ཟད། འཇིགས་སྐུལ་རིང་ལུགས་ལྟ་བུའི་རྒྱལ་ཡོངས་བདེ་འཇགས་ཀྱི་དཀའ་རྙོག་སེལ་ཐབས་ཤིག་ཏུ་ཆ་འཇོག་བྱེད་ཅིང་། ད་དུང་དེའི་ནང་དུ་བསམ་བློ་དཀྱེལ་ཡངས་དང་སྨྲ་བརྗོད་རང་དབང་རྩོད་ལེན་སོགས་ཚུད་ཡོད།

དམར་ཤོག་ཚོགས་པའི་དཔོན་རབས་ཟུར་བ་ཧུ་ཅིན་ཐོ་ལས་ཀྱང་། སྐུ་ཞབས་ཞི་ཅིན་ཕེན་གྱིས་བགྲང་གིས་མི་ལངས་པའི་འགལ་འདུ་ཡོད་ཚད་ཕྱོགས་གཅིག་ཏུ་བསྡུས་ཏེ། ཉེན་ཚབས་འདི་དག་ལ་གདོང་མཆོང་བྱེད་པ་མ་ཟད། གསར་གནས་བརྒྱུད་ལམ་ཁག་ལ་སྟངས་འཛིན་བྱེད་པ་དང་། ནུབ་རྒྱུད་ཀྱི་ཡུ་གུར་མི་རིགས་རང་སྐྱོང་ལྗོངས་ཀྱི་འཇིགས་སྐུལ་བའི་སྟེང་ལ། ‘མི་མང་ཟིང་འཁྲུག’ཅིག་གི་མགོ་བརྩམས་པ་རེད། ཉེ་ལམ་ཕྱི་ཟླ་ ༤ ནང་གཏན་འབེབས་བརྒྱུད་བསྒྲགས་བྱས་པའི་རྒྱལ་སྲུང་རྩ་འཛིན་དང་མི་འདྲ་བའི་གལ་ཆེན་རང་བཞིན་གཞན་ཞིག་ནི། མཇུག་མཐའི་རྒྱལ་སྲུང་རྩ་འཛིན་དེའི་ནང་དུ། དམར་ཤོག་ཚོགས་པའི་སྒེར་གཅོད་དབང་ཆར་གུ་ཡངས་དང་གཟེངས་བསྟོད་ཐོབ་པ་དེ་རེད། རྩ་འཛིན་འདི་ (ཕྱི་ལོ་ ༡༩༩༣ གཏན་འབེབས་ལག་བསྟར་བྱས་པའི་རྩ་འཛིན་དེའི་ཚབ་ཡིན།) ཉེ་ལམ་འཆར་ཟིན་ ༥ བཏབ་པའི་གྲོས་ཀྱི་གཅིག་ཡིན་ཞིང་། རྩ་འཛིན་འདི་དང་། ཡང་ན་ཉེ་བའི་ཆར་བརྒྱུད་བསྒྲགས་ཟིན་པའི་རྩ་འཛིན་གང་ཡིན་རུང་། དེས་སྐུ་ཞབས་ཞི་ཅིན་ཕེན་གྱི་རྒྱལ་སྲུང་སྟོབས་ཤུགས་ལ་འཛད་དུ་མེད་པའི་བྱེད་ནུས་ཐོན་སྲིད་པ་རེད།

རྒྱལ་སྲུང་སྒྲིག་ཁྲིམས་འདིས་སྐུ་ཞབས་ཞི་ཅེན་ཕེན་གྱི་སྲིད་ཇུས་ལ་གུས་འདུད་ཞུ་བ་དང་དམ་དྲག་གི་སྒྲིག་ཁྲིམས་སྲ་བརྟན་དུ་གཏོང་གི་ཡོད། རྒྱལ་སྲུང་རྩ་འཛིན་དོན་ཚན་ ༡༥ ནང་། རྒྱ་ནག་གཞུང་གིས་ཞིབ་བཤེར་སྒྲིག་འཛུགས་སྲ་བརྟན་བཟོ་བ་དང་དབང་ཤེད་ལག་བསྟར་ལ་ལྟ་ཞིབ་བྱེད་པའི་དགོས་འདུན་བཏོན་ཡོད་རུང་། དེ་ཁ་ནས་གླེང་བ་ཙམ་མ་གཏོགས་དངོས་སུ་ལག་ལེན་དུ་གདབ་ཐུབ་པ་མ་རེད། ཕྱི་ཟླ་ ༡༠ ནང་བསྡུས་པའི་རྒྱ་ནག་དམར་ཤོག་ཚོགས་པའི་ལོ་འཁོར་ཚོགས་ཆེན་སྟེང་དུ། སྐུ་ཞབས་ཞི་ཅིན་ཕེན་གྱིས་སྒྲིག་ཁྲིམས་དམ་དྲག་གི་འཆར་ཟིན་ཞིག་བཏོན་པའི་ནང་། དམར་ཤོག་ཚོགས་པའི་དབང་ཤེད་ཞ་འཐེང་དུ་མ་བཏང་བའི་སྒོ་ནས་དམར་ཤོག་ཚོགས་པར་སྟངས་འཛིན་དགོས་པའི་བསམ་ཚུལ་བསྟན་པ་དང་། ཕྱི་ཟླ་ ༧ ཚེས་ ༡ ཉིན་གྲོས་ཚོགས་ཀྱི་ངོས་ནས། ལོ་སྔོན་མའི་རྩ་འཛིན་ཕྱི་བསྒྲགས་བྱས་ཏེ། དམར་ཤོག་ཚོགས་པའི་སྲིད་སྟེགས་སྟེང་བུད་པའི་དཔོན་རིགས་ཚོས་རྩ་ཁྲིམས་དེ་ལ་ལྷག་བསམ་རྣམ་དག་གིས་དམ་བཅའ་འཇོག་དགོས་པ་རེད། རྩ་འཛིན་དེའི་ནང་དུ་ད་དུང་། འདུ་འཛོམས་རང་དབང་དང་གསར་འགོད་རང་དབང་། གཏམ་བརྗོད་རང་དབང་སོགས་འགན་སྲུང་དགོས་ལུགས་བཀོད་པ་མ་ཟད། རྩ་འཛིན་དེའི་དོན་ཚན་དང་པོའི་ནང་དུ། དེང་གི་རྒྱ་ནག་ནི་ ‘མི་མང་དམངས་གཙོའི་སྲིད་དབང་སྒེར་འཛིན་ལམ་ལུགས’ཤིག་ཡིན་སྐོར་འགྲེལ་བརྗོད་བྱས་ཡོད། ཡིན་ན་ཡང་སྐུ་ཞབས་ཞི་ཅེན་ཕེན་གྱིས། དུས་ནམ་ཡང་བཟང་ཕྱོགས་ཀྱི་སྐད་ཆ་ཚིག་གཅིག་ཀྱང་མི་སྨྲ་བར་སྣང་།

ཞི་ཅིན་ཕེན་གྱི་བློ་འཚབ་ལའང་བདེན་དོན་འགའ་ཞིག་ཡོད་ཅིང་། དམར་ཤོག་ཚོགས་པར་ཡང་རང་གི་ཁྲིམས་མཐུན་རང་བཞིན་གྱི་འདུ་ཤེས་མི་བརླག་པའི་འདོད་ཞེན་ཤིན་ཏུ་ཆེ་སྟེ། ཕྱི་ལོ་ ༡༩༥༠ ནས་ ༡༩༧༠ བར་སྨྱོ་འཚབ་ཆེ་བའི་མའོ་ཙི་ཏུང་རིང་ལུགས་ཀྱིས་དམར་ཤོག་ཚོགས་པར་གཏོར་བཤིག་ཚབས་ཆེན་བཏང་བ་མ་ཟད། རྒྱལ་ནང་གི་ཡང་དག་པའི་དཔལ་འབྱོར་ལམ་ལུགས་ལའང་ཉམ་ཉེས་ཆེན་པོ་ཐེབས་ཡོད་སྲིད་དེ། དཔལ་འབྱོར་ཐོན་སྐྱེད་ཀྱི་འགྲོས་དལ་ཞིང་ཉོ་འཚོང་གི་རིན་གོང་འཕར་བ་དང་དཔྱ་ཁྲལ་སྤར་བ་བཅས་ཀྱིས། རྒྱལ་དམངས་ཀྱི་འཚོ་གནས་དབུལ་བོར་ཕུད་པ་རེད། མི་སེར་དཀྱུས་མར་མཚོན་ན། ཁོ་ཚོས་རང་གི་དཀའ་སྡུག་གི་འཚོ་གནས་གནད་དོན་གསོང་པོར་བརྗོད་འདོད་ཡོད་པ་རེད། དེ་ཡང་དཔེར་ན། ཕྱི་ཟླ་ ༦ ཚེས་ ༢༢ ཉིན། ཡུལ་མི་སྟོང་ཕྲག་མང་པོས་ངོ་རྒོལ་ལས་འགུལ་སྤེལ་ཏེ། ཧྲང་ཧེ་གྲོང་ཁུལ་དུ་གཞི་རྒྱ་ཆེ་བའི་རྫས་འགྱུར་བཟོ་གྲྭ་མང་པོ་འཛུགས་བསྐྲུན་ལས་འཆར་ལ་འགོག་རྒོལ་བྱས་པ་ལྟ་བུས་མཚོན་ཞིང་། སྐབས་དེར་ཉེན་རྟོག་པས་ངོ་རྒོལ་ལས་འགུལ་ནང་ཞུགས་པའི་མི་མང་འཛིན་བཟུང་བཀག་བསྐྱིལ་བྱེད་རག་བར་དུ། ངོ་རྒོལ་ལས་འགུལ་དེ་མཚམས་བཞག་ཡོད་པ་མ་རེད། ཉེ་ལམ་ནས་ཟམ་མ་ཆད་པར་རང་བྱུང་མཁའ་དབུགས་སྦགས་བཙོག་ཆགས་པའི་རྐྱེན་གྱིས། པེ་ཅིན་གྲོང་ཁྱེར་གྱི་ཉོ་འཚོང་ཁྲོམ་ར་མང་པོར་ཉེན་འཚབ་བཟོས་ཏེ། དངུལ་བུན་འབོར་ཆེན་བླངས་ནས་མ་དངུལ་འཛུགས་མཁན་མི་མང་ཡ་ས་མང་པོ་མ་དངུལ་བསྡུ་འབབ་ཀྱི་དཀའ་རྙོག་ནང་བྱིང་བ་རེད།

རྒྱལ་སྲུང་སྒྲིག་ཁྲིམས་གསར་བའི་འོག་ཏུ། མི་སེར་སྒེར་ངོས་ནས་རྒྱལ་ཁབ་ཀྱི་བདེ་འཇགས་འགན་སྲུང་དགོས་ལུགས་ནན་བཤད་བྱེད་ཀྱི་ཡོད་པ་དང་། མི་སེར་བྱིངས་ཀྱིས་རྒྱལ་སྲུང་རྩ་འཛིན་དེ་ངེས་པར་ཀློག་དགོས་པ་ལས་དེ་ལ་དཀའ་རྙོག་བཟོས་ཆོག་པ་མ་རེད། ལྟ་ཚུལ་འདི་ནི་དེ་སྔོན་གྱི་རྩ་འཛིན་ཁག་ལས་ཀྱང་ཧ་ཅང་ཁ་གསལ་དོན་གསལ་ཞིག་ཡིན་པ་རེད། འཛམ་གླིང་རྒྱལ་ཁབ་ཁག་གི་རྒྱལ་དམངས་འདྲ་མཉམ་གྱི་རྩ་ཁྲིམས་ནང་། མི་སེར་རྣམས་ལ་ཁོ་ཚོས་རྒྱལ་ཁབ་ཀྱི་གསང་རྒྱ་བརྟོལ་བ་ལྟ་བུའི་བསམ་སྦྱོར་སྤེལ་མི་ཆོག་ཚུལ་བསྙད་ཡོད་ཅིང་། རྒྱ་ནག་གི་རྩ་ཁྲིམས་ནང་དུ། མི་སེར་ཚོར་ཁོ་ཚོས་འཇིགས་སྐུལ་གྱི་བསམ་སྦྱོར་ལྟ་བུའི་སྙན་སེང་རིགས་མཁོ་སྤྲོད་དགོས་ལུགས་བཤད་ཡོད་པ་རེད། འདི་ནི་དུས་ཡུན་རིང་བོར་བཙན་ཤེད་སྒྲིག་ཁྲིམས་ཀྱིས་བསྡམས་ཚར་བའི་སྤྱི་ཚོགས་ཆབ་སྲིད་ལས་འགུལ་བ་ཚོ་དྲག་པོའི་དམག་དཔུང་གིས་མཐའ་ནས་བསྐོར་བའི་ཉེན་འཚབ་ཅིག་ལས་སྣོན་བྱས་པ་རེད། རྒྱ་ནག་ལྷོ་རྒྱུད་ཀུང་ཀྲུག་གྲོང་ཁྱེར་ནང་། རྒྱལ་ཁྲིམས་འགན་དུ་སྲུང་མཁན་ཚོས་ཉིང་ཆེན་ཧེ་ (Liang Qinhui) བྱ་བའི་མི་སྒེར་དྲ་ཚིགས་གཉེར་མཁན་ཞིག་ལ་འགོག་རྒོལ་བྱེད་ཀྱི་ཡོད། རྒྱུ་མཚན་ནི། ཁོས་‘རྒྱལ་ཁབ་ཀྱི་སྟོབས་ཤུགས་མགོ་སྟེང་སློག་པའི་རྒྱུད་སྐུལ་གཏོང་གི་འདུག’ ཅེས་ཟེར། ཁོའི་ཉེས་སྤྱོད་ནི་སྤྱི་ཚོགས་བརྒྱུད་ལམ་ཁག་ (tweets) ཏུ་ཚོར་སྐྱེན་པའི་གསར་གནས་བརྒྱུད་སྤེལ་བྱས་པ་དེ་ཡིན་པ་དང་། རྒྱ་མི་ཚང་མས་ཁོ་ནི་རྒྱ་ནག་གི་གསོ་ཕག་ཞིག་ལས་ཨ་མི་རེ་ཁའི་རྒྱུག་ཁྱི་ཞིག་ཡིན་ཚུལ་བཤད། 

རྒྱལ་སྲུང་སྒྲིག་ཁྲིམས་གསར་བའི་ཉེན་བརྡ་འདི་དག་ནང་། ཕྱི་གླིང་གི་ཉོ་འཚོང་ལས་དོན་ཡང་ཚུད་ཡོད་སྟབས། ཕྱིའི་རྒྱལ་ཁབ་རེ་འགས། ཕྱི་ཟླ་ ༣ ཕྱིར་བསྒྲགས་ཤིང་དྲག་སྤྱོད་རིང་ལུགས་པར་ཕྱི་རྒོལ་སློག་པའི་སྒྲིག་འཛུགས་ལྟ་བུའི་རྒྱ་ནག་གི་རྒྱལ་སྲུང་སྒྲིག་ཁྲིམས་དང་འབྲེལ་བའི་སྒྲིག་འཛུགས་ཁག་ཅིག་གི་ཐད་ལ་སེམས་འཚབ་ཆེ་ཚུལ་བརྗོད་ཅིང་། སྒྲིག་ཁྲིམས་དེ་དག་ནང་། ཁེ་ལས་ཉོ་ཚོང་ཁང་ཁག་གི་གསང་བའི་ཡིག་ཆ་ཕྱི་བསྒྲགས་དགོས་པའི་འབོད་སྐུལ་ཞུས་ཡོད་པ་རེད།  

རྒྱལ་སྲུང་སྒྲིག་ཁྲིམས་གསར་བས་རྒྱ་ནག་གི་དྲང་བདེན་དག་སྐྱེལ་བྱས་པ་དེས། ཉེན་ཚབས་ཆེ་བའི་སྒྲིག་བཀོད་དང་བརྡ་འཕྲིན་མ་ལག་བརྟན་བརླིང་དང་སྟངས་འཛིན་བྱེད་བདེར་བཏང་བ་དང་། ཉེ་ལམ་ནས་རྒྱ་ནག་གིས་ཕྱིའི་རྒྱལ་ཁབ་ཁག་གི་གློག་ཀླད་མ་ལག་ནང་ལྐོག་འཛུལ་གྱིས་ཕྱི་གླིང་གི་བཟོ་ལས་རིག་རྩལ་བཀོལ་སྤྱོད་བྱེད་པའི་སེམས་འཚབ་དེ་ཧ་ཅང་གལ་ཆེན་རང་བཞིན་ཞིག་ཏུ་ཆ་འཇོག་བྱེད་ཅིང་། ཕྱི་གླིང་གི་ཚོང་ལས་ཁང་ཐུན་མོང་ནས་བརྗོད་ཚུལ་དེས་འབྱུང་འགྱུར་གྱི་བཟོ་ལས་ཐོན་སྐྱེད་ཐད་ལ་ཕྱིའི་བཙན་འཛུལ་གྱི་འགོག་རྐྱེན་ཐེབས་སྲིད་པར་སེམས་ཁུར་བྱེད་ཀྱི་ཡོད་པ་མ་ཟད། ཕྱི་གླིང་གི་གཞུང་འབྲེལ་མ་ཡིན་པའི་ཚོགས་སྡེ་ཁག་ (NGOs) ལ་ཆེད་དུ་གཏན་འབེབས་བརྒྱུད་བསྒྲགས་བྱས་པའི་སྒྲིག་ཁྲིམས་ཐད་ལའང་སེམས་འཚབ་སྐྱེད་ཀྱི་ཡོད་དེ། སྒྲིག་ཁྲིམས་དེས་གཞུང་འབྲེལ་མ་ཡིན་པའི་སྒྲིག་འཛུགས་ཁག་གིས་ངེས་པར་དུ་སྤྱི་བདེ་ཉེན་རྟོག་ལས་ཁུངས་ནས་མིང་ཐོབ་ཐོ་འགོད་དགོས་པའི་རེ་འདུན་འདོན་སྲིད་པ་རེད།

གཅིག་བྱས་ན། ཧོང་ཀོང་རྒྱལ་ནང་དུ་རོགས་སྐྱོར་ཕྲན་བུ་འཐོབ་ངེས་རེད་དེ། རྒྱལ་སྲུང་རྩ་འཛིན་ནང་དུ་སྔོན་ཆད་ཨིན་ཇིའི་མི་སེར་སྤེལ་ཡུལ་དུ་གྱུར་བའི་ཧོང་ཀོང་གྲོང་ཁྱེར་གྱི་བདེ་འཇགས་འགན་སྲུང་དགོས་སྐོར་གསལ་བོར་བརྗོད་ཡོད་ནའང་། དཔོན་རིགས་ཚོས་འཕྲལ་དུ། ཧོང་ཀོང་གྲོང་ཁྱེར་ལ་ཨིན་ཇིའི་གཞུང་གི་ཁྲིམས་མཐུན་སྒྲིག་འཛུགས་ཡོད་སྟབས། རྒྱལ་སྲུང་རྩ་འཛིན་དེ་རང་རྒྱལ་གྱི་མངའ་ཁོངས་ཧོང་ཀོང་གྲོང་ཁྱེར་ནང་བརྒྱུད་སྒྲོག་བྱེད་རྒྱུ་མིན་ཚུལ་དང་། མངའ་ཁུལ་དེ་ལ་ཨིན་ཇིའི་མི་སེར་སྤེལ་བའི་རྩ་ཁྲིམས་ཡོད་ལུགས་བརྗོད་ཡོད། ཡིན་ནའང་ཧོང་ཀོང་སྲིད་གཞུང་གིས་ཕྱི་ལོ་ ༢༠༠༣ ལོར་རྩ་ཁྲིམས་དེ་འདྲ་ཞིག་བརྒྱུད་སྒྲོག་སྟ་གོན་བྱས་པ་དང་། མི་མང་གིས་གཞི་རྒྱ་ཆེ་བའི་རྔམ་སྟོན་ཁྲོམ་སྐོར་བྱས་ཏེ། མཐའ་མཇུག་འཛིན་སྐྱོང་ལྷན་ཁང་གི་གཙོ་འཛིན་ཏུང་ཅེན་ཧྭ་ (Tung Chee-hwa) སྲིད་སྟེགས་ལས་ཕབ་པ་རེད། དེར་བརྟེན། ཧོང་ཀོང་གི་དཔོན་རིགས་ཚོས་མགྱོག་མྱུར་ངང་རྩ་ཁྲིམས་བསྐྱར་བསྒྲགས་བྱེད་རྩིས་མེད་པ་འདྲ་དེ། ཕྱི་ཟླ་ ༧ ཚེས་ ༡ ཉིན། རླབས་ཆེ་བའི་དམངས་གཙོའི་ལམ་ལུགས་ཀྱི་རྒྱབ་སྐྱོར་འོག་ཏུ། འཆར་ཅན་མ་ཡིན་པའི་ཧོང་ཀོང་གྲོང་ཁྱེར་གྱི་ཞི་བའི་སྒེར་ལངས་དུས་དྲན་སྟབས་བདེ་ཞིག་སྲུང་བརྩི་བྱས་ཏེ། རྒྱ་ནག་གི་ཞི་འགྲིག་རྩོད་གླེང་གི་རྔུལ་རླངས་རེ་ཞིག་འཇགས་པར་བྱས།

རྒྱ་ནག་གི་ཡུལ་གྲུ་གང་སར་མཆེད་པའི་སྐུ་ཞབས་ཞི་ཅེན་ཕེན་གྱི་རྒྱལ་སྲུང་སྒྲིག་ཁྲིམས་གསར་བའི་གྲང་ངུར་དེ་མགྱོག་པོར་རྩ་གཏོར་གཏོང་ཐབས་མེད་པ་འདྲ། རྒྱལ་སྲུང་རྩ་འཛིན་མཐའ་མ་དེ་བརྒྱུད་བསྒྲགས་བྱས་རྗེས། རྒྱ་ནག་གི་མཐོ་རིམ་དཔོན་རིགས་ཤིག་གིས་གསར་འགོད་པར། ད་རེབ་ཀྱི་རྒྱལ་སྲུང་རྩ་ཁྲིམས་ཀྱི་དཀའ་རྙོག་འདི་འདྲ། རྒྱ་ནག་གི་བྱུང་རབས་ལོ་རྒྱུས་ཁྲོད་དུ་བྱུང་མྱོང་ཡོད་པ་མ་རེད། ཅེས་ཟེར་ལ། རྒྱ་ནག་གཞུང་འབྲེལ་ཞིན་ཧྭ་གསར་ཁང་གིས། གྲོས་ཚོགས་ཀྱི་འཐུས་མི་ ༡༥༥ ཁྲོད་ནས། ཁ་ཅིག་གིས་རྒྱལ་སྲུང་རྩ་ཁྲིམས་ལ་མཐུན་འགྱུར་གྱི་འོས་ཤོག་བླུགས་པ་དང་། མོས་མཐུན་མེད་མཁན་ཚོས་ལས་དགོངས་ཞུས་ཡོད་སྐོར་བརྗོད་ཅིང་། མ་མཐར་ཡང་སྐུ་ཞབས་ཞི་ཅེན་ཕེན་གྱིས་རྒྱལ་ དམངས་འཐུས་མི་ལྷན་ཚོགས་ཀྱི་ལྷག་སེམས་ལ་སེམས་ཁྲལ་བྱེད་དགོས་ཡོད་པ་མ་རེད།