རྒྱལ་ཞེན་ཤུགས་དྲགས་པ་དེས། ཉམ་ཆུང་མི་སེར་ལ་ཕོག་ཐུག་སློང་སྲིད།

དཔལ་འབྱོར་འཕེལ་རྒྱས་ཀྱི་མཐུན་འགྱུར་ལག་བསྟར་བྱས་པ་དང་། རྒྱ་ནག་ནི་རྒྱལ་སྤྱིའི་སྟེང་གི་སྔོན་ཐོན་རྒྱལ་ཁབ་ཁག་གི་གྲས་སུ་ཚུད་པར་ངང་སྒུག་བྱེད་པ་ནི། རྒྱ་ནག་ནང་ཁེ་ཕན་ཐོབ་པ་འདྲ་མཉམ་མེད་པའི་མི་སེར་ (ཁོ་ཚོས་རྒྱ་ནག་གཞུང་དང་སྟབས་བསྟུན་བྱས་པ་ནས་བཟུང) ཚོར་མཚོན་ན། དེ་ནི་དྲང་བདེན་ཞིག་དང་། ཡུན་གནས་ཐུབ་པ་ཞིག་མིན། རྒྱུ་མཚན། རྒྱལ་ནང་ལ་མཚོན་ནས་བཤད་ན། དོན་དངོས་སུ་རྒྱ་ནག་གིས་རང་གི་སྟོབས་ཤུགས་རྒྱ་བསྐྱེད་ཆེད། ནོར་འཁྲུལ་ཅན་གྱི་དཔལ་འབྱོར་ཐོན་ཁུངས་ཕྲན་བུ་འཚོལ་སྒྲུབ་བྱེད་བཞིན་ཡོད་པ་མ་གཏོགས། སྤྱི་ཚོགས་བྱིངས་ཀྱི་དགོས་མཁོར་གྱུར་བའི་འཕེལ་རྒྱས་ཅན་གྱི་རྒྱལ་ཁབ་འཁྲུལ་མེད་ཅིག་མ་རེད།

ཕྱི་ཕྱོགས་ཀྱི་ལྟ་ཞིབ་པ་ཚོར་མཚོན་ན། རྒྱ་ནག་ནི་དེང་གི་དཔལ་འབྱོར་གྱི་མགོན་སྐྱབས་ཤིག་ཏུ་མངོན་ཡོང་གི་ཡོད། རྒྱ་ནག་གི་དཔལ་འབྱོར་འཕེལ་རྒྱས་མཐུན་འགྱུར་ཐད་ཀྱི་ལས་གཞི་རྒྱ་སྐྱེད་སྟངས་དེ་ཡང་གཞོམ་གཞིག་བྲལ་བའི་དབང་སྒྱུར་ལ་བརྟེན་ཡོད་སྟབས། རྒྱ་ནག་གི་རྗེས་སུ་འབྲང་བའི་རྒྱལ་ཁབ་མང་པོ་བཟོ་ལས་ཅན་དུ་སྒྱུར་བར་སྙམ་སྲིད།

གཅིག རྒྱ་ནག་གི་ཕྱིའི་དཔལ་འབྱོར་གོང་འཕེལ་གྱི་ལས་རིམ་ཡོད་ཚད་རྒྱ་མི་དཀྱུས་མ་ཚོའི་དཔྱ་ཁྲལ་ལས་འཚོལ་སྒྲུབ་བྱས་པ་ཡིན་ཞིང་། མི་མང་དཀྱུས་མ་ཚོས་དེ་འདྲའི་ལས་རིམ་ཞིག་དགོས་མིན་ཐད་ལ་མི་སྨྲ་བའི་བརྟུལ་ཞུགས་བཟུང་ཡོད། གལ་ཏེ་རྒྱ་ནག་འདི་དམངས་གཙོའི་ལམ་ལུགས་ཤིག་ཡིན་པའི་དབང་དུ་བཏང་ན། སྲིད་གཞུང་གིས་རང་གི་ཚད་མཐོ་བའི་ཆེ་མཐོང་འབའ་ཞིག་གི་ལས་གཞི་རྒྱ་བསྐྱེད་པར། དེ་ལ་དཔྱ་ཁྲལ་འཇལ་མཁན་མི་མང་གི་རམ་འདེགས་འཐོབ་མིན་དེ་དོགས་གཞི་ཞིག་རེད།

གཉིས། ཕྱིའི་རྒྱལ་ཁབ་ཁག་ནང་བཟོ་ལས་འཛུགས་སྐྲུན་དང་གོང་འཕེལ། དེའི་འགྲོ་གྲོན་སོགས་རྒྱ་སྐྱེད་པ་ཡིན་ན། དེ་ལྟ་བུའི་འགྲོ་གྲོན་དེས་རྒྱ་ནག་གི་མི་སེར་དཀྱུས་མ་ཚོའི་འཚོ་གནས་ཁུར་བོ་སྔར་བས་ཇེ་ལྕིར་གཏང་བ་ཙམ་ལས། མི་སེར་བྱིངས་ལ་གཞི་རྩའི་སྤྱི་ཚོགས་ཞབས་འདེགས་དང་འགན་སྲུང་ཅི་ཡང་འཐོབ་མི་སྲིད།

མཐར་གཏུགས་རྒྱ་ནག་གིས་རང་རྒྱལ་གྱི་གཞི་རྒྱ་ཆེ་བའི་ཁོར་ཡུག་དང་སྤྱི་ཚོགས། དེ་དག་ལས་འཚོལ་ཞིང་བསྒྲུབས་པའི་འགྲོ་གྲོན་ལ་བརྟེན་ཏེ། ཆེས་མྱུར་བའི་དཔལ་འབྱོར་འཕེལ་རྒྱས་ཀྱི་དམིགས་འབེན་འགྲུབ་པ་དང་། རྒྱ་ནག་རང་གི་དཔལ་འབྱོར་ཡར་རྒྱས་ཀྱི་ལས་རིམ་ཁྲོད་དུ། རྒྱ་ནག་གཞུང་གིས་ཕྱིའི་རྒྱལ་ཁབ་ཁག་ནང་བཟོ་ལས་དར་སྤེལ་དང་ཡུན་གནས་སོགས་དང་བསྟུན་པའི་དབང་སྒྱུར་ལ་ཕམ་ཉེས་བྱུང་བ་རེད། 

རྒྱ་ནག་གིས་རང་གི་ཁོར་ཡུལ་ལ་དོ་ཁུར་མ་བྱས་པའི་མཇུག་འབྲས་སུ། སའི་གོ་ལར་གཏོར་བཤིག་དང་རང་བྱུང་སྣོད་བཅུད་ཀྱི་རྟེན་འབྲེལ་ལ་གནོད་རྐྱེན་ཚབས་ཆེན་ཐེབས་པ་རེད། རྫས་འགྱུར་འདྲེས་མའི་ཟས་རིགས་ཀྱི་གནོད་ཚབས་དེ་ཡང་རྒྱ་ནག་གི་མི་སེར་གཅིག་པུ་ཙམ་མ་ཡིན་པར། རྒྱ་ནག་གི་ཚོང་ཟོག་ནང་འདྲེན་བྱེད་པའི་འཛམ་གླིང་རྒྱལ་ཁབ་ཁག་གི་འཛད་སྤྱོད་མཁན་ཚང་མར་གནོད་འཚེ་ཕོག་གི་ཡོད། དེ་བཞིན། དཔལ་འབྱོར་འཛུགས་སྐྲན་དང་བཟོ་ལས་ཐོན་སྐྱེད་ཁག་གི་ལྐོག་ཟ་རུལ་སུངས་ལ་བརྟེན་ནས། འཇིག་ཉེན་ཆེ་བའི་ཟམ་པ་དང་གཞུང་ལམ། ཐོག་རྩེག་ཁང་། གད་སྙིགས་བསྐྱར་སྐྲུན་སོགས་བྱེད་ཀྱི་ཡོད།

ལྷག་པར་དུ་ཐོག་རྩེག་ཁང་འཛུགས་སྐྲུན་བྱས་པ་མ་ལེགས་པའི་རྐྱེན་གྱིས། ཡུལ་མི་མང་པོའི་ཚེ་སྲོག་ཤོར་གྱི་ཡོད་དེ། དཔེར་ན། ༢༠༠༨ ལོར་སི་ཁྲོན་ཞིང་ཆེན་དུ་བྱུང་བའི་ས་འགུལ་ཁྲོད་སློབ་མ་ ༥.༠༠༠ ལྷག་རྐྱེན་ལམ་དུ་ཤོར་བ་དང་། དེ་ཡང་ཐོག་རྩེག་ཁང་དེའི་སློབ་ཁང་རྡིབ་སྐྱོན་བྱུང་བའི་རྐྱེན་གྱིས་རེད།  མ་ཟད་རྒྱ་ནག་ནང་གི་འགྲོ་བ་མིའི་ཐོབ་ཐང་དང་ངལ་རྩོལ་བསྒྱུར་བཀོད་ཀྱི་གནས་སྟངས་ཤིན་ཏུ་སྐྱོ་སྟབས། མི་མང་གིས་དཀའ་སྡུག་ཟློག་མེད་མྱོང་བ་དང་རྒྱལ་ནང་དུ་དུས་ཟིང་གི་མེ་ཁ་གསོ་བཞིན་ཡོད།

ང་ཚོས་རྒྱ་ནག་ལ་གནོན་ཤུགས་སྤྲོད་རྒྱུ་བསྐྱུར་ཏེ། རྒྱ་ནག་ནང་ཁུལ་གྱི་ལས་དོན་ཁྲོད་གོང་འཕེལ་དུ་འགྲོ་བཞིན་པའི་རྒྱལ་ཁབ་དག་གི་དབང་སྒྱུར་རྗེས་སུ་འབྲང་བའི་མི་མང་གི་འཚོ་གནས་ཡར་རྒྱས་གཏོང་བ་ལས། ང་ཚོས་པེ་ཅིན་གཞུང་གི་དཔལ་འབྱོར་འཛུགས་སྐྲུན་རྒྱ་སྐྱེད་ཀྱི་ལམ་ཕྱོགས་ལ་འཕོ་འགྱུར་གཏོང་བར་གོ་སྐོན་དང་སྐུལ་སློང་བྱས་ན་ལེགས།

རྒྱ་ནག་གི་མི་འབོར་ཁྲག་ཁྲིག་ ༡.༤ ལ་འཕར་བ་ནས་བཟུང་། རྒྱལ་ནང་གི་བཅོས་བསྒྱུར་ཁེ་ཕན་ལ་བཟུང་བའི་རྣམ་འགྱུར་ནི། ཕྱིའི་དཔལ་འབྱོར་འཕེལ་རྒྱས་མཐུན་འགྱུར་ལག་བསྟར་ཐད་ཀྱི་འགྱུར་བ་ལས་རིང་དུ་བརྒལ་ཡོད་པ་རེད།

མ་རྩོམ་འབྲེལ་ཐག http://www.nytimes.com/roomfordebate/2015/07/27/can-china-stand-on-its-own/demanding-too-much-of-china-will-hurt-its-poorer-citizens