བོད་དོན་རྒྱབ་སྐྱོར་བྱེད་མཁན་གྱི་རོལ་དབྱངས་ཚོགས་པ་ཞིག་གིས་རྒྱ་ནག་ནང་གླུ་གར་འཁྲབ་སྟོན་བྱེད་པར་བཀག་འགོག་བྱས་འདུག
ཁ་སང་རྒྱ་ནག་པེ་ཅིན་དང་ཧྲང་ཧེ་གྲོང་ཁྱེར་གཉིས་ནང་ཡོད་པའི་ཨ་རིའི་རོལ་དབྱངས་ཚོགས་པ་ (Bon Jovi)ཟེར་བ་ཞིག་གིས། རྒྱ་ནག་གི་གྲོང་དང་གྲོང་ཁྱེར་ཁག་གི་ནང་གླུ་གར་འཁྲབ་སྟོན་བྱེད་བཞིན་ཡོད་པ་རྒྱ་གཞུང་གིས་རྒྱུ་མཚན་ཅི་ཡང་མ་བཤད་པར་བཀག་འགོག་བྱས་ཡོད་འདུག
ཁ་སང་བྷི་བྷི་སི་གསར་ཁང་གིས་གནས་ཚུལ་སྤེལ་བ་ལྟར་ན། རོལ་དབྱངས་ཚོགས་པ་དེས་ད་ལྟའི་བར་༧གོང་ས་མཆོག་གི་དབུས་བོད་དང་བོད་མིའི་རང་དབང་འཐབ་རྩོད་ལ་རྒྱབ་སྐྱོར་གནང་གི་ཡོད་སྟབས། རྒྱ་ནག་གཞུང་གིས་རོལ་དབྱངས་ཚོགས་པ་དེས་རྒྱ་ནག་ནང་གླུ་གར་འཁྲབ་སྟོན་བཀག་འགོག་བྱས་ཡོད་པ་མ་ཟད། ཕྱི་ལོ་ ༢༠༡༠ ལོར་རོལ་དབྱངས་ཚོགས་པ་དེས་གླུ་གར་འཁྲབ་སྟོན་བྱེད་སྐབས། རྒྱ་ནག་རིག་གནས་སྒྱུ་རྩལ་ལྷན་ཁང་གིས་གར་སྟེགས་ཀྱི་རྒྱབ་ཡོལ་སྟེང་དུ་༧གོང་ས་མཆོག་གི་སྐུ་པར་བཤམས་སྟོན་བྱས་ཡོད་པའི་སྐྱོན་འཛུགས་བྱས་ཏེ་བཀག་འགོག་བྱས་ཡོད་འདུག
གཞན་ཡང་། ཨེ་སི་ལན་ཌིའི་གཞས་མ་གྲགས་ཅན་ (Björk) ཟེར་བ་ཞིག་གིས་ཕྱི་ལོ་ ༢༠༠༨ ལོར་ཧྲང་ཧེ་གྲོང་ཁྱེར་གྱི་གླུ་གར་འཁྲབ་སྟོན་ཞིག་གི་སྟེང་༼བོད༽ཅེས་པའི་གླུ་གཞས་ཤིག་བླངས་རྗེས། ཁོ་མོ་མི་ཚེ་གང་བོར་རྒྱ་ནག་ནང་ཡོང་མི་ཆོག་པ་བཟོས་ཡོད་པ་དང་། ཉེ་སྔོན་ཡང་ཨ་རིའི་རོལ་དབྱངས་ཚོགས་པའི་ (Maroon 5) ཚོགས་མི་ཞིག་གིས། ༧གོང་ས་མཆོག་དགུང་གྲངས་ ༨༠ ཕེབས་པའི་འཁྲུངས་སྐར་ལ་བཀྲིས་བདེ་ལེགས་ཞུས་སྟབས། ཚོགས་པ་དེས་རྒྱ་ནག་ནང་གླུ་གར་འཁྲབ་སྟོན་བྱེད་མི་ཆོག་པ་བཟོས་ཡོད་འདུག
གསར་འགོད་པ། པདྨ་རྒྱལ།
