མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཁྲུག་ཆ་ཆེ་བའི་འོས་བསྡུ།

བོད་ཀྱི་དུས་བབ།
༢༠༡༥/༡༠/༡༨
Share on FacebookShare on TwitterShare on EmailShare on Whatsapp

དམངས་གཙོའི་གོམ་འགྲོས་འཁྱོར་བཞིན་པའི་བཙན་བྱོལ་བོད་མིའི་བཀའ་སྤྱིའི་འོས་བསྡུའི་སྟེང་། རྒྱལ་སྤྱིའི་རྟོག་ཞིབ་ཚོགས་པ་དང་རྒྱ་གར་བདེ་སྲུང་མི་སྣ་སོགས་ཡོད་བཞིན་དུ་ས་གནས་ཁག་རེ་ཟུང་ནང་རྙོག་གླེང་ཕྲན་བུ་བྱུང་ཡོད་འདུག

DSC_8258བོད་མིའི་སྒྲིག་འཛུགས་འོས་བསྡུ་ལས་ཁང་གི་སྒྲིག་གཞིའི་དགོངས་དོན་ལྟར། དེ་རིང་བཀའ་ཤག་སྐབས་བཅོ་ལྔ་པའི་སྲིད་སྐྱོང་དང་། བོད་མི་མང་སྤྱི་འཐུས་སྐབས་བཅུ་དྲུག་པ་གཉིས་ཀྱི་སྔོན་འགྲོའི་འོས་བསྡུ་གནང་ཡོད་པ་དང་། དེ་རིང་ཞོགས་པའི་ཆུ་ཚོད་ ༩།༠༠ སྟེང་བཞུགས་སྒར་དྷ་རམ་ས་ལའི་གངས་ཅན་སྐྱིད་གཤོང་མཆོད་རྟེན་ཐང་དུ། གཞུང་ཞབས་ལས་བྱེད་གཙོས་པའི་ཉེ་འཁོར་ཁུལ་གྱི་འོས་འཕེན་པ་ ༡༠༠༠ མ་ཟིན་ཙམ་གྱིས་སོ་སོའི་འདོད་མོས་བཞིན་བཀའ་སྤྱི་གཉིས་ཀྱི་འོས་བསྡུ་གནང་སོང་།

ཐེངས་འདིར་འོས་བསྡུར་དེབ་སྐྱེལ་གནང་མཁན་ཁྱོན་བསྡོམས་ ༨༧༡༧༩ བྱུང་ཡོད་པ་དང་། ཕྱི་ལོ་ ༢༠༡༠ ལོའི་འོས་བསྡུའི་སྐབས་དེབ་སྐྱེལ་གནང་མཁན་ ༨༢༨༠༠ བྱུང་བ་དང་བསྡུར་ན། ད་རེབ་མི་ ༤༣༧༩ ལས་མང་བ་ཆགས་ཡོད་འདུག ད་རེབ་རྒྱ་བལ་འབྲུག་གསུམ་གཙོས་པའི་ས་གནས་ཁག་ཡོངས་སུ་འོས་བསྡུའི་ས་ཚིགས་ ༦༣༠ ཙམ་གོ་སྒྲིག་གནང་ཡོད་འདུག

བལ་ཡུལ་དང་འབྲུག་གཉིས་ནང་ཁ་སང་ནས་བཟུང་གསང་བའི་ཐོག་འོས་བསྡུ་གནང་གྲུབ་ཡོད་པ་མ་ཟད། བལ་ཡུལ་ནང་སྲིད་སྐྱོང་གི་འོས་གྲངས་མཐོ་ཤོས་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་ཆགས་ཡོད་ཚུལ་གླེང་མཁན་བྱུང་ཡོད་འདུག ས་གནས་ཁག་གིས་འོས་གྲངས་རིམ་པ་བཞིན་ཁྱབ་བསྒྲགས་བྱ་འཆར་ཡོད་ཀྱང་། དབུས་འོས་བསྡུ་ལྷན་ཁང་གིས་ཕྱོགས་བསྡོམས་འོས་གྲངས་དེ་ཕྱི་ཟླ་ ༡༢ པའི་ཚེས་ ༢ ཉིན་ཁྱབ་བསྒྲགས་གནང་རྒྱུ་ཡིན་འདུག

དེ་རིང་དྷ་རམ་ས་ལའི་འོས་བསྡུའི་སྟེང་། ཨེ་ཤ་ཡ་དམངས་གཙོ་འབྲེལ་མཐུད་ཁང་ (Asia Democracy Network) ཞེས་པའི་སོག་རིགས་སྐུ་ཞབས་ཊོར་ཨོ་ཌི་(Tur-Od Lkhagvajav) ལགས་དང་། ཨེ་ཤ་ཡའི་རང་དབང་འོས་བསྡུའི་འབྲེལ་མཐུད་ཁང་ (Asian Network for Free Elections) ཞེས་པའི་སྐུ་ཚབ་རན་ཝེ་ལན་ (Ryan Whelan)ལགས་གཉིས་ཀྱིས་བཙན་བྱོལ་བོད་མིའི་འོས་བསྡུར་རྟོག་ཞིབ་གནང་བར་ཕེབས་འདུག

Screen Shot 2015-10-18 at 6.47.34 PMསྲིད་སྐྱོང་ལས་ཐོག་བློ་བཟང་སེང་གེ་མཆོག་གངས་སྐྱིད་མཆོད་རྟེན་ཐང་དུ་འོས་ལྡུག་པར་ཕེབས་པ་དང་བསྟུན་ཏེ། གསར་འགོད་པས་བཅར་འདྲི་ཞུས་པར་ཁོང་གིས། ད་རེབ་༧གོང་ས་མཆོག་གིས་ཆབ་སྲིད་ཀྱི་སྐུ་དབང་རྩིས་སྤྲོད་གནང་བའི་རྗེས་ཀྱི་འོས་བསྡུ་ཐེངས་གཉིས་པ་དེ་ཆགས་ཀྱི་ཡོད་པ་རེད། གཞུང་ལ་མཚོན་ལ་ལྷིང་འཇགས་པོའི་ཐོག་ནས་ཐེངས་གཅིག་བརྗེ་བོ་རྒྱག་ཐུབ་པ་ཡིན་ན། དམངས་གཙོ་ཚད་ལྡན་ཟེར་གྱི་ཡོད་པ་རེད། ངའི་རེ་བར་འཛམ་གླིང་ཁྱོན་ཡོངས་ཀྱི་བོད་མི་ཚང་མས་འོས་ལྡུག་རྒྱུ་ཤིན་ཏུ་གལ་ཆེན་པོ་རེད། འོས་བསྡུའི་ནང་འཛུལ་ཞུགས་བྱས་པ་དེས་རྒྱ་གཞུང་ལ་བརྡ་ལེན་ག་རེ་གཏོང་གི་ཡོད་པ་རེད་ཅེ་ན། མི་མང་གིས་དམངས་གཙོ་ལ་རྒྱབ་སྐྱོར་ཡོད་པ་དང་བོད་པ་ཚོས་དམངས་གཙོར་གདམ་ཀ་བྱེད་བཞིན་ཡོད་པ། གལ་ཏེ་བོད་ནང་གི་མི་མང་ལ་འོས་ཤོག་ལྡུག་པའི་ཐོབ་ཐང་གནང་ཡོད་ན། དེ་ནས་ཁོ་རང་ཚོས་བོད་ཀྱི་མགོ་ཁྲིད་འདེམ་པ་ལས་རྒྱ་ནག་གི་མགོ་ཁྲིད་འདེམ་རྒྱུ་མིན་པ་གསལ་བོ་ཞེ་དྲགས་རེད། ཅེས་གསུངས་སོང་།

འོས་ལྡུག་མཁན་སློབ་ཕྲུག་ཅིག་ལ་སྲིད་སྐྱོང་སུ་བླུག་པ་དང་སྤྱི་འཐུས་འོས་མིའི་ནང་ལ་བུད་མེད་དང་གྲྭ་བ་ཡོད་མེད་དྲིས་སྐབས། ཁོ་མོས་ངས་སྲིད་སྐྱོང་བློ་བཟང་སེང་གེ་བླུགས་པ་ཡིན། གང་ཡིན་ཞེ་ན། སྔོན་མ་ལོ་ ༥ ལ་ལས་ཀ་བྱས་པ་དང་རྨང་གཞི་འདྲ་བོ་ཞིག་བཏང་ཡོད་སྟབས་བསྐྱར་དུ་ལོ་ ༥ ལས་ཀ་བྱས་པ་ཡིན་ན་ཁོང་གི་འཆར་གཞི་ཡག་པོ་ཡོང་གི་རེད་དྲན་སོང་། དེ་ནས་ཁོ་སློབ་སྦྱོང་ཡང་ཚད་མཐོ་བོ་རེད། སྔོན་མ་ཡིན་ན་བློ་བཟང་སེང་གེ་ལ་ཉམས་མྱོང་ཡོད་པ་མ་རེད་ཅེས་མི་མང་པོས་ལབ་པ་རེད། ད་ལྟ་སྲིད་སྐྱོང་ལོ་ ༥ བྱས་ཡོད་དུས་ཉམས་མྱོང་ཡང་གང་འཚམ་བསགས་ཡོད་པ་རེད། ང་རང་གིས་སྤྱི་འཐུས་འོས་མི་ ༧ བླུགས་པའི་ནང་གྲྭ་བ་ ༡ དང་བུད་མེད་ ༢། མི་སྐྱ་ ༤ བཅས་ཡོད། ད་རེབ་ངས་འོག་ཤོག་བླུགས་པ་ཐོག་མ་ཡིན་སྟབས། ཚོར་སྣང་ཤུགས་ཆེན་པོ་བྱུང་སོང་། ནམ་རྒྱུན་རྒྱ་གར་ཚོས་འོས་ལྡུག་གི་ཡོད་པ་བརྙན་འཕྲིན་ལས་མཐོང་སྐབས། ངས་མ་འོངས་པར་སོ་སོའི་མགོ་ཁྲིད་ལ་འོས་ལྡུག་པའི་ཉི་མ་ནམ་ཞིག་ཡིན་ནམ་བསམ་གྱི་འདུག

འོས་འཕེན་པ་ཞིག་ལ་སྲིད་སྐྱོང་གི་འོས་མི་སུ་བདམས་མིན་དྲིས་བར། ངས་སྲིད་སྐྱོང་འོས་མིར་སྤེན་པ་ཚེ་རིང་བླུགས་པ་ཡིན། བློ་བཟང་སེང་གེ་ལས་སྤེན་པ་ཚེ་རིང་བླུགས་པའི་དོན་ཚན་གསུམ་མཐོང་གི་འདུག དོན་ཚན་གསུམ་དེ་ག་རེ་ཡིན་ཞེ་ན། དང་པོ་༧གོང་ས་མཆོག་གི་བཀའ་གསུང་ཇི་སྒྲུབ་ཞུ་བ་དང་། གཉིས་པ་རྒྱ་ནག་གི་ཕྱོགས་ནས་བལྟས་ཀྱང་ང་ཚོའི་སྲིད་སྐྱོང་ལ་ལྗིད་ཁོག་ཡོད་མཁན་ཞིག གསུམ་པ་མི་གཤིས་ཀྱི་ཆ་ནས་ཀྱང་སྤེན་པ་ཚེ་རིང་ཀུན་དང་མཐུན་པ་ཞིག་ཡོད་པ་རེད། ཅེས་བརྗོད་སོང་།

དེ་རིང་ཞོགས་པར་གངས་སྐྱིད་ཀྱི་འོས་བསྡུ་མགོ་འཛུགས་གནང་མ་ཐག འོས་འཕེན་པ་གཅིག་གིས་མི་གཞན་ཁ་ཤས་ཀྱི་འོས་ཤོག་སྟེང་ཡི་གེ་འབྲི་རོགས་བྱས་པ་འོས་བསྡུའི་ལས་བྱེད་ཚོས་མཐོང་སྟེ་བཀག་འགོག་བྱས་སྐབས་ཕན་ཚུན་བར་རྩོད་གླེང་ཕྲན་བུ་བྱུང་སོང་ལ། རྒྱ་གར་ལྷོ་ཕྱོགས་འབྲས་སྤུངས་བླ་སྤྱིའི་འོས་བསྡུའི་ས་ཚིགས་སུའང་གྲྭ་བ་ཞིག་གིས་འོས་བསྡུའི་འགེངས་ཤོག་མང་པོ་ཞིག་འཕྲོག་རྩིས་བྱས་སྐབས། འོས་བསྡུའི་ལས་བྱེད་ཅིག་གིས་བཀག་འགོག་བྱས་སྐབས་གྲྭ་བ་དེས་འོས་བསྡུའི་ལས་བྱེད་དེར་ལག་པ་བརྐྱངས་སྟབས། རྒྱ་གར་ཉེན་རྟོག་པས་འདྲི་རྩད་བྱས་སྐབས་བློ་གསལ་གླིང་ནས་ཡིན་པ་ངོ་རྟགས་ཆོད་རྗེས་འཁྲིད་ཡོད་འདུག

ཨེ་ཤ་ཡ་རང་དབང་འོས་བསྡུའི་འབྲེལ་མཐུད་ཁང་གི་ཉམས་ཞིབ་པ་རན་ཝེ་ལན་ལགས་ཀྱིས་བཙན་བྱོལ་བོད་མིའི་འོས་བསྡུའི་མཐོང་སྣང་སྐོར་ལ། བོད་མི་མང་པོ་ད་ནང་ཞོགས་པ་སྔ་བོ་ནས་འདིར་འཛོམས་ཏེ་འོས་ལྡུག་རྒྱུར་དོ་སྣང་ཆེན་པོ་གནང་གི་ཡོད་པ་དེར་ང་རང་ཧ་ཅང་དགའ་བོ་བྱུང་སོང་། སྤྱིར་བཏང་རྒྱལ་ཁབ་སོ་སོའི་འོས་བསྡུའི་སྒྲིག་སྲོལ་དང་འགན་བབ་གཅིག་པ་མིན་སྟབས། ང་ལ་མཐོང་སྣང་གསར་བ་ཁག་ཅིག་ཀྱང་བྱུང་སོང་། དེ་དག་ཐད་ང་ཚོས་མུ་མཐུད་འཚོལ་ཞིབ་དང་རྒྱུས་ལོན་བྱེད་རྒྱུ་ཡིན། ཞེས་བརྗོད་སོང་། ཨེ་ཤ་ཡ་དམངས་གཙོ་འབྲེལ་མཐུད་ཁང་གི་སྐུ་ཚབ་ཊོར་ཨོ་ཌི་ལགས་ཀྱིས། ང་ཚོའི་སོག་ཡུལ་ལ་མཚོན་ན། སྔོན་ཆད་དམར་ཤོག་རིང་ལུགས་འོག་ནས་དམངས་གཙོ་མ་ཐོབ་པར་ལོ་ ༢༥ ཕྱིན་ཡོད་ལ། ལོ་ངོ་དེ་དག་རིང་ང་ཚོས་ཀྱང་དམངས་གཙོའི་ལམ་ལུགས་ལག་ལེན་བསྟར་བར་འབད་བརྩོན་བྱས་ཀྱང་། བོད་མིའི་འོས་བསྡུའི་ནང་སྲིད་སྐྱོང་དང་སྤྱི་འཐུས་འོས་འདེམ་བྱེད་སྟངས་ཐོག་བལྟས་ཡོང་ན། ང་ཚོའི་སོག་ཡུལ་གྱིས་བསླབ་བྱ་ལེན་དགོས་པ་མང་པོ་འདུག ཅེས་བརྗོད་སོང་།

གསར་འགོད་པ། འཇིགས་མེད་རྒྱ་མཚོ།

འབྲེལ་ཡོད་གསར་འགྱུར།

ཟི་ལིང་གྲོང་ཁྱེར་དུ་མཚོ་སྔོན་ཞིང་ཆེན་རྒྱལ་ཕྱིའི་བོད་རིགས་སྤུན་ཟླའི་སྣེ་ལེན་ས་ཚིགས་ཟེར་བ་ཞིག་གསར་འཛུགས་བྱས་འདུག དྲ་ལམ་གྱི་པར།
Mobile App

ཟི་ལིང་གྲོང་ཁྱེར་དུ་རྒྱལ་ཕྱིའི་བོད་རིགས་སྤུན་ཟླའི་སྣེ་ལེན་ས་ཚིགས་ཟེར་བ་ཞིག་གསར་འཛུགས་བྱས་འདུག 

ཆུ་ཚོད་ ༡༦ སྔོན་ལ།
Mobile App

དྷ་རམ་ས་ལ་ནས་སྐྱེ་འཚར་བྱུང་བའི་བོད་པའི་བུ་མོ་ཞིག་འཛམ་གླིང་གི་ཤུགས་རྐྱེན་ཆེས་ཆེ་བའི་མི་སྣ་བརྒྱའི་ཁོངས་སུ་བདམས་དོན་ཅི་ཡིན་ནམ།

ཆུ་ཚོད་ ༡༧ སྔོན་ལ།
པར་དུས་བབ་གསར་ཁང་གིས་བསྒྲིགས།
Mobile App

དབྱིན་ཇིའི་རྩོམ་པ་པོ་ཨེམ་ཇོན་ཧེ་རི་སོན་ལ་ཕྱི་ལོ་ ༢༠༢༦ ལོའི་བྷུ་ཁུར་རྩོམ་རིག་གཟེངས་རྟགས་ཐོབ།

ཆུ་ཚོད་ ༢༢ སྔོན་ལ།
ཏཱ་ལའི་བླ་མ་མཐོ་རིམ་སློབ་གཉེར་ཁང་དུ་སེའེ་ཊབ་ཀེ་སར་ལོ་འཁོར་བོད་རིག་པའི་ཚོགས་འདུ་ཞིག་འཚོག་མུས་ཡིན་འདུག པར་འབྲེལ་ཡོད་ཀྱིས་མཁོ་སྤྲོད་གནང་། ༢༠༢༦།༡༡།༩
Mobile App

དུས་རབས་ ༡༣ ནས་ ༡༤ བར་གྱི་བོད་ཀྱི་ཆོས་སྲིད་རིག་གནས་ཀྱི་ཚོགས་འདུ་ཞིག་དབུ་བཙུགས།

༢༠༢༦/༡༡/༠༩
(L-R) Dylan Douglas, Michael Douglas and Carys Zeta Douglas attend the Tibet House US Art of Freedom Gala 2026 in New York City. (Photo by Noam Galai/Getty Images for Tibet House US) (Getty Images for Tibet House US)
Mobile App

ཨ་རིའི་བོད་ཁང་གི་ཕྱི་ལོ་ ༢༠༢༦ ལོའི་རང་དབང་གི་སྒྱུ་རྩལ་གཟེངས་རྟགས་དེ་གློག་བརྙན་འཁྲབ་སྟོན་པ་ཞིག་ལ་ཕུལ།

༢༠༢༦/༡༡/༠༩
པར་དྲ་ལམ་ནས་བླངས།
Mobile App

བོད་ཀྱི་འབྲོག་ཁུལ་གྱི་སློབ་ཕྲུག་སྟོང་ཕྲག་མང་པོ་གྲོང་ཁྱེར་གྱི་བཅའ་སྡོད་སློབ་གྲྭར་སྤོས།

༢༠༢༦/༡༡/༠༧

མཆན། 3

  1. ཡོ་བསྲང་། says:
    ལོ་ 11 སྔོན།

    ང་འདིར་ཞུགས་ཐོག་མ་ཡིན།
    གསར་འགྱུར་དུས་ལྟར་ཡི་རང་དང་། རྗེས་སུ་ཡངའདི་ལྟར་གནང་བར་ཞུ།

    Reply
  2. དཔལ་དོན། says:
    ལོ་ 11 སྔོན།

    ༧གོང་ས་མཆོག་གིས་སྲིད་དབང་རྩིས་སྤྲོད་ཆ་ཚང་གནང་བའི་རྗེས་ཀྱི་འོས་བསྡུ་ཐེངས་དང་པོ་རེད།

    Reply
  3. བཀྲ་ཤིས། says:
    ལོ་ 11 སྔོན།

    འདིའི་རིགས་འདི་ལ་རྩད་ཞིབ་ཡག་པོ་གཏོང་ཐུབ་ན་བཟང་། འདི་དག་གི་རྒྱབ་ལོག་ཆབ་པ་ཁྲབ་ཏོ་འགའ་རེའང་ཡོད་པར་ཐེ་ཚོམ་མེད་དོ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese