༄༅། །ལྷག་བསམ་ལྡན་པའི་རྒྱ་ཆེ་མི་མང་ཡོངས་ལ་ཞུ་གསོལ།
འདི་ལོར་བོད་མིའི་ནུས་གསོ་བསྟི་གནས་ཁང་ནས་བཙན་བྱོལ་སྤྱི་ཚོགས་ནང་དབང་པོ་ནུས་མེད་གྲངས་ ༢༠ ཙམ་ལ་ལོ་ ༣ རིང་འཚོ་དོད་རོགས་རམ་ནང་རྒྱུ་ཡིན་ན། འདིར་ཞུགས་བློ་ཡོད་རིགས་རྣམས་ཀྱིས་ ༢༠༡༥ ཟླ་ ༡༢ ཚེས་ ༣༠ ཉིན་རྒྱབ་ཆུ་ཚོད་ ༤ ལས་འགྱངས་མེད་ཚོགས་པའི་ལས་གཞི་ཁ་བྱང་ཐོག་སྙན་ཞུ་བྱ་དགོས་རྒྱུ་དང་། དེ་ལས་ཕྱི་ན་རྩིས་མེད་གཏང་རྒྱུ། སྙན་ཞུ་འབྱོར་རིགས་ནང་ནས་གསར་ཞུགས་ཀྱི་ཆ་རྐྱེན་ཚང་རིགས་རྣམས་ ༢༠༡༦ ཟླ་ ༡ ཚེས་ ༡༥ ཉིན་གསར་འདེམས་བྱ་རྒྱུ་ཡིན་པས། གཤམ་གསལ་རྣམས་ལ་ཐུགས་དོགས་འབྱུང་ཚེ་འོག་ཏུ་འཁོད་པའི་ཁ་བྱང་དང་ཁ་པར་ཐོག་ལ་འབྲེལ་བ་གནང་རོགས། བོད་མིའི་ནུས་གསོ་བསྟི་གནས་ཁང་ཕྱི་ལོ་ ༢༠༠༩ ནས་བཟུང་སྤྱི་ཚོགས་ཞབས་ཞུར་དམིགས་དོན་ལྷག་པར་བོད་རིགས་དབང་པོ་ནུས་མེད་རྣམས་ལ་རོགས་སྐྱོར་སྤྲོད་བཞིན་ཡོད།
ཆ་རྐྱེན།
༡། དོ་བདག་རང་ལོ་ ༥ ཡན་དང་ ༥༠ མན་བར་ཡིན་པའི་ཁུངས་སྐྱེལ་དུ་སྐྱེས་ཚེས་ལག་འཁྱེར།
༢། ཚད་ལྡན་སྨན་པའི་ངོས་སྦྱོར་ཡི་གེ་ཞིག་དགོས། སྨན་ཁང་བརྟག་དཔྱད་སྙན་ཐོ་ཡིག་ཆ་ཡང་དགོས།
༣། ནང་མིའི་ལོ་འཁོར་ཡོང་བབ་ཐད་གཞིས་འགོ་བཅས་ཀྱི་ངོས་སྦྱོར།
༤། རྒྱ་གར་ནང་གནས་སྡོད་ཆོག་པའི་ལག་འཁྱེར་ (RC) ཡང་ནང་རང་བཙན་ལག་དེབ་ཤོག་ངོས་དང་པོ་དང་མཐའ་མའི་ངོ་བཤུས།
༥། ནང་པའི་གནས་སྟངས་ལོ་རྒྱུས་སྙིང་བསྡུས་དང་འདྲ་པར་གྲངས་ ༢ (Full Size)
གསར་ཞུགས་ཆ་རྐྱེན་ཚང་རིགས་རྣམས་ལ་ལན་འབུལ་བའི་ཆེད་དུ་སྙན་ཞུ་བ་རང་གིས་ཁ་བྱང་དང་ཞལ་པར་ཨང་གྲངས་གང་རུང་འཁོད་དགོས་རྒྱུ།
འབྲེལ་གཏུགས་གནང་ཡུལ་ཁ་བྱང་།
TAC Project
C/o Dr. Jigme, Tibetan Physiotherapy clinic,
Ground Floor-Gadhong monastery, Near Delek hospital,
Gang kyi, Dharamsala, District Kangra-176215 HP, India
Email:tibetanabilitycenter@gmail.com
