མོན་གྷོ་ཌི་ས་གནས་གཞིས་ཆགས་ཀྱི་གྲོང་སྡེ་དང་པོའི་བརྒྱ་དཔོན་ཡེ་ཤེས་འབྱུང་གནས་ལགས་ཀྱིས་རང་ཤི་བརྒྱབ་ཡོད་འདུག
ཟླ་འདིའི་ཕྱི་ཚེས་ ༡༣ ཉིན་གྱི་སྔ་དྲོའི་ཆུ་ཚོད་ ༩ ནས་ ༡༠ བར་ཙམ་ལ། མོན་གྷོ་ཌི་ས་གནས་གཞིས་ཆགས་ཀྱི་གྲོང་སྡེ་དང་པོའི་བརྒྱ་དཔོན་ཡེ་ཤེས་འབྱུང་གནས་ལགས་ཀྱིས་སྐེ་བཏགས་ཏེ་རང་ཤི་བརྒྱབ་ཡོད་འདུག
ད་ལྟའི་ཆར་ཁོང་གིས་རང་ཤི་རྒྱག་དགོས་པའི་རྒྱུ་རྐྱེན་གསལ་པོ་ཤེས་རྟོགས་ཐུབ་ཀྱི་མེད་ཀྱང་། སྤྱི་ཚོགས་གནས་འཕྲིན་ཁག་ཏུ་འདས་ལོའི་སྲིད་སྐྱོང་དང་སྤྱི་འཐུས་ཀྱི་སྔོན་འགྲོའི་འོས་བསྡུ་དང་འབྲེལ་བ་ཡོད་སྐོར་རྗོད་ཀྱི་འདུག ཕྱི་ལོ་ ༢༠༡༥ ཟླ་ ༡༠ ཚེས་ ༡༨ ཉིན་མོན་གྷོ་ཌི་ས་གནས་སུ་སྔོན་འགྲོའི་འོས་བསྡུ་གནང་སྐབས། ཡེ་ཤེས་འབྱུང་གནས་ལགས་ས་ཁུལ་འོས་བསྡུའི་འགན་འཛིན་ཡིན་པ་དང་། སྐབས་དེར་འོས་བླུག་མཁན་གྲྭ་བ་ཞིག་དང་རྙོག་གླེང་བྱུང་སྟེ། ཉེན་རྟོག་པས་གྲྭ་བ་དེ་བཀག་ཉར་བྱས་པ་མ་ཟད། འོས་བསྡུའི་སྒྲིག་གཞི་ལྟར་འོས་བླུགས་ཏུ་བཅུག་མེད་པ་རེད།
འདི་གའི་གསར་འགོད་པས་ས་གནས་མགོ་འཛིན་ལས་ཁུངས་སུ་ཁ་པར་བཏང་ཡང་ཁ་པར་ལེན་མཁན་མི་འདུག་ཀྱང་། ས་གནས་བོད་མི་ཞིག་གིས་ད་ལྟའི་ཆར་ཉེན་རྟོག་པས་ཡེ་ཤེས་འབྱུང་གནས་ལགས་ཀྱི་ཤི་རྐྱེན་ལ་ཞིབ་འཇུག་བྱེད་བཞིན་པའི་སྒང་རེད་ལ། ཁོང་གིས་རང་ཤི་རྒྱག་སྐབས་ཡི་གེ་ཞིག་བཞག་ཡོད་པ་དང་། དེའི་ནང་ས་གནས་སུ་སྔོན་འགྲོའི་འོས་བསྡུ་གནང་སྐབས་གྲྭ་བ་ཞིག་དང་རྙོག་གླེང་བྱུང་སྐབས་ཁོང་ལ་དྲང་པོའི་རྒྱབ་སྐྱོར་གནང་མེད་སྐོར་བྲིས་འདུག་ཟེར། ཡིན་ནའང་། ཡི་གེ་དེ་ཉེན་རྟོག་པས་ཞིབ་འཇུག་བྱེད་པར་ཁྱེར་ཡོད་པས་ནང་དོན་ཞིབ་ཕྲ་ག་རེ་བྲིས་ཡོད་མེད་གསལ་པོ་ཤེས་མ་སོང་། ཞེས་བརྗོད་བྱུང་།
གསར་འགོད་པ། པདྨ་མཚོ།
བཙན་བྱོལ་གྱི་འོས་བསྡུ་ཆུང་ཆུང་འདིས་དོན་དུ་མི་སྲོག་འགྲོ་དགོས་པའི་རྒྱུ་མཚན་གང་ཡིན་ནམ། འདིར་དབུས་བོད་མིའི་སྒྲིག་འཛུགས་བདེ་སྲུང་ལུས་ཁུངས་དང་། ད་ལྟའི་བཀའ་ཤག་གིས་ཞིབ་འཇུག་ལེགས་པོ་བྱེད་དགོས་སོ།
བོད་ནང་རྒྱ་མིས་བོད་མི་གསོད་གིན་ཡོད་པ་དེ། ཆབ་སྲིད་ཀྱི་འགལ་ཟླ་ཆེན་པོ་ཞིག་རེད། འོན་ཀྱང་། བཙན་བྱོལ་ནང་ཅིའི་ཕྱིར་བོད་པ་ཚོས་ནང་ཁུལ་གསོད་རེ་དང་། མི་སྲོག་གཅིག་རྗེས་གཉིས་མཐུད་དུ་འགྲོ་དགོས་པ་རེད།
བཙན་བྱོལ་ནང་དོན་མེད་དུ་མི་སྲོག་ཤོར་ཉུང་མེད་ན་མང་མེད། འགོ་ཁྲིད་ཚོས་འགན་ལེགས་པོ་འཁུར་དགོས་སོ།
ཨ་ཁ་ཁ་བློ་ཕམ་བྱུང་།
ཨ་ཁ། ཡ་མཚན་ཆེ། གནད་དོན་འདིར་རང་གཞུང་བདེ་སྲུང་དང་བོད་རིགས་མི་དམངས་ཚང་མས་དྲང་ཕྱོགས་ནས་ཐག་གཅོད་ཅིག་ཡོང་བར་འབད་བརྩོན་མ་བྱས་ཚེ། ནམ་ཞིག་བོད་མིའི་སྒྲིག་འཛུགས་འདིའང་རུལ་སུངས་དང་། སྒེར་གཅོད་ལམ་ལུགས་ཤིག་ཏུ་འགྱུར་རྒྱུ་ཡིན་པའི་སྔ་ལྟས་ད་ལྟ་བྱུང་ཟིན་པ་འདི་རེད།
འདི་དྲང་པོ་མ་བྱས་པ་རྩ་ནས་མ་རེད་བསམ། གང་ཡིན་ཟེར་ན་གཞིས་འགོ་དང་བརྒྱ་དགུ་གྲྭ་ཚང་ཁག་གིས་ཕྱག་མཛོད་རྣམས་པ་བཅས་སྤྱི་མོས་ཐོགས་ནས་ཐག་བཅད་ཟིན་པའི་དོ་བདག་ཁོ་རང་གིས་ཀྱང་མོས་ཐུན་ཡོད་པའི་མཚན་རྟགས་འགོད་ཡོད། ཤི་ཡ་འདི་གཙོ་བོ་ཁོ་རང་རང་འདོད་ཆེ་དྲག་པའི་རྐྱེན་ཡིན་སྲིད། གནམ་འོག་འདི་ལ་ཁོ་རང་ལས་ལྷག་ཅིག་བྱུང་ན་ནད་མ་གཅོག་ནས་མཐར་རང་ཤི་རྒྱག་པ་དེ་རེད།
གང་ལྟར་འཆི་རྐྱེན་གསེད་དཀྲོལ་ཐུབ་པའི་རེ་བ་ཡོད།