ཕྱི་ལོ་ ༢༠༡༥ ལོར་བོད་ནས་སྣེ་ལེན་ཁང་དུ་ཁྱོན་མི་གྲངས་ ༨༧ ཙམ་འབྱོར་ཡོད་ཅིང་། མང་ཆེ་བ་མདོ་སྟོད་སྨད་གཉིས་ནས་ཡིན་འདུག དབུས་སྣེ་ལེན་ཁང་ནས་ལམ་གྲོན་དང་གྱོན་གོས་བླངས་ཏེ་ཕྱིར་བོད་དུ་ལོག་རྒྱུ་ཡིན་ཟེར་མཁན་ ༡༣ བྱུང་ཡོད་འདུག
འདི་གའི་གསར་འགོད་པས་དྷ་རམ་ས་ལའི་དབུས་སྣེ་ལེན་ཁང་ལ་རྒྱུས་ལོན་བྱས་པ་ལྟར་ན། ༢༠༡༥ ལོར་བོད་ནས་བལ་ཡུལ་སྣེ་ལེན་འབྲེལ་མཐུད་ཁང་བརྒྱུད་རྒྱ་གར་ནང་སྐྱབས་བཅོལ་དུ་ཡོང་མཁན་ ༨༧ ཙམ་འབྱོར་ཡོད་པ་དང་། དེའི་ནང་ནས་དགོན་སྡེ་ཁག་ཏུ་འགྲོ་མཁན་གྲྭ་བཙུན་ ༣༨ དང་། སློབ་གྲྭ་ཁག་ཏུ་འགྲོ་མཁན་ ༢༨། དྷ་ས་སོགས་སུ་རང་དགར་སྡོད་མཁན་ ༦ ཙམ་བྱུང་ཡོད་འདུག
སྣེ་ལེན་ཁང་གི་མཐུན་འགྱུར་འོག་བོད་ནས་ཡོང་མཁན་ཚང་མར་སྨན་ཁང་ནས་ཁྲག་དང་གཅིན་པ་སོགས་གཟུགས་པོ་ཡོངས་སུ་བརྟག་དཔྱད་གནང་བཞིན་ཡོད་པ་ལྟར། ཕྱི་ལོ་ ༢༠༡༤ ལོར་མཆིན་པའི་གཉན་ཚད་ཅན་གྱི་ནད་པ་ ༡༥ བྱུང་ཡོད་ཀྱང་ ༢༠༡༥ ལོར་ན་ཚ་ཚབས་ཆེན་དེ་རིགས་ཡོད་མཁན་གཅིག་ཀྱང་བྱུང་མི་འདུག
དབུས་སྣེ་ལེན་ཁང་གི་འབྱོར་ཐོའི་རོབ་རྩིས་ལྟར་ན། ༢༠༡༠ ལོར་བོད་ནས་སེར་སྐྱ་ཁྱོན་ ༧༧༠ བསླེབས་ཡོད་པ་དང་། ༢༠༡༡ ལོར་ ༧༥༣། ༢༠༡༢ ལོར་ ༧༥༦། ༢༠༡༣ ལོར་ ༡༥༠། ༢༠༡༤ ལོར་ ༡༢༠ སྐྱབས་བཅོལ་དུ་འབྱོར་ཡོད་འདུག
༢༠༠༣ ལོའི་ཚུན་དུ་བོད་ནས་ཡོང་མཁན་མང་ཤོས་དེ་ ༢༠༠༥ ལོ་ཆགས་ཡོད་པ་དང་། ལོ་དེར་བོད་མི་ ༣༡༢༩ ཙམ་བལ་ཡུལ་སྣེ་ལེན་འབྲེལ་མཐུད་ཁང་བརྒྱུད་རྒྱ་གར་ནང་འབྱོར་ཡོད་འདུག
གསར་འགོད་པ། པདྨ་མཚོ།
ལོ་རེ་ནས་ལོ་རེར་སྐྱབས་བཅོལ་དུ་ཡོང་མཁན་ཇེ་ཉུང་ནས་ཇེ་ཉུང་རེད། ཁ་སང་དེ་རིང་ཕྱི་རྒྱལ་དང་བོད་ནང་དུ་ལོག་མཁན་ཇེ་མང་དུ་འགྲོ་བཞིན་འདུག
ངོ་མ་བློ་འཚབ་སྐྱེས་ནི་ཞིག་རེད།
འདས་ལོར་བོད་ནས་རྒྱ་གར་དུ་ཡོང་མཁན་ ༨༧ བྱུང་འདུག
དབུས་སྣེ་ལེན་ཁང་གི་འབྱོར་ཐོའི་རོབ་རྩིས་ལྟར་ན། ༢༠༡༠ ལོར་བོད་ནས་སེར་སྐྱ་ཁྱོན་ ༧༧༠ བསླེབས་ཡོད་པ་དང་། ༢༠༡༡ ལོར་ ༧༥༣། ༢༠༡༢ ལོར་ ༧༥༦། ༢༠༡༣ ལོར་ ༡༥༠། ༢༠༡༤ ལོར་ ༡༢༠ ། ༢༠༡༥ ལོར་ ༡༢༠ བཅས་རྒྱ་གར་ལ་སྐྱབས་བཅོལ་དུ་འབྱོར་ཡོད་འདུག
༨༧ ༡༢༠ གྲངས་འདི་གཉིས་
ཉིས་སྟོང་༡༥ ལོར་རྒྱ་གར་ནས་བོད་དུ་ལོག་འགྲོ་མཁན་༨༠༠ ལྷག་གི་མིང་ཐོ་ཉིན་འགའི་སྔོན་དུ་ལྡི་ལི་རྒྱ་ནག་གཞུང་ཚབ་ཁང་གི་སྒོར་སྦྱར་འདུག་ཟེར། ད་དུང་མི་གྲངས་དེ་ལས་མང་པའི་མིང་གཞུང་ཟླ་འདིའི་ཟླ་མཇུག་ལ་ཐོན་གི་རེད་ཟེར། ད་གཟིགས་དང་། ཡར་ཡོང་མཁན་ནས་མར་ལོག་འགྲོ་མཁན་མང་པོ་འདུག མ་འོངས་པའི་ལོ་བཅུའི་ནང་ལ་རྒྱ་བལ་འབྲུག་གསུམ་ནང་གི་བོ་མི་བཙན་བྱོལ་བའི་གྲངས་ཀ་དེ་གང་འདྲ་ཞིག་མར་ཆགས་ས་རེད།
བཙན་བྱོལ་སྒྲིགས་འཛུགས་ཀྱི་སྲིད་སྐྱོང་ནས། སྲིད་སྐྱོང་མ་བཞེངས་གོང་གསར་འབྱོར་བ་འགྲོ་ས་བསྡོད་ས་མེད་མཁན་ཚོའི་དཀའ་ངལ་བསེལ་རྒྱུ་ལས་དོན་གལ་ཆེ་ཞིག་ལ་གསུངས་ཡོད་ན་ཡང་། གསར་འབྱོར་བའི་གནས་བབས་སྔར་བཞིན་རེད་ལ། ཁོང་ཚོའི་དཀའ་སྡུག་ལ་གདོང་ལེན་གང་ཡང་མ་བྱས་སྟབས་གསར་འབྱོར་བ་ཚོ་ལྟོ་གོས་དང་། བསྡོད་གནས་སོགས་གང་སྤ༷ྱིའི་ཐད་དཀའ་ངལ་ཆེན་པོ་ཡོད་དང་འུ་ཐུག་ནས་རང་ཡུལ་ལོག་འགྲོ་ཡི་ཡོད་པ་རེད། ད་དེ་ཚོའི་ཐད་གཞུང་ཞབས་པས་ཐུགས་སྣང་ཞིག་གནང་ན་ངོ་མ་ཡག་གི