དེ་རིང་ཞོགས་པར་འདི་གར་གནས་ཚུལ་འབྱོལ་གསལ་ལྟར་ན། ཟླ་འདིའི་ཕྱིའི་ ༦ ཉིན་བོད་ཀྱི་ཆབ་སྲིད་བཙོན་ཟུར་བསྟན་འཛིན་ལགས་ཕ་ཡུལ་ལྷ་ས་ནས་དགོངས་པ་རྫོགས་ཡོད་འདུག
བོད་ཀྱི་ཆབ་སྲིད་བཙོན་ཟུར་བསྟན་འཛིན་ལགས་ནི་ད་ལྟ་དགུང་ལོ་ ༧༩ ལ་ཕེབས་ཡོད་པ་དང་། ཁོང་གི་ཕ་ཡུལ་རྒྱལ་ས་ལྷ་ས་ནས་ཡིན་ཞིང་། ཁོང་སྔ་རྗེས་སུ་ཐེངས་གཉིས་ལ་འཛིན་བཟུང་བཙོན་འཇུག་བྱས་ཡོད་པ་དང་། གཙོན་ཁང་དུ་ཁོང་ལ་སྡུག་སྦྱོང་མནར་གཅོད་ཚད་མེད་བཏང་བའི་རྐྱེན་པས་ཁོང་སྤྱན་ལོང་བར་གྱུར་ཡོད་པ་དང་། ཁོང་གི་སྐུ་གཟུགས་གཞིའི་གནས་སྟངས་ཀྱང་ཧ་ཅང་སྐྱོ་བོར་ཆགས་ཏེ་བཙོན་ཁང་ནས་སྔ་སྣུར་གྱིས་གནས་སྐབས་རིང་ཀློད་གྲོལ་བཏང་ཡོད་པ་ཞིག་ཡིན་པ་ཙམ་ལས། ཁོང་ག་དུས་འཛིན་བཟུང་བྱས་པ་དང་བཙོན་ནས་དུས་ཡུན་ཅི་ཙམ་བཞུགས་པ། རྒྱུ་རྐྱེན་ཅིའི་ཕྱིར་འཛིན་བཟུང་བྱས་པ་སོགས་ཀྱི་ཞིབ་ཕྲའི་གནས་ཚུལ་མི་འདུག
གསར་འགོད་པ། པདྨ་རྒྱལ།
