རིགས་གསར་ཚོང་ལས་དོན་གཉེར་ཅན་ལ་མཐུན་འགྱུར་རམ་འདེགས་ཀྱི་གསལ་བསྒྲགས།

༄༅། ། བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་བོད་མིའི་ཡར་ཐོན་ཚོང་ལས་རམ་འདེམས་ལས་གཞི་ Tibetan Entreprenurship Development (TED) N Initiative དངོས་སུ་འགོ་བཙུགས་ཏེ་ད་ཆ་ལོ་གཅིག་ལྷག་སོང་ཡོད་པ་དང་། ལས་གཞི་འདིས་བོད་མིའི་སྤྱི་ཚོགས་ནང་དེང་དུས་ཀྱི་དགོས་མཁོ་དང་འཚམས་པའི་ཡར་ཐོན་ཚོང་ལས་པ་ (Entrepreneur) ཇེ་མང་སྐྱེད་སྲིང་ཡོང་ཐབས་གཙོ་བོ་དང་། ཚོང་ལས་པ་དེ་དག་བརྒྱུད་རང་རེའི་སྤྱི་ཚོགས་ནང་ལས་རིགས་ཀྱི་གོ་སྐབས་མང་དུ་འགྲོ་ཐབས་དང་རིམ་པས་བཙན་བྱོལ་བོད་མིའི་མང་ཚོགས་ཀྱི་དཔལ་འབྱོར་གནས་བབ་ཡར་རྒྱས་སྲ་བརྟན་ཡོང་རྒྱུར་དམིགས་པ་ཞིག་ཡིན།

 
ལས་རིམ་འདིའི་འོག་སྔ་ལོ་བོད་མིའི་སྤྱི་ཚོགས་ནང་ཡར་ཐོན་ཚོང་ལས་དང་། ཐོན་བསྐྱེད་བཟོ་བསྐྲུན་པ་སྐྱེད་སྲིད་ཡོང་ཐབས་སུ་རིག་གསར་ཚོང་ལས་ཀྱི་བསམ་བློ་ (Innovative Business Idea) ཅན་གཞོན་སྐྱེས་གྲངས་བདུན་གསལ་བསྒྲགས་ཀྱི་ལམ་ནས་དྲག་འདེམས་བྱུང་བ་རྣམས་ལ་རྒྱལ་ས་ལྡི་ལིར་ཚོང་ལས་གཉེར་ཕྱོགས་དང་འབྲེལ་བའི་སྔོན་འགྲོའི་ཟབ་སྦྱོང་(Pre-incubation Support) དང་དེ་རྗེས་རྩ་འཛུགས་མ་དངུལ་གྱི་མཐུན་རྐྱེན་སྦྱོར་སྤྲོད་ཐུབ་པ་བྱུར་ཡོད། ད་ལྟའི་ཆར་ཁོང་རྣམས་རང་རང་གི་ཚོང་ལས་ཐོག་ལས་དོན་གང་ལེགས་སྤེལ་བཞིན་ཡོད།

 
འདི་ལོ་ཡང་རང་རེའི་སྤྱི་ཚོགས་ནང་རིག་གསར་ཡར་ཐོན་ཚོང་ལས་པ་གང་འཚམས་ཤིག་ལ་སྔ་ལོ་བཞིན་མཐུན་རྐྱེན་གཤམ་གསལ་ལྟར་སྦྱར་རྒྱུ་ཡིན།

 
༡༽ སྔོན་འགྲོའི་སྐྱེད་སྲིང་སྦྱོར་བརྡར། (Pre-Incubation Training)
༢༽ ཚོང་ལས་འཆར་གཞི་བཟོ་འགོད་ཀྱི་རམ་འདེགས། (Business Plan Development Support)
༣༽ ཚོང་ལས་དངོས་སུ་གཉེར་ཕྱོགས་ཀྱི་ལམ་སྟོན་མཐུན་འགྱུར། (Mentorship Support)
༤༽ ཚོང་ལས་དེབ་སྐྱེལ་གྱི་རམ་འདེགས། (Business Registration Support)
༥༽ ཚོང་ལས་འགོ་འཛུགས་ཀྱི་མ་དངུལ་མཐུན་འགྱུར། (Start-up Funding)

 
རིག་གསར་གྱི་ཡར་ཐོན་ཚོང་ལས་པ་སུ་མཆིས་ནས་གོང་གསལ་མཐུན་རྐྱེན་གང་རུང་ངམ་ཆ་ཚང་ཇི་འོས་ཞུ་བློ་ཡོད་ཚེ་འཚང་སྙན་འགེངས་ཤོག་ཨིན་ཡིག་ཐོག་ཡོད་པ་འབྲེལ་ཡོད་ས་གནས་འགོ་འཛིན་ལས་ཁུངས་ནས་དང་ཡང་ན་དྲ་རྒྱ་ནས་ཕབ་ལེན་བྱ་འཐུས། ཆ་རྐྱེན་དང་འཚང་སྙན་འབུལ་ཕྱོགས་སོགས་ཀྱི་ཞིབ་གནས་ལས་གཞི་འདིའི་དྲ་རྒྱར་གཟིགས་རྒྱུ་ཡོད་པར་ཐུབ་ཞིབ་ཡོང་བ། དྲ་རྒྱུའི་ཁ་སྦྱང་ www.tibetanentrepreneurs.org ཡིན། ཆ་རྐྱེན་གཏན་འབེབས་ལྟར་ཚང་བའི་འཚང་སྙན་ཕྱི་ལོ་ ༢༠༡༦ ཟླ་ ༠༢ ཚེས་ ༡༥ འགྱངས་མེད་དྲ་ལམ་བརྒྱུད་དམ་ཡང་ན་གཤམ་གསལ་ཁ་བྱང་ཐོག་ཕུལ་འབྱོར་ཟིན་པ་དགོས་རྒྱུ་བཅས་ཀྱི་གསལ་བསྒྲགས་སུ།

 
དཔལ་འབྱོར་ལས་ཁུངས་ནས་ ༢༠༡༦ ཟླ་ ༠༢ ཚེས་ ༠༡ ལ།།

 
Secretary
Department of Finance
Central Tibetan Administration
Gangchen Kyishong, Dharamsala, 176215
Himachal Pradesh-INDIA
Email: ted@tibet.net | Phone no: +91-1892-223738/222487