ཕྱི་ཚེས་ ༢༩ ཉིན་གྱི་ཕྱི་དྲོར་དཀར་མཛེས་ཁུལ་ཉག་རོང་རྫོང་མཚོ་ཁ་ཨརྱ་གླིང་དགོན་པའི་དགེ་འདུན་པ་སྐལ་བཟང་དབང་འདུས་ལགས་ཀྱིས་སྐུ་ལུས་མེར་བསྲེགས་གནང་སྟེ་སྐུ་གྲོངས་ཡོད་འདུག
འབྲེལ་ཡོད་ཅིག་གིས་ཁུངས་ལྡན་གནས་ཚུལ་མཁོ་སྤྲོད་གནང་བ་ལྟར་ན། ཕྱི་ཟླ་གཉིས་པའི་ཚེས་ ༢༩ ཉིན་གྱི་བོད་ནང་གི་ཕྱི་དྲོའི་ཆུ་ཚོད་ ༤ སྟེང་། དཀར་མཛེས་ཁུལ་ཉག་རོང་རྫོང་མཚོ་ཁ་ཨརྱ་གླིང་དགོན་པའི་ (Retsokha Aryaling Monastery) གྲྭ་སྐལ་བཟང་དབང་འདུས་ཞུ་བ་ཞིག་གིས། བོད་ལ་རང་དབང་རང་བཙན་དགོས་ཞེས་སྐད་འབོད་གནང་བཞིན་རང་ལུས་མེར་བསྲེགས་གནང་ཡོད་པ་དང་། ས་གནས་བོད་མི་ཚོས་མཐོང་མ་ཐག་མེ་བསད་དེ་ཁོང་ཉག་རོང་རྫོང་མི་མང་སྨན་ཁང་དུ་ཁྱེར་ཡོད་ཀྱང་། མྱུར་སྐྱོབ་བྱེད་མ་ཐུབ་པར་ཁྲིན་ཏུའུ་ཡི་སྨན་ཁང་ཞིག་ཏུ་འཁྱེར་སྐབས་ལམ་བར་ནས་སྐུ་གྲོངས་ཡོད་འདུག
གྲྭ་སྐལ་བཟང་དབང་འདུས་ལགས་ནི་དཀར་མཛེས་ཁུལ་ཉག་རོང་རྫོང་མཚོ་ཁ་ཨརྱ་གླིང་དགོན་ནས་ཡིན་ཞིང་། ཁོང་གི་ཨ་ཕའི་མིང་ལ་བསོད་བཀྲ་དང་ཨ་མའི་མིང་ལ་ཨོ་རྒྱན་སྒྲོལ་མ་ཞུ་ཡི་ཡོད་པ་དང་། ད་ལྟ་ཁོང་རང་ལོ་༡༨ ཡིན་འདུག་ལ། བོད་ནང་ནས་རང་ལུས་མེར་སྲེག་གནང་མཁན་༡༤༣ པ་ཡིན་འདུག
གསར་འགོད་པ། པདྨ་རྒྱལ།
ཨོཾམཎིཔདྨེཧཱུཾ ཨོཾམཎིཔདྨེཧཱུཾ ཨོཾམཎིཔདྨེཧཱུཾ ཨོཾམཎིཔདྨེཧཱུཾཨོཾམཎིཔདྨེཧཱུཾ ཨོཾམཎིཔདྨེཧཱུཾ ཨོཾམཎིཔདྨེཧཱུཾ ཨོཾམཎིཔདྨེཧཱུཾ འཇམ་དཔལ་བོས་ཇི་ལྟར་མཁྱེན་པ་དང་། ཀུམ་བཟང་པོ་དེ་ཡང་དེ་བཞིན་ཏེ། དེ་ཀུན་གྱི་རྗེས་བདག་སློབ་ཅིང་། དགེ་བ་འདི་དག་ཐམས་ཅད་རབ་ཏུ་བསྔོ།། ཚང་མས་སྨོན་ལམ་གནང་རོགས། ནང་མི་དང་འབྲེལ་ཡོད་ཡོངས་ལ་ཐུགས་གསོ་ཞུ།།
ཨོཾམཎིཔདྨེཧཱུཾ། པདྨ་གདམ་གྱིས་མི་གོས་ལྟར། །སྲིད་གསུམ་དྲི་མས་མི་གོས་ཤིང་། །སྲིད་པའི་པདྨོ་ལས་འཕྱུང་པའི། །བདེ་བ་ཅན་དུ་སྐྱེ་བར་ཤོག། བདེ་བ་ཅན་གྱི་ཞིང་ཁམས་ན། །སངས་རྒྱས་འོད་དཔག་མེད་པ་བཞུགས། །སྨོན་ལམ་དག་པའི་དྲུང་འཕྱུང་སྟེ།།
དེ་ཡིས་དྲུང་དུ་སྐྱེ་བར་ཤོག། བྱང་ཆུབ་སེམས་མཆོག་རིན་པོ་ཆེ། །མ་བསྐྱེ་པ་རྣམས་བསྐྱེ་གྱུར་ཅིག། །སྐྱེ་བ་ཉམས་པ་མེད་པ་ཡང་། །གོང་ནས་གོང་དུ་འཕེལ་བར་ཤོག། །འཇམ་དཔལ་དཔའ་བོས་ཇི་ལྟར་མཁྱེན་པ་དང་། །ཀུན་ཏུ་བཟང་པོ་དེ་ཡང་དེ་བཞིན་དུ། །དེ་དག་ཀུན་གྱི་རྗེས་སུ་བདག་སློབ་ཅིང་། །དགེ་བ་འདི་དག་ཐམས་ཅད་རབ་ཏུ་སྔོ།།
ཡང་བསྐྱར་མེ་འབར་སོང་། ལོང་ཤོག་་་་་་་་་་་་་་་་་་་་་་་་་་་་་་་་་་་་་ རྒྱལ་དབང་བསྟན་འཛིན་རྒྱ་མཚོ་སྐུ་ཚེ་ཁྲི་ལོར་བརྟན་པར་ཤོག
ཨོཾམཎིཔདྨེཧཱུཾ། ཿཿཿཿཿཿཿཿཿཿ