སྦེལ་ཇམ་གྱི་རྒྱལ་ས་བྷི་རུ་སིལ་གནམ་ཐང་དུ་འགད་རྫས་བཀད་གཏོར་བྱུང་བའི་ཁྲོད་མི་ ༢༣ དམར་གསོད་དང་མི་ ༣༥ རྨས་སྐྱོན་ཚབས་ཆེན་བཟོས་ཡོད་འདུག
དེ་རིང་ཡུ་རོབ་ཀྱི་སྔ་དྲོའི་ཆུ་ཚོད་ ༨ དང་།(རྒྱ་གར་གྱི་ཉིན་གུང་ཆུ་ཚོད་ ༡ ཙམ་ཡིན་འདུག) སྦེལ་ཇམ་གྱི་རྒྱལ་ས་བྷི་རོའུ་སིལ་གནམ་ཐང་ (Brussels Airport) གི་འཛིན་བྱང་ཉོ་སར་སྔ་རྗེས་ཐེངས་གཉིས་ལ་འགད་རྫས་བཀད་གཏོར་བཏང་སྟེ། ད་སྔ་ཤེས་རྟོགས་བྱུང་བར་མི་ ༢༣ དམར་གསོད་དང་མི་ ༣༥ ཙམ་ལ་རྨས་སྐྱོན་ཚབས་ཆེན་བཟོས་ཡོད་འདུག
གནས་ཚུལ་འདིའི་ནང་། ད་ལྟ་བྷི་རུ་སིལ་གནམ་ཐང་དུ་མྱུར་སྐྱོབ་རུ་ཁག་དང་ཉེན་སྲུང་རུ་ཁག་བསླེབས་ནས་མི་མང་པོ་ནད་ཁྲིའི་སྟེང་ནས་སྨན་ཁང་དུ་སྐྱེལ་བཞིན་ཡོད་པ་དང་། འགྲུལ་བ་མང་པོའི་འགྲུལ་སྐྱོད་གནས་སྐབས་རིང་ཕྱིར་འགྱང་བཏང་སྟེ། མི་མང་གནམ་ཐང་གི་ཕྱི་རོལ་དུ་ཉེན་གཡོལ་བྱེད་བཞིན་ཡོད་པ་དང་། གནམ་ཐང་གི་གཡས་གཡོན་དུ་འགལ་རྫས་ཁ་ཤས་རྙེད་སོན་བྱུང་ཡོད་ཅིང་། ཐེངས་འདིའི་འགད་རྫས་བཀད་གཏོར་གྱི་དོན་རྐྱེན་སློང་མཁན་འཇིགས་སྐུལ་དྲག་སྤྱོད་པར་འབྲེལ་བ་ཡོད་མེད་གསལ་བོར་ཤེས་ཐུབ་མེད་ཅིང་། དོན་རྐྱེན་འདི་འདས་ལོའི་ཕྱི་ཟླ་ ༡༡ པའི་ཚེས་ ༡༣ ཉིན་ཧྥ་རན་སིའི་རྒྱལ་ས་ཕ་རི་སིར་འགད་རྫས་གཡུག་མཁན་གཏེ་བོ་ཧ་ཨབ་ཌི་སི་ལམ་ (Salah Abdeslam) ཟེར་བ་ཞིག་ཟླ་འདིའི་ཕྱི་ཚེས་ ༡༩ ཉིན་བྷ་རུ་སིལ་རྒྱལ་ནང་དུ་འཛིན་བཟུང་བྱས་ཏེ། ཉིན་ ༤ བར་བྱུང་བ་ཞིག་ཡིན་འདུག
གསར་འགོད་པ། པདྨ་རྒྱལ།
ཚེ་འདས་དག་གི་ཆེད་དུ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ།