མདང་དགོང་རྒྱ་གར་ལྷོ་ཕྱོགས་འབྲས་སྤུངས་བསམ་བློའི་ཁང་ཚན་གྱི་སོག་པོའི་དགེ་འདུན་པ་རང་ལོ་ ༡༩ ཡིན་པ་ཞིག་གིས་རང་ཤི་བརྒྱབ་ཡོད་འདུག
འདི་གའི་གསར་འགོད་པས་ཁ་པར་བརྒྱུད་མོན་གྷོར་ས་གནས་ལས་དྲུང་འཕྲིན་ལས་རྒྱ་མཚོ་ལགས་སུ་སྐད་ཆ་དྲིས་པ་ལྟར་ན། མདང་དགོང་མཚན་མོའི་ཆུ་ཚོད་ ༡༠ ཡས་མས་ཤིག་ལ། རྒྱ་གར་ལྷོ་ཕྱོགས་འབྲས་སྤུངས་སྒོ་མང་བསམ་བློའི་ཁང་ཚན་གྱི་སོག་པོའི་དགེ་འདུན་པ་(Uran Chineg)ཞུ་བ་ཞིག་གིས་སྐེ་བཏགས་ཏེ་རང་ཤི་བརྒྱབ་ཡོད་པ་དང་། ཁོས་ཁ་ཆེམས་ཡི་གེ་ཞིག་བཞག་ཡོད་ཀྱང་ཉེན་རྟོག་པས་ཁྱེར་ནས་ཕྱིར་སྤྲད་མེད་སྟབས། ད་ལྟའི་ཆར་རང་ཤི་རྒྱག་དགོས་པའི་རྒྱུ་རྐྱེན་ག་རེ་ཡིན་གསལ་པོ་ཤེས་རྟོགས་བྱུང་མེད་ཀྱང་། འབྲེལ་ཡོད་ནས་སློབ་སྦྱོང་གི་གནོན་ཤུགས་འོག་རང་ཤི་བརྒྱབ་པ་ཡིན་སྐོར་དང་། ཁ་ཆེམས་ཡི་གེ་དེའི་ནང་ཁོ་རང་གྲྭ་བ་བྱས་ཏེ་ཆོས་སྒོར་ཞུགས་པའི་བརྒྱུད་རིམ་བཀོད་ཡོད་པ་མ་ཟད། ཁོ་རང་གི་ཕ་ཡུལ་ལ་འབྲེལ་བ་བྱེད་སའི་ཁ་བྱང་སོགས་བཞག་ཡོད་ལུགས་བརྗོད་བྱུང་།
ཕྱི་ལོ་ ༢༠༡༤ ལོར་ཁོ་རྒྱ་གར་དུ་ཡོང་ནས་གྲྭ་བ་བྱས་ཏེ་བསམ་བློའི་ཁང་ཚན་དུ་ཞུགས་ཡོད་པ་དང་། ད་ལྟ་བསྡུས་གྲྭའི་འཛིན་གྲྭར་བསླེབས་ཤིང་རང་ལོ་ ༡༩ ཡིན་འདུག
གསར་འགོད་པ། པདྨ་རྒྱལ།
གྲྭ་བ་ཡིན་རྒྱུ་མ་རེད། གྲྭ་པ་ཡིན་རྒྱུ་རེད།
ཀློག་པ་པོ་ལགས། བསམ་ཚུལ་བཏོན་པ་བཟང་གི། ཡིན་ཡང་ངས་ས་གནས་འགོ་འཛིན་ལས་ཁུངས་དང་སྒོ་མང་གྲྭ་ཚང་གཉིས་ལ་འབྲེལ་གཏུག་ཞུ་རྒྱུ་མ་གཏོགས། སྐུ་ཉིད་ངོ་མི་ཤེས་པས། དགོངས་འགལ་མེད་པ་ཞུ། གནས་ཚུལ་རྫུན་གཏམ་རེད་ཟེར་ན། མོན་གྷོ་ཊི་ས་གནས་འགོ་འཛིན་དང་འབྲས་སྒོ་མང་གྲྭ་ཚང་ལ་འདྲི་རོགས།
གསར་འགོད་པ་ལགས། གསར་འགྱུར་བཤད་ན་གོ་མ་གོའི་བར་ནས་འདྲ་མིན་མ་བཤད་ན་དགའ། ཕུང་པོ་གཉེན་རྟོགས་པའི་འཁྱེར་དགོས་དོན་ཁོ་ཚོ་ཕྱི་རྒྱལ་བ་ཡིན་པའི་རེད། ཁོ་ཚོའི་ནང་མིའི་ཆོག་མཆན་མ་སྤྲད་པར་དུ་ང་ཚོར་ལག་པ་འཆང་བའི་ཐོབ་ཐང་མེད་པ་རེད། ཁོ་རང་སེམས་པ་ཐང་ཐང་མེད་མཁན་ཞིག་ཡིན་འདུག གསར་འགྱུར་ཡང་དག་ཅིག་བཤད་འདོད་ན་ཁོ་དང་འབྲེལ་བའི་མི་ལ་སྐད་ཆ་འདྲི་དགོས་རེད་སྙམ།
ཨེ་བདེན་ན་་་་