རྔ་བ་བློ་བརྟན།
འོས་ཤོག་འཕངས་ཏེ་འོས་བསྡུ་ལས་ཁང་གིས་ཁྱབ་སྒྲོག་མ་བྱས་པར་དུ་སྐད་ཆ་མང་པོ་བྱུང་སོང་། ཁྲི་ཟུར་མཁས་དབང་ཟམ་གདོང་རིན་པོ་ཆེས་ཐེངས་འདིའི་འོས་བསྡུ་ལ་མ་རངས་པའི་སྐད་ཆ་བཤད་སོང་། དེ་བཞིན་གོང་ས་མཆོག་གིས་ཀྱང་ད་ལྟའི་འཛིན་སྐྱོང་གིས་འཐུས་ཤོར་བཏང་བ་མ་ཟད་གཟི་བརྗིད་ཁོག་སྟོང་རེད་ཅེས་བཀའ་ནན་ཕེབས། གཞན་ཡང་གནས་ཆུང་དང་ཚེ་རིང་མའི་སྐུ་རྟེན་གཉིས་ནས་ཐུགས་ཁྲོས་པའི་རྣམ་འགྱུར་དང་བཅས་ལྷ་དགོངས་དྭངས་པའི་དགོངས་སེལ་ཞུ་དགོས་པ་དང་། གོང་ས་མཆོག་གི་སྐུ་ཚེའི་འགན་བཟོད་དཀའ་བའི་གསུང་འབྱོན་སོང་།
འདི་དག་ཚང་མ་ཟློས་གར་འཁྲབ་ཚར་རྗེས་ཀྱི་སྐད་ཆ་རེད། མ་འགྲིག་མ་འཐུས་པ་མཐོང་གི་ཡོད་ན་སྔོན་ནས་ཉེན་བརྡ་གཏོང་དགོས་པ་དེ་ལྷ་མི་སུ་ཡིན་ནའང་འགན་རེད་དེ་དེ་ལྟར་བྱུང་ཡོད་པ་མ་རེད།
ཅི་ཞིག་ཆེད་དུ་དགོངས་སེལ་ཞུས་བཞིན་ཡོད།
ཚོགས་གཙོ་ལགས། ཁྱོད་ཀྱིས་ཅི་ཞིག་གི་ཆེད་དུ་དགོངས་སེལ་ཞུས་ཡོད། གོང་ས་མཆོག་ཡིན་ནའང་རེད། བོད་མི་མང་ཡིན་ནའང་རེད། ནོར་འཁྲུལ་ཅི་ཞིག་བྱས་ཡོད། ངས་ཁྱོད་མི་དྲང་མོ་ཞིག་དང་དངོས་ཡོད་ཁས་ལེན་ཐུབ་ནི་ཞིག ཕྱི་ནང་ཀུན་ལ་གོ་རྟོགས་ཡག་པོ་ཡོད་མཁན་ཞིག་ནས། མགོ་ཁྲིད་དང་འཛིན་སྐྱོང་གི་གཤིས་ཀ་ཡོད་ཅིང་། གོང་ས་མཆོག་དང་བོད་མི་མང་ལ་བློ་དཀར་སེམས་དཀར་གྱི་མི་ཞིག་མཐོང་སྟེ་རྒྱབ་སྐྱོར་བྱས་པ་ཡིན་ལ། ཉིད་ཀྱི་འོས་བསྡུའི་ལས་འགུལ་སྤེལ་སྐབས་ཀྱང་དྲང་བདེན་དང་དངོས་ཡོད་མ་བོར་བའི་གཏམ་བཤད་ཚད་ལྡན་གནང་སོང་བས། ཤེས་ལྡན་པ་དང་ཉམས་མྱོང་ཅན་མང་པོ་ཞིག་ཉིད་ཀྱི་ཕྱོགས་སུ་བཀུག་ཐུབ་ཡོད། དེར་བརྟེན་ངས་རྒྱབ་སྐྱོར་བྱེད་ས་དེ་ཡང་ནོར་མི་འདུག་སྙམ་ནས་སྤོབས་པ་ཡོད།
འོན་ཀྱང་ཉིད་ནས་དགོངས་སེལ་གྱི་གསར་འགོད་ཚོགས་ཐོག་ཏུ། ཉིད་ཀྱིས་སྐད་ཆ་ཐོག་མ་དང་གཙོ་བོ་བཤད་དེ་དགོངས་སེལ་ཞུས་སོང་། དགོངས་སེལ་ཞུ་དགོས་ན་ཞུ་མཁན་དེ་ཁྱོད་ཇི་ལྟར་ཆགས་པ་རེད། འོས་ཐོབ་ཐབས་ཁོ་ནར་དམིགས་ཏེ་ཧམ་བཤད་དང་མགོ་སྐོར། དངོས་ཡོད་དང་དྲང་བདེན་བཞག་སྟེ་གཏམ་བཤད་བྱས་ཡོད་དམ། དེ་ལྟར་བྱས་ཡོད་ན་ནི་ཉིད་ནས་ངེས་པར་དུ་གོང་ས་མཆོག་དང་བོད་མི་མང་ལ་དགོངས་སེལ་ཞུ་དགོས། དེ་ལྟར་བྱས་མེད་ན་ཉིད་ནས་དགོངས་སེལ་ཞུ་དགོས་པའི་རྒྱུ་མཚན་རྐང་གཅིག་ཀྱང་མི་འདུག་མོད། འོན་ཏེ་སྐུ་ཉིད་སུ་ཞིག་གིས་ཁྲིད་ཕྱིན་པ་ཡིན་ན་ཡང་དེར་ཕྱིན་པ་དེ་ཉིད་ཀྱི་ནོར་འཁྲུལ་རེད།
ཉིད་ཀྱིས་དགོངས་པ་རྒྱ་ཆེན་བཞེས་ཏེ་ད་ནས་བཟུང་བོད་མི་ཚོ་ཕན་ཚུན་འཆམ་མཐུན་ཡག་པོ་ཞིག་བྱུང་ན། ནོར་འཁྲུལ་སུ་ལ་ཡོད་མེད་དེ་གལ་ཆེན་མ་རེད་བསམ་ཡོད་སྲིད་ཀྱང་། ཉིད་ཀྱི་བྱེད་སྟངས་དེས་ཕར་ཕྱོགས་ཀྱི་ནོར་འཁྲུལ་རང་སྟེང་དུ་བླངས་ཏེ་ཁོའི་ནོར་འཁྲུལ་ཆག་ཡང་ཏུ་བཏང་ཡོད་པ་མ་ཟད། མང་ཁྲོད་དུ་སྐུ་ཉིད་ལའང་ནོར་འཁྲུལ་གཅིག་མཚུངས་ཡོད་པའི་ངོས་འཛིན་ཡོང་སྲིད། དེ་ནི་བོད་ཀྱི་གཏམ་དཔེར་མཆོད་རྟེན་དང་འགྲོགས་ན་དཀར་རྩི། ཟངས་རྒན་དང་འགྲོགས་ན་ནག་དྲག་ཟེར་བ་ལྟར་ཉིད་ལ་ནག་དྲག་འགོས་སོང་བ་རེད།
བསམ་བློ་ནན་ཏན་གཏོང་རོགས།
དེང་སང་མི་ཁ་ན་བློ་བཟང་སེང་གེས་སྤེན་པ་ཚེ་རིང་བཀའ་བློན་ལ་བསྐོ་མིན་དང་། བསྐོས་ན་སྤེན་པ་ཚེ་རིང་འདུག་མིན་གྱི་སྐད་ཆ་ཞིག་འགྲོ་བཞིན་ཡོད། བློ་སེང་གིས་བསྐོས་ཏེ་སྤེན་ཚེས་ངོས་ལེན་བྱས་ནའང་གྲོས་ཚོགས་ཀྱི་འགག་སྒོ་ནས་སྤེན་ཚེ་ཐར་མིན་བཤད་དཀའ།
གལ་ཏེ་བློ་སེང་གིས་བཀའ་བློན་གྱི་ས་མིག་ཏུ་སྤེན་ཚེ་བཏོན་པ་ཡིན་ན། སྤེན་ཚེས་ངེས་པར་དུ་བསམ་བློ་ནན་ཏན་གཏང་དགོས་ལ། བློ་སེང་གི་འོག་ལ་ལས་ཀ་བྱེད་ཐུབ་མིན་དེ་གཅིག་རེད། བློ་སེང་ནི་ཕན་ཚུན་བསམ་བློ་བརྗེ་རེས་དང་མཉམ་རུབ་ཀྱིས་ལས་དོན་སྒྲུབ་མཁན་ཞིག་ཡིན་མིན་དོགས་གནས་རེད་ལ། བཀའ་ཟུར་བདེ་སྐྱིད་ཆོས་དབྱངས་ལ་མཚོན་ན་2011 ལོར་བློ་སེང་སྲིད་སྐྱོང་ལ་ལངས་སྐབས་མཐོ་སློབ་ཁག་ཏུ་བསྐྱོད་དེ་བློ་སེང་ལ་འོས་ཐོབ་པར་རྒྱབ་སྐྱོར་བྱས་ཡོད་ཀྱང་། མཐའ་མ་དེར་བློ་སེང་གི་བྱེད་སྟངས་ཀྱིས་འདོད་པ་མ་ཚིམ་པས་རྩ་དགོངས་ཞུས་པ་རེད། དེ་བཞིན་བཀའ་ཟུར་འབྲོག་ཆུང་དངོས་གྲུབ་ལ་མཚོན་ན། གོང་ས་མཆོག་གི་དབུ་འོག་ཏུ་ཆེ་འདོད་གྲགས་འདོད་མེད་པར་ལས་དོན་ཁག་ཚགས་ཚུད་གནང་མཁན་ཞིག་དང་། ཁོང་གིས་བདེ་སྲུང་ལས་བྱེད་ཚོར་མཐའ་མའི་གྱེས་གཏམ་བཤད་སྐབས་ལས་བྱེད་ཚོའི་མིག་མཐའ་མཆི་མས་བརླན་འདུག དེ་འདྲའི་སེམས་གཏིང་ནས་གུས་བརྩི་ཐོབ་པའི་མི་ཞིག་གིས་ཀྱང་བློ་སེང་མཉམ་དུ་ལས་མཐར་འཁྱོངས་ཐུབ་མེད། འདི་དག་ངེས་པར་དུ་ཉིད་ཀྱི་བསམ་བློའི་ནང་འཁོར་དགོས་པའི་གནད་དོན་ཞིག་རེད།
བློ་བཟང་སེང་གེས་སྲིད་སྐྱོང་གི་འགན་བླངས་ནས་ད་པར་དུ་ག་ཚོད་འཇོན་ཡོད་མེད་དང་། ཅི་ཞིག་བྱས་ཡོད་མེད་དེ་ཞེན་ཁོག་དང་ཕྱོགས་རེས་ཀྱིས་དབང་དུ་མ་སོང་པར་བོད་མི་རིགས་ལ་ཤ་ཚ་ཞིང་བློ་དཀར་བའི་མི་ཞིག་ཡིན་ན། གནས་སྟངས་ག་བར་བསླེབས་འདུག་ཤེས་གསལ་རེད། ད་དུང་ལོ་ལྔའི་རིང་ག་བར་པར་དུ་བསྐྱེལ་རྒྱུ་རེད། ལས་དོན་དེའི་ནང་དུ་ཉིད་ནས་ཆ་ཤས་མ་བླངས་ན་ཡག་གི་རེད་ལ། གནད་དོན་ཡོངས་རྫོགས་བློ་སེང་དང་ཁོའི་མཐའ་སྐོར་གྱི་རྒྱ་རི་སྒྲོལ་མ་དང་དངོས་གྲུབ་ཚེ་རིང་བཅས་ཀྱི་འགན་ལས་སྐུ་ཉིད་དེའི་ནང་འཚང་བ་ཡིན་ན་རང་ཉིད་ལ་ནག་ཐིག་ཅིག་ལས་གཞན་ཅི་ཡང་མེད།
མཐའ་དོན་སྐུ་ཉིད་ཐེངས་འདིའི་འོས་འགྲན་ནང་རྒྱལ་ཁ་མ་ཐོབ་ནའང་། དྲང་བདེན་དང་དངོས་ཡོད་གཞི་རྩར་བཟུང་སྟེ་གོམ་པ་བརྟན་པོ་སྤོ་ཐུབ་སོང་བས། ཉིད་ཀྱི་རྒྱབ་སྐྱོར་བ་ཞིག་ངོས་ནས་བཤད་ན་འདོད་པ་ཚིམ་ཡོད་ལ། རྒྱལ་ཁ་ཟེར་བ་དེ་བོད་ཀྱི་གཏམ་དཔེར” ཆོས་ཟབ་མོ་མི་བྲིན་ཟིང་ཟིང་བྲིན། གཏམ་བདེན་པ་མི་ཁེ་རྫུན་པ་ཁེ ” ཟེར་བ་འདིས་ད་ལོའི་འོས་བསྡུ་ལ་སྡོམ་ཚིག་བརྒྱབ་ཡོད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
བསམ་ཚུལ་ཡག་པོ་གསུང་འདུག་ལས་འབྲས་ལ་ཡིད་ཆེད་ཡོད་མཁན་དང་བདེན་པ་ལ་ཕྱོགས་ཚངས་མས་མངོན་པར་བསྟོད་དོ།
ཇི་སྲིད་ཨ་རིའི་རོགས་དངུལ་ཕུང་། །དེ་སྲིད་དེ་ལ་འཁྲུག་རྩོད་གཞི། །ཞེས་བཞེས་མཁན་ཡང་མི་ཉུང་སྣང་། །འཇིག་རྟེན་མཐོང་མྱོང་ཆོས་སུའང་མང་། དཀར་ནག་འདྲེས་མའི་འཇིག་རྟེན་འདི། །ཕྱོགས་བལྟས་ལྷུང་བ་མ་ཡིན་ནམ། །བློ་སེང་སྤེན་ཚེ་གཉིས་ཀྱི་གླེང་། །གར་གྱི་ཟློས་སམ་ལོག་པའི་ལམ། །གང་གི་ཐལ་བས་གཡོག་པའི་མེས། །བྱིས་པ་འདོད་པའི་དངོས་པོར་སྲེགས། དེ་ཡང་ལྕག་སྐྱུ་ཉ་ལ་བཞིན། །འོད་མེར་འཕྲོགས་པའི་སྦྲང་བུ་བཞིན། །གླང་ཆེན་འདམ་ལ་ཐིམས་པ་བཞིན། །གང་ལས་ཇི་ལྟར་གྲོལ་བར་སླ། །སླ་བའི་ལམ་བུ་ཨ་ཡོད་དམ། །དམ་ཆོས་ཉི་མ་ནུབ་ལ་ཉེ། །ཉེ་བའི་བཤེས་ཀྱང་མི་རྟག་གོ།
ཨ་རི། མི་ཎི་སོ་ཊ། །ཀོ་ལམ་བིཨ་ཧའིཊ། བསྟན་འཛིན་ཉི་མས་རང་ཉིད་རང་ལ་ཆོས་བཀུལ་གྱི་ཚུལ་དུ་ཕྱི་ཚེས། ༢༠༡༧།༩།༡༧ ཉིན་སྦྱར། །
ད་བར་སྲིད་སྐྱོང་རིམ་པ་བྱུང་བའི་ནང་ནས་ད་ལྟའི་སྲིད་སྐྱོང་ལས་ཐོག་པ་ལྟ་བུའི་ཤེས་འཇོན་གཉིས་ལྡན། ཕྱི་ནང་གང་ས་ནས་དགའ་གུས་དང་། གདེང་འཇོག་ཐོབ་མཁན་བྱུང་མྱོང་མེད་ཅེས་ལབ་ན་མ་འགྲིགས་པ་ཨེ་ཡོད། མ་གཞི་ནས་འོས་བསྡུའི་ལས་རིམ་ཚར་ནི་ལོ་གཅིག་ལྷག་ཕྱིན་ཚར་པ་རེད། ད་ སུ་དང་སུ་ཡག་ཉེས་ཀྱི་སྐད་ཆ་བཤད་ནི་དགོས་པ་ཨེ་ཡོད། དེ་བས་བཙན་བྱོལ་བོད་མིའི་འགྲིགས་འཛུགས་སྲ་བརྟན་གོང་འཕེལ་ཡོང་ཆེད་མ་འོངས་པའི་སྲིད་སྐྱོང་ཤེས་འཇོན་གཉིས་ལྡན་ལྷག་བསམ་རྣམ་དག་ཅིག་ད་ལྟ་ནས་འཚོལ་སྒྲུབ་བྱ་རྒྱུ་གལ་ཆེ་དོན་ཆེན་མ་རེད་པས། ༧གོང་ས་མཆོག་ནི་ལོ་རེ་ནས་ལོ་རེ་དགུང་ལོ་མཐོ་རུ་འགྲོ་རྒྱུ་ནི་ཚང་མའི་བློར་མངགས་སེམས་གསལ་རེད་དོ།
nga tsho su yin yang gzhan gyi skad cha la nan gyis rtag dpyad gnang nas skad cha de dngos gnas yin min dang/ skad cha de bden pa yin min gyi rgyu mtshan bshad pa ma gtogs phan tshun skyon brjod dang dma’ ‘beb gnang na phan tshun ‘khon sems kyis nang khul mi mthun pa chags rgyu’i gzhi zhig la ‘gro nyen las phan thogs gang yang yong rgyu khag po yin na de la dgongs bzhes gnang na zhu rgyu yin/
འཇལ་དཔལ་ཚུལ་ཁྲིམས་ལགས།
ངས་ལྟ་སྟངས་ཤིག་བྲིས་པ་རེད། ནོར་རྩ་བ་ནས་མེད་ཅེས་ཞུ་མི་ཐུབ། སུ་ཡིན་ནའང་དོན་དངོས་གླེང་དགོས་པ་རེད་ལ་གླེང་ཡོད་བསམས། སྐུ་ཉིད་ནས་ཀྱང་མང་པོ་བཤད་འདུག ད་ངེད་གཉིས་ནས་ཤོད་རེས་བྱས་ཏེ་ཅང་གསལ་པོ་ཆགས་རྒྱུ་མེད་ཚོད་རེད། ཁྱོད་ཁྱོད་རང་ས་ན་སྡོད་ངེས་རེད་ལ་ང་ཡང་དེ་ལྟར་རེད། ཀློག་མཁན་ཚོས་གོ་བ་ཞིག་ལེན་འགྲོ་གི་རེད། དེས་འགྲིག་པར་བྱ། བསམ་ཚུལ་གསུངས་པར་ཐུགས་རྗེ་ཆེ་ཞུ།
མི་མང་པོ་ཞིག་གི་བདེ་སྐྱིད་ཆོས་དབྱངས་སྙིང་རྗེ་ཟེར་གི་འདུག་ག་རེ་བྱས་ནས་དེ་ལྟར་ཟེར་དམ། བཙན་འབྱོར་གི་སྒྲིག་འཛུགས་ནང་ནས་མོ་རང་ལ་ནུབ་ཕྱོགས་པའི་མཐུན་རྐྱེན་ལས་ལྷག་པ་ཞིག་རག་གི་ཡོད་ནམ་། དེ་མིན་ན་སྙིང་རྗེ་ཟེར་དོན་གང་རེད། རྒྱལ་སྤྱིར་ངོས་ལེན་ནམ་ཡང་མི་བྱེད་པའི་བཙན་འབྱོར་གཞུང་གི་དཀའ་བློན་བྱེ་བྲག་པ་ཞིག་གི་གོ་གནས་དང་གླ་འཕོག་དེ་ནུབ་ཕྱོགས་རྒྱལ་ཁབ་ནང་འཚར་ལོང་བྱུང་པའི་སྤྱི་འབངས་གི་ཐོབ་ཐང་ཚད་ལྡན་དེ་ཚོའི་འཚོ་གནས་དང་འདུར་ན་གླ་འཕོག་དང་མཐུན་རྐྱེན་གང་ཡང་མ་རེད། ནུབ་ཕྱོགས་གི་སློབ་སྦྱོང་ཐོབ་པའི་མི་ཁོངས་གང་ཞིག་ལ་བོད་རིགས་ཞིག་གི་༼ ཆུ་འགྲོལ་སོང་ཟམ་པ་ག་ལེ་ཞུགས་ ༽ཟེར་བའི་དཔེ་དེ་ལྟར་མ་བྱས་པར་རང་མི་རིགས་གི་ལ་རྒྱ་དང་སེམས་ཤུགས་ཞིག་འཁྱེར་ནས་བཙན་འབྱོར་སྤྱི་ཚོགས་ཞབས་འདེབས་ཞུ་བར་རེ་བ་འཕུལ་བ་ཞི་གཟུང་གི་ཡོང་པ་རེད། ཡིན་ན་ཡང་དཔོན་ངན་མི་ངན་ཁག་གཅིག་གི་སྤྱི་ཚོགས་ཉམས་ཆགས་དང་སྤྱི་ཚོགས་གི་མཐུན་སྒྲིལ་མེད་པ་ཟོས་པའི་ནག་ཉེས་དེའི་འགན་རང་ཉིད་གི་འཁྱེར་འདོད་ཡོད་འཁན་སུ་ཡོད་བྱས་ཙང་ལས་འཚམས་ཞག་པ་རེད། རང་ལ་ནོར་་འཁྲུལ་མེད་པར་ཉེས་པ་འཁྱེར་དགོས་དོན་གང་ཡང་མེད་པ་རེད། དཔེར་ན་བདེ་སྲུང་དཀའ་བློན་འབྲོང་ཆུང་དངོས་གྲུབ་ལགས་གི་སྐད་ཆ་དེ་དྲ་ཞིག་བཤད་ཡོད་༼ ད་དུང་མུ་མཐུད་ལས་གནས་ལ་བསྡད་ན་ངས་འགན་བཟོད་པ་མིན་འདུག་ ༽ ཟེར་བ་དེ་རེད། མི་གཞན་གི་ལྟོར་ཤིག་གཏང་བ་དེ་གན་རང་ཉིད་གི་འཁྱེར་འདོད་ཡོད་པ་སུ་ཞིག་ཡོད་དམ་ཨ་ གལ་ཏེ་ད་དུང་མི་དེ་འདྲ་ཡོད་ན་མི་དེ་སྨྱོན་པ་རེད།
བསམ་ཚུལ་ཁ་ཡོད་ལག་ཡོད། གནད་ཐོག་ཏུ་ཁེལ་བ། དངོས་ཡོད་གནས་ཚུལ་དེ་བྲིས་འདུག འདས་པའི་ལོ་ལྔ་དེ་བཙན་བྱོལ་སྤྱི་ཚོགས་ཁ་ཐོར་ཡི་ཐོར་དུ་ཕྱིན་པའི་ལོ་ལྔ་དེ་རེད། འདས་པའི་ལོ་ལྔ་དེ་བཙན་བྱོལ་གཞུང་མང་གཉིས་ཉམས་ཆག་ཏུ་ཕྱིན་པའི་ལོ་ལྔ་རེད། འདིའི་འགན་ཡོངས་རྫོགས་སུ་ཞིག་གི་མགོ་ན་ཡོད་ན་དེའི་དགོངས་སེལ་ཞུ་དགོས་ཀྱི་ཡོད་ཀྱང་། ད་དུང་མ་མཐོང་མ་ཐོས་ཚུལ་བྱས་ཏེ་མགོ་ཟུར་བོང་བུའི་ཨམ་ཅོག་བཀབ་ནས་སྡོད་ཀྱི་འདུག
སྤྱི་འཐུས་གྲོས་ཚོགས་ནང་སྲིད་སྐྱོང་བློ་བཟང་སེང་གེ་ཐེངས་གསུམ་ལ་བཞེངས་ཏེ་༧གོང་ས་རྒྱལ་བ་རིན་པོ་ཆེ་མཆོག་གིས་བཀའ་བསྐྱོན་གནང་བའི་སྐོར་ལ་གསལ་བཤད་འདྲ་ཞིག་བྱས་ཡོད་ཀྱང་། སྐད་ཆ་གཡས་སྐོར་གཡོན་སྐོར་དང་གསལ་ལ་མ་གསལ་ཞིག་བཤད་དེ་མང་ཚོགས་ལ་དབུ་སྐོར་དང་གྲོས་ཚོགས་ལ་འགན་མ་འཁུར་རྣམ་འགྱུར་གསལ་བོར་ཐོན་ཡོད། གྲོས་ཚོགས་གྲོལ་བའི་རྗེས་ལ་གསར་འགོད་གསལ་བསྒྲགས་སྔ་རྗེས་གཉིས་སྤེལ་སོང་ཡང་། སྤྱི་འཐུས་ཚོགས་གཙོ་མཆོག་གིས་ལྷག་བསམ་རྣམ་དག་དང་། ཁ་ཞེ་གཉིས་མེད་ཀྱིས་དགོངས་སེལ་ཞུ་བ་དང་བཀའ་མོལ་གནང་བ་མ་གཏོགས་སྲིད་སྐྱོང་གིས་སྔར་བཞིན་མག་མོག་དང་མགོ་བདེ་བྱས་ཏེ་བསྡད་བསྡད་སོང་། དེ་དཔའ་རྟགས་མ་རེད་ལ་ཤེས་འཇོན་ཡོད་པའི་བྱ་སྤྱོད་ཅིག་དེ་ལས་ཀྱང་ཆགས་ཡོད་པ་མ་རེད།
ད་ལྟ་སྤྱི་ཚོགས་དཀྲུག་ཡ་དེ་དཀྲུག་ཚར་རེད། གྱོང་རེག་རྒྱུ་དེའང་བཙན་བྱོལ་སྤྱི་ཚོགས་གཞུང་དམངས་གཉིས་ལ་རེག་ཚར་རེད། ༧གོང་ས་མཆོག་ལ་ཐུགས་ཕམ་དང་བོད་ནང་ལ་སེམས་འཁྲལ་བཟོ་རྒྱུ་ཡོངས་རྫོགས་བཟོས་ཚར་རེད། འདི་དག་ཡོངས་རྫོགས་ཀྱི་འགན་དེ་སྲིད་སྐྱོང་བློ་བཟང་སེང་གེའི་མགོར་ཡོད་ལ། དགོངས་སེལ་དང་བཟོད་གསོལ་ག་རེ་ཞུ་དགོས་ཀྱང་སྤྱི་འཐུས་ཚོགས་གཙོ་དང་བཀའ་བློན་སོགས་མི་སུ་གང་ལའང་དགོངས་སེལ་ཞུ་དགོས་པའི་ནག་ཉེས་ཡོད་པ་མ་རེད།
བློ་བརྟན་གྱི་བྲིས་ནོ་གནས་ལུགས་ཡོད་ཀི་ཡ་གནས་ལུགས་ཡོད་ཀི་
དགོངས་ཚུལ་གསུང་མཁན་ཚང་མ་ལ་བཀའ་དྲིན་ཆེ་ཞུ། གནད་འགག་ཡོད་པ་དང་རྒྱུ་མཚན་ཡོད་པ་དེ་འདྲ་གསུང་མཁན་མེད་པའི་ཟོལ་རེད། གང་ལྟར་དོ་སྣང་བྱས་ཏེ་ཚར་གཅིག་བཀླགས་པས་དགའ་ཡོད།
བདེ་སྐྱིད་ཆོས་དབྱངས་སྙིང་རྗེ་་་་རང་གཞན་གཉིས་འཕུང་བགྱིད་པའི་སྙིང་རྗེའི་ཡུལ་རེད་་་་་དབུགས་དབྱུང་གཟེངས་སྟོད་བྱ་དགའ་གང་ཡང་མེད་པར་ཁྱི་ནག་གིས་རི་ཕག་དེད་པ་ལྟར་བཟའ་ངན་ཉི་མའི་ཉིན་གློ་བུར་དུ་གནམ་ཕུར་བྱེད་དགོས་བྱུང་བ་་་་ཨ་ཁ་ཁ
འོ་རེ་འབྲོང་ཆུང་བུ་དངོས་གྲུབ་མི་ཚེ་གང་པོ་གཞུང་ཞབས་གནང་མཁན་བདེ་སྐྱིད་ཆོས་དབྱངས་ལྷན་དུ་མཉམ་དྲུད་བྱེད་ན་ཏག་ཏག་ཨ་ཡིན་་་་
བོད་རྒྱལ་ལོ།
ཕྱོགས་གཅིག་ལས་མ་མཐོང་བ་དང་དེ་ཡང་རབ་རིབ་སབ་སིབ་ཅིག་ལས་འབྲི་མ་ཐུབ་པ་ཡིན་ནམ། ཀུན་ལ་ཕན་པ་དང་ཚོགས་གཙོ་དཀར་འདོན་ལྟ་བུ། བློ་སེང་ནག་འདེད་རེ་བྱ་འདོད་ན། མང་ཙམ་དང་གསལ་ཙམ་ཕྲིས་དང་། (རང་ཕྱོགས་དང་གཞན་ཕྱོགས་) ཀུན་ལ་ཅུང་ཟད་ཙམ་རེ་ཕན་སྲིད།
དཀྲུགས་མགོ་བློ་བརྟན་ཁ་རོགས་སྡོད། ཁྱེད་ཀྱིས་ཅི་གང་ཤེས་ནི་མ་རེད།
ཡང་འདིར་མིག་ཤེལ་ནག་པོ་གྱོན་མཁན་ཞིག་སླེབས་འདུག རང་འཚང་མ་སྟོན། ཤེས་མདོག་མ་བྱེད། ཁྱེད་ལ་ལྷག་བསམ་དང་བདེན། ཤེས་འཇོན་ཇི་ཙམ་ཡོད་མེད་འདི་ནས་གསལ་འདུག
ད་དུང་ཡང་ན་ཚ་དེ་འཁུར་འགན་མེད་པའི་འཆལ་གཏམ་སྤེལ་བ་ནི་ཧ་ཅང་བླུན་པོའི་བྱ་སྤྱོད་ཅིག་རེད།
རྔ་བ་བློ་བརྟན་ལགས། ཡག་པོ་བྲིས་འདུག ཐུགས་རྗེ་ཆེ། སློབ་བཟང་སངས་རྒྱས་ཀྱིས་བཀའ་བློན་ལ་རང་གི་ཁ་ཐུག་ལངས་མཁན་གྱི་ཁྲོད་ནས་བཀའ་བློན་དུ་བསྐོ་རྒྱུ་ཡིན་ཚུལ་གྱི་གཏམ་འཁྱམ་ཞིག་འགྲོ་བཞིན་པ་རེད། དེར་བརྟེན། གལ་སྲིད་དཔལ་ལྡན་ཚོགས་གཙོ་མཆོག་བཀའ་བློན་དུ་འདེམས་ན། ཁོ་ལ་དམིགས་ཡུལ་ངེས་ཅན་ཞིག་ཡོད་པ་རེད། དང་པོ། ལམ་འགྲོ་བརྒྱུགས་ནས་དཔལ་ལྡན་ཚོགས་གཙོས་བཀའ་བློན་གྱི་ལས་དོན་ཡག་པོ་འགྲུབ་སོང་ན། གྲུབ་འབྲས་ཀྱི་བཟང་ཆ་དེ་སྲིད་སྐྱོང་གིས་བཞེས་དགོས་པ་རེད། གཉིས་པ། ལམ་འགྲོ་མ་བརྒྱུགས་པར་བཀའ་བློན་གྱི་ལས་དོན་མ་འགྲུབ་ན། སྲིད་སྐྱོང་མཆོག་གིས་གསུང་གཅིག་རང་ཡོད་པ་རེད། དེ་ནི་ངས་ཁོས་ཡས་བྱེད་ཀྱི་ཡིན་མས་བྱེད་ཀྱི་ཡིན་ཟེར་མཁན་དེ་ཚོ་བསྐོས་པ་ཡིན། དེས་མ་འགྱོན་ན་ཐབས་ཤེས་མི་འདུག་ཟེར་ཐག་ཆོད་རེད། ད་ལྟ་བར་དུ་གྲོས་ཚོགས་ཀྱི་ར་བ་ནས་ཉེན་ཁའི་རིགས་ཕ་རོལ་བ་ཞིག་གིས་མགོར་གཡུགས་ཐབས་བྱེད་པ་མིག་གིས་ལྟ་ས་དང་། རྣ་བས་ཉན་ས་ཡོད་པ་ལྟར་རེད། དཔལ་ལྡན་ཚོགས་གཙོས་གཟབ་གཟབ་བྱས་ན་མ་གཏོགས་རྩམ་པ་སློབ་བཟང་སངས་རྒྱས་ཀྱིས་ཟོས་ཏེ་རྩམ་ཁུག་ཚོགས་གཙོའི་མགོར་སྐོན་ཐག་ཆོད་རེད།
ད་དུང་འགྲིག་མ་སོང་ན་ད་ཁྱོད་འགྲིག་པའི་དུས་ཅིག་མེད། ཨ་ཁ་ཁ
དོན་མེད་སེམས་འཁྲལ་རང་རེད།
སྐྱག་ཟན་དེས་ག་རེ་ལབ་ཀྱིས་ཡོད་རེད། ཁོ་ལ་སྙིང་ནད་ཡོད་ས་རེད། གླེན་པ་མིན་ན་ཁྱོད་ལ་ཉན་མཁན་ཡོད་ཀྱིས་མ་རེད། ཁྱོད་གང་དུ་སོང་ཡང་མི་བྲིན་ཁོ་ཐག་རེད། གང་ལག་ཞེས་ན་ཁྱོད་སྐྱག་ཟན་ཡིན་པསོ། ཧ་གོ་སོང་ངམ། ཕན་ཐོག་མེད་པའི་གཏམ་འཆལ་དེ་ཚོ་ཉུང་ན་དགའ་བ།
ཧཧཧཧཧཧཧཧཧཧཧཧཧཧཧཧ གད་མོ་རྐུབ་ནས་ཤོར་གྱི
མ་ཤེས་ཤེས་མདོག མ་མཁས་མཁས་མདོག ཧཧཧཧ
ཁྱེད་ཀྱི་བསམ་ཚུལ་ལ་རྒྱབ་སྐྱོར་ཡོད།
སྐད་ཆ་ལ་གནས་ལུགས་གདའ་་་།།