མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཁ་མཆུ་རྩིས་མེད་བཏང་བ་ཡིན།

བོད་ཀྱི་དུས་བབ།
༢༠༡༦/༠༥/༡༧
Share on FacebookShare on TwitterShare on EmailShare on Whatsapp

སྲིད་སྐྱོང་འོས་མི་བློ་བཟང་སེང་གེ་དང་དབུས་འོས་བསྡུ་ལས་ཁང་གཉིས་འོས་བསྡུའི་སྒྲིག་གཞི་དང་འགལ་ཡོད་སྐོར་ཁྲིམས་གཏུག་བྱས་པ་དེ་ཁ་སང་ཆེས་མཐོའི་ཁྲིམས་ཞིབ་ཁང་གིས་རྩིས་མེད་བཏང་བ་ཡིན་སྐོར་ཁྱབ་བསྒྲགས་བྱས་འདུག་ཀྱང་དེ་རིང་ཞུ་སྦྱོར་བ་ཚོས་ཁྲིམས་ཞིབ་ཁང་གི་ཐག་གཅོད་དེར་ངོས་ལེན་མེད་ཟེར།

tibettimes

དེ་རིང་ཉིན་གུང་ཆུ་ཚོད་ ༡༢ སྟེང་། དྷ་ས་སྨན་རྩིས་ཁང་གི་ཉེ་འཁྲིས་སུ་ཡོད་པའི་བོད་མིའི་ཁྲིམས་ལུགས་རིག་པ་བའི་ཚོགས་པས་གསར་འགོད་གསལ་བསྒྲགས་ཤིག་སྤེལ་ཏེ། ཉེ་ལམ་དྷ་སར་གནས་སྡོད་བཀྲ་ཤིས་དབྱངས་འཛོམས་ལགས་དང་གྲྭ་དཀོན་མཆོག་དཔལ་བཟང་ལགས་གཉིས་ཀྱིས་སྲིད་སྐྱོང་འོས་མི་བློ་བཟང་སེང་གེ་དང་དབུས་འོས་བསྡུ་ལས་ཁང་གཉིས་ཁྲིམས་གཏུག་བྱས་པའི་སྙན་ཞུའི་ཡིག་ཆ་དེ་ཙམ་ཚད་ལྡན་བྱུང་མེད་པའི་གནས་སྟངས་འོག བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གིས་ཁ་མཆུ་དེ་རྩིས་མེད་བཏང་བ་ཡིན་སྐོར་ཁྱབ་བསྒྲགས་བྱས་སོང་།

ཁ་མཆུ་དེ་ནི་ཉེ་ལམ་བཙན་བྱོལ་བོད་མིའི་བཀའ་སྤྱིའི་དངོས་གཞིའི་འོས་བསྡུའི་ཉིན། སྲིད་སྐྱོང་འོས་མི་བློ་བཟང་སེང་གེ་མཆོག་གི་དཔྱ་ཁྲལ་ལག་དེབ་སྟེང་། ‘སློབ་བཟང་སངས་རྒྱས།’ ཞེས་འཁོད་ཡོད་པའི་པར་ཕྱི་གྱར་བྱུང་སྟབས། དྷ་སར་གནས་སྡོད་བཀྲ་ཤིས་དབྱངས་འཛོམ་ལགས་དང་གྲྭ་དཀོན་མཆོག་དཔལ་བཟང་ལགས་གཉིས་ཀྱིས། བཀའ་ཤག་སྐབས་བཅོ་ལྔ་པའི་སྲིད་སྐྱོང་འོས་མིའི་ཁོངས་སུ་སློབ་བཟང་སངས་རྒྱས་ཞུ་བའི་འོས་མི་ཞིག་མེད་སྟབས། སྲིད་སྐྱོང་འོས་མི་བློ་བཟང་སེང་གེ་དང་དབུས་འོས་བསྡུ་ལས་ཁང་གཉིས་བཙན་བྱོལ་བོད་མིའི་འོས་བསྡུའི་སྒྲིག་གཞི་དང་འགལ་ཡོད་སྐོར་ཆེས་མཐོའི་ཁྲིམས་ཞིབ་ཁང་ལ་ཁྲིམས་གཏུག་བྱས་ཡོད་པ་རེད།

དེ་རིང་བོད་མིའི་ཁྲིམས་ལུགས་རིག་པ་བའི་ཚོགས་པའི་ཁྲིམས་རྩོད་པ་བློ་བཟང་གྲགས་པ་ལགས་དང་རྣམ་རྒྱལ་ཚེ་སྐྱིད་ལགས། ཀུན་བཟང་ཐུབ་བསྟན་ལགས་བཅས་ཐུན་མོང་ཐོག ཁ་སང་བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གིས་བཀའ་ཁྱབ་ཡིག་ཆ་དེ་སྒྲོགས་སྦྱང་བྱས་པའི་ནང་འཁོད་དོན། “འདི་ནས་ ༢༠༡༦། ༥། ༣ ཉིན་ཁྱེད་རང་གཉིས་ཀྱིས་ ༢༠༡༦། ༤། ༡༦ ཉིན་ཞུ་རྩ་དང་ཡིག་དངོས་ཐོ་གཞུང་ཕུལ་འབྱོར་དུ། དབུས་འོས་བསྡུ་ལས་ཁང་དུ་ཕུལ་བའི་སྙན་ཞུ་ ༢༠༡༦། ༣། ༢༨ འཁོད་པའི་འདྲ་བཤུས་ཟུར་སྦྱར་དུ་ཡོད་ལུགས་བཀོད་འདུག་ཀྱང་། དངོས་སུ་མི་འདུག་སྟབས། སྤྱི་ཁྱབ་ཁྲིམས་དྲུང་དང་། འབྲེལ་ཡོད་ལས་བྱེད་གཞན་གཉིས་བཅས་ཀྱིས་ངག་ཐོག་ནས་སྔ་རྗེས་སུ་འདོན་འབུལ་དགོས་པའི་བརྡ་འདེད་རིམ་པར་སོང་ནས་ཀྱང་། ད་བར་ཕུལ་མེད་པ་དེ་ཕྱི་ལོ་ ༢༠༡༦། ༥། ༧ ཉིན་གྱི་ཕྱི་དྲོའི་ཆུ་ཚོད་ ༥ གོང་ངེས་འབལ་ཐུབ་པ་དགོས་རྒྱུ་ཞེས་བརྡ་ཐོ་སོང་ནའང་། དུས་བཀག་ནང་ཚུན་ཡིག་ཆ་འདོན་འབུལ་བྱས་མི་འདུག་པས། ༢༠༡༦། ༥། ༡༢ ཉིན་གྱི་ཕྱི་དྲོའི་ཆུ་ཚོད་ ༥ གོང་གོང་གསལ་ཡིག་ཆ་འདོན་འབུལ་མ་བྱས་ན། ཁ་མཆུ་ངོས་བཞེས་རྩིས་མེད་གཏོང་དགོས་པ་ཆགས་རྒྱུའི་བརྡ་ཐོ་གཉིས་པ་སོང་བར། དེ་ནས་སླར་ཡང་ ༢༠༡༦། ༥ ། ༡༢ ཉིན་གྱོད་ཡའི་འཐུས་མི་ནད་མནར་གྱི་རྐྱེན་པས་དུས་འགྱངས་ཞུས་པའི་རྒྱུ་མཚན་ལ་དགོངས་བཞེས་ཀྱིས། ད་ནངས་ཆུ་ཚོད་ ༩། ༥༠ ཐོག་མགོ་མཇུག་མི་ཚང་བ་དང་། ལྟ་ཀློག་མི་ཐུབ་པའི་ཤོག་ངོས་གཉིས་ཅན་ཞིག་ཕུལ་འདུག་པ་དེ་ཁྲིམས་ཐོག་ནས་ཚད་འཛན་འཕེར་བ་ཞིག་མིན་པས། སྤྱི་མང་གཏུག་བཤེར་ཁྲིམས་ཡིག་དོན་ཚན་ ༣༧ [ཅ] གཞིར་བཟུང་ཁ་མཆུ་ངོས་བཞེས་རྩིས་མེད་བཏང་བ་ཡིན། ཁ་མཆུ་འདི་སྤྱི་མང་གཏུག་བཤེར་ཁྲིམས་ཡིག་དོན་ཚན་ ༨༡ གཞིར་བཟུང་བསྐྱར་གཏུག་མི་ཆོག་པ་བས་ཀྱི་བཀའ་ཁྱབ་ཏུ། ཆེས་མཐོའི་ཁྲིམས་ཞིབ་ཁང་ནས་ ༢༠༡༦། ༥ ། ༡༦ ལ།” ཞེས་སོགས་འཁོད་འདུག

སྐབས་དེར་གསར་འགོད་པ་ཚོས། ཁ་སང་ཆེས་མཐོའི་ཁྲིམས་ཞིབ་ཁང་གིས་བཀའ་ཁྱབ་བཏང་བ་དེ་ཆེས་མཐོའི་ཁྲིམས་ཞིབ་ཁང་རང་གིས་གསར་འགོད་གསལ་བསྒྲགས་མ་གནང་བར། དེ་རིང་ཁྲིམས་ལུགས་རིག་པ་བའི་ཚོགས་པས་གསར་འགོད་གསལ་བསྒྲགས་སྤེལ་དགོས་དོན་གང་ཡིན་དྲིས་པར། བློ་བཟང་གྲགས་པ་ལགས་ཀྱིས། དང་པོ་དེ་རིང་སྲིད་སྐྱོང་མཆོག་སྦེར་གཞིས་ཆགས་ནང་མཛད་འཕྲིན་ཡོད་པ་རེད། གཉིས་པ། ཁ་མཆུ་འདིའི་མགོ་ནས་མཇུག་བར་ང་ཚོའི་ཁྲིམས་ལུགས་རིག་པ་བའི་ཚོགས་པའི་ང་རང་དང་རྣམ་རྒྱལ་ཚེ་སྐྱིད་གཉིས་ཀྱིས་འགན་འཁུར་བསྡད་ཡོད་པ་རེད། ཡིག་ཆ་ཚང་མ་ངེད་གཉིས་བརྒྱུད་ནས་ཡོང་དགོས་སྟབས། དེ་རིང་གི་ཐག་གཅོད་དེ་ང་ཚོ་ཁྲིམས་རྩོད་པའི་ངོ་བོའི་སྟེང་ནས་བྱས་པ་རེད། ཅེས་བརྗོད་སོང་།

ཡང་གསར་འགོད་པས་ད་ལྟའི་འཆར་སྲིད་སྐྱོང་བློ་བཟང་སེང་གེ་མཆོག་གི་དཔྱ་ཁྲལ་ལག་དེབ་སྟེང་། བློ་བཟང་སེང་གེ་ཞེས་བསྒྱུར་བཅོས་བཏང་ཡོད་དམ། ཡང་ན། སློབ་བཟང་སངས་རྒྱས་ཞེས་རང་འཇགས་བཞག་ཡོད་ཅེས་དྲིས་པའི་ལན་དུ། སྲིད་སྐྱོང་བློ་བཟང་སེང་གེ་མཆོག་གིས་ཐོག་མ་དཔལ་འབྱོར་ལས་ཁུངས་ལ་ཐོ་འགོད་སྐབས། བློ་བཟང་སེང་གེ་ཞེས་ཏག་ཏག་ཕུལ་ཡོད་ཀྱང་། དཔྱ་ཁྲལ་ལག་དེབ་སྟེང་བཤུ་སྐབས་སློབ་བཟང་སངས་རྒྱས་ཞེས་འགོད་ནོར་ཐེབས་པ་རེད། ད་ལྟའི་ཆར་དཔྱ་དངུལ་ལག་དེབ་སྟེང་བློ་བཟང་སེང་གེ་ཞེས་ཁོ་རང་གི་མིང་གང་ཡིན་པ་དེ་ཏག་ཏག་འཁོད་ཡོད་པ་རེད། བརྗེ་བོ་རྒྱབ་ཡོད་པ་རེད། ཅེས་བརྗོད་སོང་།

འདི་གའི་གསར་ཁང་གིས་ཁ་མཆུ་ཞུ་སྦྱོར་བ་གྲྭ་དཀོན་མཆོག་དང་བཀྲ་ཤིས་དབྱངས་འཛོམས་གཉིས་ལ་ཁ་པར་བརྒྱུད་བཅར་འདྲི་ཞུས་པར། ཁ་མཆུ་འདིའི་མགོ་ནས་མཇུག་བར་བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གིས་ངེད་གཉིས་ལ་མཐུན་འགྱུར་ཡག་པོ་གནང་མ་སོང་། དེ་ལ་བློ་ཕམ་ཞེ་དྲགས་ཡོད། ཁ་སང་བཀའ་ཁྱབ་དེ་འབྱོར་མ་ཐག་ངེད་གཉིས་ཁྲིམས་ཞིབ་ཁང་ལ་ཕྱིན་ཏེ་རྩོད་པ་བརྒྱབ་ཡིན། ཐག་གཅོད་དེ་ལ་མོས་མཐུན་རྩ་བ་ནས་མེད། བཀའ་ཁྱབ་དེའི་ནང་བསྐྱར་གཏུག་བྱེད་མི་ཆོག་ཅེས་བཀོད་འདུག་པ་དེ་ག་རེ་རེད། ངེད་གཉིས་ལ་ཁ་མཆུ་རང་གི་ཐོག་ནས་ནག་ཉེས་ནོར་འཁྲུལ་རིགས་གང་ཡིན་ཤོད་རྒྱུ་མེད་ཀྱང་། སྙན་ཞུ་འབྲི་སྟངས་ཙམ་གྱི་ཐོག་ནས་ཁ་མཆུ་རྩིས་མེད་གཏོང་བ་དང་། ད་དུང་བསྐྱར་དུ་ཞུ་གཏུག་བྱེད་མི་ཆོག་ལབ་ན་ག་རེ་རེད་ཅེས་དྲིས་དུས། རྒྱུ་མཚན་ཤོད་རྒྱུ་ཡོད་ན་བསྐྱར་དུ་ཞུ་གཏུག་བྱས་ན་འགྲིག་གི་རེད། ཁྲིམས་ཞིབ་ཁང་གི་སྒོ་ཕྱེ་བཞག་ཡོད་པ་རེད་ལབ་སོང་། ཞེས་བརྗོད་སོང་།

Tashi Yangzom and Konchok Palsang during a press conference in McLeod Ganj, India, on 2016.

ཡང་ཁོང་ལ་དེ་རིང་གི་གསར་འགོད་གསལ་བསྒྲགས་དེ་ཧ་གོ་ཡོད་མེད་དང་། ཁོ་རང་གཉིས་ལ་ཁྲིམས་རྩོད་པ་ཡོད་མེད་དྲིས་པར། “ངེད་གཉིས་དེ་རིང་བོད་པའི་ཁྲིམས་ལུགས་རིག་པའི་ཚོགས་པས་གསར་འགོད་གསལ་བསྒྲགས་སྤེལ་གྱི་ཡོད་པ་རྩ་བ་ནས་ཧ་གོ་མ་སོང་། ཁྲིམས་ཞིབ་ཁང་གི་ཡིག་ཆ་དེ་ཁ་སང་ཁོ་རང་ཚོ་ལ་རག་ཡོད་པ་རེད། ངེད་གཉིས་ལ་རག་སོང་།” ཅེས་དང་། ཁོང་མོས་མུ་མཐུད་དུ། ངེད་གཉིས་ལ་བདེན་པ་ཡོད་ཀྱང་། བདེན་པར་རྒྱབ་སྐྱོར་བྱེད་མཁན་མི་འདུག དང་པོ་ཁ་མཆུ་འདི་ཞུ་གཏུག་བྱེད་སྐབས་ཆེས་མཐོའི་ཁྲིམས་ཞིབ་ཁང་གིས་ངེད་གཉིས་ལ་རོགས་པ་བྱེད་མཁན་ཁྲིམས་རྩོད་པ་ཞིག་དགོས་པ་རེད་ཟེར་ནས། བཙན་བྱོལ་བོད་མིའི་ཁྲིམས་ལུགས་རིག་པའི་ཚོགས་པ་ཟེར་བ་དེ་ངོ་སྤྲོད་གནང་སོང་། ཡིན་ནའང་ངེད་གཉིས་ཕར་ཕྱིན་སྐབས་རོགས་པ་བྱེད་མཁན་རག་མ་སོང་། གང་ཡིན་ཟེར་ན། ཚོགས་པ་དེར་མི་གསུམ་བཞི་ཞིག་ལས་མི་འདུག ཚོགས་པ་དེའི་ཚོགས་གཙོ་བློ་བཟང་གྲགས་པ་ཟེར་བ་དེ་དང་རྣམ་རྒྱལ་ཚེ་སྐྱིད་ཟེར་བའི་བུ་མོ་ཞིག་འདུག་པ་དེ་གཉིས་ཀ་སྲིད་སྐྱོང་བློ་བཟང་སེང་གེ་དང་འོས་བསྡུ་ལས་ཁང་ལ་རོགས་པ་བྱེད་མཁན་རེད་འདུག སྤྱི་ཚོགས་ཞབས་ཞུ་སྒྲུབ་ཀྱི་ཡོད་ཟེར་བ་དེ་རྫུན་མ་རེད། ངེད་གཉིས་ལ་རོགས་པ་གཅིག་ཀྱང་བྱས་མ་སོང་། དེ་ནས་ངེད་གཉིས་ཡར་མར་ཁྲིམས་རྩོད་པ་བཙལ་ཡང་ཁྱོན་ནས་རག་མ་སོང་། ཁ་ཤས་ཀྱིས་སྲིད་སྐྱོང་བློ་བཟང་སེང་གེ་ཁྲིམས་གཏུག་བྱེད་ཀྱི་ཡོད་པ་ཤེས་རྗེས་གཡོལ་ཏེ་ངོས་ལེན་བྱེད་ཀྱི་མི་འདུག

ང་ཚོས་ད་དུང་མུ་མཐུད་དུ་ཞུ་གཏུག་བྱེད་རྒྱུ་ཡིན། ཁྲིམས་ཞིབ་ཁང་གི་ཁ་མཆུའི་སྐོར་ནས་དེ་རིང་ངེད་གཉིས་གང་ཡང་ཞུ་རྒྱུ་མིན། ང་ཚོའི་སྐད་འཕྲིན་ཚོགས་པར་མི་ལྔ་བརྒྱ་ལྷག་ཅིག་ཡོད། ཚོགས་པའི་མགྲིན་ཚབ་པ་སུད་སིར་ཡོད་པའི་ཨ་ཅག་མོ་རང་གང་མགྱོགས་མགྱོགས་དྷ་རམ་ས་ལར་ཡོང་རྒྱུ་རེད། ང་ཚོས་སྲིད་སྐྱོང་བློ་བཟང་སེང་གེ་ཁྲིམས་གཏུག་བྱེད་ཀྱི་ཡོད་པ་དེ་སྤྱི་དོན་ཡིན་བསམ་བསྡད་ཡོད། བཙན་བྱོལ་སྤྱི་ཚོགས་ནང་གི་མི་མང་པོ་ཞིག་ལ་དཔྱ་དངུལ་ལག་དེབ་སྟེང་ནོར་བཅོས་བྱེད་མ་ཐུབ་པར་དཀའ་ངལ་འཕྲད་བསྡད་ཡོད་པ་རེད། ཁོ་རང་ཚོ་སྙིང་རྗེ་རེད། དེ་གནས་ཚུལ་ཆུང་ཆུང་ཞིག་རྩ་བ་ནས་མ་རེད། ཅེས་སོགས་བརྗོད་སོང་།

འབྲེལ་ཡོད་གསར་འགྱུར།

Mobile App

བོད་དང་བོད་མིའི་མགྲིན་ཚབ་ཀྱི་བོད་སྒྱུར་ཕྱག་དེབ་འབྱེད་གནང་སོང་། 

སྐར་མ ༣༦ སྔོན་ལ།
༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད། དཔལ་ལྡན་དགའ་ལྡན་ཕོ་བྲང་གི་སྐུ་པར། ༢༠༢༥།༧།༢
༸གོང་ས་མཆོག གསར་འགྱུར།

༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད་སོང་།

ཆུ་ཚོད་ ༡ སྔོན་ལ།
འཕྲུལ་རིག་སྐད་བརྡའི་འཇུག་སྒོ། ཕེ་ཊོན་ (Python) ཞེས་པའི་དཔེ་དེབ། ༢༠༢༥།༦།༣༠
Mobile App

འཕྲུལ་རིག་སྐད་བརྡའི་འཇུག་སྒོ་ཞེས་པའི་དཔེ་དེབ་ཅིག་དབུ་འབྱེད་གནང་།

༢༠༢༥/༠༧/༠༡
ལོ་རྗེས་མར་སྦེལ་ཀོབ་བདེ་སྐྱིད་སླར་གསོ་གཞིས་ཆགས་སུ་ཨ་ཕའི་རྐང་སྤོལ་རྩེད་འགྲན་འཚོག་རྒྱུ་ཡིན་འདུག ༢༠༢༥།༦། ༣༠ ཨ་ཕ་རྐང་སྤོལ་ཚོགས་པའི་པར།
Mobile App

རྡོ་རྗེ་གླིང་གཡག་རུ་ཁག་ལ་འདི་ལོའི་ཨ་ཕ་གསེར་གྱི་བུམ་པའི་རྟགས་མ་ཐོབ་སོང་།

༢༠༢༥/༠༧/༠༡
༸གོང་ས་མཆོག གསར་འགྱུར།

བོད་ལྗོངས་མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

༢༠༢༥/༠༦/༣༠
 འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། བོད་ཀྱི་དུས་བབ་གསར་ཁང་གི་པར། ༢༠༢༥།༦།༢༧
Mobile App

འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། 

༢༠༢༥/༠༦/༢༧

མཆན། 17

  1. སྦྲ་ནག says:
    ལོ་ 9 སྔོན།

    སྤྱི་འཐུས་ཐོབ་པ་ཙམ་གྱིས་དགྲ་དགའ་གཉེན་སྡུག་གི་ལས་ཀ་མི་བྱེད་པའི་ངེས་བ་མེད་། ད་ལྟའི་ཆོས་བརྒྱུད་རེ་ཟུང་གི་འཐུས་མི་འདི་ཚོར་བལྟས་དང་།

    Reply
  2. བསྟནཔ་ says:
    ལོ་ 9 སྔོན།

    ཁྲིམས་ལུགས་རིག་པའི་ཚོགས་པ་ཟེར་བ་དེ་ཅི་རེད། མི་དམངས་ལ་དཀའ་ངལ་དང་སྤྱི་ཚོགས་ལ་རྙོག་དྲ་བཟོ་ཆེད་དུ་བཙུགས་པ་ནི་ཡིན་གྱི་མ་རེད། བོད་མིའི་ཁྲིམས་ལུགས་རིག་པ་བའི་ཚོགས་པའི་ཚོགས་མི་སུས་ཁྲིམས་ལུགས་ཤེས་ཀྱི་ཡོད་པ་རེད། ཚོགས་པ་འདི་ཡང་སྙིང་ག་རེའི་ཆེད་དུ་རེད། ད་ལྟ་བར་དུ་ལས་ཀ་ག་རེ་བྱས་ཡོད་པ་རེད། ཚོགས་པ་འདིའི་ཚོགས་མི་གོ་ཐོས་ལ་དོལ་ཚོགས་གྱི་མི་རེད་ཟེར། འཛབ་ཆེན་རེད།

    Reply
  3. Mangtso says:
    ལོ་ 9 སྔོན།

    དོན་བསྡུས་པ་འདི་རེད། ཆིག་སྒྲིལ་གཉིད་ལ་རོལ་ཤག། ད་ཁ་དགྲ་སྣ་དགྲ་བསགས་།

    “ངེད་གཉིས་དེ་རིང་བོད་པའི་ཁྲིམས་ལུགས་རིག་པའི་ཚོགས་པས་གསར་འགོད་གསལ་བསྒྲགས་སྤེལ་གྱི་ཡོད་པ་རྩ་བ་ནས་ཧ་གོ་མ་སོང་། ཁྲིམས་ཞིབ་ཁང་གི་ཡིག་ཆ་དེ་ཁ་སང་ཁོ་རང་ཚོ་ལ་རག་ཡོད་པ་རེད། ངེད་གཉིས་ལ་རག་སོང་།” ཅེས་དང་། ཁོང་མོས་མུ་མཐུད་དུ། ངེད་གཉིས་ལ་བདེན་པ་ཡོད་ཀྱང་། བདེན་པར་རྒྱབ་སྐྱོར་བྱེད་མཁན་མི་འདུག དང་པོ་ཁ་མཆུ་འདི་ཞུ་གཏུག་བྱེད་སྐབས་ཆེས་མཐོའི་ཁྲིམས་ཞིབ་ཁང་གིས་ངེད་གཉིས་ལ་རོགས་པ་བྱེད་མཁན་ཁྲིམས་རྩོད་པ་ཞིག་དགོས་པ་རེད་ཟེར་ནས། བཙན་བྱོལ་བོད་མིའི་ཁྲིམས་ལུགས་རིག་པའི་ཚོགས་པ་ཟེར་བ་དེ་ངོ་སྤྲོད་གནང་སོང་། ཡིན་ནའང་ངེད་གཉིས་ཕར་ཕྱིན་སྐབས་རོགས་པ་བྱེད་མཁན་རག་མ་སོང་།

    Reply
  4. Mangtso says:
    ལོ་ 9 སྔོན།

    ཆིག་སྒྲིལ་གྱིས་ནུས་པས་ཁམས་པའི་ཀླད་གྲལ་གངས་ཅན་སྐྱིད་གཤོངས་་སུ་སླར་ཡང་ཁ་ཁུམ་སིམ་སིམ་གྱི་བསྒྲིགས།
    ཀླད་མེད་ཀྱིས་ལྐུག་པ་དབུས་གཙང་ཆོལ་ཁས་ཤེས་ཚད་ཡིག་རྒྱུགས་ཁམས་པའི་མཉམ་བརྒྱ་ཆ་% ༥༠ ཙམ་ཡང་ཟིན་མེད་པ་བརྟེན་རྒྱ་བལ་འབྲུག་གསུམ་གྱི་ཇ་ཁང་ཐམས་ཀླད་པ་རུལ་བའི་དྲི་ངད་ཀྱིས་སྣ་རས་ཐུག་གི་བཀབ་ནས་གད་མོ་འཛུམ་འཛུམ་གྱིས་འགྲོ་དགོས་པ་བཟོས།
    ད་མིག་གཉིས་གཅེར་གཅེར་དུ་བལྟ་ཨང་ད་དུང་གར་སྟེགས་ལ་མི་རིམ་པས་དོན་ལེ་རེད་ཁོ་་་་ཧ་ཧ་ཧ་་་་་

    Reply
  5. ཁམས་གསུམ་དབང་འདུས། says:
    ལོ་ 9 སྔོན།

    ད་གངས་ཅན་སྐྱིད་ཤོངས་ནས་གནས་ཚུལ་འཛབ་ཆེན་དེ་འདྲ་མང་པོ་འཐོན་ཡོང་གི་འདུག་པས་བློ་བལྟ་ས་བསྡད་མི་འདུག་གོ་་་་་ཕྱིན་ཚར་བ་གནས་ཚུལ་ཕྱིན་འཚར་བ་རེད།་་་་་ད་ཡིན་ན་ང་ཚོ་ཁ་བཙུམ་ནས་བསྡད་རྒྱུ་མང་སོང་།་་་་་ད་ནས་བཟུང་སྐྱབས་མགོན་རིན་པོ་ཆེའི་ཐུགས་དགོངས་དཀྲུག་མཁན་སུ་ཡིན་རུང་ལས་སླ་པོར་རྩ་བ་ནས་འཇོག་གི་མིན།་་་་་་བླ་མ་དཀོན་མཆོག་དཔང་བཙུགས།་་་་་་་་འགོ་ལ་བཞུགས་མཁན་གྱི་འགོ་འཁྲིད་སུ་ཡིན་རུང་གཞུང་ལས་ཡག་པོ་ཞིག་མ་བྱས་ཚེ་མི་མང་འདུ་འཛོམས་ཀྱི་ཚོགས་ཆེན་འདུས་ནས་རྩ་མེད་བཟོ་ཐག་ཆོད་ཡིན་དཱ།

    Reply
  6. བསྟན་འཇམ། says:
    ལོ་ 9 སྔོན།

    ཁྱད་མཚར་རེད། སློབ་བཟང་སངས་རྒྱས་དང་འབའ་པ་སྐལ་བཟང་རྒྱལ་མཚན་གྱིས་ལམ་སྟོན་འོག་ལི་ཐང་བློ་བཟང་གྲགས་པ་ཟེར་བ་དེ་ད་ལོའི་སྤྱི་འཐུས་ནང་སླེབས་པ་རེད། སྤྱི་འཐུས་དམ་འབུལ་མ་བྱས་གོང་ལས་ཀ་ཁྱད་མཚར་འདི་འདྲ་བྱེད་རྒྱུའི་འགོ་བཙུགས་ཚར་སོང་།

    ཁོང་ཅག་གི་འགྲེལ་བཤད་ནང་དང་པོ་དེ་རིང་སྲིད་སྐྱོང་མཆོག་སྦིར་གཞིས་ཆགས་ནང་མཛད་འཕྲིན་ཡོད་པ་རེད། གཉིས་པ། ཁ་མཆུ་འདིའི་མགོ་ནས་མཇུག་བར་ང་ཚོའི་ཁྲིམས་ལུགས་རིག་པ་བའི་ཚོགས་པའི་ང་རང་དང་རྣམ་རྒྱལ་ཚེ་སྐྱིད་གཉིས་ཀྱིས་འགན་འཁུར་བསྡད་ཡོད་པ་རེད། ཡིག་ཆ་ཚང་མ་ངེད་གཉིས་བརྒྱུད་ནས་ཡོང་དགོས་སྟབས། དེ་རིང་གི་ཐག་གཅོད་དེ་ང་ཚོ་ཁྲིམས་རྩོད་པའི་ངོ་བོའི་སྟེང་ནས་བྱས་པ་རེད། ཅེས་རྒྱུ་མཚན་བཀོད་པར།

    ༡། སྲིད་སྐྱོང་ནི་གྱོད་ཡ་ཡིན་སྟབས་ཆེས་མཐོའི་ཁྲིམས་ཞིབ་ཁང་གི་བཅད་ཁྲ་ཉན་རྒྱུ་ལས་བཅད་ཁྲ་གསལ་བསྒྲགས་བྱེད་པའི་དབང་ཆ་མེད་སྟབས། ཁོང་སྦིར་ཕེབས་པ་དང་ཁྱེད་ཚོས་གསལ་བསྒྲགས་བྱས་པར་འབྲེལ་བ་ག་རེ་འདུག

    ༢། ཁྱེད་ཚོ་ནི་གཞུང་འབྲེལ་མིན་པའི་ཚོགས་པ་ཞིག་རེད་ལ། ལྷག་པར་ཁྲིམས་རྩོད་པ་ལས་ཁྲིམས་ཞིབ་པ་མིན་པས། གཞུང་འབྲེལ་མིན་པའི་ཚོགས་པ་ཞིག་གིས་ཆེས་མཐོའི་ཁྲིམས་ཞིབ་ཁང་གི་ཐག་གཅོད་གསལ་བསྒྲགས་བྱེད་རྒྱུའི་དབང་ཆ་སུས་སྤྲད་པ་རེད། ལྷག་པར་དུ་བཅད་ཁྲ་ཁྱབ་བསྒྲགས་བྱེད་མཁན་ནི་ཁྲིམས་ཞིབ་པ་ཡིན་པ་ལས་ཁྲིམས་རྩོད་པ་མིན་པས། ཁྱོད་ཚོས་ཁྲིམས་ལུགས་ཀྱི་དམའ་མཐའི་འགྲོ་སྟངས་ཙམ་ཡང་མི་ཤེས་པར་གང་བྱུང་གིས་གསར་འགོད་པའི་མདུན་ལ་ཐོན་ཡོང་བའི་སྤོབས་པ་དེ་སུས་སྤྲད་སོང་།

    ཡང་ཁྲིམས་ཞིབ་ཁང་གིས་ད་ཐེངས་ཀྱི་གནས་ཚུལ་དེར་ལྐོག་ལྐོག་སུད་སུད་ཞེ་དྲགས་བྱེད་ཀྱི་འདུག་པས། འཇུ་ཆེན་དཀོན་མཆོག་དང་བསྟན་པ་ཡར་འཕེལ་གྱིས་ཁྲིམས་ཞིབ་ཁང་སྒོ་རྒྱག་གི་ཡིན་ལབ་པ་ལྟར། ད་ཁྲིམས་དང་མ་མཐུན་པར་ས་འོག་དར་ཐག་རྐྱང་འཐེན་བསྡད་ན་ང་ཡང་ཁོང་གཉིས་ཀྱི་རོགས་པར་འགྲོ་དགོས་བྱེད་ས་རེད་ད།

    Reply
  7. ལྷ་སྒང་ཆོས་གྲགས། says:
    ལོ་ 9 སྔོན།

    བོད་མིའི་མང་གཙོའི་ཀ་བ་གསུམ་གྱི་ཁྲིམས་ཞིབ་ལྷན་ཁང་གི་ཁྲིམས་ཞིབ་པ་ཚོ་ཟ་བརྒྱབས་པ་རེད་དམ། ཡང་ན། སྡུག་ཤི་བརྒྱབས་པ་རེད། གཞུང་འབྲེལ་མིན་པའི་ཚོགས་པ་ཞིག་གིས་ཁྲིམས་ཞིབ་ཁང་གིས་ཚབ་བྱས་ནས་མི་མང་ལ་གཉའ་གནོན་དང་ཐུབ་ཚོད་གཏོང་སྟངས་དེ་ནི་ཆེས་ཀླ་ཀློའི་བྱེད་སྟངས་ཤིག་རེད། ༸གོང་ས་མཆོག་གིས་གནང་བའི་མང་གཙོའི་གཞུང་ཞེས་པ་དེ་སྒེར་གཅོད་དུ་གྱུར་བའི་མངོན་རྟགས་ཚང་མ་འཛོམས་འདུག མི་ངན་དེ་ཚོ་ཐར་པར་ནམ་ཡང་གཏང་རྒྱུ་ཡོད་མ་རེད། མུ་མཐུད་ཁྲིམས་ཁང་གཞན་དང་གཞན་ལ་གཏུགས་དགོས་རེད། ༸གོང་ས་མཆོག་ལ་ཐད་ཀར་བདེ་སྡུག་ཞུ་དགོས་རེད།

    Reply
  8. དིང་རྡོ། says:
    ལོ་ 9 སྔོན།

    ཐོག་མར་སྤྱི་ཚོགས་འདི་ལ་རེ་བ་ཞིག་བཅོལ་ཏེ་སྐྱབས་བཅོལ་ལ་ཡོང་ཡིན། རེད་དེ། ནམ་རིང་ན་རྨི་ལམ་མང་བའི་དཔེ་བཞིན་ལབ་རྒྱུ་གླེང་རྒྱུ་མང་པོ་ཞིག་འདུག་སྟབས་རི་བོ་ཧི་མ་ལ་ཡའི་རྒྱབ་ཀྱི་གནས་དེ་ཇི་ལྟར་བཙན་བསྣོན་ཆེ་ཡང་དྲན་ལྷང་སེ་བ་བྱུང་།

    ཁྲིམས་ལས་འགལ་ན་སུ་ཡང་རུང་།
    མཚུངས་པར་ཆད་པ་གཅོད་པ་ལས།
    འགའ་ལའང་ཡང་བར་མི་བྱ་སྟེ།
    དེ་ལྟར་བྱས་ན་ཁྲིམས་སྙོམས་སོ།

    Reply
  9. འཆི་མེད། says:
    ལོ་ 9 སྔོན།

    བོད་ཀྱི་ཁྲིམས་ལུགས་རིག་པའི་ཚོགས་པ་ཟེར་བ་འདིའི་ཕྱག་ལས་མགོ་འཛུགས་སྟངས་དང་། ཚོགས་པ་འདིའི་མིང་སྤྱི་ཚོགས་ཐོག་འཐོན་སྟངས་ཡག་པོ་ཆགས་མ་སོང་བསམ་ཡོད།

    Reply
  10. བློ་གྲོས། says:
    ལོ་ 9 སྔོན།

    དབུས་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གང་དུ་ཕྱིན་པ་ཡིན་ནམ།
    ད་ཕལ་ཆེར་རྡ་སར་དབུས་བོད་མའི་སྒྲིག་འཛུགས་འདི་ཡོད་ས་མ་རེད།
    དེང་སང་རྡ་སར་ཡོད་པ་ནི་དབུས་བོད་མའི་སྒྲིག་འཛུགས་ཀྱི་སྐུ་ཚབས་ཁོ་ན་ལས་གཞན་མི་འདུག
    ༡ བཀའ་ཤག་གི་གསལ་འགོད་གསལ་བསྒྲགས་འབའ་སྐལ་བཟང་རྒྱལ་མཚན་གྱི་གནང་སོང་།
    ༢ ཆེའི་མཐོའི་ཁྲིམས་ཞིབ་ཁང་གི་གསལ་བསྒྲགས་དེ་ཡང་ཚོགས་པ་ག་གེ་མོ་ཞིག་གིས་གནང་སོང་།

    Reply
  11. བློ་བཟང་། says:
    ལོ་ 9 སྔོན།

    བློ་སེང་སྲིད་སྐྱོང་དུ་འཁོད་པ་ནས་ཁྲིམས་ལུགས་དང་བདེན་པ་བརྡར་ས་སྣ་གཅིག་མེད་པར། གང་སར་ཕ་ཡུལ་གཅིག་པ་དང་ལག་རོགས་དཔུང་ཁག་བཙུགས་ཏེ། མི་མང་གི་ཁེ་དབང་དང་གཞུང་གི་དར་འཇམ་ཡུག་ཅིག་ཏུ་ཡོད་པའི་སྲིད་བྱུས་དག་རྩབ་ཧྲལ་དུ་གཏོང་གི་འདུག སྔོན་མར་འབའ་བ་སྐལ་བཟང་རྒྱལ་མཚན་གྱིས་བཀའ་ཤག་གི་ལས་དོན་མང་བོ་ཞིག་ནག་ཁུང་ནང་བྱས་པ་རེད་ལ། གྲོས་ཚོགས་ནང་ཡང་སྤྱི་འཐུས་ཡིན་པ་ལ་བཀའ་ཤག་གི་སྐུ་ཚབ་བྱེད་མཁན་སྐུ་ཞོག་སྡོམ་པ་མེད་མཁན་ཁ་ཤས་ཡོད་པ་ཚང་མས་མཐོང་ཡོད་ཅིང་། ད་ཆ་ཡང་ལི་ཐང་པ་ཞིག་བཀའ་ཤག་གི་ཉེ་འཁྲིས་སུ་ཉར་ནས་ཕོགས་ནག་པོ་སྤྲོད་བཞིན་པ་གསལ་ཐང་རེད་ཤག ད་ནས་བཟུང་བློ་སེང་གངས་སྐྱིད་ནས་མ་ཐོན་བར་དཔྱ་དངུལ་མི་སྤྲོད་ཁོ་ཐག་ཡིན།

    Reply
  12. Mangtso says:
    ལོ་ 9 སྔོན།

    སྲང་ལམ་གང་སར་ཁ་བདེ་པོ་ཀྱང་ཀྱང་ས་ཡ་གཅིག་བྱས་པ་ལས་ཀླད་པའི་ལས་ནུས་སྣ་གཅིག་བྱེད་མཁན་དེ་ལེགས་པ་ཆགས་འདུག་ག།

    བྱས་་ཙང་སྟོད་པ་ཀྱག་དྲི་དུགས་དུགས་ཚོ་འཇོན་ཚོད་ལས་ཀ་བྱས་ན་ལེགས། མ་འཇོན་པ་སྤྱི་ཚོགས་ཕུགས་དཀྲུགས་མདའ་དཀྲུགས་་གང་ས་བཟོ་རྩིས་
    བྱེད་པ་ད་དོར་ཤོག། དེ་ལས་ནང་ཁུལ་ཀླད་མེད་ཆགས་ཞེན་དོར་ནས་མི་བཟང་རེ་གཉིས་ཙམ་ཡོད་པ་མིག་ཡར་ཡར་བལྟས་ནས་སློབ་སྦྱོང་མང་ཙམ་
    བྱོས། ཨ་ནི་གཞིགས་ནས་འགྲོ་སྟངས་ཤེས་ཀྱི་རེད་ཧ་ཧ་ཧ་མི་འདི་ཚོ་ཞབས་འདྲེན་བཞག་པ་རེད་དོ་་་་་

    Reply
  13. འོད་ཟེར། says:
    ལོ་ 9 སྔོན།

    ཁྲིམས་རྩོད་པ་ཁྲིམས་རྩོད་པ་ལས་ཁྲིམས་དཔོན་མིན་པས་ཐག་གཅོད་ཀྱི་དབང་ཆའམ་གསར་འགོད་གསལ་བསྒྲགས་བྱེད་པའི་ལུགས་སྲོལ་འདི་གང་ནས་དར་བ་རེད་དམ།

    Reply
  14. བློ་འཇམ་ says:
    ལོ་ 9 སྔོན།

    ཡག་པོ་བྱུང་འདུག་་་་་་དཀོན་མཆོག་དང་དབྱངས་མཛོམས་་་མི་འདི་གཉིས་་སུ་ཡིན་མིན་ཤེས་གི་མི་འདུག་ལགས་་་་བོད་པ་ཡིན་མིན་དོགས་པ་ཡོད་་་་སྐྱོན་བརྗོད་ས་ནོར་ཡིན་པ་འདྲ་་་སྐྱོན་བརྗོད་ས་ཕ་ཕྱོགས་ལ་ཡོད་རེད།

    Reply
  15. བློ་བཟང་བཀྲ་ཤིས། says:
    ལོ་ 9 སྔོན།

    ཡ་མཚན་ཆེ་ཤོས་གཉིས།

    1. ཁྲིམས་ལུགས་རིག་པའི་ཚོགས་པ་ཟེར་བ་དེས་སྲིད་སྐྱོང་གི་ཚབ་བྱས་ཏེ་གསར་འགོད་གསལ་བསྒྲགས་སྤེལ་དོན་གང་ཡིན་ནམ།
    2. ཟླ་གཅིག་དང་ཕྱེད་ཀའི་ནང་བློ་བཟང་སེང་གེའི་རང་བཙན་ལག་དེབ་ནང་གི་མིང་བསྒྱུར་བཅོས་བཏང་བའི་དབང་ཤུགས།

    ད་ཡིན་ན་ཡ་མཚན་གྱི་གནས་ཚུལ་ཇེ་མང་རེད། ལི་ཐང་བློ་བཟང་གྲགས་པ་ཟེར་བ་འདི་ཆེས་མཐོའི་ཁྲིམས་ཞིབ་ཁང་གི་སྐུ་ཚབ་ཇི་ལྟར་ཆགས་པ་རེད་དམ། མངོན་མངོན་རྗེན་རྗེན་ལ་དབང་ཤུགས་དང་གཉའ་གནོན་བེད་སྤྱོད་ཀྱིས་མི་མང་གི་ཐོབ་ཐང་འཕྲོག་ལེན་བྱེད་ཀྱིན་ཡིན་ནམ།
    ད་སྔ་བར་དུ་བོད་མིའི་སྒྲིག་འཛུགས་ལ་ཡིད་ཆེས་བློ་གཏད་དང་ལྷག་བསམ་རྣམ་དག་བྱེད་མཁན་ཞིག་ཡིན་མོད་ཁྱོད་ཚོས་བྱེད་སྟངས་འདི་ཚོ་དངོས་འབྲེལ་ཡིན་ཚེ་ཉི་མ་དེ་རིང་ནས་སྐྱུག་བྲོ་བ་དང་ཡིད་ཆད་པའི་ཚོར་བ་ཞིག་མི་སླེབས་རང་སླེབས་ཆགས་སོང་།
    སྲིད་སྐྱོང་ལགས། མིག་ཡོད་བཞིན་དུ་ནམ་ནམ་ཞར་ཞར་བྱེད་རྒྱུ་ཡིན་ནམ།

    Reply
  16. བསོད་ནམས། says:
    ལོ་ 9 སྔོན།

    ཡ་མཚན་ཆེ་ཤོས་གཉིས།

    1. ཁྲིམས་ལུགས་རིག་པའི་ཚོགས་པ་ཟེར་བ་དེས་སྲིད་སྐྱོང་གི་ཚབ་བྱས་ཏེ་གསར་འགོད་གསལ་བསྒྲགས་སྤེལ་དོན་གང་ཡིན་ནམ།
    2. ཟླ་གཅིག་དང་ཕྱེད་ཀའི་ནང་བློ་བཟང་སེང་གེའི་རང་བཙན་ལག་དེབ་ནང་གི་མིང་བསྒྱུར་བཅོས་བཏང་བའི་དབང་ཤུགས།

    Reply
    • བསྟན་འཛིན་ཆོས་རྒྱལ། says:
      ལོ་ 9 སྔོན།

      གལ་གནད། ༡) བློ་བཟང་སེང་གེ་ཞེས་བོད་ཡིག་ཏག་ཏག་འཁོད་པའི་དཔྱ་དེབ་སྟོན་རྒྱུ་མེད་པ་གང་ཡིན་ནམ།
      ༢) དབུས་དང་ས་གནས་འོས་བསྡུ་གང་གིས་ཀྱང་སློབ་བཟང་སངས་རྒྱས་ཞེས་བྲིས་ཡོད་པ་ད་བར་མ་མཐོང་བ་གང་ཡིན་ནམ།
      ༣) དང་བླངས་དཔྱ་དེབ་དང་འོས་ཤོག་སྟེང་གི་མིང་ཁ་ཁ་ཡིན་ན་ཆོག་པའི་གནས་ལུགས་གང་ཡོད་དམ།
      ༤) ས་གནས་རང་བདེན་ཚོགས་ཆུང་དག་གིས་དཔྱ་དངུལ་བྱུང་འཛིན་སྟེང་ལ་མཚན་གང་འདྲ་ཞིག་བྲིས་ཡོད་དམ།
      ༥) བློ་སེང་རང་ཉིད་ཀྱིས་ད་བར་ནོར་བཅོས་མི་བྱེད་དོན་དོན་ཅི་ཡིན་ནམ།

      Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese