མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

རྒྱ་གཞུང་གིས་ལོ་གཅིག་ནང་དྲ་ལམ་དུ་དཀྲོག་གཏམ་ས་ཡ་ ༤༨༨ སྤེལ་བཞིན་ཡོད།

བོད་ཀྱི་དུས་བབ།
༢༠༡༦/༠༥/༢༣
Share on FacebookShare on TwitterShare on EmailShare on Whatsapp

ཊོམ་ཧྥི་ལིབ་སིས་(Tom Phillips)སྤེལ།
སྐལ་ལྡན་གྱིས་བསྒྱུར།

ཧར་ཝ་ཌ་ཉམས་ཞིབ་པས་གསང་བ་ཕྱིར་གྱར་བྱུང་བའི་ཡིག་ཆ་ལས་རྒྱའི་དཔོན་རིགས་ཚོས་གཞུང་ལ་སྐྱོན་བརྗོད་བྱེད་པའི་ངོ་བོ་གཏོར་བཤིག་གཏོང་ཕྱིར་རྫུན་སྒྲིག་བྱས་པའི་གནད་དོན་དྲ་ལམ་དུ་སྤེལ་བ་ཤེས་རྟོགས་བྱུང་ཚུལ་བཤད་ཡོད།

5616

སྲིད་གཞུང་ལ་མི་དམངས་ཀྱིས་སྐྱོན་བརྗོད་དང་དབང་འཛིན་དང་འབྲེལ་བའི་འདྲི་རྩད་ཁག་གི་ཁ་ལོ་སྒྱུར་ཕྱིར་རྒྱ་ནག་གཞུང་གིས་ལོ་གཅིག་ནང་རྫུན་སྒྲིག་བྱས་པའི་གནད་དོན་ས་ཡ་ ༤༩༠ ཙམ་དྲ་ལམ་དུ་སྤེལ་བཞིན་ཡོད་པའི་སྐོར་ཉམས་ཞིབ་ཚན་པ་ཞིག་གིས་འགྲེལ་བརྗོད་བྱས་ཡོད་པ་རེད།

རྒྱ་ནག་གི་སནྚ་ལྔ་བཅུའི་ཚོགས་པ་(Fifty Cent Party)ཞེས་པ། ལས་ཞོར་དུ་དྲ་ལམ་ཁག་གི་སྟེང་གནད་དོན་སྤེལ་བའི་ཚོགས་སྡེ་ཞིག་གི་མིང་ཡིན་པ་དང་། ཚོགས་སྡེ་དེས་གནད་དོན་སྤེལ་ཐེངས་རེར་གླ་ཡོན་སནྚ་ལྔ་བཅུ་(སནྚ་ནི་ཨ་སྒོར་གྱི་བརྒྱ་ཟུར་གཅིག་ཡིན།)ཐོབ་ཀྱི་ཡོད་པས་མིང་དེ་ལྟར་བཏགས་པར་ངོས་འཛིན་བྱེད་ཀྱི་ཡོད། ཚོགས་སྡེ་དེས་དུས་ཡུན་རིང་པོ་ཞིག་ནས་རྒྱ་ནག་གུང་ཁྲན་ཏང་གི་ཆབ་སྲིད་དང་ལངས་ཕྱོགས་སྲུང་སྐྱོབ་དར་སྤེལ་གཏོང་ཕྱིར། དྲ་ལམ་ཐོག་སྲིད་གཞུང་བཟང་རབས་དང་ལེགས་རབས་ཀྱི་གནད་དོན་ཁོ་ན་འདོན་སྤེལ་བྱས་པའི་ཁག་དཀྲི་འདོགས་ས་ཞིག་ཡིན།

གང་ལྟར་ཡང་། ཧར་ཝ་ཊེ་གཙུག་ལག་སློབ་གྲྭའི་ཉམས་ཞིབ་པས་ཤེས་རྟོགས་བྱུང་བར་གཞིགས་ན། སྔར་མི་རྣམས་ཀྱི་ཡིད་ལ་ཤར་བ་བཞིན་དྲ་ལམ་ཐོག་གི་གནས་ཚུལ་མང་པོ་ཞིག་རྒྱ་ནག་མི་སེར་དཀྱུས་མས་འདོན་སྤེལ་བྱས་པ་མ་ཡིན་པར། རྒྱ་གཞུང་ལས་བྱེད་པས་དྲ་ཐོག་ཏུ་རྣམ་པ་གཉིས་ཅན་གྱི་ཟློས་གར་འཁྲབ་ཀྱི་ཡོད་པ་ཞིག་ཡིན་པ་རེད།

ཞིབ་འཇུག་བྱས་པའི་དྲ་ལམ་ཐོག་གི་གཏམ་ཚིག་ ༤༣༨༠༠ ལས། རྒྱ་ནག་གཞུང་ལས་ཚན་ཁག་ ༢༠༠ ནང་གི་ལས་བྱེད་མི་སྣས་གཏམ་ཚིག་འདོན་སྤེལ་བྱས་ཡོད་པ་དང་། བརྒྱ་ཆའི་ཆ་ནས་ ༩༩.༣% ཟིན་གྱི་ཡོད་པ་རེད། ཚན་ཁག་དེ་དག་ཁྲོད་དཔྱ་ཁྲལ་དང་སྤྱི་ཚོགས་བདེ་དོན་ཁང་(tax and social security)དང་། མི་སྣ་སྐྱེད་སྲིང་ཁང་(human resources bureau)སོགས་ཀྱང་ཚུད་ཡོད་པ་རེད།

དྲ་ལམ་གྱི་གཏམ་ཚིག་དེ་དག་གུང་ཁྲན་ཏང་གི་ཚོགས་འདུ་ཆེ་ཁག་རིགས་འཚོགས་སྐབས་དང་། དུས་ཟིང་སྐབས། གཞུང་འབྲེལ་གུང་གསེང་སྐབས་སོགས་ཆབ་སྲིད་ཀྱི་ཚོར་བ་སྐྱེན་པའི་དུས་སྐབས་དང་སྟབས་བསྟུན་མཉམ་སྡེབ་ཀྱིས་འདོན་སྤེལ་བྱེད་ཀྱི་ཡོད་པ་རེད། དཔེ་མཚོན་གྱི་ཚུལ་དུ་བརྗོད་ན། ཕྱི་ལོ་ ༢༠༡༣ ལོའི་ཟླ་ ༦ པའི་ནང་ནུབ་ཕྱོགས་ཞིན་ཅང་ས་ཁུལ་དུ་འཁྲུག་ཟིང་ཆེན་པོ་བྱུང་བའི་སྐབས། མངོན་གསལ་དོད་པོས་དཔེ་ཅིན་སྲིད་གཞུང་ལ་ཕྱོགས་པའི་གཏམ་ཚིག་སྣ་ཚོགས་འདོན་སྤེལ་བྱས་ཡོད་པ་དང་། ལོ་དེའི་ཕྱི་ཟླ་བཅུ་གཅིག་པའི་ནང་པེ་ཅིན་དུ་སྐོང་འཚོགས་བྱས་པའི་ཆེས་མཐོའི་ཆབ་སྲིད་ལྷན་ཚོགས་སྐབས་སུ་ཡང་སྲིད་གཞུང་ལ་ཕྱོགས་པའི་གཏམ་ཚིག་དྲ་ཐོག་ཏུ་ཆར་རྗེས་ཀྱི་ཤ་མོ་བཞིན་འདོན་སྤེལ་བྱས་ཡོད་པ་རེད།

ཉམས་ཞིབ་པས་རྒྱ་ནག་ཤར་ཕྱོགས་གཞུང་འབྲེལ་དྲིལ་བསྒྲགས་ལས་ཁུངས་ཤིག་གི་ཡིག་ཆ་ཕྱིར་གྱར་བྱུང་བ་ལས། ལོ་རེར་དྲ་ལམ་ཁག་ཏུ་འདོན་སྤེལ་བྱས་པའི་གཏམ་ཚིག་ས་ཡ་ ༤༨༨ ལས། བརྒྱ་ཆ་ ༥༠% ལྷག་གཞུང་འབྲེལ་དྲ་ཚིགས་ཁག་ཏུ་འདོན་སྤེལ་བྱས་པ་ཤེས་རྟོགས་བྱུང་བ་དང་། དེ་འཕྲོས་རྒྱལ་ནང་གི་སྤྱི་ཚོགས་དྲ་ལམ་ཁག་ཏུ་འདོན་སྤེལ་བྱས་ཡོད་པ་རེད། སྤྱི་ཚོགས་དྲ་ལམ་དེ་དག་བེད་སྤྱོད་བྱེད་མཁན་མི་འབོར་ས་ཡ་ ༧༠༠ ཙམ་ཡོད་པ་རེད།

འོན་ཀྱང་། དེ་སྔོན་དྲ་ཐོག་གི་དྲིལ་བསྒྲགས་མང་ཆེ་བ་ལྟ་བ་མི་མཐུན་པ་ཚར་གཅོད་དང་། གཞུང་གི་ཆབ་སྲིད་བརྟན་སྲུང་སླད་ཁ་གཏད་དུ་ལངས་པར་ངོ་འཛིན་བྱས་པ་ལས་ལྡོག་སྟེ། སྲིད་གཞུང་གི་ཕྱོགས་གཏོགས་པས་གནད་དོན་གང་ཞིག་གི་ཐད་བགྲོ་གླེང་དང་རྩོད་གླེང་གི་རྣམ་པའི་ཐོག་མཉམ་ཞུགས་རྩ་བ་ནས་བྱེད་མི་ཆོག་པའི་སྐོར་ཉམས་ཞིབ་པས་འགྲེལ་བརྗོད་བྱས་ཡོད་པ་རེད།

ཉམས་ཞིབ་བྱས་པའི་གྲུབ་དོན་ནང་། རྒྱ་གཞུང་གི་རླབས་ཆེ་བའི་དྲ་ཐོག་དྲིལ་བསྒྲགས་ལས་འགུལ་སྐོར་བརྗོད་དོན་ “ཁོ་ཚོས་སྲིད་གཞུང་དང་། དབང་འཛིན་མི་སྣ། ཆབ་སྲིད་སོགས་ལ་སྐྱོན་བརྗོད་བྱས་པར་གདོང་ལེན་བྱེད་ཀྱི་མེད་ལ། གནད་དོན་ངར་ཤུགས་ཇི་ཙམ་ཆེ་བ་དང་། རྩོད་རྙོག་ཇི་ཙམ་ཆེ་རུང་སྣང་འཇོག་དེ་ཙམ་མེད་པ་ལྟར་ཡོད།”

དེ་བས་མི་དམངས་ཀྱི་སྐྱོན་བརྗོད་དང་། མཉམ་རུབ་ཀྱི་ནུས་པ། དཀའ་སྡུག་གི་འབོད་སྒྲ་སོགས་ཀྱི་གནད་དོན་ཁ་ལོ་བསྒྱུར་བ། མི་དམངས་ཀྱི་སྣང་བ་གཡེང་ཕྱིར་སྤྲོ་སྣང་འཕེལ་བའི་གཏམ་ཚིག་དང་། རྒྱལ་ཁབ་དང་མི་རིགས་ལ་ཞེན་འཕེལ་བའི་འགྲོ་གླེང་སོགས། མདོར་ན། ཐབས་ཇུས་མཁས་ཤིང་ཧུར་བརྩོན་ཆེན་པོས་གནད་དོན་ནུས་མེད་དུ་གཏོང་གི་ཡོད། དེ་ནི་དྲ་ལམ་ཐོག་གི་བརྡ་ལན་དབང་སྒྱུར་བྱེད་པའི་སྤྱང་གྲུང་ལྡན་པའི་འཐབ་ཇུས་ཤིག་ཡིན།

“མིའི་རིགས་ཀྱི་རྩོད་རྙོག་མང་པོ་ཞིག་མདུང་རྩེ་ཁ་སྤྲོད་ཀྱིས་རྒྱལ་ཕམ་ཐག་གཅོད་བྱེད་པ་དང་། གཞན་ཞིག་གི་རྒྱབ་སྐྱོར་ལ་བརྟེན་པ་ལས། རྩོད་རྙོག་རང་བཞིན་ནུས་མེད་དུ་གཏོང་བའམ། གླེང་གཞི་འགྱུར་བ་གཏོང་བའི་ཐབས་ནི་དེ་བས་ཕན་འབྲས་ཆེ་བ་ཡོད་པ་རེད།” ཅེས་ཉམས་ཞིབ་པས་སྡོམ་ཚིག་གི་ཚུལ་དུ་འགྲེལ་བརྗོད་བྱས་ཡོད་པ་རེད།

མ་རྩོམ་འབྲེལ་ཐག http://www.theguardian.com/world/2016/may/20/chinese-officials-create-488m-social-media-posts-a-year-study-finds

འབྲེལ་ཡོད་གསར་འགྱུར།

Baumgarten/Getty Images
Mobile App

རྒྱ་ནག་གཞུང་གིས་ཕྱི་རྒྱལ་གྱི་གསར་ཁང་མང་པོར་གནོན་ཤུགས་སྤྲོད་ཀྱིན་འདུག

སྐར་མ ༥༩ སྔོན་ལ།
Mobile App

སྲིད་སྐྱོང་མཆོག་ནས་བོད་ཀྱི་བདེན་མཐའ་གསལ་ན་བོད་ཀྱིས་རྒྱ་དཀར་ནག་བར་གྱི་ཟམ་པ་ལྟ་བུ་བྱེད་ཐུབ་སྐོར་གསུངས།

ཆུ་ཚོད་ ༢ སྔོན་ལ།
WIN-WIN COOPERATION Chinese President Xi Jinping meets with Nepalese Prime Minister Pushpa Kamal Dahal Prachanda in Hangzhou, capital city of east China’s Zhejiang Province on Saturday, Sept. 23, 2023. XINHUA PHOTO
Mobile App

བལ་ཡུལ་ནང་གི་བོད་མི་ཚོར་སྔར་ལས་དཀའ་ངལ་འཕྲད་ཉེན་འདུག

ཆུ་ཚོད་ ༤ སྔོན་ལ།
Mobile App

སྤྱི་འཐུས་གཅིག་དང་གྲོས་ཚོགས།

ཆུ་ཚོད་ ༩ སྔོན་ལ།
གཞི་རིམ་མི་མང་གི་ཞི་འབོད་ལས་འགུལ་གྱི་མཇུག་སྡོམ་མཛད་སྒོ་ཚོགས། ༢༠༢༣།༩།༢༨ བོད་ཀྱི་དུས་བབ་ཀྱི་པར། 
Mobile App

གཞི་རིམ་མི་མང་གི་ཞི་འབོད་ལས་འགུལ་དངོས་སུ་མཇུག་སྒྲིལ་སོང་།

༢༠༢༣/༠༩/༢༨
ཚོགས་དུས་དྲུག་པ་འཕར་འགྱངས་གནང་སོང་། བོད་ཀྱི་དུས་བབ་ཀྱི་པར། ༢༨།༠།༢༠༢༣
Mobile App

གྲོས་ཚོགས་ཚོགས་དུས་ ༦ པ་འཕར་འགྱངས་གནང་བའི་གསལ་བསྒྲགས་སྤེལ་སོང་།

༢༠༢༣/༠༩/༢༨

མཆན། 6

  1. ཕུན་ཚོགས་ཚེ་རིང་། says:
    ལོ་ 7 སྔོན།

    བོད་ཀྱི་དུས་བབ་ལས་ཁུངས་ཀྱིས་མི་རིགས་གཞན་པའི་སྐད་ཡིག་ནང་གི་རྩོམ་དང་གནས་ཚུལ་གལ་ཆེན་སོགས་བོད་ཡིག་ནང་སྒྱུར་བཞིན་པའི་ལས་གཞི་འདི་ལ་ཐུགས་རྗེ་ཆེ་གྲངས་མེད་ཞུ། ཁ་ཡོད་ལག་ཡོད་ཀྱི་ལས་དོན་རླབས་ཆེན་ཞིག་རེད།

    Reply
  2. སྐལ་ལྡན། says:
    ལོ་ 7 སྔོན།

    བསྟན་འཕེལ་ལགས་ཀྱིས་མ་འོངས་ཡིག་སྒྱུར་ལས་དོན་ལ་སྔར་བས་བརྩོན་པ་དང་ལེན་བྱེད་པའི་བཀའ་མོལ་གནང་བར་བཀའ་དྲིན་ཆེ་ཞུུ།

    Reply
  3. བསྟན་འཕེལ། says:
    ལོ་ 7 སྔོན།

    བོད་ཀྱི་དུས་བབ་གསར་ཁང་གི་ཡིག་སྒྱུར་ལས་གཞིའི་ནང་ཆ་ཤས་ལེན་མཁན་མང་པོ་ཞིག་བྱུང་བའི་ཁྲོད་ནས་སྐལ་ལྡན་ལགས་ཀྱི་སྒྱུར་དང་དག་སྡེབ། མ་རྩོམ་འདེམ་སྒྲུག་བྱེད་སྟངས་གང་ཐད་ནས་ཧ་ཅང་ཡག་པོར་མཐོང་སོང་། མི་མང་ལ་གོ་རྟོགས་དང་མིག་རྒྱ་སྐྱེད་པར་རླབས་ཆེན་གྱི་ཕན་ཐོགས་འབྱུང་བཞིན་ཡོད་པས་ཐུགས་རྗེ་ཆེ་ཞུ་རྒྱུ་ཡིན། མུ་མཐུད་དུ་དོན་སྙིང་ཅན་གྱི་རྩོམ་ཡིག་རིགས་བོད་ཡིག་ནང་བསྒྱུར་ཏེ་ཀློག་པ་པོ་ངེད་ཅག་གི་གོ་སྐལ་དུ་བསྟར་བར་སྙིང་ཁུངས་རུས་པའི་གཏིང་ནས་ཐུགས་རྗེ་ཆེ་ཞུ་བཞིན་ཡོད།

    Reply
  4. Mangtso says:
    ལོ་ 7 སྔོན།

    རྒྱ་སྒྱུར་ཡག་པོ་འདུག།

    Reply
  5. སྐལ་ལྡན། says:
    ལོ་ 7 སྔོན།

    ས་མཐའི་གངས་བུ་ལགས་ཀྱིས་སྒྱུར་སྟངས་ཀྱི་ཐད་རྩ་ཆེའི་དགོངས་ཚུལ་གསུང་གནང་བར་སྒྱུར་མཁན་གྱིས་ཐུགས་རྗེ་ཆེ་ཞུ།

    Reply
  6. ས་མཐའི་གངས་བུ། says:
    ལོ་ 7 སྔོན།

    The Chinese government is fabricating almost 490m social media posts a year in order to distract the public from criticising or questioning its rule, according to a study.
    གོང་གི་ཡིག་ཕྲེང་དེ་འདི་འདྲ་ཞིབ་སྒྱུར་ན་གང་འདྲ་འདུག་་་་་་་་་་
    ཉམས་ཞིབ་དེའི་ནང་བརྗོད་པར་གཞིགས་ན་མི་མང་གིས་སྲིད་གཞུང་ལ་སྐྱོན་བརྗོད་དམ། མུ་མཐུད་དབང་སྒྱུར་བར་དྲི་བ་མི་འདོན་པའི་ཆེད་རྒྱ་གཞུང་གིས་ལོ་གཅིག་ནང་རྫུན་སྒྲིག་བྱས་པའི་གནས་ཚུལ་ས་ཡ་ ༤༩༠ ཙམ་སྤྱི་ཚོགས་དྲ་རྒྱའི་སྟེང་སྤེལ་བཞིན་ཡོད་སྐོར་བརྗོད་འདུག

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist