དེ་རིང་བོད་ཀྱི་བུད་མེད་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་བཅུ་གཉིས་པ་རྒྱ་གར་ལྷོ་ཕྱོགས་ཧོན་སུར་རབ་རྒྱས་གླིང་དུ་དབུ་འཛུགས་གནང་ཡོད་འདུག
དེ་རིང་སྔ་དྲོའི་ཆུ་ཚོད་ ༩།༣༠ ཐོག་རྒྱ་གར་ལྷོ་ཕྱོགས་བོད་མིའི་གཞིས་སྒར་ཧོན་སུར་རབ་རྒྱས་གླིང་དུ། བོད་ཀྱི་བུད་མེད་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་བཅུ་གཉིས་པ་དབུ་འཛུགས་གནང་ཡོད་པ་དང་། ལྷན་ཚོགས་དབུ་འབྱེད་ཀྱི་མཛད་སྒོའི་ཐོག་སྐུ་མགྲོན་གཙོ་བོ་ས་གནས་ཀྱི་དགོན་སྡེ་གཉིས་ཀྱི་མཁན་རིན་པོ་ཆེའི་དབུས་བཀའ་ཟུར་རྒྱ་རི་སྒྲོལ་མ་མཆོག་དང་ཧོན་སུར་ས་གནས་མགོ་འཛིན་དགེ་ལེགས་འབྱུང་གནས་ལགས། དེ་བཞིན་བོད་ཀྱི་བུད་མེད་ལྷན་ཚོགས་ཀྱི་ས་གནས་ཁག་ ༣༠ ཡི་ཚོགས་གཙོ་ཚོགས་བཞོན་དང་། རྩིས་པ་དྲུང་ཆེ་བཅས་རྒྱུན་ལས་མི་བཞི་རེ་ཆེད་བཅར་གནང་འདུག
མཛད་སྒོའི་ཐོག་མར་སྐུ་མགྲོན་གཙོ་བོ་བཀའ་ཟུར་རྒྱ་རི་སྒྲོལ་མ་མཆོག་ནས་སྣང་གསལ་མར་མེ་ཞལ་འབྱེད་གནང་བ་དང་། དེ་ནས་ཚང་མ་སྐུ་བཞེངས་ཐོག་བོད་རྒྱལ་ཁབ་ཆེན་པོའི་རྒྱལ་གླུ་དང་བོད་བསྟན་སྲིད་ཀྱི་དོན་དུ་ལུས་སྲོག་ལོངས་སྤྱོད་དང་བཅས་པ་བློས་གཏོང་གནང་བའི་རྒྱལ་གཅེས་དཔའ་བོ་དང་དཔའ་མོ་རྣམས་ལ་མྱ་ངན་གུས་འདུད་སྐར་མ་གཅིག་གནང་རྗེས། བོད་ཀྱི་བུད་མེད་ལྷན་ཚོགས་ཀྱི་ལངས་གླུ་ཕུལ། དེ་ནས་སྐུའི་གཅུང་མོ་ཨ་མ་རྗེ་བཙུན་པདྨ་མཆོག་དང་རྒྱས་སྟོང་ཚེ་རིང་སྒྲོམ་མ་མཆོག་རྣམ་གཉིས་ཀྱི་བྱས་རྗེས་ལ་ཡི་རངས་དང་བསྔགས་བརྗོད་ཞུ་རྟེན་དུ་བོད་ཀྱི་བུད་མེད་ལྷན་ཚོགས་ནས་གཟེངས་རྟགས་ཞིག་འབུལ་ལམ་ཞུས་སོང་།
ཐེངས་འདིའི་བུད་མེད་ལྷན་ཚོགས་འགན་འཛིན་ལྷན་ཚོགས་ཟླ་འདིའི་ཕྱི་ཚེས་ ༡༣ བར་འཚོགས་ཀྱི་ཡོད་པ་དང་། ལྷན་ཚོགས་ཐོག་བོད་ཀྱི་བུད་མེད་ལྷན་ཚོགས་དབུས་སྤྱི་ཁྱབ་རྒྱུན་ལས་ཁང་གི་བཀའ་ཁྱབ་གཞིར་བཟུང་དབུས་ས་གཉིས་ཀྱི་ལས་བསྡོམས་དང་རྩིས་ཁྲའི་ཞིབ་ཕྲའི་སྙན་ཐོ་ཁག་སྙན་སྒྲོག་ཞུས་བ་དང་འབྲེལ། ཚོགས་ཞུགས་པ་རྣམས་ནས་དགོངས་འཆར་བཏོན་ཏེ་གྲོས་ཆོད་འཇོག་རྒྱུ་ཡིན་འདུག
རྒྱ་གར་ལྷོ་ཕྱོགས་ས་གནས་གསར་འགོད་པ་དོན་འགྲུབ་བཀྲ་ཤིས་ནས།
དེ་རིང་སྔ་དྲོའི་ཆུ་ཚོད་ ༩།༣༠ ཐོག་རྒྱ
