མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

འདི་ནའང་ལྷག་དཀར་ལས་འགུལ་བ་ཞིག

བོད་ཀྱི་དུས་བབ།
༢༠༡༦/༠༨/༢༥
Share on FacebookShare on TwitterShare on EmailShare on Whatsapp

འདས་པའི་ལོ་ཤས་གོང་ནས་ངོ་དེབ་སྟེང་ཕོ་གསར་ཞིག་གིས་བོད་པའི་རྒྱལ་དར་དང་། བོད་དོན་འབོད་ཚིག་འདྲ་མིན་འཁོད་པའི་འཕྲེད་དར་འཕྱར་བའི་པར་ཞིག་ཡང་ནས་ཡང་དུ་མཐོང་རྒྱུ་འདུག དེང་གི་བརྡ་འཕྲིན་བརྒྱུད་ལམ་སྟབས་ཇེ་བདེར་སོང་བ་དང་བསྟུན་ཏེ། མི་རྣམས་ཀྱི་ཉིན་རེའི་འཚོ་བའི་ཁྲོད་ཁ་སང་ལ་བ་ག་རེ་གྱོན་པ་དང་། དེ་རིང་ཟ་མ་ག་རེ་ཟ་བཞིན་པའང་ངོ་དེབ་སྟེང་སྤེལ་གྱིན་ཡོད་པ་དང་། བོད་ཀྱི་རྒྱལ་དར་དང་བོད་དོན་འབོད་ཚིག་སོགས་ཀྱང་བོད་དོན་ལས་འགུལ་ནས་རྒྱན་ཆས་ཀྱི་རྣམ་པར་ཡང་འགྱུར་བཞིན་ཡོད་སྟབས། ཕོ་གསར་དེའི་སྐོར་ལའང་དོ་སྣང་དམིགས་བསལ་བྱུང་མ་སོང་།

14095942_10210381925009028_4000704086926328951_nད་ལོར་ག་ས་གང་དུ་ཕོ་གསར་དེའི་པར་མཐོང་རྒྱུ་ཇེ་མང་དུ་ཕྱིན་སོང་ལ། ཁོའི་བོད་དོན་ལས་འགུལ་གྱི་ངར་ཤུགས་ཀྱང་སྔར་ལས་ཇེ་ཆེར་འགྲོ་བཞིན་ཡོད་པ་ཞིག་ཚོར་སོང་། གདོང་ལ་ཧ་ཅང་གཟབ་ནན་གྱི་ཉམས་ཤིག་མངོན་པའི་གསེང་ལ་ཁྲོ་ཉམས་ཤིག་ངང་གིས་སྦས་ཏེ། གཞུང་ལམ་ཆེན་པོའི་ཟུར་དང་མི་ཚོགས་འདུས་པའི་དབུས་སོགས་སུ་གངས་སེང་རྟགས་ཅན་གྱི་རྒྱལ་དར་ཞིག་བཟུང་སྟེ་ཀྲོང་ངེར་འགྱང་པ་དང་། མཚམས་རེར་རོགས་པ་དབྱིན་ཇི་འགའ་རེ་དང་མཉམ་དུ་བོད་དོན་དྲིལ་བསྒྲགས་ལ་བྲེལ་བཞིན་པ་སོགས་མཐོང་རྒྱུ་འདུག་སྟབས། རང་བཞིན་གྱིས་དོ་སྣང་བཀུག་སྟེ་ཁོའི་པར་དག་ལ་རེ་རེ་བཞིན་ཞིབ་ལྟ་བྱེད་དགོས་བྱུང་སྟབས། གཞི་ནས་ཁོང་ནི་དབྱིན་ཡུལ་རྒྱལ་ས་ལོན་ཌོན་དུ་ཡོད་པའི་བོད་རིགས་གཞོན་སྐྱེས་རྩ་དོན་འཐབ་རྩོད་པ་ཞིག་ཡིན་པ་ཤེས་བྱུང་།

ད་ནིང་ལས་ཁུངས་ལ་འབྱོར་ཏེ་གློག་སྐད་སྒོ་ཕྱེ་མ་ཐག་ཏུའང་ཕོ་གསར་དེའི་བོད་དོན་ལས་འགུལ་སྐོར་གྱི་པར་གསར་པ་འགའ་མཐོང་མ་ཐག་ཏུ་གཅིག་ནས་གསར་འགོད་པའི་ལས་འགན་དང་། གཉིས་ནས་སྒེར་ངོས་ནས་ཀྱང་ཁོའི་སྐོར་ཤེས་འདོད་ཆེན་པོ་བྱུང་སོང་བས། དེ་མ་ཐག་ངོ་དེབ་བརྒྱུད་ཁོ་ལ་འབྲེལ་བ་ཞུས་པར་ཆུ་ཚོད་གཅིག་ཙམ་རྗེས་ལན་འབྱོར་སོང་། སྐབས་དེར་ངས་ཁོང་ལ་སོ་སོ་ངོ་སྤྲོད་ཅིག་བྱས་རྗེས་ངེད་གཉིས་ཁོའི་བོད་དོན་ལས་འགུལ་སྐོར་ལ་གླེང་མོལ་བྱས་པ་ཡིན།

ལྷག་དཀར་ལས་འགུལ་བ་ཁོའི་མིང་ལ་བློ་བཟང་དཔལ་ལྡན་ཟེར་ཞིང་། ཁོང་ཐོག་མ་ ༢༠༠༥ ལོར་དབྱིན་ཡུལ་ནང་སྐྱབས་བཅོལ་དུ་འབྱོར་བ་ཡིན་འདུག དབྱིན་ཡུལ་ནང་འབྱོར་མ་ཐག་ནས་བོད་དོན་ལས་འགུལ་འདྲ་མིན་ནང་མཉམ་ཞུགས་གནང་ཡོད་པ་མ་ཟད། བོད་ནང་གནས་ཚུལ་ཛ་དྲག་བྱུང་སྐབས་དང་། བཙན་བྱོལ་ནང་གི་དུས་ཚིགས་དམིགས་གསལ་ཅན་སོགས་སུའང་ལས་འགུལ་འདྲ་མིན་སྤེལ་ཡོད་པ་དང་། ལྷག་པར་དུ་ ༢༠༠༩ ལོ་ནས་བཟུང་གཟའ་ལྷག་པ་ནམ་ཡིན་ལ་ཕྱི་དྲོའི་ཆུ་ཚོད་ ༦ ནས་ ༨ བར་གྱི་ཆུ་ཚོད་གཉིས་རིང་། ཁོ་རང་གཅིག་པུས་དབྱིན་ཇིའི་རྒྱལ་ས་ལོན་ཌོན་གྱི་རྒྱ་ནག་གཞུང་ཚབ་ཁང་མདུན་དུ། བོད་དོན་དྲིལ་བསྒྲགས་དང་རྒྱ་ནག་གཞུང་ལ་ངོ་རྒོལ་ལས་འགུལ་རྒྱུན་མ་ཆད་པར་སྤེལ་བཞིན་ཡོད་འདུག

བློ་བཟང་དཔལ་ལྡན་ལགས་ལ་བོད་དོན་ལས་འགུལ་དེ་ཐོག་མ་ཇི་ལྟར་སེམས་ནང་འཁོར་ཚུལ་དྲིས་པའི་ལན་དུ་ཁོང་གིས་བརྗོད་དོན། “ཐོག་མ་ ༢༠༠༥ ལོའི་ཟླ་བ་ ༡༡ པའི་ནང་རྒྱ་ནག་གི་སྲིད་འཛིན་ཧུའུ་ཅིན་ཐའོ་ལོན་ཌོན་དུ་ཡོང་སྐབས། ང་ཚོ་བོད་པ་དང་བོད་དོན་རྒྱབ་སྐྱོར་བ་མང་པོ་ཞིག་གིས་ངོ་རྒོལ་ལས་འགུལ་སྤེལ་བ་རེད། སྐབས་དེར་ང་རང་གི་སེམས་ནང་ཕྱི་རྒྱལ་ནས་བོད་དོན་ལས་འགུལ་སྤེལ་ན་ཕན་ཐོགས་ཡོང་ས་རེད་སྙམ་པའི་ཚོར་བ་ཞིག་བྱུང་སོང་། གང་ཡིན་ཟེར་ན། ཕྱི་རྒྱལ་མི་དེ་ཚོས་སྐད་ཆ་ཞིབ་ཚགས་མོ་འདྲི་བ་སོགས་དོ་སྣང་ཆེན་པོ་བྱེད་ཀྱིན་འདུག་པ་དང་། གསར་འགོད་པ་མང་པོ་ཡོང་ནས་པར་རྒྱག་པ་དང་དུས་ཐོག་ལ་ཚགས་པར་ནང་བཏོན་ཡོང་གི་འདུག ” ཞེས་བརྗོད་སོང་།

ཡང་ཁོང་ལ་ལས་འགུལ་དེར་བོད་པ་ཚོ་དང་ཕྱི་རྒྱལ་བ་ཚོས་རྒྱབ་སྐྱོར་གང་འདྲ་ཡོད་མེད་དྲིས་པར་ཁོང་གིས་འདི་ལྟར་བརྗོད་སོང་། “བོད་པ་ཚོས་རྒྱབ་སྐྱོར་ཡག་པོ་གནང་གི་འདུག ད་ལོའི་འཁྲུངས་སྐར་ཉིན་དབྱིན་ཡུལ་བོད་རིགས་ཚོགས་པས་ང་ལ་གཟེངས་རྟགས་ཤིག་ཀྱང་སྤྲད་སོང་། དེ་བཞིན། བོད་མི་སྒེར་བ་ཟ་ཁང་འཛིན་མཁན་ཞིག་གིས་ཀྱང་ང་ལ་རྔན་པ་དབྱིན་སྒོར་ ༤༠༠ ཙམ་སྤྲད་སོང་། བོད་པ་ཚོ་མཚམས་རེར་ངའི་ལྷག་དཀར་ལས་འགུལ་ནང་མཉམ་ཞུགས་གནང་གི་ཡོད་པ་རེད། དབྱིན་ཇིའི་སྤོ་གཉིས་ཧ་ལམ་རྟག་པར་ཞུགས་ཀྱི་ཡོད་པ་རེད།” ཅེས་བརྗོད་སོང་།

བློ་བཟང་དཔལ་ལྡན་ལགས་ཀྱིས་བརྗོད་པ་ལྟར་ན། ཁོའི་ལས་འགུལ་དེའི་ནང་དབྱིན་ཇིའི་སྤོ་བོ་མཚན་ལ་ཆཱ་སི་ Chas ཟེར་ཞིང་དགུང་ལོ་ ༨༣ ཡིན་པ་ཞིག་དང་། གཞན་པ་མཚན་ལ་ Cees ཟེར་ཞིང་དགུང་ལོ་ ༦༥ ཡིན་པ་ཞིག་ནམ་རྒྱུན་མཉམ་ཞུགས་གནང་གི་ཡོད་པ་དང་། མཚམས་རེར་ཕོ་གསར་ཞིག་ཀྱང་མཉམ་ཞུགས་གནང་གི་ཡོད་འདུག

དབྱིན་ཇིའི་སྤོ་བོ་ལགས་དེ་གཉིས་བོད་དོན་ཐོག་སེམས་ཤུགས་ཆེན་པོ་ཡོད་པ་དང་། ལྷག་པར་དུ་ཆཱ་སི་ཟེར་བ་དེས་འདས་པའི་ལོ་ངོ་ ༢༠ གོང་ནས་ལྷག་དཀར་ལས་འགུལ་སྤེལ་ཡོད་པ་དང་། སྐབས་དེར་ ‘ལྷག་དཀར’ ཟེར་བའི་སྤྱི་འདུས་ཀྱི་མིང་དེ་གྲུབ་མེད་ཀྱང་། ཆཱ་སི་ཁོ་རང་གཙོས་པའི་བོད་དོན་རྒྱབ་སྐྱོར་བ་རྒན་པ་ཁག་ཅིག་གིས་ ‘wednesday vigil’ ཞེས་པའི་ལས་འགུལ་ཞིག་སྤེལ་བཞིན་ཡོད་འདུག རྗེས་ལ་ལྷག་དཀར་གྱི་ངོ་བོར་མིང་གཅིག་གྱུར་ཆགས་ཡོད་འདུག

བློ་བཟང་དཔལ་ལྡན་ལགས་ཀྱིས་བརྗོད་པ་ལྟར་ན། ཁོ་རང་གི་ལས་འགུལ་དེར་གྲོང་ཁྱེར་དེའི་ཡུལ་མི་ཚོ་དང་། ལྷག་པར་དུ་ལོན་ཌོན་ནང་གི་ཡུལ་སྐོར་སྤྲོ་འཆམ་པ་ཚོས་དོ་སྣང་ཆེན་པོ་བྱེད་ཀྱིན་ཡོད་འདུག ལས་འགུལ་སྐབས་ཁོས་བོད་དོན་སྐོར་གྱི་ཡིག་ཆ་འདྲ་མིན་འགྲེམ་སྤེལ་བྱེད་བཞིན་ཡོད་པ་དང་། མཚམས་རེར་དབྱིན་ཡུལ་ནང་སློབ་གཉེར་བྱེད་བཞིན་པའི་རྒྱ་རིགས་སློབ་ཕྲུག་འགའ་རེའང་ཡོང་སྟེ། ཁོང་ཚོར་སྐད་ཆ་འདྲི་བ་དང་བོད་ཀྱི་རྒྱལ་དར་བསྣམས་པ་སོགས་བོད་དོན་ལ་རྒྱབ་སྐྱོར་ཡོད་པའི་རྣམ་པ་སྟོན་བཞིན་ཡོད་འདུག

ནམ་རྒྱུན་རྒྱ་ནག་གཞུང་ཚབ་ཁང་གི་ལས་བྱེད་ཚོ་ལས་ཁུངས་གྲོལ་ཡོང་སྐབས། ཁོ་རང་གི་ངོ་རྒོལ་ལས་འགུལ་དེ་མཐོང་གི་ཡོད་སྟབས་འདོད་པ་ཁེངས་པའི་ཚོར་སྣང་ཡོང་གི་ཡོད་པ་དང་། ཐེངས་ཤིག་རྒྱ་མི་ཞིག་གིས་ཁོའི་ངོ་རྒོལ་ལས་འགུལ་ལ་མ་དགའ་བའི་རྣམ་འགྱུར་བསྟན་ཏེ། ཆུའི་འགྱིག་དམ་བཞུས་སོང་བར་ཁོས་དེ་ལ་ཡ་ལན་ངན་པ་མ་བྱས་པར་ཉེན་རྟོག་པར་གཏུགས་ཏེ་ཉེན་རྟོག་པས་རྒྱ་མི་དེ་འཇུ་བཟུང་བྱས་ཡོད་སྐོར་སོགས་ངོ་སྤྲོད་གནང་སོང་། ངེད་གཉིས་ཀྱི་གླེང་མོལ་མཚམས་འདིར་སླེབས་སྐབས། ཁོ་རང་ལས་ཀ་ན་ཡོད་སྟབས་ཁ་བརྡ་བྱེད་རྒྱུར་དེ་ཙམ་སྟབས་བདེ་བོ་མེད་པའི་རྣམ་འགྱུར་བསྟན་སོང་བས་ངེད་གཉིས་ཀྱི་གླེང་མོལ་འདི་ནས་མཚམས་འཇོག་བྱས་པ་ཡིན།

དོན་འགྲུབ་བཀྲ་ཤིས།

10347720_10205912791843492_5913299551729972422_n 12179383_10207944260108929_688305207_n 13557926_10209885287313396_856542960789618562_n 12974541_10209204564415749_8997445406326961945_n 13051564_10209317228952292_6372735945444720770_n 13096135_10209372133444870_8559009023379102288_n 13428591_10209704196346235_8963042407237007497_n 12141710_10207918350501205_2096979277427323015_n 12112163_10207917688604658_1389601444271693504_n 11149456_10206575898060733_1276797253505364304_n 11167852_10207916146966118_5979710318085231486_n 10923281_10205811012539073_1027276215216704936_n 10906404_10205811014499122_2789840188466237311_n 10905994_10205811015019135_2041554040681242051_n 10391573_10209038099214223_135474392904267019_n 10363839_10203926983959536_6312906476760746475_n 10354182_10204463502492164_7273809769727728395_n 993915_10201559523414502_738107768_n

འབྲེལ་ཡོད་གསར་འགྱུར།

བྷི་ཧར་མངའ་སྡེའི་ཟམ་ཆེན་ཞིག་ལ་གློ་བུར་རྡིབ་སྐྱོན་བྱུང་།
Mobile App

བྷི་ཧར་གྱི་ཟམ་ཆེན་ཞིག་ལ་གློ་བུར་དུ་རྡིབ་སྐྱོབ་བྱུང་།

ཆུ་ཚོད་ ༡༤ སྔོན་ལ།
League of Social Democrats leader Chan Po-ying, center, argues with police before being taken away in Hong Kong’s Causeway Bay shopping district on 4th june 2023.Photo :AFP
Mobile App

དྲུག་བཞིའི་དོན་རྐྱེན་ལ་རྗེས་དྲན་ཞུ་མཁན་མང་པོ་ཞིག་བཙན་འཁྲིད་བྱས་འདུག  

ཆུ་ཚོད་ ༡༥ སྔོན་ལ།
People jostle each other to buy subsidized sacks of wheat flour in Quetta, Pakistan, Thursday, Jan. 12, 2023
Mobile App

འཛམ་གླིང་གི་རྒྱལ་ཁབ་ཆུང་གྲས་མང་པོ་ཞིག་རྒྱ་ནག་གི་བུ་ལོན་ནང་ལྷུང་འདུག

ཆུ་ཚོད་ ༡༦ སྔོན་ལ།
China has been accused of trying to block Penpa Tsering, the head of Tibet’s government-in-exile, from speaking at the National Press Club
Mobile App

རྒྱ་ནག་གིས་སྲིད་སྐྱོང་སྤེན་པ་ཚེ་རིང་མཆོག་ཨོ་གླིང་ནང་ཕེབས་རྒྱུར་ངོ་རྒོལ་བྱེད་བཞིན་འདུག

ཆུ་ཚོད་ ༡༩ སྔོན་ལ།
Mobile App

བོད་རང་སྐྱོང་ལྗོངས་ཟེར་བའི་མགོ་ཁྲིད་ཅིག་འཛིན་བཟུང་བྱས་ཡོད་ཟེར།

༢༠༢༣/༠༦/༠༣
Odisha train accident LIVE: Locals, security personnel and NDRF during the search and rescue operation at the site where Coromandel, Bengaluru-Howrah Express trains derailed last night, in Balasore district, Saturday, June 3, 2023. (PTI Photo)
༧གོང་ས་མཆོག གསུང་འཕྲིན།

མེ་འཁོར་གདོང་ཐུག་བྱུང་ནས་མི་གྲངས་ ༢༣༣ ལྷག་རྐྱེན་འདས་སུ་གྱུར་བར་ཐུགས་སྨོན་མཛད།

༢༠༢༣/༠༦/༠༣

མཆན། 8

  1. འདམ་སྐྱེས། says:
    ལོ་ 7 སྔོན།

    བློ་བཟང་དཔལ་ལྡན་ལགས་ནས་རང་དོན་རང་གཅེས་གནང་ནས་དོན་དམ་གྱི་བོད་དོན་ལས་འགུལ་རྣམ་མང་རྒྱུན་རིང་སྤེལ་དང་སྤེལ་བཞིན་པ་ལ། དགའ་གུས་ཆེན་པོས་བསྔགས་བརྗོད་ཞུ་རྒྱུ་མ་ཟད་རྒྱལ་གཅེས་དཔའ་བོ་ངོ་མ་ཞུ་འོས་པ་ཞིག་རེད་ལ་ངོས་འཛིན་ཞུ་གི་ཡོད། རང་རིགས་ཚང་མས་བྱ་མིག་གྱེན་བལྟས་ཀྱིས་མི་རེས་འགན་རེ་འཁུར་དགོས་པའི་དུས་ལ་བབ་ཡོད་པ་མངའ་གསལ་བཞིན་དང་། བོད་ཀྱི་དུས་བབ་གསར་འགོད་པས་ཐུགས་སྣང་ཆེ་་བཞེས་ཀྱིས་གསར་ཤོག་ནང་འགོད་གནང་བར་ཐུགས་རྗེ་ཆེ་ཞུ་དང་ལེགས་བརྗོད་ཡོད།།

    Reply
  2. ལྷག་དཀར། says:
    ལོ་ 7 སྔོན།

    ལས་འགུལ་སྤེལ་མཁན་དང་གསར་འགྱུར་འབྲི་མཁན་གཉིས་ཀ་ཡག་བྱུང་།་ཐུགས་རྗེ་ཆེ།

    Reply
  3. ཕན་བདེ། says:
    ལོ་ 7 སྔོན།

    བཀའ་དྲིན་ཆེ། ཐུགས་རྗེ་ཆེ། མུ་མཐུད་དུ་ཤུགས་རྒྱག་རོགས། བཙན་བྱོལ་ནང་ནས་འཚར་ལོངས་བྱུང་མཁན་ཞིག་ལ་འདི་ལྟ་བུའི་སེམས་ཤུགས་དང་ལ་ཞེན་ཞིག་ཡོད་པ་གཞིས་ཆགས་ཀྱི་གཞོན་སྐྱེས་གཞན་པ་ཚོས་མིག་དཔེ་ལྟ་རོགས་གནང་།

    Reply
  4. བརྩོན་རྒྱམ། says:
    ལོ་ 7 སྔོན།

    ཕོ་གསར་འདི་སྔོན་མ་རྣམ་རྒྱལ་གྲྭ་ཚང་གི་གྲྭ་ཟུར་ཞིག་རེད་ངས་ཁོང་ངོ་ཤེས་མི་འདི་ངོ་མ་ལྷག་བསམ་རྣམ་དག་ཡོད་མཁན་བོད་མི་རིགས་ལ་དུང་བ་ཡོད་མཁན་ཞིག་ཡིན་པ་ངས་ཚོར་སོང་གང་ཡིན་ཟེར་ན་དཔའ་བོ་ཐུབ་བསྟན་དངོས་གྲུབ་ལགས་མེད་མཆོད་ཕུལ་དུ་ང་ཚོ་སྐད་རྒྱབ་ནས་ཚང་མ་ཚོར་བ་འདྲ་མིན་སྐྱེས་པ་རེད། དེ་སྐབས་ཁོང་གི་མིག་ཆུ་གཏོང་བཞིན་སྐད་འབོད་རྒྱབ་པ་ངས་ད་བར་མིག་ལམ་ལ་གསལ་བོ་དྲན་ནི་ཞིག་རེད། གང་ལྟར་བཀྲིན་ཆེ་མི་རིགས་འདིའི་བདེན་དོན་ཆེད་འདི་ལས་འགུལ་གནང་བ་དགའ་སོང་།

    Reply
  5. བཀྲ་རྣམ། says:
    ལོ་ 7 སྔོན།

    ཁྱོད་ཀྱི་ལས་འགུལ་ལ་རྒྱབ་སྐྱོར་དང་གདུང་སེམས་མཉམ་སྐྱེས་ཡོད། ལས་འགུལ་ཆུང་ཆུང་ནུས་པ་ཆེན་པོ།

    Reply
  6. teanzinphuntsok says:
    ལོ་ 7 སྔོན།

    རྒྱབ་སྐྱོ་ཡོད། བོད་པའི་རྩ་དོན་ཐོག་བོད་པ་མི་རེ་ངོ་རེ་ལ་འགན་འཁྲི་ཡོད་པ་ལྟར། འདི་ལྟར་གང་ཟག་སྒེར་བ་གཅིག་རེ་གཉིས་རེ་ཡིས་རྩ་དོན་ལས་འགུལ་སྤེལ་བ་འདི་ཧ་ཅང་རླབས་ཆེན་རེད། བོད་མི་ས་ཡ་དྲུག་གི་ཚབ་བྱས་ཏེ་སྙིང་ཐག་པ་ནས་ཐུགས་རྗེ་ཆེ་ཞུ།

    Reply
  7. ལོ་མ། says:
    ལོ་ 7 སྔོན།

    ད་བར་སུས་ཀྱང་མ་མཐོང་བའི་ལས་འགུལ་རླབས་ཆེན་ཞིག་རེད། རྒྱབ་སྐྱོར་དང་བསྔགས་བརྗོད་གྲངས་མེད་པ་ཡོད།

    Reply
  8. བདེ་གསལ། says:
    ལོ་ 7 སྔོན།

    གསར་འགྱུར་སྤྲོ་ཉམས་དོད་པོ་བྲིས་འདུག ཕོ་གསར་འདིའི་ལས་འགུལ་རྒྱབ་སྐྱོར་བརྒྱ་ཆའི་བརྒྱ་ཡོད། ཁོ་རང་རྒྱ་གར་ནས་ཡོང་བའི་གཞིས་ཆགས་ཀྱི་མི་རེད། ང་ཁོ་རང་ལ་ཆ་རྒྱུས་ཡོད། ངས་ཁོ་རང་གིས་བོད་དོན་ལས་འགུལ་སྤེལ་བཞིན་པ་ཐེངས་མང་པོར་མཐོང་མྱོང་ཡོད། རྒྱ་གར་ནང་གི་གཞིས་ཆགས་ཁག་ནས་ཡོང་བ་ཚོའི་ཁྲོད་དུ་བོད་དོན་ལ་སེམས་ཤུགས་ཡོད་མཁན་ཁོང་ལྟ་བུར་མཚོན་ན་ཚང་མའི་མིག་དཔེ་ལྟ་འོས་པ་རེད། མུ་མཐུད་དུ་ཤུགས་རྒྱག་རོགས། བོད་རྒྱལ་ལོ།།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist