ཇོ་ནང་བའི་སྐུ་ཚབ་ལྷན་ཚོགས་སྟེང་སྐབས་བཅུ་དྲུག་པའི་གྲོས་ཚོགས་ཚོགས་དུས་གཉིས་པའི་སྟེང་སླར་ཡང་ཇོ་ནང་བར་བོད་པའི་ཆོས་བརྒྱུད་སྤྱི་མཚུངས་ཀྱི་ཐོབ་ཐང་དགོས་པའི་སྙན་ཞུ་འབུལ་རྒྱུའི་ཐག་གཅོད་གནང་ཡོད་འདུག
དེ་རིང་ཕྱི་དྲོའི་ཆུ་ཚོད་ ༤ བའི་སྟེང་། ནོར་གླིང་ཇོ་ནང་དུས་འཁོར་གྲྭ་ཚང་དུ། འདས་པའི་ཉིན་གཉིས་རིང་དཔལ་རྒྱལ་བ་ཇོ་ནང་བའི་སྐུ་ཚབ་ལྷན་ཚོགས་ཐེངས་དང་པོ་ཚོགས་པའི་སྐོར་ལ་གསར་འགོད་གསལ་བསྒྲགས་ཤིག་སྤེལ་ཡོད་པ་དང་། ལྷན་ཚོགས་སྟེང་ཇོ་ནང་རྒྱལ་ཚབ་རིན་པོ་ཆེ་མཆོག་གཙོ་བྱས་ཏེ་རྒྱལ་ཁབ་འདྲ་མིན་གྱི་ས་གནས་ཁག་དང་དགོན་སྡེ་ཁག་གི་སྐུ་ཚབ་ ༣༠ ཙམ་འཛོམས་འདུག
ཇོ་ནང་འགྲོ་ཕན་ལྷན་ཚོགས་ཀྱི་ཚོགས་གཙོ་ཚངས་དབྱངས་རྒྱ་མཚོ་ལགས་ཀྱིས་བརྗོད་དོན། ན་ནིང་ང་ཚོས་གྲོས་ཚོགས་ནང་ཇོ་ནང་བར་ཆོས་བརྒྱུད་སྤྱི་མཚུངས་ཀྱི་ཐོབ་ཐང་དགོས་པའི་ལས་འགུལ་སྤེལ་པར་གྲུབ་འབྲས་ཡང་གང་ཡང་འཐོན་མེད་ཀྱང་། བཀའ་ཤག་དང་གྲོས་ཚོགས་ཀྱིས་སྐབས་དེའི་དགོས་འདུན་དོན་ཚན་ཁག་ལས་མང་ཆེ་བ་ཞལ་བཞེས་གནང་ཡོད་པ་དང་། ལྷག་པར་དུ་སྐུ་སྒར་ཡིག་ཚང་གི་དྲུང་ཆེ་རྣམ་པ་དང་དཔལ་རྒྱལ་བ་ཇོ་བའི་སྐྱབས་མགོན་མཆོག་གི་འབོད་སྐུལ་གནང་བར་བརྟེན་ཏེ་སྐབས་དེའི་ང་ཚོའི་ལས་འགུལ་མཚམས་བཞག་པ་རེད། ཡིན་ནའང་ང་ཚོས་ཇོ་ནང་བར་ཆོས་བརྒྱུད་གཅིག་མཚུངས་ཀྱི་ཐོབ་ཐང་མ་རག་བར་ཞུ་འབོད་མུ་མཐུད་རྒྱུ་ཡིན་ཞེས་ཞུས་ཡོད།
ད་རེབ་ཕྱི་ཟླ་དགུ་བའི་གྲོས་ཚོགས་ནང་ང་ཚོས་སླར་ཡང་སྙན་ཞུ་ཞིག་ཕུལ་ནས་རེ་བ་རྒྱག་རྒྱུ་ཡིན། རྒྱུ་མཚན་གང་ཡིན་ཟེར་ན། ད་ལན་བཀའ་ཤག་གི་བཀའ་བློན་རྣམས་གསར་དུ་བསྐོ་བཞག་གནང་ཡོད་པ་དང་། བོད་མི་མང་སྤྱི་འཐུས་ལྷན་ཚོགས་ཀྱི་འཐུས་མི་རྣམས་ཀྱི་བརྒྱ་ཆ་ལྔ་བཅུ་གསར་བ་ཆགས་ཡོད་སྟབས། ང་ཚོས་ཁོང་རྣམ་པར་རེ་བ་ཆེན་པོ་ཞིག་བརྒྱབ་སྟེ། ང་ཚོར་དྲང་བདེན་གྱི་ཐོག་ནས་ཐག་གཅོད་གནང་བར་འབོད་སྐུལ་ཞུ་རྒྱུ་ཡིན་ལ། ད་ལན་གྱི་གྲོས་ཚོགས་ནང་གྲོས་ཆོད་གང་བྱུང་བ་དེ་གཞིར་བཟུང་ནས། ད་ལོའི་དུས་འཁོར་དབང་ཆེན་སྐབས་རྡོ་རྗེ་ལྡན་ནས་ཇོ་ནང་བའི་དམིགས་བསལ་ཚོགས་ཆེན་ཐེངས་བརྒྱད་པའི་སྟེང་མ་འོངས་པར་ཇོ་ནང་བའི་ཞི་འབོད་ལས་འགུལ་ག་འདྲ་ཞིག་འགྲོ་དགོས་མིན་ཐག་གཅོད་རྒྱུ་རེད།
ང་ཚོ་ཇོ་ནང་བའི་ཞུ་འབོད་ལས་འགུལ་ཐད་བཙན་བྱོལ་སྤྱི་ཚོགས་ནང་གླེང་སློང་འདྲ་མིན་ཞིག་བྱུང་ཡོད་ཀྱང་། ང་ཚོར་དེའི་ཐད་གསལ་བཤད་ག་རེ་ཞུ་རྒྱུ་ཡོད་ཟེར་ན། ང་ཚོ་ཇོ་ནང་གི་ངོས་ནས་ད་ལྟའི་བར་དུ་སྐྱབས་མགོན་རིན་པོ་ཆེ་མཆོག་གི་བཀའ་སློབ་ལམ་སྟོན་དང་ཁོང་ཉིད་ཀྱི་དགོངས་གཞི་དང་འགལ་བའི་ལས་འགུལ་སྤེལ་མྱོང་ཡོད་པ་མ་རེད་ལ། མ་འོངས་པར་ཡང་སྤེལ་སྲིད་ཀྱི་མ་རེད། ང་ཚོས་སྐྱབས་མགོན་རིན་པོ་མཆོག་གི་དཀའ་དགོངས་དང་དམངས་གཙོའི་འགྲོ་ལུགས་དང་མཐུན་པའི་ཐོག་ནས་ཞི་འབོད་བྱེད་ཀྱི་ཡོད་པ་མ་གཏོགས། ང་ཚོས་རང་གཞུང་ལ་རྒྱབ་འགལ་གྱི་ཐོག་ནས་ངོ་རྒོལ་སྐད་འབོད་དེ་འདྲ་རྩ་བ་ནས་བྱེད་ཀྱིན་མེད། ཅེས་བརྗོད་བྱུང་།
ཐེངས་འདིའི་ལྷན་ཚོགས་སྟེང་གི་གྲོས་ཆོད་དོན་ཚན་ཁག་ཅིག་བཞག་ཡོད་པ་ནི། དང་པོ། རྒྱལ་སྤྱིའི་ཁྲིམས་ལུགས་དང་བཙན་བྱོལ་བོད་མིའི་སྒྲིག་འཛུགས་ཀྱི་བཅའ་ཁྲིམས་གཞིར་བཟུང་རྒྱལ་བ་ཇོ་ནང་པར་ཆོས་བརྒྱུད་སྤྱི་མཚུངས་ཀྱི་ཐོབ་ཐང་སྤྲོད་རྒྱུའི་སྙན་ཞུ་སླར་ཡང་འབུལ་རྒྱུ་དང་། སྐུ་ཚབ་ཆ་བགོས་བྱས་ནས་གྲོས་ཚོགས་འཐུས་མི་རེ་རེའི་ལས་ཤག་ཏུ་ཆེད་བཅར་གྱིས་ཇོ་ནང་བའི་རེ་འདོད་སྙན་གསན་དང་ཡིག་ཐོག་སྙན་ཞུ་དངོས་འབུལ་ཞུ་རྒྱུ། གཉིས་པ། གྲོས་ཚོགས་ཚོགས་ཚོགས་དུས་གཉིས་པར་ཐག་གཅོད་མ་བྱུང་ཚེ། དེའི་རྒྱུ་རྐྱེན་གང་ཡིན་ངོས་འཛིན་དང་འབྲེལ་བའི་སྟེང་ལ་བགྲོ་གླེང་གནང་རྒྱུ། འཕགས་ཡུལ་ཇོ་ནང་འགྲོ་ཕན་ལྷན་ཚོགས་ཀྱི་འགྲོ་སོང་ཆེད་དཔལ་འབྱོར་མཁོ་སྒྲུབ་ཇི་ལྟར་བྱེད་དགོས་མིན་སྐོར་ལ་བགྲོ་གླེང་གནང་རྒྱུ།
བོད་ནང་གཙོས་པའི་རྒྱལ་སྤྱིའི་ཐོག་གི་ཇོ་ནང་བ་ཡོངས་ལ་འབྲེལ་ལམ་བྱེད་སླད་སྔར་ཡོད་དང་བཅས་ས་གནས་ཁག་ ༢༠ ས་གནས་རྒྱུན་ལས་བསྐོ་བཞག་བྱས་ཡོད་པ་དང་། ས་གནས་ཁག་དང་རྒྱུན་ལས་རྣམས་ནི། ཨ་རིར་ཀུན་དགའ་ཆོས་འཕེལ་དང་དཀོན་མཆོག ཡུ་རོབ་ནང་ཐུབ་བསྟན་ཉི་མ་དང་བརྩོན་འགྲུས་དཔལ། ཡུ་རོབ་སུ་ལོ་བ་ཁའི་ཡར། བླ་མ་ཊིས་བྷོར། སུད་སིར་ས་པེ་ན། ཨུ་རུ་སུར་མེག་སེམ་དང་ཀར་ལོ་ཡི་ན། ཨོ་སི་ཊིར་ལེ་ཡར་གཡང་ཁོ་རྒྱལ། ཁེ་ན་ཊར་ཤེས་རབ་རྒྱ་མཚོ་དང་བསྟན་འཛིན་ལྷུན་འགྲུབ། ཐའེ་ཝན་ནང་། ཀུན་དགའ་མཆོག་སྒྲུབ་དང་མེས་མེས། འབྲུག་ཡུལ་དུ་སྤྲུལ་སྐུ་བློ་བཟང་། རྒྱ་གར་ལྷོ་ཕྱོགས་སུ་ཚུལ་ཁྲིམས་རྣམ་རྒྱལ་དང་ལྷ་སྐྱབས། མོན་ཡུལ་དུ་སྤྲུལ་སྐུ་གསུང་དབྱངས། བལ་ཡུལ་དུ་དཔལ་འབྱོར་དང་ཆོས་སྤྱིན། ལྡི་ལིར་འགྱུར་མེད། སིམ་ལ་དགོན་དུ་ཡོན་ཏན་རྒྱ་མཚོ་དང་པ་སངས་འཕྲིན་ལས། བལ་ཡུལ་དགོན་དུ་ཆོས་ཀྱི་ཉི་མ་དང་བཀྲ་ཤིས། དོལ་པོ་དགོན་དུ་བཀྲ་ཤིས་དོན་འགྲུབ། ཇོ་ནང་དུས་འཁོར་གྲྭ་ཚང་དུ་ཐབས་ཤེས་རྡོ་རྗེ་དང་ཆོས་ཀྱི་རྒྱལ་མཚན། མེའོ་གཞིས་ཆགས་ཆོས་འཕེལ་གླིང་དུ། བསྟན་འཛིན་ངག་དབང་། དྷ་སར་འཇམ་དཔལ་དང་ཆོས་ཀུན། སོག་པོར་མེ་ར་མགོན་པོ་དང་ལྷུན་ཏེ་བཅས་ཡིན།
གསུམ་པ། གྲོས་ཚོགས་ཚོགས་དུས་གཉིས་པའི་ཐོག་དང་ལེན་བྱེད་ཐབས་མེད་པའི་ཐག་གཅོད་བྱུང་ན། སྙན་ཞུ་གཉིས་པ་ཞིག་འཕྲལ་དུ་ཕུལ་ནས་མ་འོངས་ལས་འཆར་སྙན་གསན་ཞུ་རྒྱུ་དང་། དེ་ནས་དུས་དབང་སྐབས་ཀྱི་ཇོ་ནང་ཚོགས་ཆེན་སྐབས་སུ་གྲོས་ཚོགས་ཀྱི་ཐག་གཅོད་ལ་བཀའ་བསྡུར་གྱིས་གྲོས་ཚོགས་ཚོགས་དུས་གསུམ་པར་ཞི་འབོད་ལས་འགུལ་སྤེལ་རྒྱུ། བཞི་བ། འཕགས་ཡུལ་ཇོ་ནང་འགྲོ་ཕན་ལྷན་ཚོགས་ཀྱི་ངོས་ནས་ཇོ་ནང་དམིགས་བསལ་ཚོགས་ཆེན་ཐེངས་བརྒྱད་པ་དང་སྟབས་བསྟུན། དབུ་མའི་བགྲོ་གླེང་གོ་སྒྲིག་ཞུ་རྒྱུ་དང་། གོ་སྒྲིག་བྱེད་ཕྱོགས་ལྷན་ཚོགས་ནས་སྐབས་བབ་ཐག་གཅོད་གནང་རྒྱུ། ལྔ་བ། སིམ་ལ་ཇོ་ནང་མ་དགོན་གྱི་ལས་ཐོག་མཁན་རིན་པོ་ཆེ་དང་། བལ་ཡུལ་ཇོ་ནང་དགོན་པའི་ལས་ཐོག་མཁན་རིན་པོ་ཆེ་རྣམ་གཉིས་ཇོ་ནང་འགྲོ་ཕན་ལྷན་ཚོགས་ཀྱི་འགན་འཛིན་ལྷན་ཚོགས་སུ་བསྐོ་རྒྱུ་སོགས་ཐག་གཅོད་བྱུང་ཡོད་འདུག
གསར་འགོད་པ། པདྨ་རྒྱལ།
བཟང་གི་ཡ།
སྤྱིར་ན་ཆབ་སྲིད་གཅིག་གི་ནང་དུ་ཆོས་ལུགས་ཤིག་བཞུགས་རྒྱུ་ནི་ནོར་འཁྲུལ་རེད། རྒྱུ་མཚན་ནི་ཆོས་རིག་ལས་ཁུངས་ཤིག་ཡོད་བཞིན་དུ་ལོགས་སུ་སྤྱི་འཐུས་ནང་འཐུས་མི་ཞིག་ཡོད་དགོས་དོན་གང་ཡང་མེད། སྤྱི་འཐུས་གྲོས་ཚོགས་ར་བ་ནང་ཆོས་རྒྱུད་དག་གི་དུས་ནམ་ཡང་ཆོས་རྒྱུད་རང་རེའི་དཀའ་རྙོག་ཅིག་ནམ་ཡང་མེད་ལ། དེ་བས་ཆབ་སྲིད་ཀྱི་རྙོག་འཛིང་རྐྱང་རྐྱང་འཁྱེར་ཡོང་གིན་ཡོད། དེ་ཚོ་ནི་ང་ཚོ་ལ་དགོས་བ་མེད་པའི་བྱ་བ་ཞིག་རེད། མི་གཅིག་ལ་འོས་གཅིག་ལས་མེད་ཅིང་། གྲྭ་བཙུན་དག་ལ་ཆ་མཚོན་ན་མི་རེ་ལ་འོས་གཉིས་རེ་ཡོད། དེ་ནི་རྒྱ་སྤྱིའི་ཁྲིམས་དང་འགལ་བཞིན་ཡོད། ང་ཚོ་བོད་པ་ཚོའི་ཇུས་གཏོགས་བྱེད་ན་འདི་ཚོ་རིགས་ལ་བྱེད་དགོས་ཀི དེ་ལྟར་མ་བྱས་ན་ཆོས་རྒྱུད་རེ་རེ་ལ་ཐོབ་ཐང་རེ་རེ་དགོས་ཤིང་། ནམ་ཞིག་དོལ་རྒྱལ་དེ་ཚོའི་ཡང་ཐོབ་ཐང་དགོས་ཞེས་བཤད་མི་སྲིད་པ་མ་རེད། དེ་ཚོར་བསམ་བློ་གཏོང་རོགས།
ཁ་ནས་འདྲ་མཉམ་གླེང་རྒྱུར་སྤྲོ་བའི་སྤུན་ཟླ་ཚོར་ད་དུང་ཡང་འདྲ་མཉམ་གྱི་མིག་ཟུང་མེད་པ་དེ་ག་རེ་ཡིན་ན། ལོ་རྒྱུས་ཆོས་འབྱུང་ལྟ་གྲུབ་གང་ཐད་ནས་ཀྱང་ལོགས་སུ་ཡོད་པའི་ཇོ་ནང་པ་འདི་ལ་ཡང་ཆོས་རྒྱུད་འདྲ་མཉམ་གྱི་ཐོབ་ཐང་མེད་པས་དཀའ་ངལ་འདི་བྱུང་བ་མ་རེད་དམ། ཀླད་པའི་ནང་ལ་རྩྭ་རྐྱེས་ནས་མེད་ན་དོན་འདི་མི་རྟོགས་པ་ཅི་ཞིག་ཡིན་ནམ། ད་དུང་འདི་ལྟར་ནང་ཁུལ་དུ་གཉའ་གནོན་བྱེད་པ་ཡིན་ན། ཁྲིམས་མཐུན་གྱི་ལམ་ནས་ཞི་འབོད་བྱེད་དང་བྱེད། ང་ནི་ནམ་ཡང་དྲང་བདེན་གྱི་ཕྱོགས་སུ་ཡོད།
སྔོན་བྱོན་དམ་པ་རྣམས་ཀྱི་ཆོསབརྒྱུད་ཆེན་པོ་བཞི་ཞེས་པ་དེ་ཡི་ནང་དུ་ཇོ་ནང་པ་ཚུད་ཡོད་དམ་མེད ཡོད་ན་ལོག་སུ་ཐོབ་ཐང་ཐང་རྩོད་ཡག་མེད་་་་་་་་ལོགས་སུ་ཡོད་དུས་ད་ལྟ་བར་ཏུ་ག་བར་འཛུལ་བསྡད་རེད་པས་ དུས་ད་ལྟ་བར་ཆབས་སྲིད་ལས་འགུལ་སྤེལ་ཡག་ཞིག་གོ་མ་སོང་རྗེས་སུ་སྤེལ་སྲིད་དམ་ཇོ་ནང་པས
ད་ཡིན་ན་བཀའ་རྒྱུད་ལ་སྡེ་བརྒྱད། བོན་པོ་ལ་སྡེ་གཉིས།་བོན་དཀར་དང་བོན་ནག་
ས་སྐྱ་ལ་སྡེ་གསུམ་། དེའི་ཐོག་ཡེ་ཤུ་དང། ཁ་ཆེ་སོགས་སྡེ་ཡོད་ཚད་ལ་ཆོས་རྒྱུད་ཁུངས་སུ་
བརྩི་ན་རྩ་བ་ནས་མ་འགྲིགས་། དེ་ལས་ཆོས་རྒྱུད་ཚང་མ་སྤྱི་ལྷན་ནས་མེད་པ་བཏང་དགོས་པ་རེད།
༅༅། ཇོ་ནང་ནས་སླར་ཡང་ཆོས་རྒྱུད་ཐོབ་ཐང་གནང་རོགས་ཞེས་སྤྱི་ལྷན་ལ་ཞུ་སྙན་ཞིག་ཕུལ་སྐོར་བཤད་སོང་བ་
དེ་ནི་དོན་མེད་སྲིད་དོན་རེད། མི་ལོ་༥༠ བརྒལ་བ་ཇོ་ནང་ཆོས་རྒྱུད་ཅེས་གོ་རྒྱུ་མེད་པར་ད་འུར་འདོན་གནང་བའི་
དོན་རྐྱེན་གང་ཡིན་། ཆོས་རྒྱུད་མ་རྩོད་། ཆོས་ལ་བསླབ་པ་བསློབ་གཉེར་བྱེད་ནས་འགྲོ་དོན་མཛད་ན་ཡག་གི་རེད།
དོན་མེད་འཇིག་རྟེན་ཆོས་བརྒྱད་ནང་ལ་འཛུལ་ནས་བག་ཆབས་བཞག་རྒྱ་གང་ཡོད།
དེ་ནས་ཁ་ཆེ་དང། ཡེ་ཤུ། ཆོས་ལ་ཡིད་ཆེ་མེད་པའི་སྡེ་སོགས་ལའང་སྤྱི་ལྷན་ནང་སྐུ་སྟེགས་དགོས་སྐོར་བཤད་ཀྱི་རེད།
བཙན་བྱོལ་གྲོས་ཚོགས་འདིར་བོད་ནང་ཁུལ་དུ་ཡང་འདྲ་མཉམ་གྱི་འཛིན་སྐྱོང་ཞིག་བྱེད་མི་ཐུབ་ཀྱིན་མི་འདུག་པས། བོད་དང་དབང་ག་འདྲ་
ལེན་ཡ་ལ་རེ་བ་ཞིག་འེ་ཡོད་དམ།