བལ་ཡུལ་སྦོག་ར་ན་ག་འཇུ་ན་གཏན་སློབ་ཏུ་བོད་དགེ་ཞིག་གི་ས་མིག་སྟོང་པ་ཡོད་པས་སྙན་ཞུ་འབུལ་འདོད་ཡོད་མཁན་རྣམས་ནས་གཤམ་གསལ་ལྟར་ཤེས་ཚད་ལྡན་དགོས།
བོད་དགེའི་ཤེས་ཚད་དུ་བསྟན་བཅོས་ (Shastri/B.A) ཡང་ན་དེ་མཚུངས་མཐོ་རིམ་སློབ་གྲྭ་གང་རུང་ནས་དེ་དང་ཤེས་ཚད་མཉམ་པའི་ཕྱག་འཁྱེར་ཡོད་པ་དགོས་རྒྱུ། གལ་ཏེ་གོང་གསལ་ཕྱག་འཁྱེར་ཐོག་དགེ་རྒན་འོས་སྦྱོང་དང་དགེ་རྒན་གྱི་ཉམས་མྱོང་ཡོད་མཁན་ལ་དམིགས་བསལ་དགོངས་བཞེས་གནང་རྒྱུ།
གོང་གསལ་ཐོག་སྙན་ཞུ་འབུལ་མཁན་ཚང་མ་སློབ་ཕྲུག་ལ་གོ་བརྡ་འཕྲོད་ངེས་ཡིན་པའི་གསུང་སྐད་མཁྱེན་དགོས་པ་ཡིན། ཕོག་ཐོབ་ཟླ་རེར་བལ་སྒོར་ ༢༤༠༠༠། ཐོག་སློབ་གྲྭར་སྔ་དགོང་ཞལ་ལག་དང་ཞུགས་ཤག་བཅས་ཐོབ་རྒྱུ་ཡིན་པས་ལས་ཀ་དེར་ཐུགས་འདོད་ཡོད་རིགས་ནས་འདི་གའི་སློབ་གྲྭའི་དབུ་འཛིན་མཚན་ཐོག་ ༢༠༡༦ ཟླ་བ་ ༡༡ ཚེས་ ༡༥ འགྱངས་མེད་གོང་གསལ་ཡིག་ཆ་རྣམས་ཀྱི་ངོ་བཤུས་དག་མཚན་ཞུས་ཏེ་གཤམ་གསལ་བྱང་ཐོག་སྙན་ཞུ་འབུལ་གནང་ཡོང་བ་ཞུ།
བལ་ཡུལ་སྦོག་ར་ན་ག་འཇུ་ན་སློབ་གྲྭའི་ཡིག་ཚང་ནས་ཕྱི་ལོ་ ༢༠༡༦ ཟླ་བ་ ༡༠ ཚེས་ ༡༥ ལ།།
འབྲེལ་ཐུགས་གནང་ཡུལ་ཁ་བྱང་།
གློག་འཕྲིན། yeshi.nagajuna@gmail.com
ཁ་པར་ཨང་གྲངས། 00977-98065-40669
