རྒྱ་གཞུང་གིས་གསེར་རྟ་བླ་རུང་སྒར་དུ་སློབ་གཉེར་གནང་བཞིན་པའི་ས་གནས་གཞན་གྱི་གྲྭ་བཙུན་རྣམས་ཕྱིར་ཕུད་བཏང་སྟེ་རྗེས་ཕྱོཊ་བླ་རུང་སྒར་དུ་གཏན་སྡོད་མི་བྱེད་པའི་དམ་བཅའ་ཡི་གེ་ཞིག་ལ་མཚན་རྟགས་འགོད་དུ་འཇུག་བཞིན་ཡོད་འདུག
བོད་ནས་འདྲ་པར་དང་བརྙན་བཅས་ཕྱི་ཕྱོགས་སུ་བཏང་བ་ལྟར་ན། ཁ་སང་རྒྱ་གཞུང་གིས་གསེར་རྟ་བླ་རུང་ཆོས་སྒར་དུ་སློབ་གཉེར་གནང་བཞིན་ཡོད་པའི་རྫ་སྟོད་ཀྱི་དགེ་འདུན་པ་དང་བཙུན་མ་རྣམས་ཆོས་སྒར་ནས་ཕྱིར་ཕུད་བཏང་ཡོད་པ་མ་ཟད། རྗེས་ཕྱོགས་བླ་རུང་སྒར་དུ་ཡོང་ནས་གཏན་སྡོད་མི་བྱེད་པའི་དམ་བཅའ་ཡི་གེ་ཞིག་གི་ཐོག་གྲྭ་བཙུན་རྣམས་ལ་མཚན་རྟགས་འགོད་དུ་བཅུག་ཡོད་འདུག
དེ་ཡང་དམ་བཅའ་ཡི་གེ་ཟེར་བ་དེའི་ནང་དུ། གསེར་རྟ་རྫོང་བླ་རུང་ལྔ་རིག་ནང་བསྟན་སློབ་གླིང་གི་དྲིལ་བསྒྲགས་སྒྲིག་བཅོས་ལས་དོན་གྱི་བླང་བྱ་ལྟར། ང་རང་བླ་རུང་ལྔ་རིག་ནང་བསྟན་སློབ་གླིང་དང་ཁ་བྲལ་ཏེ་ཕ་ཡུལ་དུ་བསླེབས་རྗེས། སྔར་ལྟར་རྒྱལ་གཅེས་ཆོས་གཅེས་དང་། སྡོམ་སྲུང་ཁྲིམས་བརྩི་བྱེད་པ་མ་ཟད། ཕྱིར་བླ་རུང་ལྔ་རིག་ནང་བསྟན་སློབ་གླིང་དུ་འོང་ནས་གཏན་སྡོད་མི་བྱེད་པའི་དམ་བཅའ་འཇོག་གོ། ཞེས་བྲིས་འདུག་ལ། མཇུག་ཏུ་དམ་བཅའ་འཇོག་མཁན་ཞེས་བཀོད་དེ་ཕྱིར་ཕུད་བཏང་བའི་གྲྭ་བཙུན་རྣམས་ལ་མཚན་རྟགས་འགོད་དུ་བཅུག་ཡོད་འདུག
གཞན་ཡང་། ཕྱི་བཞུགས་འབྲེལ་ཡོད་ཅིག་གིས་འདི་གར་གནས་ཚུལ་མཁོ་སྤྲོད་གནང་བ་ལྟར་ན། ཡ་ཆེན་སྒར་དང་དཔལ་ཡུལ་དགོན་དུ་སློབ་གཉེར་གནང་བཞིན་ཡོད་པའི་བོད་ལྗོངས་ཕྱོགས་ཀྱི་བཙུན་མ་རྣམས་ཀྱང་རང་ཡུལ་དུ་ཕྱིར་ཕུད་གཏོང་བཞིན་ཡོད་འདུག
གསར་འགོད་པ། པདྨ་མཚོ།
༄། །གསེར་རྟ་རྫོང་ལྔ་རིག་ནང་བསྟན་སློབ་གླིང་འདི་ནི་སྐྱབས་རྗེ་དམ་པ་མཁན་ཆེན་འཇིགས་མེད་ཕུན་ཚོགས་མཆོག་ནས་ཀུན་གཟིགས་པཎ་ཆེན་ཆོས་ཀྱི་རྒྱལ་མཚན་རིན་པོ་ཆེ་མཆོག་གདན་ཞུས་ཀྱིས། ཇི་ལྟར་གསོལ་འདེབས་ཞུས་པ་བཞིན་གོང་གསལ་གྱི་མཚན་བརྩལ་བ་དང་འབྲེལ་ཀྲུང་གོའི་སྲིད་གཞུང་གི་གོང་རིམ་ནས་ཆོག་མཆན་ཀྱང་ཐོབ་ཡོད་པ་སོགས་ཡོངས་གྲགས་རེད། སློབ་གླིང་འདིའི་ཕྱི་ནང་གི་སྒྲིག་ལམ་དང་དེ་བཞིན་དགེ་སློབ་རྣམས་ཀྱི་སྒོ་གསུམ་གྱི་ཀུན་སྤྱོད་དང་འཆད་བརྩོད་རྩོམ་གསུམ། ཐོས་བསམ་སྒོམ་གསུམ། དེང་དུས་དང་མཐུན་པའི་ཀྲུང་གོ་ཙམ་མ་ཟད་འགྲོ་བ་ཡོངས་ལ་སྨན་པའི་སྤྱི་ཚོགས་ཞབས་ཞུ་གནང་དང་གནང་བཞིན་པ་འདི་ཡིས་རྒྱལ་སྤྱིའི་ནང་ཀྲུང་གོའི་མཚན་སྙན་གོང་འཕེལ་དང་། རྒྱུན་དུ་ཡོངས་ལ་བསྒྲགས་བཞིན་པའི་རྒྱལ་ཁབ་ཀྱི་ཁྲིམས་སྒྲིག་ལག་བསྟར་དང་མི་རིགས་དབྱེ་འབྱེད་མེད་པར་ཁ་བཤད་ལྟར་ལག་བསྟར་བྱེད་ཀྱིན་པ་མཚོན་ཐུབ།
འོན་ཀྱང་བར་ལམ་ནས་ཀྲུང་གོའི་སྲི་གཞུང་གིས་དོན་མ་གོ་དང་འཕྲལ་ཕུག་ལ་བསམ་གཞིགས་ཡེ་ནས་མེད་པ་སྨྱོན་པའི་ཀུན་སྤྱོད་ལྟར་ཡ་རབ་བཟང་སྤྱོད་དང་། འགྲོ་བ་མིའི་ཐོབ་ཐང་། སོ་སོའི་ཁྲིམས་སྒྲིག་ཁག་ལ་རྩིས་མེད་དང་མི་རིགས་དབྱེ་འབྱེད་ཀྱིས། ཀྲུང་གོའི་མངའ་ཁོངས་སུ་དྲང་བདེན་དང་འཚོ་བ་རང་ཚོའི་ངང་ནང་པ་སངས་རྒྱས་པའི་ཆོས་ལ་ཐོས་བསམ་གྱིས་གནས་བཞིན་པའི་རིས་མེད་ཀྱི་ཕྱོགས་མཐའ་ཁག་ནས་ཕེབས་པའི་ཉེས་མེད་གྲྭ་བརྩུན་རྣམས་ལ་འདི་ལྟབུའི་དུས་རབས་ཉེར་གཅིག་པའི་ནང་རིག་གནས་གསར་རྗེ་གཉིས་པ་ལག་བསྟར་བྱེད་བཞིན་པ་དང་གཉིས་སུ་མེད་པ་མ་ཟད། རྒྱལ་སྤྱིའི་ནང་ཀྲུང་གོའི་མཚན་མཐོང་ལ་སོ་སོ་རང་ཉིད་ནས་སྨ་འབེབ་དང་རྩིས་མེད་བཏང་བ་དང་ཆེས་མཚུངས་པ་བློ་བཟུ་བོར་གནས་པ་སུས་བལྟས་ཀྱང་མཁྱེན་ཐུབ་པ་ཞིག་རེད།
དེས་ན་གོང་གསལ་གནད་དོན་ལ་བསམ་གཞིགས་ཀྱིསཀྲུང་གོའི་སྲིད་གཞུང་ནས་སོ་སོའི་རྒྱལ་ཁབ་ཀྱི་མཚན་མཐོང་གོང་འཕེལ་ལ་བྱ་ཕྱོགས་མ་ནོར་བ་གནང་གལ་ཆེ་བའི་གསལ་འདེབས་སུ་གོང་མིང་པས།།
དགོན་པ་གཏོར་ཤིག་དང་གྲ་བཙུན་ཕྱིར་ལོག་གཏོང་བ་སོགས་ལ་དབུས་བོད་མིའི་སྒྲིག་འཛུགས་ཆོས་རིག་ལྷན་ཁང་ནས་དངོས་ཡོད་གནས་སྟངས་ཇི་ཆགས་་དང་དེའི་རྒྱབ་ལྗོངས་སོགས་རྒྱ་ནག་གི་ཆོས་དོན་ལས་ཁུང་དང་རྒྱ་ནག་རྩ་ཁྲིམས་དང་འགལ་འཛོལ་རིགས་འཛམ་གླིང་མཉམ་སྦྲེལ་རྒྱལ་ཚོགས་ལ་ཞུ་དགོས་པ་མ་ཟད་བོད་ཀྱི་འགྲོ་བ་མིའི་ཐོབ་སྟངས་དང་མང་གཙོ་འཕེལ་རྒྱས་གཏི་གནས་ཁང་ནས་ཞིབ་འཇུག་ནན་པོ་གནང་ནས་འཛམ་གླིང་གི་རྒྱལ་ཁབ་ཚང་མར་བདེན་རྒྱབ་ཚོལ་དགོས་པ་དེ་ནམ་ཡང་རྗེས་ལུས་ཐེབས་མི་ཉན་པ་ནས་སྔོན་འཐོན་བྱ་དགོས་།