མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

བླ་རུང་སྒར་གྱི་ཀུན་སྤྱོད་ཀྱི་རྫོགས་ལྡན།

བོད་ཀྱི་དུས་བབ།
༢༠༡༦/༡༡/༠༤
Share on FacebookShare on TwitterShare on EmailShare on Whatsapp

རྫ་ཚེ་རིང་བཀྲ་ཤིས།

14925330_1105288589589438_6930654151000059314_n

གཅིག ༽  མ་གཞི་རང་གི་རྡོ་རྗེ་སློབ་དཔོན་ལ་གུས་ཞབས་བྱེད་པ་ནི་ཆ་རྐྱེན་གང་ཡང་མེད་པའི་ཡོང་དགོས། འདུལ་བའི་བསླབ་ཁྲིམས་ཀྱི་གོ་རིམ་དང་སྦྱར་ནས་གོང་འོག་ལ་ཐེག་ཆེན་དང་གསང་སྔགས་ཀྱི་བླ་མ་བསྟེན་ཚུལ་གཏན་ནས་མ་ཤེས་པ་རེད།

གཉིས། ༽
  ༢༠༡༦ལའི་སྤྱི་ཟླ་༡༡་པའི་ཚེས་༣སྟེ་ཁར་རྩང་། དཔལ་བླ་རུང་གི་རྒྱུན་ལས་དབུ་འཛིན་ཁག་ཅིག་ཁྲིན་ཏུར་ཕེབས་ནས་གླིང་གཙོ་རྫེ་བཙུན་མ་མུ་མཚོར་ཆེད་མཇལ་གྱིས་ཉེ་ཆར་བླ་རུང་སྒར་གྱི་མདུན་དུ་ལྷག་པའི་དཀའ་ངལ་ལ་གདོང་ལེན་བྱེད་སྟངས་སྐོར་གྱི་སྙན་གསེང་དང་། མ་འོངས་གནང་ཕྱོགས་ཀྱི་ཐད་ལ་བཀའ་སློབ་ལམ་སྟོན་ཞུས་འདུག་ལ་ད་ལྟ་དྲ་ཐོག་ཏུ་འགྲོ་བཞིན་པའི་འདྲ་པར་དག་ཀྱང་དེ་དུས་སྒྲོན་པ་རེད་འདུག

གཉིས༽  
རྗེ་བཙུན་མ་མུ་མཚོ་ནི་ཆོས་རྗེ་མཁན་ཆེན་འཇིགས་མེད་ཕུན་ཚོགས་ཀྱི་སྐུའི་ཚ་མོ་དང་ཐུགས་སྲས་རེད། བླ་རུང་སྒར་གྱིས་ཀྱང་ཆོས་རྗེ་མཆོག་གི་ཚ་བོ་ཚ་མོ་ཡིན་པ་ཚང་མ་གོང་བཀུར་དེ་འདྲ་བྱེད་ཀྱི་ཡོད་མ་རེད། སའི་སྟེང་འདི་ན་མཁན་ཆེན་འཇིགས་མེད་ཕུན་ཚོགས་ཀྱི་དབང་ལུང་མན་ངག་གི་བརྒྱུད་པ་ཡོངས་སུ་རྫོགས་པའི་གང་ཟག་ནི་ཁོང་ལས་མེད་པར་བཤད།

གསུམ༽  
ཚུལ་མཐོང་གི་དབང་དུ་བྱས་ན་ཡང་ཁོང་མོ་ད་བར་མི་ལོ་བཅུ་ཕྲག་མང་པོའི་རིང་ཆོས་རྗེ་མཆོག་གིས་དབང་ལུང་མན་ངག་སློབ་ཁྲིད་བཅས་ཀྱིས་གསོ་སྐྱོང་ཚད་ལྡན་གནང་བ་དང་། རྟེན་ཤིན་ཏུ་བཙུན་པོར་བཞུགས་པ། ཚུགས་ཐུབ་པ། ཆོས་ཀྱི་མཁྱེན་རྒྱ་ཡོད་པ། དགེ་འདུན་པ་ཁྲི་ཕྲག་ལ་མདོ་སྔགས་ཀྱི་འཆད་ཁྲིད་གནང་ཐུབ་མཁན་ཞིག་ཡིན་འདུག

གསུམ།༽  
ཆོས་རྗེ་མཆོག་འདས་རྗེས་ཁོང་མོ་ནི་བུ་སློབ་རྣམས་ཀྱི་ཆགས་ས་རྟེན་ས་གཙོ་བོ་ཆགས་ཡོད། བླ་རུང་འདི་རྨང་གཞིའི་ཆ་ནས་དགོན་པ་མ་རེད་སྒར་རེད། སྒར་ཟེར་ན་ཕྱོགས་མེད་ཀྱི་ཆོས་པ་མཉམ་འདུས་བྱས་ནས་མཉམ་བསྡོད་བྱེད་པ་ཞིག་རེད། དེ་ནས་ཁོང་ཚོ་ནང་མི་ནང་བཞིན་ཆགས་པ་རེད། དེ་འདྲའི་དམིགས་བསལ་གྱི་གནས་བབས་འོག་ནས་ཆོས་རྗེ་ཡིད་བཞིན་ནོར་བུ་མིང་སྲིང་གཉིས་གཤེགས་རྗེས་སྒར་གྱི་སེམས་འཁྲི་ས་གཙོ་བོའི་ནང་གི་གཙོ་བོ་གཅིག་དེ་ཁོང་རེད།

བཞི།༽  
རྗེ་བཙུན་མ་མུ་མཚོ་ནི་བླ་རུང་སྒར་གྱི་གླིང་གཙོ་རེད། ཚང་མས་བླ་མ་བཞུགས་པའི་སྐབས་ནས་དབང་དང་ཁྲིད་ཞུ་གིན་ཡོད་པ་རེད། ཚང་མའི་རྩ་བའི་བླ་མར་གྱུར་ཡོད། བླ་མ་བསྟེན་ཚུལ་གྱི་དབང་དུ་བྱས་ན་ཚུལ་ཁྲིམས་བློ་གྲོས་དང་བསོད་དར་རྒྱས་སོགས་ཡོན་ཏན་ཆེ་བ་དང་གྲགས་པ་ཆེ་བར་དམིགས་བསལ་གང་ཡང་མེད་པ་རེད། བླ་མར་གྱུར་ཕན་ཆད་ཟོལ་ཟོག་སྤངས་པའི་གུས་ཞབས་ཞུ་བ་ནི་ཆ་རྐྱེན་གང་ཡང་མེད་པའི་ཐོག་ནས་དང་ལེན་བྱ་དགོས་པ་ཞིག་རེད།

ལྔ། ༽  
མ་གཞི་དེང་སང་དཔེ་ཆ་བ་ཡིན་ཟེར་མཁན། གསང་སྔགས་ཉམས་ལེན་པ་ཡིན་ཟེར་མཁན་མང་པོ་ཞིག་གིས་གསང་སྔགས་དང་ཐེག་ཆེན་གྱི་ཉམས་ལེན་གྱི་དྲི་ཡང་མི་བྲོ་བའི་སྐད་ཆ་ཞེ་སུན་པ་དེ་འདྲ་བཤད་ཀྱི་འདུག གསང་སྔགས་དང་ཐེག་ཆེན་གྱི་བཏུལ་ཞུགས་དང་དམ་ཚིག་ཆུང་ཆུང་དེ་འདྲའང་བློ་ལ་མ་ཤོངས་པའི་འཕྱ་དམོད་བྱེད་ཀྱི་འདུག ཆེ་ས་ནས་༧གོང་ས་སྐྱབས་མགོན་ཆེན་པོས་དིལ་མགོ་མཁྱེན་བརྩེ་བླ་མར་བསྟེན་པ་རེད། ཁ་སྐད་བྱས་ན་དགེ་སློང་ཉེ་བ་འཁོར་ལྟ་བུ་ཁོང་གིས་རྙིང་མའི་རྒད་པོ་ཞིག་ལ་ཕྱག་འཚལ་བ་རེད། ད་དུང་སེ་འབྲས་དགེ་གསུམ་གྱི་དགེ་བཤེས་བཟང་ལ་མང་པ་ཚང་མ་༧ས་སྐྱ་གོང་མའི་མདུན་དུ་ཆེད་དུ་བཏང་ནས་རིན་འབྱུང་རྒྱ་རྩ་སོགས་ཞུ་བཅུག་པ་རེད། ར་སྟོད་ཀྱི་མཁན་པོ་ཕྱི་རྒྱལ་བ་དེས་ཀྱང་གཅོང་བླ་རིན་པོ་ཆེ་ཁྱིམ་པའི་རྟེན་ཅན་དེའི་ཞབས་ཞུ་བྱས་ནས་རྒྱལ་ཕྱི་ནང་གང་སར་འགྲོ་གི་འདུག ད་དུང་ཁ་སྐད་བྱས་ན་ས་སྐྱ་གོང་མ་ཚང་དགའ་ལྡན་ཁྲི་བའི་གོང་བཞུགས་པ་ནི་བོད་ལ་མཚོན་ན་ཡོངས་གྲགས་ཀྱི་གནས་ལུགས་ཤིག་རེད། ངས་ནི་འདི་ཚང་མ་སྤྱིར་བཏང་ཙམ་དུ་མཐོང་གི་ཡོད། གང་ཡིན་ཟེར་ན་ང་ལ་དད་པ་ཟེར་བ་ཧ་ལས་པ་ཞིག་མེད་ཀྱང་། ཐེག་ཆེན་དང་གསང་སྔགས་ཀྱི་རྒྱུན་ཤེས་ཡོད་པ་རེད།

དྲུག ༽  
འདུལ་བའི་ལས་བྱེད་པའི་སྐབས་སུ་དགེ་ཚུལ་སློང་དང་བསླབ་པ་རྒན་གཞོན་འདུལ་བ་བཞིན་དགོས་པ་རྩོད་མེད་རེད། ཐེག་ཆེན་དང་བསྔགས་ཀྱི་དམ་ཚིག་དང་གོང་འོག་དེ་རྟེན་དགེ་ཚུལ་སློང་གང་ཡིན་སོགས་ཀྱི་ཐོག་ནས་འགྲོ་བ་ཞིག་མ་རེད། སྨྲ་བ་ལ་དགའ་མཁན་དེ་ཚོས་ཐ་ན་ཁ་ལ་འཁྱེར་བཞིན་པའི་འདུལ་བའང་མ་ཤེས་པའི་རྟགས་རེད། མཐར་གཏུགས་ན་དེ་ནི་ཆོས་ཀྱི་འགྲོ་སྟངས་མ་ཤེས་པའི་རྟགས་རེད།

བདུན།༽  
རྗེ་མཙུན་མ་མུ་མཚོ་ལ་བླ་རུང་སྒར་གྱིས་ལྷ་དང་བླ་མ་རུ་བཀུར་གྱི་ཡོད། ཟོལ་མེད་ཀྱི་དད་ཞེན་ཞུ་གིན་འདུག འོན་ཀྱང་། ཁོང་རང་ངོས་ནས་ཁུ་སིམ་དང་ཧ་ཅང་ཁེངས་བསྐྱུངས་ཀྱིས་ཆོས་རང་ཉམས་ལེན་གནང་གི་ཡོད། བླ་རུང་གི་ལས་རིགས་ཡོངས་རྫོགས་དགེ་འདུན་པའི་མང་གཙོའི་ལམ་ནས་ཐག་བཅོད་བྱེད་པ་ལ་ཁོང་གི་གོ་བབས་དང་མཚན་གནས་རྗེས་འབྲེལ་གྱི་དབང་ཐང་གིས་འགོག་རྐྱེན་རྩ་བ་ནས་མེད།

བརྒྱད།༽  
ཚུལ་ཁྲིམས་བློ་གྲོས་དང་བསོད་དར་རྒྱས་ལྟ་བུ་མཚན་སྙན་དང་གྲགས་པ་ཡོད་པ་དེ་ཚོས་ཀྱང་ནང་ལ་བསླེབས་ན་ཁོང་ནི་ནང་གི་ཨ་མ་ནང་ལྟར་དང་། སོ་སོ་དེའི་མཐའ་ན་བུ་ཕྲུག་བཞིན་བཞུགས་ཀྱི་ཡོད། ཁོང་ཚོས་བླ་མ་མི་བཞུགས་པའི་སྐབས་སུའང་རང་གི་དབང་ཐང་གིས་བུད་མེད་དང་དགེ་ཚུལ་གྱི་རྟེན་ཅན་ཡིན་པའི་ཇོ་མོ་འདི་མིག་ལམ་ནས་འབོར་གྱི་མེད།

དགུ།༽ 
 བླ་རུང་སྒར་ལ་གནད་འགག་གི་དཀའ་ངལ་ཕྲད་པའི་སྐབས་སུ་དང་། དེ་ལ་གདོང་ལེན་བྱེད་པའི་སྐབས་སུ་ལས་འཛིན་ཚོས་ཇོ་མོ་འདི་ཁ་གཡོར་ས་དང་ཁག་འགེལ་ས་བྱས་ནས་དོན་ཆེན་དང་། ཡང་ན་འགན་འཁྲི་ལས་གཡོལ་ཐབས་བྱེད་ཀྱི་མེད། མོའི་སྐད་ཆ་ཁུར་ནས་ལག་པ་འཕྱི་ས་ཡང་བྱེད་ཀྱི་མེད། ཁོང་ཚོས་ཁོང་ཚོ་དང་རྗེ་བཙུན་མ་མུ་མཚོའི་བར་གྱི་འབྲེལ་བ་དེ་ལས་ཁུངས་དང་མགོ་དཔོན་གྱི་འབྲེལ་བ་ཙམ་དུ་མི་བསྒྱུར་བར་བླ་སློབ་ཀྱི་དམ་ཚིག་དང་བརྩེ་དུང་གི་གཉུག་གཤིས་དག་མ་ཞིག་ཉར་གྱིན་ཡོད། ཁོང་ཚོའི་འབྲེལ་བ་དེ་དགོན་དཔོན་དང་སྒྲིག་འཛུགས་ཀྱི་འབྲེལ་བ་སྤྱིར་བཏང་བ་དང་མ་འདྲ་བའི་འབྲེལ་བ་ཞིག་རེད།

བཅུ།༽ 
 ཁོང་ཚོའི་ཐོག་ན་ཆོས་ཀྱི་དད་གུས་དང་དམ་ཚིག་གི་ཞག་རྩི་ཡོད། ཁོང་ཚོར་འཇིག་རྟེན་ཡ་རབས་ཀྱི་ཕྱི་ཐག་དང་བརྩེ་དུང་གི་འོད་མདངས་ཡོད། ཁོང་ཚོས་སོ་སོས་ཆོས་ཕྱོགས་ཀྱི་གནས་བབ། བླ་སློབ་ཀྱི་གནས་བབ། འཇིག་རྟེན་གྱི་གནས་བབ། འགན་འཁྲིའི་གནས་བབ་ཚང་མ་ངོས་ཟིན་ཡོད། 
ཚུལ་ཁྲིམས་བློ་གྲོས་དང་བསོད་དར་རྒྱས་ལྟ་བུ་སའི་གོ་ལའི་ཐོག་ཏུ་གྲགས་པ་རྒྱས་ཀྱང་། མུ་མཚོའི་མདུན་དུ་གཅར་སྐབས་ལོ་ངོ་སུམ་ཅུའི་ཡར་སྔོན་གྱི་དུས་ཚོད་ཅིག་ལ། རུམ་བྲོ་མེད། འོག་རྟ་མེད་ཀྱིས་ཆོས་རྣལ་མ་ཞིག་ཞེ་ལ་བཅངས་ནས་བླ་རུང་སྒར་དུ་ཆོས་རྗེ་ཡིད་བཞིན་ནོར་བུ་ཞང་དབོན་གསུམ་མཇལ་དུ་ཡོང་དུས་ཀྱི་སོ་སོའི་གྲྭ་རྐྱང་གི་ཀུན་སྤྱོད་དང་གནས་བབ་དེ་རང་འཇགས་ཉར་ཡོད། འདི་ལ་རླབས་ཆེན་ཟེར། བླ་རུང་སྒར་དང་ཁོང་རྣམ་པའི་མཛད་སྤྱོད་ལ་ཆ་རྒྱུས་ཏོག་ཙམ་མེད་ན་ངའི་སྐད་ཆ་འདི་མི་ཐུབ་པ་ཡོང་སྲིད། འདི་ནི་ང་ཡིན་ཁོ་ཡིན་ཟེར་མཁན་མང་པོ་ཞིག་གིས་གནང་མི་ཐུབ་པ་ཞིག་རེད། འདི་ཙམ་དུ་ཕྱོགས་སུ་མ་ལྷུང་བ་དང་། ཆ་སྙོམས་པའི་མཛད་པ་ནི་ཤིན་ཏུ་དཔོག་པར་དཀའ་བ་ཞིག་རེད། འདི་ལ་ཀུན་སྤྱོད་ཀྱི་རྫོགས་ལྡན་ཟེར། གུས་པ་དུས་ཀྱི་མཐའ་འདི་ཙམ་དུ་སྐྱེས་ཀྱང་ཁོང་རྣམ་པའི་མཛད་དང་འཕྲིན་ལས་མིག་གིས་མཇལ་ཐུབ་པ་ནི་ཧ་ཅང་བསྐལ་བ་བཟང་པོར་སྙམ།

བཅུ་གཅིག༽  གཅིག་བྱས་ན། ང་ལ་བླ་རུང་སྒར་གྱི་མཁན་ཆེན་དེ་ཚོའི་དུག་ཕོག་པ་འདྲ། ག་དུས་ཡིན་ན་ཁོང་ཚོའི་མཛད་པ་མཐོང་དུས་མིག་ཆུ་ཤོར་ལ་ཁད་ཀྱི་སེམས་འགུལ་དང་ཡ་མཚན་གྱི་ཚོར་བ་སྐྱེ་གིན་འདུག འདི་ལ་བཅོས་མ་དང་ཕྱོགས་ལྷུང་གཏན་ནས་མེད།

འོན་ཀྱང་། ང་བླ་རུང་སྒར་གྱི་མི་ཞིག་མིན་སྟབས་ངའི་སྐད་ཆའི་ནང་དུ་མངོན་པའི་ང་རྒྱལ་དང་ཧམ་བཤད་ཀྱི་ཆའང་ཡོད་སྲིད།

འབྲེལ་ཡོད་གསར་འགྱུར།

བྷི་ཧར་མངའ་སྡེའི་ཟམ་ཆེན་ཞིག་ལ་གློ་བུར་རྡིབ་སྐྱོན་བྱུང་།
Mobile App

བྷི་ཧར་གྱི་ཟམ་ཆེན་ཞིག་ལ་གློ་བུར་དུ་རྡིབ་སྐྱོན་བྱུང་།

ཆུ་ཚོད་ ༡༤ སྔོན་ལ།
League of Social Democrats leader Chan Po-ying, center, argues with police before being taken away in Hong Kong’s Causeway Bay shopping district on 4th june 2023.Photo :AFP
Mobile App

དྲུག་བཞིའི་དོན་རྐྱེན་ལ་རྗེས་དྲན་ཞུ་མཁན་མང་པོ་ཞིག་བཙན་འཁྲིད་བྱས་འདུག  

ཆུ་ཚོད་ ༡༥ སྔོན་ལ།
People jostle each other to buy subsidized sacks of wheat flour in Quetta, Pakistan, Thursday, Jan. 12, 2023
Mobile App

འཛམ་གླིང་གི་རྒྱལ་ཁབ་ཆུང་གྲས་མང་པོ་ཞིག་རྒྱ་ནག་གི་བུ་ལོན་ནང་ལྷུང་འདུག

ཆུ་ཚོད་ ༡༦ སྔོན་ལ།
China has been accused of trying to block Penpa Tsering, the head of Tibet’s government-in-exile, from speaking at the National Press Club
Mobile App

རྒྱ་ནག་གིས་སྲིད་སྐྱོང་སྤེན་པ་ཚེ་རིང་མཆོག་ཨོ་གླིང་ནང་ཕེབས་རྒྱུར་ངོ་རྒོལ་བྱེད་བཞིན་འདུག

ཆུ་ཚོད་ ༡༩ སྔོན་ལ།
Mobile App

བོད་རང་སྐྱོང་ལྗོངས་ཟེར་བའི་མགོ་ཁྲིད་ཅིག་འཛིན་བཟུང་བྱས་ཡོད་ཟེར།

༢༠༢༣/༠༦/༠༣
Odisha train accident LIVE: Locals, security personnel and NDRF during the search and rescue operation at the site where Coromandel, Bengaluru-Howrah Express trains derailed last night, in Balasore district, Saturday, June 3, 2023. (PTI Photo)
༧གོང་ས་མཆོག གསུང་འཕྲིན།

མེ་འཁོར་གདོང་ཐུག་བྱུང་ནས་མི་གྲངས་ ༢༣༣ ལྷག་རྐྱེན་འདས་སུ་གྱུར་བར་ཐུགས་སྨོན་མཛད།

༢༠༢༣/༠༦/༠༣

མཆན། 2

  1. རྡོ་རྗེ་རྒྱལ། says:
    ལོ་ 7 སྔོན།

    ཚུལ་ཁྲིམས་བློ་གྲོས་ཀྱི་ནག་ཉེས།

    རྩོམ་པ་པོ་རྦ་བཙན་རྒོད།

    ཟ་འདོད་གཏོར་བླ་ཚོགས་ཀྱི་དཀོར་ཁ་བཀག །
    རྟོག་གེ་མགོ་འཁྲེགས་ཡོངས་ཀྱི་ང་རྒྱལ་འཇོམས།།
    མཐོ་འདོད་བླ་ཆེན་ཚོགས་ཀྱི་གཟི་འོད་འཕྲོག།
    ཕུ་ནུ་དམར་གསོད་མཁན་གྱི་མཚོན་ཆ་བསྲེགས། །

    རི་རྩེ་རྔོན་པ་ཡོངས་ཀྱི་རྐང་ལམ་བཅད། །
    རི་འདབ་བཤས་ར་ཕབས་སའི་ཚོང་ལམ་བཀག
    དགེ་འདུན་འདུས་པའི་ཚོགས་སུ་ཤ་སྐལ་བཅད།།
    ཉ་སྦྲུལ་དུང་ཕྱུར་མང་པོ་ཆུ་ལ་གཡུག།

    གཡག་ལུག་ཁྲི་ཕྲག་མང་པོ་ཚེ་ཐར་གཏོང་། །
    ཤ་འདོད་བོད་མའིི་ཁ་ལ་དཀར་ཟས་སྤྲད། །
    གཟི་བྱུར་རྒྱན་ཆའི་རིགས་ལ་ཐན་དུ་བལྟ། །
    ཝ་སོགས་ལྤགས་རིགས་གྱོན་ལ་ལྐུག་རྟགས་བརྗོད། །

    དེང་རབས་བཟའ་བཏུང་རིགས་ལ་གཟབ་དགོས་ཟེར། །
    རྒྱ་མོ་མཛེས་མའི་རྐུབ་ལ་དུག་ཡོད་ཟེར། །
    བོད་ཡུལ་ན་གཞོན་ཡོངས་ཀྱིས་དོགས་དགོས་ཟེར། །
    སྐད་རིགས་སྦྲག་མར་བཤད་ལ་ངོ་ཚ་བརྗོད། །

    ཡར་ཀི་དགོན་པའི་ཚོགས་ལ་བཅོས་སྒྱུར་བྱས། །
    མར་ཀི་བཙོན་ཁང་ནང་དུ་ཆོས་འཆད་སྤེལ། །
    དྲུག་ཅུའི་རྒན་ཁོག་ཀ་ཁ་སློབ་གྲར་བཙུད། །
    བྱིས་པའི་རྩེད་ར་རིག་གནས་སྦྱོང་ས་བྱས། །

    སྟག་ཤར་གཞོན་ནུར་མཐུན་འབྲེལ་སློབ་གསོ་མཛད། །
    མཛེས་མའི་བློ་ཁ་རིག་གནས་ཕྱོགས་སུ་བསྒྱུར། །
    ལྷ་སྐུ་ཆེན་པོས་བསྟན་པ་མི་འཛིན་ཟེར། །
    ལྷ་ཁང་ཆེ་པོ་དགོས་པ་མི་འདུག་ཟེར། །

    བླ་བྲང་ཕོ་བྲང་སྒོ་ཐམ་རྒྱབ་ལ་བྲེལ། །
    ཁྱོད་ལ་མི་འཇིགས་འགྲོ་བ་ཉུང་ཉུང་རེད། །
    ཡང་སྤྲུལ་ངོས་འཛིན་བྱེད་ལ་རྫོགས་ཤད་འགོད། །
    དགོན་པ་དམངས་གཙོར་བསྒྱུར་བའི་དབུ་ཁྱུད་བྲིས། །

    སློབ་སྦྱོང་མེད་ན་ནམ་ཡང་རྗེས་ལུས་ཟེར། །
    ལག་ལེན་གཏན་མེད་ཁ་བཤད་མི་མཛའ་བརྗོད། །
    ཉམས་ལེན་གཏན་མེད་ཆོས་བཤད་མི་ཕན་ཟེར། །
    ཐོས་པ་མེད་ནའང་ཉམས་ལེན་མི་ཤེས་ཟེར། །

    ཐོས་བསམ་སྒོ་གསུམ་འཆུག་ན་བཀའ་བཀྱོན་མང་། །
    ལྟ་སྒོམ་སྤྱོད་གསུམ་འགལ་ལ་ཞལ་རས་ནག།
    གྲུབ་མཐའི་འཐབ་རྩོད་བྱས་ན་སྐྱུག་ལོག་བྱེད། །
    དངོས་ཆས་གསར་པ་ཡོངས་ལ་བརྡ་གསར་འདོགས། །

    ཧ་ཧ་ཚུལ་བློ་གཞན་ཕན་སེམས་ཀྱིས་བསླུས། །
    སྡང་བའི་དགྲ་ལ་ངོ་འཛུམ་མི་ཤེས་ཞིང་། །
    རང་གི་རིགས་ལ་སྲི་ཞུ་བསྒྲུབ་པ་ཡིས། །
    ནག་ཉེས་འདི་དག་ངོ་མ་ཚབ་ཆེན་རེད། །

    Reply
  2. གཡུ་རྩེ། says:
    ལོ་ 7 སྔོན།

    ཚུལ་བློ་དང་སུང་ཅང་གི་ཐབས་ཇུས།

    འཇོ་མདའ་དྲང་འགྲོ།

    བློ་དཀར་གཞུང་དྲང་མཁྱེན་དཔྱོད་གཉིས་ལྡན་གྱི་མཁས་དབང„སུང་ཅང“གིས་དམིགས་རྒྱང་རིང་པོར་བལྟ་ནས་མིག་སྔའི་ཕམ་ཁ་སྣ་མང་མྱོང་བར་མ་ཟད་སྤྱི་ཡི་ཆེད་དུ་སྒེར་དཔའ་བོ་ལིང་ཐུང་སོགས་མང་པོ་ཞིག་གི་བདེ་སྡུག་ལ་ཁ་ཡ་མ་བྱས། ཁོང་གིས་ལིང་ཧྲན་ཚ་བུ་ཚོའི་ཆེད་དུ་སྲིད་གཞུང་གི་བརྙས་བཅོས་དང་སྨ་འབེབས་མང་པོ་ལ་གདོང་གཏོད་ནས་གོང་མའི་སྲིད་གཞུང་ལ་གུས་གུས་ཞུས་ཞུས་ཀྱི་སྒོ་ནས་ཡང་ཡང”ཞི་འགུགས་བདེ་འགོད”ཀྱི་རེ་ཞུ་ཕུལ་མོད།
    ཡིན་ཡང་མཐའ་མཇུག་དེར་དཔའ་བོ་བརྒྱ་དང་བརྒྱད་ཀྱིས་གཙོས་པའི་ལིང་ཧྲན་དཔའ་རྒོད་ཚོ་ཤི་མཁན་རྣམས་ཤི་འགྲོ་མཁན་ཡོངས་འགྲོ་བས་མཐའ་མ་ཕྱོགས་སོ་སོར་འཐོར་སྐབས་སུང་ཅང་གིས་དངན་པ་ཡང་ཡང་འཐེན་ནས་འགྱོད་གཏམ་བཤད་རྒྱུར།
    འུ་དཔའ་རྒོད་བརྒྱ་དང་བརྒྱད་ལིང་ཧྲན་ལ་ཡོད་དུས་ཇི་འདྲ་སྐྱིད། ད་བྱིའུ་ཕྲུག་ཚང་ལ་འཕུར་བ་བཞིན་ཚང་མ་འཐོར་འགྲོ་དོན་ཅི་རེད། ང་སུང་ཅང་གིས་བསྒྲུབ་པ་འཁྱུགས་སོང་བ་ཨེ་རེད་ཟེར། མིག་ཆུ་གཏོང་ཞོར་རང་ཉིད་ཀྱི་བྱ་བ་ལ་ནོར་འཁྲུལ་ཤོར་ཡོད་པ་གཞི་ནས་ཤེས། ཆེས་མཐའ་མའི་མཐའ་མ་ཞིག་ལ་རང་ཉིད་ཀྱང་སྲིད་གཞུང་གི་བློན་ཆེན་ཚོའི་དུག་ཆང་འོག་ནས་སྡུག་སྨྲེ་འདོན་བཞིན་ཤི། དྲང་གཏམ་བཤད་ན་འདི་དག་ཡོད་ཚད་ལིང་ཧྲན་གྱི་མ་འོངས་པའི་ཆེད་དུ་ཡིན་པ་བཤད་ག་ལ་དགོས། ཡིན་ཡང་གཡོ་སྒྱུ་ཅན་གྱི་སྔོན་དུ་དྲང་པ་བཅའ་བ་ནི་རང་སྡུག་རང་ཉོ་ལས་གཞན་ཅི་ཡོད།
    ད་རུང་སྤྱི་དང་སྤྱི་ཟེར་ནས་སྒེར་ལ་ཁ་ཡ་མ་བྱས་པ་ཡང་གཟའ་རྟགས་ཤིག་ཡིན་ཏེ། སྒེར་རྣམས་ཕར་བཅད་ཚུར་དེད་ཚར་རྗེས་སྤྱི་ཞིག་གང་ན་ཡོད།
    བྱ་བཞག་ཆེ་མ་ཆུང་གསུམ་གང་ཡིན་ཡང་སྒེར་རེ་རེའི་འཚོ་བ་དང་བསམ་བློ་བལྟ་ཚུལ་རྣམས་གཙོ་བོར་མི་འཛིན་པ་ནི་ཚོགས་པ་དེའི་མགོ་ཐོག་ཏུ་འཁྲིགས་པའི་ཆག་སྒོའི་སྤྲིན་ནག་ཅིག་ཅི་ལ་མིན།
    སུང་ཅང་འཁྱུགས་ཐེངས་གཅིག་གིས་སྟག་གི་རྩལ་དྲུག་དང་གངས་སེང་གི་ངར་སྒྲ་གཡུ་འབྲུག་གི་གཟི་བརྗིད་ལྡན་པའི་ལིང་ཧྲན་དྲང་བདེན་སྲུང་བའི་ཇག་ཚོགས་ཆེན་མོ་མི་ཤི་ཁྱིམ་སྟོང་ལ་གྱུར་སོང་།
    མཁས་གྲུབ་གཉིས་ལྡན་གྱི་མཁན་པོ་ཚུལ་ཁྲིམས་བློ་གྲོས་ཀྱིས་ཀྱང་། «སྒེར་ལ་མ་བལྟ་སྤྱི་ལ་ལྟོས། གནས་སྐབས་ལ་མ་བལྟ་མཐར་ཐུག་ལྟོས»ཟེར་བ་ཡང་བླ་རུང་སྒར་གྱི་འབྱུང་གྱུར་རྣམས་བཟང་པོ་ཞིག་ཆགས་པའི་རེ་བ་ལོས་ཡིན་སྙམ། ཡིན་ཡང་ང་ཧ་ཅང་སྐྲག་གི་ངས་སུང་ཅང་དང་ལིང་ཧྲན་དཔའ་རྒོད་ཚོའི་མགོ་ཐོག་ཏུ་ལྷུང་བའི་ཆག་སྒོ་དེ་ཚུལ་བློ་དང་བླ་རུང་སྒར་གྱི་མགོ་ཐོག་ཏུ་ལྷུང་རྒྱུར་སྐྲག་གི
    ཚུལ་ཁྲིམས་བློ་གྲོས་ཀྱི་ཐབས་ཇུས་ཕལ་ཆེར་ཞིག་སུང་ཅང་གི་ཐབས་ཇུས་དང་ཨ་ན་མ་ན་རེད། དེའི་ཕྱིར་སུང་ཅང་ནོར་ས་མཐའ་དག་ཏུ་ཚུལ་ཁྲིམས་བློ་གྲོས་ཀྱང་ནོར་ཡོད་ན་ཐང་།
    2016-11-4-ཉིན།
    ཝེ་པོ་དྲ་བ་ལས་འདིར་བཀོད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist