རྒྱ་ནག་གཞུང་འབྲེལ་བརྒྱུད་ལམ་ཀྲུང་གོའི་བོད་སྐད་རླུང་འཕྲིན་ཞེས་པའི་གནས་ཚུལ་སྤེལ་བ་ལྟར་ན། བོད་ལྗོངས་སློབ་གྲྭ་ཆེན་མོ་དང་ཁ་ཏཱ་ཤུན་ཧྥེ་(科大讯飞)ཞེས་པའི་བརྡ་འཕྲིན་ལག་རྩལ་ཁང་གཉིས་མཉམ་འབྲེལ་ཐོག བོད་སྐད་ཡིག་འབེབས་ཀྱི་མཉེན་ཆས་ཤིག་གསར་གཏོད་བྱས་ཡོད་པ་ཁ་སང་ཁྱབ་བསྒྲགས་བྱས་ཡོད་འདུག
ཐེངས་འདིར་ལེགས་འགྲུབ་བྱུང་བའི་བོད་སྐད་ཡིག་འབེབས་མཉེན་ཆས་དེ་ནི། ཁ་པར་དང་གློག་ཀླད་སོགས་ཀྱི་ནང་དུ་ལག་པའི་ཡི་གེ་འབྲི་མི་དགོས་པར་ཁ་ནས་སྐད་ཆ་བཤད་མ་ཐག་མཉེན་ཆས་ཀྱིས་བོད་ཡིག་ཏུ་དབབ་པ་དང་། བོད་ཡིག་གི་དེབ་སོགས་ཀྱང་སོ་སོས་ཀློག་མི་དགོས་པར་མཉེན་ཆས་ཀྱིས་བོད་སྐད་ནང་ཀློག་ཐུབ་པ་བཅས་ཀྱི་ཁྱད་ཆས་ཡོད་འདུག
དབྱིན་ཡིག་དང་རྒྱ་ཡིག་སོགས་འཛམ་གླིང་གི་སྐད་ཡིག་ཆེ་ཁག་ལ་སྔོན་ཆད་ནས་ཁྱད་ཆོས་དེ་ལྡན་པ་མ་ཟད། ཁ་པར་དང་གློག་ཀླད་སོགས་སུ་ཡོངས་ཁྱབ་ཏུ་མཉེན་ཆས་དེ་བཀོལ་སྤྱོད་བྱེད་བཞིན་ཡོད་པ་དང་། གྷོ་གྷིལ་འཚོལ་བཤེར་མ་ལག་ནང་དུའང་ཡི་གེ་འབྲི་མ་དགོས་པར། ཁྱོད་ཀྱིས་གང་འཚོལ་འདོད་པ་དེ་ཁ་ནས་བཤད་མ་ཐག་ཡིག་ཐོག་ཏུ་འཆར་ཡོང་བ་མ་ཟད། ཁྱེད་ལ་མཁོ་བའི་རྒྱུ་ཆ་དེའང་དུས་ཐོག་ཏུ་ཁྱོད་ལ་མཁོ་སྤྲོད་བྱེད་ཀྱིན་ཡོད།
སྐད་ཆ་བཤད་དེ་བོད་ཡིག་འབྲི་ཐུབ་པ་གཙོ་བོ་སྒྲ་གདངས་ཡག་པོ་ཡོད་དགོས། ཁམས་སྐད་ཨམ་སྐད་གཉིས་ཀྱི་ནང་ནས་བོད་ཡིག་ཀློག་ཚེ་སྒྲ་ཇི་བཞིན་ཡིག་ཐོག་ཏུ་ཡོང་ཐུབ་བམ། ཁག་པོ་རེད་ཡིན་རྒྱུ་རེད།
གྷོལ་གྷིལ་ནང་དུ་སྐད་ཐོག་ནས་བཤད་ན་ཡིག་ཐོག་ཏུ་ཡོང་བའི་སྐད་ཡིག་མང་པོ་ཡོད།
གང་ལྟར་ཡག་མིན་ལ་མ་ལྟོས་པར་འདི་ལྟར་བཟོ་ཐུབ་བྱུང་བར་བསྔགས་བརྗོད་གྲངས་མེད།
གང་ལྟར་ཡག་མིན་ལ་མ་ལྟོས་པར་འདི་ལྟར་བཟོ་ཐུབ་བྱུང་བར་བསྔགས་བརྗོད་གྲངས་མེད།
དངོས་གནས་རླབས་ཆེན་རེད། བཙན་བཅོལ་མི་ལོ་ལྔ་བཅུ་ལྷག་གི་རིང་བྱེད་མ་ཐུབ་པ་དེ་ཚོ་གཞིས་བཞུགས་བོད་མི་རྣམས་ཀྱིས་གནང་དང་གནང་བཞིན་ཡོད།
ད་དུང་བཙན་བྱོལ་ཁྲོད་ཀྱི་མགོ་བདེ་ཁ་ཤས་ཀྱིས་ཕན་ཐོགས་མེད་པའི་རྗེས་ལུས་བོད་ཡིག་མཉེན་ཆས་རེ་དང་། བོད་ནང་ནས་བསྒྲིགས་ཟིན་པའི་ཚིག་མཛོད་དེ་ཚོ་བསྐྱར་བསྒྲིགས་རེ་བྱས་ནས་ཅིག་འཇོག་མདོག་བྱེད་པ་ནི་ངོ་ཚ་བ་དང་ཡ་ང་བའི་གནས་ལས་མ་འདས་སོ།།
བློ་བཟང་ཟེར་བར། འདི་སྨད་དུ་བྱུང་བ་ཡིན་ན། བསྟོད་པར་འོས་པ་ཞིག་སྲིད་ནས་རག་གམ།
ངོ་མ་སྨད་དུ་བྱུང་བའི་བྱས་རྗེས་རེད། ངག་ཐོག་གི་སྐད་ཡིག་ཐོག་ཏུ་ཕབ་ཐུབ་པ་ད་ལྟའི་ཆར་སྐད་ཡིག་ཁ་ཤས་ཤིག་ལས་ཡོད་མ་རེད། ལས་དོན་འདི་ལམ་ལྷུང་བྱུང་བ་ཡིན་ན་བོད་སྐད་བོད་ཡིག་གིས་མདུན་སྐྱོད་ཆེན་པོ་ཞིག་བྱས་ཚར་བ་རེ།ད
རླབས་ཆེན་གྱི་བྱས་རྗེས་རེད། ཡོངས་འཛིན་བོད་ཡིག་འཚོལ་བཤེར་མ་ལག་བརྒྱུད་གཏོང་བྱས་སྐབས། བོད་ནང་གི་མི་མང་པོ་ཞིག་གིས་ཚད་ལས་བརྒལ་བའི་བསྟོད་སྔགས་བྱས་པ་དེ་རྒྱ་ནག་གི་བཀག་རྒྱའི་འོག་ནས་དེང་གི་འཛམ་གླིང་སྤྱིའི་ཁ་ཕྱོགས་དང་། ཡང་སྒོས་སུ་དེང་གི་བརྡ་འཕྲིན་བརྒྱུད་ལམ་གྱི་ཁྱད་ཆོས་ཡོན་ཏན་མ་ཤེས་མ་མཐོང་བའི་རྟགས་རེད་དེ། ད་རེས་བོད་སྐད་དེ་ཡིག་ཐོག་ཏུ་འབེབས་བྱེད་ཀྱི་མཉེན་ཆས་བཟོས་པ་དེ་དངོས་གནས་དྲང་གནས་རླབས་ཆེན་པོ་རེད།