ཟླ་འདིའི་ཕྱི་ཚེས་ ༡༡ ཉིན་གྱི་དགོང་མོའི་བོད་ནང་གི་ཆུ་ཚོད་ ༡༢།༠༠ ཡས་མས་ལ། ཀན་སུའུ་ཞིང་ཆེན་ཀན་ལྷོ་ཁུལ་རྔོག་རྒྱལ་མོ་དགོན་པའི་གྲྭ་པ་འཇམ་དབྱངས་ཆོས་འཕེལ་ལགས་ཁོ་རང་གི་གྲྭ་ཤག་ནས་རྒྱ་གཞུང་ཉེན་རྟོག་པས་གློ་བུར་དུ་འཛིན་བཟུང་བཙན་ཁྲིད་བྱས་ཡོད་པ་དང་། ད་ལྟ་རྨ་ཆུ་རྫོང་ཐོག་གི་ལྟ་སྲུང་ཁང་དུ་བཀག་ཉར་བྱས་ཡོད་ཅིང་། ཁོང་འཛིན་བཟུང་བྱ་དགོས་པའི་རྒྱུ་རྐྱེན་ད་ལྟ་ཁ་གསལ་བྱུང་མི་འདུག ཁོང་གི་ཕ་ཡུལ་རྔོག་རྒྱལ་མོ་དགོན་ཞང་རྔོག་ཕར་ངོ་གྲོ་ཚོ་ནས་ཡིན་པ་དང་། ཁོང་ད་ལྟ་རང་ལོ་ ༢༥ ཡས་མས་ཤིག་ཡིན་པ་དང་། དགོན་པའི་ནང་གི་ཁོང་སྡོད་སའི་ཨ་ཁུའི་མིང་ལ་སྐལ་བཟང་ཚུལ་ཁྲིམས་ཞུ་བཞིན་ཡོད་འདུག
