མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

སྲིད་སྐྱོང་མཆོག་གིས་སྤང་གོང་མཚོ་ཁར་རྒྱལ་དར་བསྒྲེངས་བར་རྒྱ་ནག་སྐད་ཤོར།

བོད་ཀྱི་དུས་བབ།
༢༠༡༧/༠༧/༡༡
Share on FacebookShare on TwitterShare on EmailShare on Whatsapp

རྒྱ་ནག་གི་གསར་ལམ་ཐོག་རྒྱ་གར་གྱིས་བོད་པ་སྐྱབས་བཅོལ་བ་བེད་སྤྱོད་བཏང་སྟེ་རྒྱ་ནག་ལ་གནོད་སྐྱོན་བཟོ་བཞིན་ཡོད་པ་དང་། བོད་པའི་བདག་དབང་རྒྱ་ནག་ཁོ་ནར་ཡོད་པ་ལས་བོད་དོན་སྐོར་ལ་གྲོས་མོལ་བྱེད་ས་གཞན་མེད་སྐོར་འཁོད་འདུག

དེ་རིང་རྒྱ་གར་དུས་བབ་གསར་ཁང་གིས་རྒྱ་ནག་གོ་ལའི་དུས་བབ་ཀྱི་གསར་འགྱུར་ཞིག་བཀོད་ཡོད་པའི་ནང་། ཁ་སང་གཟའ་ཟླ་བའི་ཕྱི་དྲོར་རྒྱ་ནག་པེ་ཅིན་གྱི་མགྲིན་ཚབ་ཏུ་འབོད་པའི་གོ་ལའི་དུས་བབ་(Global Times)བརྒྱུད་དེ། སྤང་གོང་མཚོ་ཁར་བོད་ཀྱི་རྒྱལ་དར་བསྒྲེངས་འཛུགས་བྱས་པ་དེ་ད་ལྟའི་ས་མཚམས་རྩོད་རྙོག་གི་གནས་བབ་འདི་དང་བསྟུན་ཏེ། རྒྱ་གར་གྱིས་བོད་པ་ཁ་བྲལ་བ་ཚོ་བེད་སྤྱོད་བཏང་ནས་རྒྱ་ནག་ལ་གནོད་སྐྱོན་བཟོ་བཞིན་ཡོད་པ་རེད་ཅེས་འཁོད་ཡོད་པ་ལུང་འདྲེན་བྱས་འདུག

གོ་ལའི་དུས་བབ་གསར་འགོད་པས། ཐེངས་འདིར་དར་ཆ་བསྒྲེངས་ས་དེ་རྒྱ་དཀར་ནག་གི་ས་མཚམས་དཀྱིལ་སྙིང་དུ་འཁེལ་ཡོད་པ་དང་། ལྷག་པར་དུ་སྐྱབས་བཅོལ་བོད་མིའི་མགོ་ཁྲིད་བློ་བཟང་སེང་གེ་ཡིས་དར་ཆ་དེ་བོད་རྒྱལ་ཁབ་ཀྱི་ཚབ་མཚོན་གྱི་བསམ་བློ་བཟུང་སྟེ་བསྒྲེངས་འཛུགས་བྱས་པ་ནི་རྒྱ་གར་གཞུང་གིས་ཆེད་མངགས་གོ་སྒྲིག་བྱས་ཏེ། རྒྱ་ནག་ལ་གནོན་ཤུགས་སྤྲོད་ཐབས་བྱས་པ་ཞིག་ཆགས་ཡོད། ཡིན་ན་ཡང་། ལྡི་ལི་གསར་བའི་གནད་དོན་འདིའི་སྐོར་ལ་ད་དུང་གསལ་བཤད་གང་ཡང་བྱས་མེད་པས། རྒྱ་གར་གཞུང་གིས་བོད་པ་ཁ་བྲལ་བ་ཚོར་རྒྱ་གར་ས་ཐོག་ནས་རྒྱ་ནག་ལ་གནོད་པའི་ཆབ་སྲིད་བྱེད་སྒོ་རིགས་སྤེལ་མི་འཇུག་པའི་རེ་བ་ཡོད། ཅེས་འཁོད་ཡོད་འདུག

གསར་འགྱུར་ནང་ད་དུང་ “ས་མཚམས་རྩོད་རྙོག་གི་གནད་དོན་འགྲོ་བཞིན་པའི་སྐབས་འདིར་ཕྱོགས་གཉིས་ཀྱི་གནས་སྟངས་ཇེ་སྡུག་ཏུ་མི་འགྲོ་ཆེད་དུ་བོད་པ་སྐྱབས་བཅོལ་བ་ཚོས་རྒྱ་ནག་ལ་གནོད་པའི་ཆབ་སྲིད་ལས་འགུལ་སྤེལ་རྒྱུ་བཀག་འགོག་བྱ་དགོས་པར་རྒྱ་གར་ལ་འགན་ཡོད་པ་རེད།” ཅེས་འཁོད་ཡོད་འདུག

གསར་འགོད་པས་རྒྱ་གར་ནི་དབུལ་ཕོངས་མི་འབོར་ཧ་ཅང་མང་བའི་རྒྱལ་ཁབ་ཅིག་ཡིན་སྟབས། དཔལ་འབྱོར་ཡར་རྒྱས་དང་བདེ་འཇགས་དགོས་པ་གལ་ཆེན་པོ་རེད། དེ་བཞིན། རྒྱ་ནག་ནི་རྒྱ་གར་གྱི་དཔལ་འབྱོར་ཚོང་འབྲེལ་ཤུགས་ཆེ་ཤོས་ཀྱི་རྒྱལ་ཁབ་ཅིག་ཡིན་སྟབས། “ལྡི་ལི་གསར་བས་ཕྱོགས་གཉིས་ཀྱི་འབྲེལ་ལམ་ཇེ་སྡུག་ཏུ་མ་བཏང་ན་ཡག་གི་རེད།” ཅེས་བརྗོད་ཡོད་འདུག

རྒྱ་ནག་གི་གོ་ལའི་དུས་བབ་སྟེང་གནས་ཚུལ་སྤེལ་བའི་ནང་། རྒྱ་ནག་ཧྲང་ཧེ་སྤྱི་ཚོགས་ཚན་རིག་སློབ་གླིང་གི་ཉམས་ཞིབ་པ་ཧོ་ཅེ་ཡཱོང་(Hu Zhiyong)གིས་ “རྒྱ་གར་ནང་ཡོད་པའི་བོད་པ་ཁ་བྲལ་བ་ཚོ་ནི་རྒྱ་དཀར་ནག་གི་མཐུན་ལམ་གཏོར་ཞིག་གཏོང་མཁན་སྡུག་ཤོས་དེ་ཡིན་པ་དང་། ཁོ་ཚོས་ད་དུང་མ་འོངས་པར་རྒྱ་ནག་གཞུང་ལ་བོད་ཀྱི་གནད་དོན་སེལ་བར་དཀའ་རྙོག་བཟོ་སྲིད་པ་རེད།” ཅེས་བརྗོད་ཡོད་འདུག

ཁོས་ད་དུང་ “རྒྱ་ནག་གཞུང་གིས་བོད་ཀྱི་གནད་དོན་སེལ་རྒྱུ་དེ་གོ་སྐབས་ཤིག་ལ་སྒུག་ཡོད་པ་རེད། དེ་ནི་བོད་པ་སྐྱབས་བཅོལ་བ་ཚོར་མཚོན་ནའང་རྒྱ་ནག་གཞུང་དང་བསྐྱར་དུ་མཉམ་འབྲེལ་བྱེད་པའི་གོ་སྐབས་ཤིག་ཆགས་ཡོད་ཀྱང་། ཁོ་ཚོས་རྒྱ་དཀར་ནག་གཉིས་ཀྱི་ས་མཚམས་ཁག་ཏུ་ལས་འགུལ་གང་བྱུང་སྤེལ་བ་དེས་མ་འོངས་པར་རྒྱ་ནག་དང་འབྲེལ་ལམ་མཐུད་པར་གནོད་སྐྱོན་ཐེབས་ཀྱི་ཡོད་པ་རེད།”སོགས་བརྗོད་ཡོད།

དེ་བཞིན། རྒྱ་ནག་གི་རྒྱལ་སྤྱིའི་འབྲེལ་ལམ་གཙུག་ལག་སློབ་གཉེར་ཁང་གི་སློབ་དཔོན་ཆོ་ཡཱེན(Chu Yin)གྱིས་ “བོད་པ་ཁ་བྲལ་ཕྱོགས་ཁག་དང་རྒྱ་གར་གཞུང་བར་གྱི་འབྲེལ་ལམ་དེ་གསང་བ་གང་ཡང་མ་རེད། འདས་པའི་ནང་དུ་རྒྱ་གར་གྱིས་བོད་པ་ཁ་བྲལ་བ་ཚོ་བེད་སྤྱོད་བཏང་སྟེ་རྒྱ་གར་ས་ཐོག་ནས་ལས་འགུལ་གང་བྱུང་སྤེལ་དུ་བཅུག་ཡོད་པ་རེད། ང་ཚོའི་རེ་བར་རྗེས་ཕྱོགས་རྒྱ་གར་གཞུང་གིས་དེ་ལྟར་བོད་པ་ཚོ་བེད་སྤྱོད་མི་གཏོང་བའི་རེ་བ་ཡོད།”ཅེས་བརྗོད་ཡོད་པ་རེད།

ཁོང་གིས་ད་དུང་ “ས་མཚམས་རྩོད་རྙོག་དང་། གཞན་སྟངས་འཛིན་མི་ཐུབ་པའི་ཆབ་སྲིད་དཀའ་རྙོག་ཅི་ཞིག་བྱུང་ན་ཡང་། བོད་དོན་སྐོར་གྱི་བདག་དབང་(sovereignty)དེ་རྒྱ་ནག་ལ་ཡོད་པ་ལས་གྲོས་མོལ་བྱེད་ས་གཞན་གང་ཡང་ཡོད་པ་མ་རེད། དེ་ནི་རྒྱ་ནག་གཞུང་གིས་གསལ་བོར་བཟོས་ཡོད་པ་རེད། རྒྱ་དཀར་ནག་གི་ས་མཚམས་རྩོད་རྙོག་དེ་ཞི་བའི་ཐོག་ནས་སེལ་ཐུབ་པ་ཞིག་ཡིན་ཡང་། རྒྱ་གར་གྱིས་རྒྱ་ནག་བཙན་གྱིས་དེད་དེ་ས་མཚམས་གནད་དོན་དཀའ་རྙོག་ཅན་ཞིག་མ་བཟོ་རོགས། རྒྱུ་མཚན་དེ་ཡིས་རྒྱ་གར་དང་ས་མཚམས་ཁག་གི་བརྟན་བརླིང་ལ་གནོན་སྐྱོན་ཤུགས་ཆེན་པོ་ཐེབས་པ་རེད།”ཅེས་བརྗོད་ཡོད།

རྒྱ་གར་རྒྱལ་སྤྱིའི་ཚོང་འབྲེལ་དུས་བབ་སྟེང་གནད་དོན་འདིའི་སྐོར་བཀོད་པར། “རྒྱ་གར་ལ་མཚོན་ན། ཏཱ་ལའི་བླ་མ་དང་བོད་པ་སྐྱབས་བཅོལ་བ་ཚོ་ནི་ཆབ་སྲིད་གནས་སྟངས་ཐད་ཚོར་བ་ཧ་ཅང་སྐྱེན་པོ་ཅན་ཞིག་ཆགས་ཡོད། བོད་ནི་རྒྱ་ནག་མི་དམངས་སྤྱི་མཐུན་རྒྱལ་ཁབ་འོག་གི་རང་སྐྱོང་གི་ས་ཁུལ་ཞིག་ཡིན་ན་ཡང་རྒྱ་ནག་གཞུང་གིས་ཏཱ་ལའི་བླ་མ་ནི་རྒྱ་ནག་ཁ་བྲལ་གཏོང་མཁན་ཞིག་ཏུ་ངོས་འཛིན་བྱེད་ཀྱི་ཡོད་པ་རེད།” ཅེས་བཀོད་ཡོད།

གོ་ལའི་དུས་བབ་ཀྱི་གསར་འགྱུར་དེའི་ཁ་བྱང་ལ་ “བཙན་བྱོལ་བོད་པ་ཚོས་ས་མཚམས་རྩོད་རྙོག་གི་བར་ནས་ཁེ་སང་བླངས།” ཞེས་འཁོད་ཡོད་པའི་འོག་ཏུ་སླར་ཡང་ “བོད་ཀྱི་བདག་དབང་རྒྱ་ནག་ལ་ཡོད་པ་ལས་གྲོས་མོལ་བྱེད་ས་གཞན་མེད།

གསར་འགོད་པ། སངས་རྒྱས་དཀོན་མཆོག

འབྲེལ་ཡོད་གསར་འགྱུར།

Mobile App

༧རྒྱལ་དབང་ཀརྨ་པ་མཆོག་གི་འཁྲུངས་སྐར་སྲུང་གཙི་ཞུས།

སྐར་མ ༥ སྔོན་ལ།
Mobile App

ཕྱི་དྲིལ་བཀའ་བློན་མཆོག་འཇར་མན་རྒྱལ་ཁབ་ནང་གཞུང་འབྲེལ་ཕྱོགས་ཕེབས།

ཆུ་ཚོད་ ༣ སྔོན་ལ།
བོད་ཀྱི་ན་གཞོན་ཉམས་ཞིབ་པ་དཀོན་མཆོག་བསྟན་འཛིན་ལགས་ཀྱིས་ཐོན་མིའི་གཙུག་ལག་ཉིན་རེའི་རྒྱལ་སྤྱི་ཞེས་པ་གཞུང་འབྲེལ་དབུ་འབྱེད་ཀྱི་མཛད་སྒོ་འཚོགས་སོང་།
 བོད་ཀྱི་དུས་བབ་གསར་ཁང་གི་པར། ༢༠༢༥།༦།༢༥
Mobile App

ཐོན་མིའི་གཙུག་ལག་ཉིན་རེའི་རྒྱལ་སྤྱིའི་གཞུང་འབྲེལ་དབུ་འབྱེད་གནང་།

ཆུ་ཚོད་ ༢༢ སྔོན་ལ།
Front Slider

གོ་སྟོན་དང་འབྲེལ་བའི་སེམས་ཚོར།

ཆུ་ཚོད་ ༢༣ སྔོན་ལ།
སྲིད་སྐྱོང་མཆོག་ནས་དབྱིན་ཡུལ་དང་ཡུ་རོབ་རྒྱལ་ཁབ་ཁག་ཏུ་གཞུང་འབྲེལ་ཕྱོགས་ཕེབས་གནང་བཞིན་འདུག བོད་མིའི་སྒྲིག་འཛུགས་ཀྱི་པར།
Mobile App

དབྱིན་ཡུལ་དང་ཡུ་རོབ་ནང་བོད་དོན་རྒྱབ་སྐྱོར་ཤུགས་ཆེ་རུ་གཏོང་དགོས་པའི་སྐུལ་མ་གནང་འདུག

ཆུ་ཚོད་ ༢༣ སྔོན་ལ།
Mobile App

བོད་མིའི་སྒྲིག་འཛུགས་སྲ་བརྟན་དང་བཙན་བྱོལ་བོད་མི་ཁ་འཐོར་མི་འགྲོ་བའི་བསམ་འཆར། 

༢༠༢༥/༠༦/༢༤

མཆན། 3

  1. གཞུང་པ་ཚེ་དབང་བསོད་ནམས་ says:
    ལོ་ 8 སྔོན།

    བོད་ནི་ནང་པའི་རྒྱལ་ཁབ་་ཞིག་ཡིན་པ་མ་ཟད་སྟོན་པ་བཅོམ་ལྡན་འདས་ཀྱིས་རྗེས་འཇུག་ཐེག་པ་ཆེན་པོའི་ཆོས་ཉམས་ལེན་ཞུ་མཁན་གྱི་མི་རིགས་ཞིག་ཡིན་པ་དང་རྒྱ་མི་གུང་ཁྲན་ནས་བོད་ལ་བཙན་འཛུལ་གྱིས་བོད་རྒྱལ་ཁབ་དང་བོད་མི་རིགས་བོད་མིའི་ཆོས་དང་རིག་གཞུང་སྐད་ཡིག་དང་བཅས་པ་ཉམས་ཆགས་གཏོང་དང་གཏོང་མུས་སུ་ཡོད་ཀྱང་བོད་མི་ཚོ་ལས་རྒྱུ་འབྲས་ལ་ཡིད་ཆེས་བརྟན་པོ་ཞུ་མཁན་གྱི་མི་རིགས་ཞིག་ལ་སོང་སྔ་ཕྱི་མ་རྟོགས་བོད་ཡུལ་བོད་མིའི་ལག་ཏུ་སླེབས་རྒྱུ་ཡིན་པ་བཤད་མི་དགོས་པ་ནི་འཇིག་རྟེན་འདིར་མི་འཇིག་པར་རྟག་པར་གནས་པ་གཅིག་ཀྱང་མེད་པ་ནས་ཤེས་ཐུབ་བོ་།
    ི
    ི

    Reply
  2. ཚེ་རིང་བཀྲིས། says:
    ལོ་ 8 སྔོན།

    གནད་འགག་གི་སྐབས་སུ་དུས་བབ་ཚང་གི་གསར་ཁང་དང་གསར་འགོད་པ་ཚོར་ལྟད་མོ་ཞིག་འདུག གནས་ཚུལ་ཅི་བྱུང་མ་ལུས་པར་བཀོད་བཞིན་པར་ཡི་རངས་ཡོད།

    Reply
  3. ཨ་ཕོ་མཐུ་ཆེན། says:
    ལོ་ 8 སྔོན།

    སྲིད་སྐྱོང་མཆོག་གིས་twitterནང་གསུངས་གསལ།
    དཔལ་མགོན་མཚོར་རླུང་རྟ་དར་འཛུགས་དང་མཆོད་འབུལ་བྱས་པ་མ་གཏོགས་བོད་རྒྱལ་ཁབ་ཆེན་པོའི་རྒྱ་དར་བསྒྲེངས་རྒྱུ་མ་བྱུང། བོད་ཀྱི་རྒྱལ་དར་སྔོན་ནས་འདི་གར་བཙུགས་ཟིན་འདུག་ཅེས་གསུངས།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese