འབར་མའི་དྲག་པོའི་དམག་དཔུང་གིས་ཡུལ་དེའི་ནུབ་རྒྱུད་ཀྱི་རཱ་ཁེན་ (Rakhine) མངའ་སྡེ་ནང་རཱོ་ཧན་གྷ་གྲངས་ཉུང་མི་རིགས་ཀྱི་གྲོང་ཚོ་ ༤༧༡ ཡོད་པའི་གྲས་ནས་གྲོང་ཚོ་ ༡༧༦ སྟོང་པ་བཟོས་ཡོད་འདུག
དེ་རིང་བྷེ་བྷེ་སེ་དང་སེ་ཨན་ཨན་གསར་འགྱུར་བརྒྱུད་ལམ་དུ་གནས་ཚུལ་ཐོན་པ་ལྟར་ན། རྒྱལ་སྤྱིའི་ཉེས་ཡངས་ཚོགས་པའི་ངོས་ནས། འབར་མའི་ནུབ་རྒྱུད་ཀྱི་རཱ་ཁེན་ (Rakhine) མངའ་སྡེ་ནང་ཡོད་པའི་རཱོ་ཧན་གྷ་གྲངས་ཉུང་མི་རིགས་ཀྱི་གྲོང་ཚོ་མང་པོ་བརྙན་པར་ནང་བླངས་ནས་བརྒྱུད་ལམ་ཁག་ཏུ་བཏང་སྟེ་འབར་མའི་དྲག་པོའི་དམག་དཔུང་གིས་ཡུལ་དེའི་རཱོ་ཧན་གྷ་གྲངས་ཉུང་མི་རིགས་ཀྱི་གྲོང་ཚོ་ཁག་གི་མཐའ་སྐོར་ནས་བྲོས་བྱོལ་དུ་འགྲོ་བའི་མི་མང་ནང་གང་བྱུང་མེ་མདས་བརྒྱབ་པ་དང་། གྲང་ཚོ་མང་པོ་མེར་སྲེག་བཏང་སྟེ། ད་ཆར་རཱ་ཁེན་མངའ་སྡེའི་ནང་རཱོ་ཧན་གྷ་གྲངས་ཉུང་མི་རིགས་ཀྱི་གྲོང་ཚོ་ ༤༧༡ ཡོད་པའི་གྲས་ནས་གྲོང་ཚོ་ ༡༧༦ སྟོང་པ་བཟོས་ཡོད་སྟབས། འབར་མའི་དྲག་པོའི་དམག་དཔུང་གི་བྱ་སྤྱོད་དེ་ནི་མི་སྤྱོད་ལས་འདས་པའི་ནག་ཉེས་ཚབས་ཆེན་ཆགས་ཡོད་སྐོར་བརྗོད་འདུག
རྒྱལ་སྤྱིའི་འགྲོ་བ་མིའི་ཐོབ་ཐང་ལྟ་ཞིབ་ཚན་པས། འབར་མའི་དྲག་པོའི་དམག་དཔུང་གིས་ཡུལ་དེའི་ནུབ་རྒྱུད་ཀྱི་ཟིང་འཁྲུག་ཁྲོད་རཱོ་ཧན་གྷ་གྲངས་ཉུང་མི་རིགས་ཐོག་དམ་དྲག་ཤུགས་ཆེན་བྱེད་པ་དང་། ཡུལ་མིའི་སྡོད་གནས་མེད་པ་བཟོ་བ། ཟིང་འཁྲུག་ཡུལ་དངོས་ཀྱི་ཡུལ་མི་ཚོར་འཕྲོད་བསྟེན་ལྟ་སྐྱོང་གི་མཐུན་འགྱུར་མ་གནང་བ་མ་ཟད། ད་དུང་དྲག་ཤུགས་ལ་བརྟེན་ནས་རཱོ་ཧན་གྷ་ཁ་ཆེའི་ཡུལ་མི་ཚོ་ཕྱིར་ཕུད་གཏོང་བཞིན་པ་དེ་ནི་མི་སྤྱོད་ལས་འདས་པའི་གནས་སྟངས་ཚབས་ཆེན་ཆགས་ཡོད་པ་དང་། ད་ལྟ་རཱོ་ཧན་གྷ་གྲངས་ཉུང་མི་རིགས་ནི་འཛམ་གླིང་སྟེང་རྒྱལ་ཁབ་མེད་པའི་སྐྱབས་བཅོལ་བའི་མི་འབོར་མང་ཤོས་དེ་ཆགས་ཡོད་སྐོར་བརྗོད་འདུག
འབར་མའི་དྲག་པོའི་དམག་དཔུང་གི་དམག་སྤྱི་ཨུན་ཧ་ལེན་ (Aung Hlaing) ཟེར་བ་ཞིག་གིས། འབར་མའི་ནང་གི་རཱོ་ཧན་གྷ་གྲངས་ཉུང་མི་རིགས་ནི་སྔོན་ཆད་བྷང་ལ་དྷེ་ཤཱི་ནས་ འབར་མའི་ནང་ཁྲིམས་གྱིས་གནས་སྤོས་པ་ཡིན་སྟབས། འབར་མ་རྒྱལ་ཁབ་ཀྱི་ངོས་ནས་ཁོ་ཚོ་འབར་མའི་མི་སེར་ལ་ངོས་ལེན་བྱེད་ཐབས་མེད། ཅེས་བརྗོད་འདུག
བྷང་ལ་དྷེ་ཤཱི་ཕྱོགས་ནས། རཱོ་ཧན་གྷ་གྲངས་ཉུང་མི་རིགས་ནི་འབར་མའི་མི་སེར་ཡིན་པ་དང་། འབར་མའི་སྲིད་གཞུང་གིས་ད་ཆར་བྷང་ལ་དྷེ་ཤཱིའི་ནང་འབྱོར་བའི་རཱོ་ཧན་གྷ་སྐྱབས་བཅོལ་མི་མང་ཕྱིར་འབར་མའི་ནང་ལེན་དགོས་པ་དང་། ད་ཆར་བྷང་ལ་དྷེ་ཤཱིའི་སྨན་ཁང་ཁག་ནང་རཱོ་ཧན་གྷ་སྐྱབས་བཅོལ་ནད་པ་ཚབས་ཆེན་ ༡༠༠ ལྷག་ཡོད་པ་དང་། ཁོ་ཚོ་ཚང་མ་འབར་མའི་དྲག་པོའི་དམག་དཔུང་གི་མེ་མདའ་དང་འགད་རྫས་ཁྲོད་རྨས་སྐྱོན་བྱུང་བ་ཡིན་སྐོར་བརྗོད་འདུག
གནས་ཚུལ་ལྟར་ན། ཟླ་སྔོན་མའི་ཕྱི་ཚེས་ ༢༥ ཉིན་ནས་ད་ལྟའི་བར་དུ་འབར་མའི་ནང་གི་རཱོ་ཧན་གྷ་གྲངས་ཉུང་མི་རིགས་ཀྱི་མི་མང་ ༤༠༠༠༠༠ མ་ཟིན་ཙམ་ཁྱིམ་མཚེས་རྒྱལ་ཁབ་བྷང་ལ་དྷེ་ཤཱིའི་ནང་བྲོས་བྱོལ་དུ་འབྱོར་ཡོད་པ་ དང་། ཡུལ་བྱོལ་བ་མང་ཤོས་བུད་མེད་དང་བྱིས་པ་ཡིན་འདུག འབར་མའི་ནང་གི་ཟིང་འཁྲུག་གི་འབྱུང་རྐྱེན་གཙོ་བོ་ཡུལ་དེའི་ནུབ་རྒྱུད་ཀྱི་རཱ་ཁེན་ (Rakhine) མངའ་སྡེ་ནང་ཡོད་པའི་ཁ་ཆེ་རཱོ་ཧན་གྷ་གྲངས་ཉུང་མི་རིགས་ (Muslim) Rohingya ethnics minority) དང་ནང་པའི་རཱ་ཁེན་གྲངས་མང་མི་རིགས་ (Buddhist) Rakhine ethnics majority) གཉིས་བར་གྱི་སྡོད་གནས་རྩོད་གླེང་ཡིན་པ་དང་། དེ་ཡང་ས་ཁུལ་དེའི་ནང་པའི་རཱ་ཁེན་གྲངས་མང་མི་རིགས་ཀྱིས་ཁ་ཆེ་རཱོ་ཧན་གྷ་གྲངས་ཉུང་མི་རིགས་ནི་འབར་མའི་མི་སེར་མིན་སྟབས། ཁོ་ཚོ་རཱ་ཁེན་མངའ་སྡེའི་ནང་བསྡད་མི་ཆོག་ཅེས་བཤད་ཀྱི་ཡོད་པ་དང་། འབར་མའི་སྲིད་གཞུང་གིས་ནུབ་རྒྱུད་ཀྱི་རཱ་ཁེན་ (Rakhine) མངའ་སྡེ་ནི་ནང་པའི་རཱ་ཁེན་གྲངས་མང་མི་རིགས་ཀྱི་མངའ་སྡེ་ཡིན་པ་དང་། ས་ཁུལ་དེའི་རཱོ་ཧན་གྷ་གྲངས་ཉུང་མི་རིགས་ནི་སྔོན་ཆད་ཁྱིམ་མཚེས་རྒྱལ་ཁབ་བྷང་ལ་དྷེ་ཤཱི་དང་རྒྱ་གར་གྱི་ནུབ་བྷན་གྷལ་གཉིས་ནས་འབར་མའི་ནང་ཁྲིམས་འགལ་གྱིས་གནས་སྤོ་བྱས་པ་ཡིན་པས། ཁོ་ཚོ་ཕྱིར་སོ་སོའི་རྒྱལ་ཁོངས་སུ་ལོག་དགོས་ལུགས་བཤད་ཀྱི་ཡོད་འདུག
གསར་འགོད་པ། པདྨ་རྒྱལ་གྱིས་སྒྱུར་སྒྲིག་བྱས།
རྙོག་དྲ་ཡོད་ས་མང་ཆེ་བ་ཁ་ཆེ་མི་རིགས་དང་འབྲེལ་བ་འདུག
དེ་དངོས་གནས་ཁོ་རང་ཚོས་མི་རིགས་རིང་ལུགས་ཀྱི་གོམས་གཤིས་ཡག་ཤོས་སྤྱོད་ལམ་ཡག་ཤོས་ཤིག་ཡིན་པར་འདྲ།
འཇིགས་སྐུལ་རིང་ལུགས་འབྱུང་ས་འབྱུང་ཁུངས་ཡང་ཁ་ཆེ་མི་རིགས་ནས་རེད་ལོ་རྒྱུས་ཐོག་དམག་རྒྱག་ནས་ཁ་ཆེའི་ཆོས་ལུགས་དབང་བསྒྱུར་མཁན་ཁ་ཆེ་བ་རེད་ལ་ལོ་རྒྱུས་ཡོད་རིང་ལྡན་པའི་རིག་གནས་ཤུལ་བཞག་མེད་པར་བཟོ་མཁན་ཡང་ཁ་ཆེ་མི་རིགས་རེད།འཛམ་གླིང་ཐོག་ཁ་ཆེ་མི་རིགས་ཀྱི་འགྲོ་་བ་མི་རིགས་ལ་ཕན་ཐོགས་པའི་ལེགས་སྐྱེལ་གང་ཡང་མཐོང་གི་མི་འདུག
འོ་ན་ད་འཛམ་གླིང་འདིར་ཐོག་མི་རིགས་ཀྱི་གད་སྙིད་ཨང་དང་པོ་དེ་མི་རིགས་གང་རེད་ཟེར་ན།ངས་བལྟས་ན་ཁ་ཆེའི་མི་རིགས་ཡིན་ནམ་སྙམ།
དུས་རབས་ཉི་ཤུ་རྩ་གཅིག་ནང་འཛམ་གླིང་མི་མང་འཚོ་
བཞིན་པ་ནས་ཆོས་ལུགས་དང་མི་རིགས་སྤྱི་ཚོགས་ཀྱི་འབྱུང་ཁུང་སོགས་ས་མཚམས་ལས་འགལ་ཚར་བར་ངོས་འཛིན་བྱེད་བཞིན་པའི་སྐབས་འདིར་འབར་མའི་ནང་གི་གནས་ཚུལ་དེ་ཚོ་སེམས་སྐྱོ་དགོས་པ་ཞིག་མ་རེད་དམ་?