འཚོགས་ལ་ཉེ་བའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གསུམ་པའི་ཐོག་བཙན་བྱོལ་བོད་མིའི་སྤྱི་ཚོགས་ནང་འགལ་ཟླ་རྩོད་རྙོག་བྱུང་གི་ཡོད་པ་དེ་དག་ཁ་གསལ་གཏིང་གསལ་དང་ཐག་གཅོད་ལེགས་པོ་གནང་རོགས་ཞེས་གྲྭ་ཐུབ་བསྟན་ཆོས་འཕེལ་ལགས་ཀྱིས་འབོད་སྐུལ་ཞུས་སོང་།
དེ་རིང་སྔ་དྲོའི་ཆུ་ཚོད་ ༡༠ ཐོག་ལྷོ་ཕྱོགས་སེར་བྱེས་གཙང་པ་ཁང་ཚན་ནས་ཡིན་པའི་གྲྭ་ཐུབ་བསྟན་ཆོས་འཕེལ་ལགས་ཀྱིས། ཉེ་སྔོན་ཁོང་གིས་བཙན་བྱོལ་བོད་མིའི་སྒྲིག་འཛུགས་ནང་སྲིད་དབང་སྒེར་གཅོད་རྡོག་གཅིག་འབུར་ས་མེད་པ་བཟོ་བའི་ཆེད་དུ་རང་ལུས་མེར་སྲེག་གནང་རྒྱུ་ཡིན་པའི་གནས་ཚུལ་ཞིག་སྤྱི་ཚོགས་བརྒྱུད་ལམ་དུ་སྤེལ་ཡོད་པའི་སྐོར་ལ་གསར་འགོད་ལྷན་ཚོགས་ཤིག་བྱས་སོང་བ་དང་། ཁོང་གིས་འཛིན་སྐྱོང་བཀའ་ཤག་གི་ཕྱག་ལས་གནང་སྟངས་ཤིག་གིས་སྤྱི་ཚོགས་ནང་དཀྲུག་ཤིང་དང་འགལ་ཟླ་མང་པོ་བྱུང་ཡོད་སྟབས། འཆར་ལ་ཉེ་བའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གསུམ་པའི་ཐོག་དེ་ལ་ཐག་གཅོད་ཡག་པོ་ཞིག་དང་། སྤྱི་ཚོགས་ལ་ཁ་གསལ་གཏིང་གསལ་གྱི་གསལ་བཤད་ཅིག་ངེས་པར་དུ་གནང་དགོས་པའི་འབོད་སྐུལ་ཞུས་སོང་།
དེ་ཡང་གསར་འགོད་ལྷན་ཚོགས་ཐོག་གྲྭ་ཐུབ་བསྟན་ཆོས་འཕེལ་ལགས་ཀྱིས་ཤོག་ངོས་ལྔ་དང་དོན་ཚན་གསུམ་ཅན་གྱི་ཡིག་ཆ་ཞིག་འགྲེམས་སྤེལ་བྱས་སོང་བའི་ནང་དུ། འདས་ལོའི་ཕྱི་ཟླ་༡༡ པའི་ནང་དང་ཟླ་འདིའི་ཚེས་ ༤ ཉིན་ཁོང་གིས་ཨམྲ་ཝ་ཏིའི་དཔལ་ལྡན་འབྲས་སྤུངས་མཆོད་རྟེན་སོགས་མཇལ་སྐབས། ཁོང་གིས་རང་ལུས་མེར་བསྲེག་གཏོང་རྒྱུའི་བློ་ཐག་བཅད་པའི་གནས་ཚུལ་དེ་ཟླ་འདིའི་ཕྱི་ཚེས་༩ ཉིན་གྱི་མཚན་མོར་སྐད་འཕྲིན་རྒྱབ་ཏུ་བཀོད་པ་ཡིན། དེ་སྔོན་ནས་སྲིད་དབང་སྒེར་གཅོད་དང་ཕྱོགས་ཁག་དཔུང་སྒྲིལ་སོགས་ཡིད་སྐྱོ་བའི་གནས་སྟངས་མང་པོ་ཞིག་མཐོང་ཐོས་བྱུང་ཡོང་དུས་བསམ་བློ་ལན་མང་བཏང་བས་རང་ལུས་མེར་སྲེག་གི་བྱ་བར་འཇུག་དགོས་པ་འདྲ་མཐོང་། གང་ལྟར་གནད་དོན་གསུམ་ཚང་ན་རྩ་དོན་གྱི་དམིགས་ཡུལ་ཞིག་གི་ཆེད་དུ་རང་ལུས་མེར་སྲེག་ལས་འགུལ་སྤེལ་དགོས་པར་མཐོང་། གནད་དོན་གསུམ་ནི། བཙན་བྱོལ་བོད་མིའི་མཐོ་རིམ་དབང་འཛིན་པའི་ཁྲོད་དུ་སྲིད་དབང་སྒེར་གཅོད་ཡོད་པ་དང་། སྲིད་དབང་སྒེར་གཅོད་ལ་ངོས་ལེན་མི་བྱེད་པ། སྲིད་དབང་སྒེར་གཅོད་ལ་ཡོ་སྲང་མི་བྱེད་པ་བཅས་གསུམ་ཡིན། རྩ་དོན་གྱི་དམིགས་ཡུལ་གཅིག་ནི་བཙན་བྱོལ་སྒྲིག་འཛུགས་ནང་དུ་སྲིད་དབང་སྒེར་གཅོད་ཀྱི་མགོ་བོ་རྡོག་གཅིག་ཀྱང་འབུར་ས་མེད་པ་བཟོ་རྒྱུ་དེ་ཡིན། ཅེས་བརྗོད་འདུག
ཡང་ཁོང་གིས། བོད་ཀྱི་མང་གཙོའི་སྲིད་གཞུང་འདི་རིན་ཐང་ཆུང་ཆུང་ཞིག་ག་ལ་ཡིན། འདི་ནི་ལོ་ངོ་བརྒྱ་ཡི་ཡར་སྔོན་༧སྐུ་མདུན་སྐུ་གོང་མའི་སྐབས་ནས་དགོངས་བཞེས་མཛད་ཅིང་འགོ་འཛུགས་ཐབས་ཤེས་མཛད་ཡོད། ༧གོང་ས་སྐྱབས་མགོན་སྐུ་ཕྲེང་བཅུ་བཞི་པ་ཆེན་པོས་ཆོས་སྲིད་ཀྱི་ཐུགས་འགན་བཞེས་པ་ནས་བཟུང་འབད་ཐབས་མཛད་ཅིང་། མི་ལོ་ལྔ་བཅུ་ལྷག་ཙམ་རིང་གཡས་སྐྱོར་གཡོན་སྐྱོར་གྱིས་སྐྱེད་སྲིང་མཛད་པའི་མང་གཙོའི་སྲིད་གཞུང་ཚད་དང་ལྡན་པ་ཞིག་ཡིན། འདི་ཉིད་བོད་མི་རིགས་རིག་གཞུང་དང་བཅས་པ་རྒྱུན་གནས་ཐུབ་པའི་ཀ་བ་ལྟ་བུར་གཟིགས་ནས་འཛུགས་གནང་མཛད་པ་ཡིན། གཞིས་བྱེས་གཉིས་ཀྱི་མི་མང་གི་རེ་ལྟོས་བཅོལ་སའི་གཞུང་དང་། རྒྱལ་གཅེས་དཔའ་བོ་དཔའ་མོ་བརྒྱ་དང་ལྔ་བཅུ་ལྷག་གིས་རྒྱ་གཞུང་ལ་ཞི་རྒོལ་གྱིས་སྐུ་ལུས་མེ་ལྕེར་བསྒྲོན་སྐབས་ཤི་དུར་ཁུང་ནས་རེ་བའི་མིག་འབུར་སྲིད་གཞུང་འདི་ལ་གཏད་ཡོད། ཡུལ་གྲུ་གཞན་སུ་གཅིག་གི་སྲིད་གཞུང་དང་བསྡུར་ཐབས་མེད་པའི་སྲིད་གཞུང་ཡིན། འདི་འཛུགས་མཁན་གྱི་ཆ་ནས་བསྡུར་ཐབས་མེད་ལ། དམིགས་ཡུལ་གྱི་ཆ་ནས་བསྡུར་ཐབས་མེད། སྐྱེད་སྲིང་མཛད་སྟངས་ཀྱི་ཆ་ནས་བསྡུར་ཐབས་མེད། དེར་བརྟེན་ང་ཚོའི་མང་གཙོའི་སྲིད་གཞུང་འདིར་མཐོ་རིམ་དབང་འཛིན་པས་གང་བྱུང་བྱེད་དབང་མེད་ཅིང་བྱེད་ཀྱང་མི་རུང་། ཞེས་བརྗོད་འདུག
འཚོགས་ལ་ཉེ་བའི་བོད་མི་མང་སྤྱི་འཐུས་ལྷན་ཚོགས་ལ་འབོད་སྐུལ་བྱས་དོན། སྲིད་གཞུང་འདི་ནི་ཡུལ་གྲུ་གཞན་དག་གི་སྲིད་གཞུང་ལས་ཁྱད་པར་དུ་འཕགས་པ་ཞིག་ཡིན། གོང་ཞུས་ཀྱི་སྐྱོ་གནས་རྣམས་ནི་འཛིན་སྐྱོང་བཀའ་ཤག་གིས་ཕྱག་ལས་གནང་ཕྱོགས་དང་འབྲེལ་བ་ལས་བྱུང་ཡོད། ད་དུང་བློ་འཚབ་འབྱུང་གཞི་གཞན་ཞིག་ནི་གནད་དོན་དེ་དག་ཐག་གཅོད་ལེགས་པོ་ཡོང་རྒྱུའི་ཚབ་ལ་རྣོ་ངར་ལྡན་པའི་འཐབ་རྩོད་དང་། ཕྱོགས་འཐེན་དཔུང་སྒྲིལ་གྱི་འཐབ་རྩོད་བརྒྱུད་ནས་དཀར་ནག་གོ་ལྡོག་གི་ཐག་གཅོད་ཀྱི་ཐོག་ལ་འགྲོ་རྒྱུའི་ཉེན་ཁ་ཐོན་བཞིན་ཡོད། གནད་དོན་འདི་ཚོ་ཕྱོགས་ཡོངས་ནས་ཐག་གཅོད་བྱེད་རྒྱུའི་སྐུ་དབང་ཡོངས་སུ་རྫོགས་པ་བོད་མི་མང་སྤྱི་འཐུས་ལྷན་ཚོགས་ལ་ཡོད། བོད་མི་མང་སྤྱི་འཐུས་ལྷན་ཚོགས་ནི་གོང་ཞུས་ཀྱི་ཁྱད་ཆོས་ལྡན་པའི་ང་ཚོའི་སྲིད་གཞུང་འདི་སྲུང་སྐྱོབ་བྱེད་མཁན་ལ་འཕགས་མཆོག་ཕྱག་ན་པདྨོས་ཕྱུགས་རྫི་ལྟ་བུར་མངགས་པ་ཞིག་དང་། བོད་ཆོལ་གསུམ་རྒྱལ་ཡོངས་མི་མང་གི་སྐུ་ཚབ་ཏུ་མངགས་པའི་ཕ་མ་ལྟ་བུའང་ཡིན། ཡིན་ནའང་ཁོང་རྣམ་པས་རང་འཁྲིའི་འགན་ཁུར་ཚད་ལྡན་མི་ཞུ་བའམ་ངན་རྒྱབ་དཔུང་སྒྲིལ་སོགས་ལྡོག་ཕྱོགས་ཀྱི་བྱ་འགུལ་འཐོན་ཚེ། གོང་ཞུས་ཀྱི་རིན་ཐང་ལ་བརྩི་བཀུར་ཞུ་ཐབས་བྲལ་བ་ཞིག་ཆགས་ཀྱི་རེད། གསར་འགོད་གསལ་བསྒྲགས་འདི་བརྒྱུད་ནས་བཀུར་འོས་སྤྱི་འཐུས་རྣམས་ལའང་གསལ་འདེབས་ཞུ་རྒྱུ་ཞིག་ལ། རང་ཉིད་ལ་གོང་ཞུས་ཕྱུགས་རྫི་ལྟ་བུ་དང་ཕ་མ་ལྟ་བུར་འཛིན་པའི་མཚན་གནས་རྗེས་འབྲེལ་གྱི་ཆེ་མཐོང་ལ་རང་སྲུང་ཐུབ་པ་དང་རང་འཁྲིའི་ཐུགས་འགན་ཆ་ཚང་བཞེས་ཐུབ་པའི་གསོལ་འདེབས་ཞུ་བཞིན་ཡོད། གལ་ཏེ་དེ་ལྟར་མ་བྱུང་ཚེ་མཇུག་འབྲས་ངན་པ་ལྷག་ན་འགན་འཁྲི་སུ་ཞིག་ལ་བབ་མིན་ཐུགས་ལ་མངའ་བར་ཞུ། ཞེས་བརྗོད་འདུག
མཇུག་ཏུ་གསར་འགོད་པས། སྤྱི་འཐུས་གྲོས་ཚོགས་ཚོགས་དུས་གསུམ་པའི་ཐོག་གནད་དོན་དེ་དག་གི་ཐོག་གླེང་སློང་དང་བཟང་ཕྱོགས་ཀྱི་འགྱུར་བ་མ་བྱུང་བ་ཡིན་ན། ཁྱེད་ཀྱིས་རང་ལུས་མེར་སྲེག་ལས་འགུལ་གྱི་ལམ་ཀ་དེར་འགྲོ་རྒྱུ་ཡིན་ནམ་ཞེས་དྲིས་པར་ཁོང་གིས། གནས་སྟངས་ལ་ལྟ་ཡི་ལྟ་ཡི་བྱས་ཏེ་ཐག་གཅོད་དགོས་པ་ཞིག་རེད། ཅེས་བརྗོད་སོང་།
ཡང་གྲྭ་ཐུབ་བསྟན་ཆོས་འཕེལ་ལགས་ཀྱི་རེ་སྐུལ་ལྟར་གནད་དོན་འདི་དང་འབྲེལ་ནས་སྒེར་འབྲེལ་གནང་འདོད་ཡོད་མཁན་ཚོས་ཁོང་གི་ཁ་པར་ཨང་གྲངས་ ༩༨༨༠༠༡༧༩༡༦ ཐོག་འབྲེལ་བ་གནང་རོགས།
གསར་འགོད་པ། སངས་རྒྱས་དཀོན་མཆོག
གྲ་པ་སྨྱོན་པ་དེ་དགོས་པའི་ཆོས་མ་བྱས་མི་དགོས་པའི་འཇིག་རྟེན་མགོ་ནག་པའི་ཇུས་ཏོག་འདྲ་བྱས། ཨ་ཁཁ་་་་་་་
སྲིད་དབང་སྒེར་གཅོད་པ་དངོས་མ་དེ་རྒྱ་གཞུང་རེད་་་་་ཨ་ཁ་་་ད་དུང་ཡང་ཤེས་མེད་པར་འདྲ་་་་་
གྲྭ་རྒན་དེ་གི་དགྲ་དགའ་གཉེན་སྡུག་གི་ལས་ཀ་དངོས་མ་བྱེད་བཞིན་འདུག་་་་་
ཐུགས་རྗེ་ཆེ། ཁྱོད་ཀྱི་རིག་པར་ཞིབ་བཤེར་བྱེད་བཞིན་ཡོད།
གྲྭ་པ་སྨྱོན་པ་དེ་འདྲའི་ལ་སྐད་ཆ་འདྲིས་ནས་སྤྱི་ཚོགས་ལ་ཕན་ཐོག་པ་འདུག་དང་མི་འདུག
དཔེ་འདིར་བཞིན
ཡོན་ཏན་ཆུང་རྣམས་ང་རྒྱལ་ཆེ། །མཁས་པར་གྱུར་ན་དུལ་བར་གནས། །ཆུ་ཕྲན་རྟག་ཏུ་ཀུ་ཅོ་ཆེ། །རྒྱ་མཚོས་ཅ་ཅོ་ག་ལ་སྒྲོག །
ཡང་ན།
མཁས་པ་རང་གིས་དཔྱོད་ཤེས་ཀྱི། །བླུན་པོ་གྲགས་པའི་རྗེས་སུ་འབྲང་། །ཁྱི་རྒན་ཀུ་ཅོ་འདོན་པ་ན། །རྒྱུ་མཚན་མེད་པར་གཞན་དག་རྒྱུག། །
གྲྭ་པ་སྨྱོན་པ་དེ་འདྲའི་ལ་སྐད་ཆ་འདྲིས་ནས་སྤྱི་ཚོགས་ལ་ཕན་ཐོག་པ་འདུག་དང་མི་འདུག
དཔེ་དེ་བཞིན
ཡོན་ཏན་ཆུང་རྣམས་ང་རྒྱལ་ཆེ། །མཁས་པར་གྱུར་ན་དུལ་བར་གནས། །ཆུ་ཕྲན་རྟག་ཏུ་ཀུ་ཅོ་ཆེ། །རྒྱ་མཚོས་ཅ་ཅོ་ག་ལ་སྒྲོག །
ཡང་ན།
མཁས་པ་རང་གིས་དཔྱོད་ཤེས་ཀྱི། །བླུན་པོ་གྲགས་པའི་རྗེས་སུ་འབྲང་། །ཁྱི་རྒན་ཀུ་ཅོ་འདོན་པ་ན། །རྒྱུ་མཚན་མེད་པར་གཞན་དག་རྒྱུག། །
ནང་ཆོས་སྙིང་པོ་འཚེ་བའི་བྱ་ལས་སྤོངས་།
ལྷག་བསམ་འགན་འཁུར་ལག་ལེན་ཁ་ཕྱོགས་ནོར་།
རྒྱུ་ཚན་གནས་ལུགས་ཁྲིམས་ཀྱི་བདག་སྤྲོད་ཐུབ་།
བསམ་ཆུང་ཚབ་ཚུབ་མ་གནང་བློ་རྒྱ་ཆེ་ཙམ་གྱིས་།
ད་ཡིན་ན་གསར་བསྐོས་པ་ཚོས་དྲི་བ་དྲི་ས་རྫོགས་ཡིན་ས་རེད། མི་སྨྱོན་པ་དེ་ཚོ་ལ་དྲི་སྐོས་བྱེད་ནས་ད་དུང་བོད་མིའི་སྤྱི་ཚོགས་ནང་ཁྱབ་སྤེལ་བྱེད་འདུག ཨ་ཁ་ཁ་་་་་་ད་ཡིན་ན་རྒྱ་གར་གསར་སྐོས་པ་དང་ཁུངས་ལུང་མེད་པ་ཆ་རེད་འགྲོ་ས་རེད། གནས་ཚུལ་སྤེལ་ཡ་ལ་མ་སྡང་ན་བླ་མ་དང་སྤྱི་ཚོགས་སྟེང་མི་དམིགས་དཔེ་འགྲོ་བ་ཚོའི་ལོ་རྒྱུ་དང་མང་ལ་བློ་སྐྱེས་སྤྲོད་ཡ་དུ་མ་ཡོད་རེད།
དུད་འགྲོ་ལས་ཀྱང་རྨོངས་པའི་གྲྭ་ཟུགས་བདེན་རྫུན་དབྱེ་བ་ཕྱེ་མི་ཤེས་དྲང་མིན་དབྱེ་མཚམས་ཕྱེ་མི་ཤེས་མཁན། རང་ཤིི་ཡ་ལ་མ་འཇིགས་ན་། བླངས་དོར་མི་ཤེས་པའི་གླན་ལྐུག་དེ་འདྲ་མེད་ན་ཡག་གི་རེད་མེ་ལ་འཆོང་ཤིག། བོད་སྤྱི་ལ་གྱོང་ཡོག་མ་རེད་འཆོངས་འཆོངས་ཤིག། ཁྱེད་རང་འདྲ་པོ་མེད་དགོས་གི་རེད།།
དང་ཐོག་སྲིད་དབང་སྒེར་སྤྱོད་འདུག་ན་རེ་རེ་བཞིན་ཐེར་འདོན་བྱེད་དགོས། དེ་མིན་བརྒྱ་བཤད་སྟོང་བཤད་བྱས་ཏེ་རང་ཤི་བརྒྱབ་ཀྱང་མི་ཕན། ད་བར་དུ་བོད་བརྒྱ་དང་ལྔ་བཅུ་ལྷག་གིས་རང་ལུས་མེར་བསྲེགས་བཏང་བ་རེད། གྲུབ་འབྲས་གང་ཐོབ་སོང་།
ཕ་ཡུལ་གངས་ལྗོངས་ལགས་།རིགས་གསར་སྐབས་བུ་ཕྲུག་གི་ཕ་མ་ལ་འཐབ་རྩོད་དང་སློབ་མའི་དགེ་རྒན་ལ་འཐབ་རྩོད་བྱེད་པ་དེ་ནི་།ངེས་པར་དུ་རྒྱ་དམར་གྱི་བཙན་དབང་ཡིན་པ་མཁྱེན་པར་མཛོད་། དེ་དང་ཆབ་གཅིག་དེང སང ་ཆོས་དད་རང་དང ་དམངས་གཙོའི་རང་དབང་ཁ་ལ་ཁྱེར་ནས་། སློབ་མའི་བླ་མ་ལ་ངོ་རྒོལ་དང་འབངས་མིའི་དབུ་ཁྲིད་ལ་རྒྱུ་མཚན་མི་ལྡན་པའི་སྨ་འབེབས་བྱེད་པ་དེ་ནི་ འཐབ་ཕྱོགས་གཅིག་གྱུར་དང་དངུལ་དཱ་ཡང་གི་ནུས་པ་ཡིན་པ་གོར་མ་ཆག་།།
དུད་འགྲོ་ལས་རྨོངས་པའི་གྲྭ་གཟུགས་རང་ལུས་མེ་བསྲེག་ཐོང་ཤིག་།
སྐུ་ཞབས་ཁོང་ཡིད་རང་བསྔགས་བརྗོད་ཡོད།
རྒན་རབས་པའི་ངག་རྒྱུན་ལ་རིག་གསར་སྐབས་བུ་ཕྲུག་གི་ཕ་མ་ལ་འཐབ་རྩོད་དང་སློབ་མ་རྣམས་དགེ་རྒན་ལ་རྡུང་འདེགས་གཏོང་གི་ཡོད་ཚུལ་གྱི་ལོ་རྒྱུས་ཡོད་པ་རེད།དེང་སང་མི་འགའ་ཤས་ཀྱི་དམངས་གཙོ་དང་རང་དབང་ཁ་ལ་ཁྱེར་ནས་བོད་རིགས་ནང་ཁུངས་ལ་འཐབ་རྩོད་དང་ངོ་རྒོལ་།ཐ་ན་རང་ལུས་མེ་སྲེད་གཏོང་རྒྱུ་ཡིན་ཚུལ་བཤད་པ་ནི་ཧ་ལས་པའི་ཐབས་སྐྱོ་པོ་ཞིག་མ་རེད་དམ།མི་ལུས་རིན་ཆེན་གསེར་ལས་དཀོན་ཞེས་ཀྱི་དཔེ་རེད།སོ་སོར་རྩ་ཆེན་གཟུགས་པོ་དེ་བོད་རིགས་ནང་ཁུངས་འཐབ་རྩོད་བྱེད་པའི་ལག་ཆ་བཟོ་རྒྱུ་ཡིན་ནམ།ཕྱིའི་དགྲ་ཕར་བཞག་ནང་་ཁུངས་རྙོག་གླེང་ཆེད་དུ་རང་རང་སོྲ ག་དེར་འགྲོ ་བཏང་རྒྱུ་ཡིན་ནམ།ཁྱེད་རང་གྲྭ་པ་ཞིག་ཡིན་རན་ཆོག་བཞག