བོད་ཀྱི་ཉེ་རབས་ལོ་རྒྱུས། ༡༩༡༣-༡༩༥༡

འབུམ་རམས་པ་མེལ་ཝིན་སི་གོལ་སི་ཊིན་Melvyn C. Goldsteinགྱིས་བརྩམས་པའི་སྙན་གྲགས་ཆེ་བའི་”བོད་ཀྱི་ཉེ་རབས་ལོ་རྒྱུས། ༡༩༡༣-༡༩༥༡”<<སེར་མོ་བའི་རྒྱལ་ཁབ་ཀྱི་ཉམས་འཇིག>>་ཅེས་པ་ད་ལམ་བྱང་ཕྱོགས་དྷེ་ར་དཱུན་སྲོང་བཙན་དཔེ་མཛོད་ཁང་ནས་མཐུན་འགྱུར་བགྱིས་ཏེ་ཤེལ་དཀར་གླིང་པ་ཚེ་དབང་རྣམ་རྒྱལ་ནས་བོད་སྒྱུར་དང་། མཁས་དབང་ཨ་མྱེ་རྨ་ཆེན་བཀྲ་ཤིས་ཚེ་རིང་ལགས་ཀྱིས་དག་ཞུས་བྱས་ཤིང་། སྐུ་ངོ་ཚ་རོང་དཔལ་འབྱོར་གྱི་ལམ་སྟོན་འོག་འདི་ག་དཔེ་མཛོད་ཁང་ནས་ཞུས་སྒྲིག་དང་པར་སྐྲུན་བྱས་ཡོད། ཕྱག་དེབ་དེ་ནི་རྩོམ་པ་པོས་ལོ་ངོ་དུ་མ་ཞིག་བོད་ཀྱི་ལོ་རྒྱུས་ནང་ནས་དཔྱད་གཞིའི་རྒྱུ་ཆ་མང་པོ་ཞིག་ཕྱོགས་བསྡུས་བྱས་ཏེ་བྲིས་པའི་དེབ་ཐེར་དང་པོ་དེ་ཡིན། རྒྱུ་ཆ་དེ་དག་ནི་བོད་ཀྱི་ལོ་རྒྱུས་པར་སྐྲུན་བྱས་པའི་དེབ་རིགས་དང་རྩོམ་ཡིག་ཁག ལོན་ཌོན་རྒྱ་གར་ལས་ཁུངས་ནང་ཡོད་པའི་དབྱིན་ཇིའི་རྒྱ་གར་སྲིད་གཞུང་གི་འགོད་ཐོ་དང་། ཨ་རི་རྒྱལ་ཕན་མཉམ་འབྲེལ་གི་རྒྱལ་ཡོངས་ཡིག་ཚགས་ནང་གི་ འགོད་ཐོ་དང་། རྡ་རམ་ས་ལའི་བོད་ཀི་དཔེ་མཛོད་ཁང་གི་བཅར་འདི་དང་མ་དཔེ་ཁགརྒྱ་གར་དང་། བོད། ནུབ་ཕྱོགས་བཅས་སུ་ཡོད་པའི་བོད་གཞུང་གི་གཞུང་ཞབས་རྙིང་པ་དང་ཤེས་ལྡན་པ་རྣམས་ལ་བཅར་འདི་དང་འབྲེལ་ལམ་ཞུས་པའི་མ་ཕྱིའི་ཡིག་ཆ་ཁག་ཡིན། དབྱིན་སྐད་ལ་བློ་གོམས་མེད་པའི་བོད་ཀྱི་ལོ་རྒྱུས་ལ་དོན་གཉེར་ཅན་ཞིབ་འཇུག་པ་རྣམས་ལ་འདི་ནི་སྔར་མེད་ལེགས་སྐྱེས་སོ་མ་ཞིག་ཡིན་པ་དང་། བྱུང་ཟིན་བོད་ཀྱི་ཉེ་རབས་ལོ་རྒྱུས་ལ་ཕྱོགས་གཞན་ཞིག་ནས་གཟིགས་ཐུབ་པའི་སྒེའུ་ཁང་གསར་པ་ཞིག་ཕྱེས་ཡོད་པ་ཡིན།

རྩོམ་པ་པོ་མེལ་ཝིན་སི་གོལ་སི་ཊིན་Melvyn C. Goldsteinནི་བོད་ཀྱི་ལོ་རྒྱུས་ཐོག་གི་ཐུན་མོང་གཙུག་ལག་སློབ་དཔོན་(B.A.)གཙུག་ལག་སློབ་དཔོན་(M.A.)གྱི་མཚན་གནས་ཡོད་པ་མ་ཟད། བོད་ཀྱི་ཆབ་སྲིད་ཐོག་འབུམ་རམས་པའི་མཚན་གནས་བཞེས་མྱོང་ཡོད། ད་ལྟ་འཇོན་རི་ནོལ་ཌི་ཧག་ནེ་སི་(John Reynolds Harkness)མིའི་རིགས་ཀྱི་རིག་པའི་སློབ་དཔོན་དང་། བོད་ཉམས་ཞིབ་ལྟེ་གནས་ཁང་གི་ངེས་སྟོན་པ་ཡིན།

བོད་སྒྱུར་བ་ཤེལ་དཀར་གླིང་ཚེ་དབང་རྣམ་རྒྱལ་ནི་སྔར་སྲོལ་བོད་གཞུང་གི་གཞུང་ཞབས་དང་། དེ་ནས་བོད་གཞུང་གི་བཀའ་ཤག་དྲུང་གཞོན་གནང་མྱོང་ཡོད་པ་མ་ཟད། ཁེ་སེ་ཝེ་སི་ཊིན་མཐོ་སློབ་ཀྱི་བོད་ཀྱི་ཉམས་ཞིབ་ལྟེ་གནས་ཁང་དུ་ཉམས་ཞིབ་ཡིག་སྒྱུར། ༧གོང་ས་མཆོག་གི་མཛད་རྣམ་ཞབས་ཞུ། དེ་བཞིན་གཞིས་བྱེས་གཉིས་སུ་དེབ་དང་རྩོམ་ཡིག་འགའ་ཤས་པར་པར་སྐྲུན་ཞུས་གནང་ཡོད།
འབྲེལ་གཏུགས་ཁ་བྱང་།

Songtsen Libary
(Center for Tibetan and Himalayan Studies)
P.O. Kulhan, Sahastradhara Road
Dehradun-248013
UK, (INDIA)

Phone: +91 135 2607810
Fax: +91 135 2607813
Email: songstenlibrary@gmail.com
Website: www.songtsenlibary.net