མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

སྣེའུ་གདོང་ཟམ་ཆེན་འགྲུབ་ལ་ཡོད་ཟེར།

བོད་ཀྱི་དུས་བབ།
༢༠༡༨/༡༢/༠༧
Share on FacebookShare on TwitterShare on EmailShare on Whatsapp

རྒྱ་ནག་གཞུང་གིས་བོད་སྣེའུ་གདོང་ནས་སྟོད་ལུང་བདེ་ཆེན་བར་ཟམ་པ་རིང་པོ་ཞིག་རྒྱག་བཞིན་ཡོད་པ་དེ་ཟླ་འདིའི་ཟླ་མཇུག་ཏུ་འགྲུབ་ཀྱི་ཡོད་སྐོར་བསྒྲགས་འདུགཟླ་འདིའི་ཕྱི་ཚེས་ ༥ ཉིན། རྒྱ་ནག་གཞུང་ཕྱོགས་ནས་བསྒྲགས་པའི་གནས་ཚུལ་ལྟར་ན། ཕྱི་ལོ་ ༢༠༡༦ ལོར་ལས་གཞི་དངོས་སུ་མགོ་འཛུགས་བྱས་ཤིང་རིང་ཚད་ལ་སྤྱི་ལེ་ ༤.༦ ཡོད་པའི་རྒྱལ་ས་ལྷ་སའི་སྐྱིད་ཆུའི་སྨད་རྒྱུད་ཀྱི་སྣེའུ་གདོང་ཟམ་ཆེན་ཟླ་འདིའི་ཟླ་མཇུག་ནས་ཤར་གཏོང་ཐུབ་ཀྱི་ཡོད་པ་དང་། ཟམ་པ་དེ་ནི་ལྷ་ས་གྲོང་ཁྱེར་གྱི་ཕྱི་ལོ་ ༢༠༠༩ ནས་ ༢༠༢༠ བར་གྱི་གྲོང་ཁྱེར་སྤྱིའི་འཆར་འགོད་ལས་གཞིའི་ཁྲོད། གྲོང་སྐོར་གཉིས་དང་། འཕྲེད་ཐིག་བདུན། གཞུང་ཐིག་དགུའི་འཆར་འགོད་ཟེར་བའི་ཁྲོད་ཀྱི་གཅིག་ཡིན་འདུག

ཟམ་པའི་སྤྱི་ཁྱབ་བཟོ་འགོད་པ་་ལི་ཡཱ་ཅུན་ཟེར་བ་ཞིག་གིས་གསར་འགོད་པར། ཟམ་པ་དེ་ནི་ཕྱི་ལོ་ ༢༠༡༦ ལོའི་ལོ་མགོ་ནས་ལས་གཞི་དངོས་སུ་མགོ་བརྩམས་ཡོད་པ་དང་། ད་ལྟའི་བར་མ་ཟམ་དང་ཟུར་ལམ་ ༤ བཅས་ལེགས་འགྲུབ་བྱུང་ཡོད། ད་ལྟ་མི་འགྲོ་ས་དང་ཟམ་སྟེགས་སོགས་ཞོར་གཏོགས་བཟོ་སྐྲུན་གྱི་ལས་གཞི་འགྲོ་བཞིན་ཡོད་པ་དང་། འཆར་གཞི་ལྟར་ན་ད་ལོའི་ཟླ་ ༡༢ པའི་ཟླ་མཇུག་ཏུ་ཚང་མ་ལེགས་འགྲུབ་ཐུབ་རྒྱུ་ཡིན་ལ། ཞིབ་བཤེར་རྩིས་ལེན་བྱས་རྗེས་རླངས་འཁོར་ཤར་གཏོང་བྱ་རྒྱུ་ཡིན་སྐོར་བརྗོད་འདུག

ཕྱི་ལོ་ ༢༠༡༥ ལོའི་ཟམ་ཆེན་བཟོ་སྐྲུན་ཚོགས་འདུའི་སྐབས་རང་སྐྱོང་ལྗོངས་ཟེར་བའི་མགོ་འཁྲིད་ཚོས་ཟམ་པ་དེ་ནི་ལྷ་སའི་དཔལ་འབྱོར་འཕེལ་རྒྱས་དང་ཚན་རིག་ལག་རྩལ་ལ་འབྲེལ་བ་ཆེན་པོ་ཡོད་པ་དང་། ལྗོངས་དང་གྲོང་ཁྱེར་གྱི་འབྲེལ་ཡོད་ཚན་པ་ཁག་གིས་མགོ་ཁྲིད་ལ་ཤུགས་སྣོན་རྒྱག་པ་དང་མཐུན་སྦྱོར་གཞོགས་འདེགས་བྱས་ཏེ། ཕྱོགས་ཁག་གི་སྟོབས་ཤུགས་དང་ཐོན་ཁུངས་གཅིག་བསྡུས་བྱས་ནས་ལས་གཞིའི་རྣམ་གྲངས་ཚན་རིག་དང་མཐུན་ཞིང་། གོ་རིམ་ལྡན་པའི་ངང་སྐུལ་སྤེལ་གཏོང་རྒྱུ་འགན་སྲུང་བྱེད་དགོས་པ་དང་དམིགས་ཚད་ཁ་གསལ་བཟོ་དགོས་སྐོར་སོགས་བརྗོད་ཡོད་པ་རེད།

སྤྱིར་རྒྱལ་ས་ལྷ་སའི་སྐྱིད་ཆུའི་སྟེང་དུ་དེ་སྔོན་ནས་ཨར་འདམ་གྱི་ཟམ་པ་གཉིས་ཡོད་པ་དང་། ཕྱི་ལོ་ ༢༠༡༡ ལོར་རྒྱ་གཞུང་གིས་གྲོང་ཁྱེར་གྱི་དཔལ་འབྱོར་ཡར་རྒྱས་དང་གཞུང་ལམ་སྟབས་བདེ་ཡོང་བར་ཁ་གཡར་ནས་ལྷ་སའི་ཤར་ངོས་ཀྱི་སྐྱིད་ཆུའི་སྟེང་མ་དངུལ་རྒྱ་སྒོར་དུང་ཕྱུར་༢.༤༤༨ བཏང་ནས་རྔ་ཆེན་ཟམ་པ་ཟེར་བ་ཞིག་བཟོ་སྐྲུན་བྱས་ཡོད་པ་རེད།

འདས་པའི་ལོ་ཤས་ནང་རྒྱ་ནག་གཞུང་གིས་བོད་ཁུལ་དུ་ཡུལ་སྐོར་སྤྲོ་འཆམ་རང་གི་ཆེད་དུ་འཛུགས་སྐྲུན་ལས་གཞི་རྒྱ་ཆེན་སྤེལ་བཞིན་ཡོད་པ་དང་། གནད་དོན་དེས་བོད་ཀྱི་གནས་རི་དང་གཏེར་རི། གཙང་བོ་སོགས་གང་བྱུང་བསྔོགས་པ་དང་རང་བྱུང་གི་ལྷན་སྐྱེས་ལ་བསྒྱུར་བཅོས་གཏོང་བ་སོགས་ཁོར་ཡུག་ལ་གཏོར་བརླག་ཆེན་པོ་གཏོང་བཞིན་ཡོད་པ་མ་ཟད། གཏེར་ཁ་སྔོག་འདོན་གྱི་ཉེར་ལེན་ལ་བརྟེན་ནས་བོད་ཁུལ་དུ་སྔོན་ཆད་བྱུང་མ་མྱོང་བའི་རང་བྱུང་གི་གོད་ཆག་རི་ཉུལ་བ་དང་། ས་འགུལ་བྱུང་བ། ཆུ་ལོག་རྒྱུག་པ། མཚམས་རེར་ཆར་བ་ཆེན་པོ་བབས་པ་དང་ལོ་རེར་ཐན་པ་ཡོང་བ་སོགས་རང་བྱུང་ཁོར་ཡུག་དོ་མི་མཉམ་པའི་གནས་སུ་གྱར་ཡོད་པ་རེད།

ཐེངས་འདིའི་སྣེ་གདོང་ཟམ་ཆེན་ཟེར་བ་དེ་སྣེའུ་གདོང་དང་སྟོད་ལུང་བདེ་ཆེན་བར་གྱི་འགྲོ་ལམ་གལ་ཆེན་ཞིག་ཆགས་ཡོད་པ་དང་། ཟམ་པའི་ཞིང་ཚད་ལ་རྨིད་ ༣༡ དང་དུས་གཅིག་ལ་འཕྲེད་དུ་རླངས་འཁོར་ ༦ ཤར་གཏོང་ཐུབ་སྐོར་བརྗོད་ཡོད་པ་དང་། ཟམ་པ་དེས་བཟོ་བཀོད་དེ་ལྷ་སའི་ས་གནས་ཀྱི་རིག་གནས་ཁྱད་ཆོས་གཙོ་བོར་བཟུང་ནས་ཨེ་ཤ་ཡའི་ཉི་འོད་བརྗོད་དོན་གཙོ་བོར་བྱས་ཏེ་སྒོར་དབྱིབས་ཀྱིས་བཟོས་ཡོད་པ་དང་། ཉི་ནུས་མ་ལག་སྤྱད་ཡོད་པས་མཚན་མོར་རང་འགུལ་གྱིས་གློག་འབར་གྱི་ཡོད་པ་མ་ཟད། གློག་གྲོན་ཆུང་དང་ཁོར་ཡུག་སྲུང་སྐྱོབ་སོགས་ལ་ཕན་ཐོགས་ཡོད་སྐོར་བརྗོད་འདུག

 གསར་འགོད་པ། སངས་རྒྱས་དཀོན་མཆོག

འབྲེལ་ཡོད་གསར་འགྱུར།

Front Slider

༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད།

ཆུ་ཚོད་ ༧ སྔོན་ལ།
Mobile App

བོད་དང་བོད་མིའི་མགྲིན་ཚབ་ཀྱི་བོད་སྒྱུར་ཕྱག་དེབ་འབྱེད་གནང་སོང་། 

ཆུ་ཚོད་ ༨ སྔོན་ལ།
༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད། དཔལ་ལྡན་དགའ་ལྡན་ཕོ་བྲང་གི་སྐུ་པར། ༢༠༢༥།༧།༢
༸གོང་ས་མཆོག གསར་འགྱུར།

༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད་སོང་།

ཆུ་ཚོད་ ༩ སྔོན་ལ།
འཕྲུལ་རིག་སྐད་བརྡའི་འཇུག་སྒོ། ཕེ་ཊོན་ (Python) ཞེས་པའི་དཔེ་དེབ། ༢༠༢༥།༦།༣༠
Mobile App

འཕྲུལ་རིག་སྐད་བརྡའི་འཇུག་སྒོ་ཞེས་པའི་དཔེ་དེབ་ཅིག་དབུ་འབྱེད་གནང་།

༢༠༢༥/༠༧/༠༡
ལོ་རྗེས་མར་སྦེལ་ཀོབ་བདེ་སྐྱིད་སླར་གསོ་གཞིས་ཆགས་སུ་ཨ་ཕའི་རྐང་སྤོལ་རྩེད་འགྲན་འཚོག་རྒྱུ་ཡིན་འདུག ༢༠༢༥།༦། ༣༠ ཨ་ཕ་རྐང་སྤོལ་ཚོགས་པའི་པར།
Mobile App

རྡོ་རྗེ་གླིང་གཡག་རུ་ཁག་ལ་འདི་ལོའི་ཨ་ཕ་གསེར་གྱི་བུམ་པའི་རྟགས་མ་ཐོབ་སོང་།

༢༠༢༥/༠༧/༠༡
༸གོང་ས་མཆོག གསར་འགྱུར།

བོད་ལྗོངས་མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

༢༠༢༥/༠༦/༣༠

མཆན། 2

  1. Lobsang Wangdu says:
    ལོ་ 7 སྔོན།

    གཞུང་པ་ཚེ་དབང་ཁྱེད་རང་མིག་ཕྲ་མོ་ཞིག་རེད་འདུག སྤྱིར་ སྔ་མོ་ནས་ ཅོ་མའོ་ཡི་ ནམ་ཞིག་བོད་ཡར་རྒྱས་ཕྱིན་པའི་ཉིན་མོར་ ང་ཚོའི་བཅིངས་འགྲོལ་དམག་ ད་དུང་བོད་ལ་སྡད་རོགས་ཟེར་ན་སྡོད་ཀྱི་མ་རེད་ལབ་ཡོད། རྒྱ་དམར་གྱི་བོད་ལ་དེང་དུས་ཁང་པ་དང་། ཟམ་པ་ ལྕགས་ལམ་ ཁྲ་ཁྲ་ཟིང་ཟིང་ག་ཤས་ཞིག་བརྒྱབ་པ་ལ་ ལ་འདག་ཡ་ཡོད་མ་རེད། བོད་ཀྱིས་ས་བཅུད་འཁོར་ཡུག་ ཡོད་ཚད་ཚང་མ་ འབྲ་ས་ལ་འབྲུ། གཏོར་བཤིག་བཏང་ས་ལ་གཏོར་བཤིག་བཏང་། ཚང་མ་རྒྱ་ནག་ལ་བོར་ཚར་པ་རེད། རྒྱ་ནག་གློ་བུར་ཐོ་རྒྱག་ལ་ཡར་རྒྱས་གང་འདྲ་སེ་ཕྱིན་པ་རེད། ཅོ་མའོ་ཡི་སྔོན་ལ་ང་ཚོའི་བོད་ལ་ལམ་ཁ་ཞིག་བསྐྲུན། དེ་ནས་བོད་ནས་ང་ཚོ་ལ་རོགས་རམ་ཐོབ་ཀྱི་རེད་གསུངས་ཡོད། ད་དུང་རྒྱ་དམར་གི་བོད་དེ་སྐྱ་མདོག་མདོག་བརྩི་མ་སྤྲད་ན་ཡག་པོ་རེད། ཁ་ཆེ་རྒྱལ་ཁབ་ ཨཕ་གྷན་དང་། ཡེ་མན་སོགས་ལ་ལྟོས་དང་། ལུང་པ་སྐྱ་མདོག་མདོག་ ཁོ་རང་ཚོ་ནང་འཁྲུག་འཁོལ་ནས་སྡད་ཡོད། ཅོ་ཞི་ཅིན་ཕིང་གིས་རྨི་ལམ་ བོད་དེ་འབེད་རྩ་མེད་ཁོག་པ་ནང་བཞུར་ཡ་དེ་རེད། འཇོན་ན་ ང་ཚོའི་རྒྱ་ནག་ལ་ ཁྱེད་ཚོ་བོད་ལ་ཡར་རྒྱས་གཏོང་ས་ཡོང་རོགས་བྱེད་ཟེར་མཁན་སུ་རེད། གཉིས་པ་དེ་ སྐུའི་གཅེན་པོ་བཀའ་ཟུར་རྒྱལ་ལོ་དོན་སྒྲུབ་གསུངས་པ་དེ་རེད། 1950 ང་གྲངས་ནས་ བོད་ནས་ཕར་ཅ་དངོས་ག་ཚད་འཁྱེར་བ་དེ་ཚོ་ཚུར་བརྩི་སྤྲོད་བྱེད་དགོས་ཡོད་ཟེར་ཡ་དེ་རེད། ད་དུང་ང་ཚོའི་ཤ་ཁྲག་གཅིག་པའི་སྤུན་ཟླ་དང་། བོད་ཀྱོ་དུད་འགྲོ་སྲོག་ཆགས་མང་པོ་རང་སྲོག་འདོར་དདགོས་བྱུང་བ་རེད་པ། ད་ ཤལ་སྒོ་ཁང་པ་ག་ཤས་དང་། ཟམ་པ་ག་ཤས་ཞིག་ལ་ ལ་འདག་ས་རེད་པས་ ? !

    Reply
  2. བོདགཞུང་པ་ཚེ་དབང་བསོད་ནམས་་ཉེhེཉའ says:
    ལོ་ 7 སྔོན།

    བོད་ཡུལ་ཡར་རྒྱས་བཏང་ཚར་བ་དང་བོད་ཡུལ་བོད་མིར་
    རྩིས་སྤྲོད་དགོས་པ་དེ་དེ་སྔོན་མ་འོ་གི་ཁ་ནས་བཤད་པའི་
    གཏམ་དེ་དོན་ལ་གནས་པ་དགོས་པ་དེ་ད་ལྟའི་བརྒྱ་དཔོན་
    ཚོའི་ཤེས་དགོས་པ་བཅས།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese