མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བོད་མི་སྤྱི་ཡོངས་ལ་གནང་བའི་གསུང་འཕྲིན།

བོད་ཀྱི་དུས་བབ།
༢༠༡༩/༠༢/༢༡
Share on FacebookShare on TwitterShare on EmailShare on Whatsapp

ཤེལ་རིན་ཆེན་རྡོ་རྗེས་ཡི་གེར་ཕབ།

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧ གོང་ས་སྐྱབས་མགོན་ཆེན་པོ་མཆོག་བོད་གནམ་ལོའི་གསར་ ཚེས་ཀྱི་ས་མོ་ཕག་གི་ལོའི་བོད་ཟླ་ ༡ པོའི་ཚེས་ ༡༥ སྟེ། སྤྱི་ལོ་ ༢༠༡༩ ཟླ་ ༢ ཚེས་ ༡༩ ཉིན་བཞུགས་སྒར་ ཐེག་ཆེན་གཙུག་ལག་ཁང་དུ་ཆོ་འཕྲུལ་སྨོན་ལམ་ཆེན་མོའི་དུས་ཆེན་ཁྱད་པར་ཅན་དེའི་ཚོགས་མགོན་དུ་ཕེབས་ནས་སྟོན་པའི་སྐྱེས་རབས་དང་། རྟེན་འབྲེལ་བསྟོད་པ། བློ་སྦྱོང་ཚིགས་བརྒྱད་མ་བཅས་ཀྱི་གསུང་ཆོས་ བསྩལ་སྐབས་བོད་གཞིས་བྱེས་གཉིས་ཀྱི་བོད་མི་སྤྱི་ཡོངས་སུ་དམིགས་བསལ་གསུང་འཕྲིན་བསྩལ་བའི་དུམ་བུ་ཞིག་ཡི་གེར་ཕབ་པ།

ང་ཚོ་བཙན་བྱོལ་བ་ཆགས་ཚར་པ་རེད། བཙན་བྱོལ་བ་ཆགས་ཚར་པའི་མཇུག་ཏུ་བཅན་བྱོལ་བ་དོན་གོ་ ཆོད་པ་ཞིག་བྱུང་བ་ཡིན་ན་དེ་ནས་ཡག་པོ་འདུག་ཨཱ། གཞིས་ལུས་རྒྱ་ཆེའི་མི་མང་གི་བློ་གཏོད་བཅོལ་ས་སྟེ། བཙན་བྱོལ་དུ་ཡོད་པའི་བོད་པ་དེ་དག་སྲ་ཐག་ཐག་ཅིག་ཡོད། བོད་ཀྱི་ཆོས་དང་རིག་གཞུང་དེ་འཛམ་བུ་གླིང་ འདི་ལ་མངོན་ཆོག་ཆོག་སྟེ་སྟོན་རྒྱུ་ཡོད་པ་ཞིག་ཡོད་བསམ་པ་བཅས་བྱུང་ན། བོད་གཞིས་ལས་རྒྱ་ཆེའི་མི་ མང་གི་སེམས་སུའང་དངོས་ནས་སྤྲོ་བ་སླེབས་ཡ་དང་། བོད་ཀྱི་ནང་པ་སངས་རྒྱས་པའི་ཆོས་དང་དེ་དང་ འབྲེལ་བའི་བོད་ཀྱི་སྐད་ཡིག་དེ་ནམ་ཡང་ནུབ་ས་མ་རེད་བསམ་པའི་གཞིས་ལུས་རྒྱ་ཆེའི་མི་མང་གི་རེ་བ་དང་སྙིང་སྟོབས་བསྐྱེད་ས་ཞིག་ཆགས་ཡོང་གི་འདུག་བ།

ང་རང་ཚོ་བཙན་བྱོལ་ལ་ཡོད་པའི་བོད་པ་དེ་དག་གིས་ཀྱང་གཞིས་ལུས་རྒྱ་ཆེའི་མི་མང་གི་སྲོག་དང་བསྡོང་སྟེ་སྙིང་སྟོབས་བསྐྱེད་བསྡད་པ་དེ་མཐོང་ཡོང་དུས། ང་རང་ཚོ་ཡིན་ནའང་། ཨ་ཙེ་་་ང་རང་ཚོ་རང་དབང་ལུང་པའི་ ནང་ལ་སླེབས་བསྡད་ཡོད་རེད། ད་ང་ཚོས་ཧུར་ཐག་འབད་ཐག་མ་བྱས་ན་འགྲིག་གི་མ་རེད་བསམ་པ་ཞིག་ གི་སྙིང་སྟོབས་སླེབས་ཡ་ཞིག་འདུག་བ།

བྱས་ཙང་། གང་ལྟར་ཡག་ཉེས་བོད་མི་ས་ཡ་དྲུག་ལྷག་གི་དཀའ་ལས་ཁག་པོའི་དུས་ཚོད་ཅིག་གི་སྐབས་སུ་ ང་ཚོ་ཚང་མ་ཚུར་རྡོག་སྒྲིལ་པའི་དུས་ཚོད་ཅིག་ཆགས་བསྡད་ཡོད་རེད། དེ་སྔ་དཔེར་ན། ང་སྐྱེས་སའི་ཟི་ ལིང་གྲོང་ཁྱེར་ལྟ་བུ་ལ་མཚོན་ནའང་དགའ་ལྡན་ཕོ་བྲང་དང་འབྲེལ་བ་ཡོད་མ་རེད། བཞད་མོའི་ཚུལ་དུ། ད་ལྟ་ ང་ཚོར་རྐྱེན་ངན་གྲོགས་ལ་ཤར་ཏེ་བོད་ཆོལ་ཁ་གསུམ་མམ་བོད་པ་ཡོངས་རྫོགས་ཚུར་རྡོག་ཏུ་སྒྲིལ་བསྡད་ཡོད་པའི་དུས་ཚོད་ཅིག་ཆགས་འདུག དེ་རྐྱེན་ངན་གྲོགས་ལ་ཤར་བ་རེད། ང་ཚོའི་མི་རིགས་ཀྱི་ལ་རྒྱ། མི་རིགས་ཀྱི་སྙིང་སྟོབས་ཧ་ལས་པ་ཞིག་རེད་ཤག

ང་ཚོའི་མི་རིགས་ཀྱི་ལ་རྒྱ་དང་སྙིང་སྟོབས་དེས་རང་རྒྱལ་དང་གཞན་ཕམ་ཟེར་གྱིན་ཡོད་མ་རེད། རྒྱ་ཆེ་ས་ ནས་མི་མང་པོ་ལ་ཕན་ཐོགས་ཡ་ཡོད་པ་ཞིག་གི་བསམ་བློ་གཏོང་གི་ཡོད་རེད། ཁ་ཡོད་ལག་ཡོད་ཀྱི་རྒྱ་མི་ རིགས་དེ་དག་ང་ཚོ་ལ་བཙན་གནོན་གཏོང་མཁན་འདྲ་ཞིག་ཆགས་བསྡད་ཡོད་རེད་དེ། སྤྱི་ཡོངས་ཀྱི་རྒྱ་མི་ རིགས་དེ་ང་ཚོའི་ཆོས་རྒྱལ་སྐབས་ནས་ཀྱང་འབྲེལ་བ་བཟོས་ནས་ཞེ་དྲགས་གྲོགས་པོ་བཟོས་ཡོད་རེད་ལ། གྲོགས་པོ་ཆགས་བསྡད་ཀྱང་ཡོད་རེད། དེ་རིང་ཁ་རྩང་གི་དུས་ཚོད་ལ་ཆ་བཞག་ནའང། རྒྱ་རིགས་ས་ཡ་བཞི་ བརྒྱ་མ་ཟིན་ཙམ་གྱི་ནང་པ་ཞེ་དྲགས་ཕོན་ཆེན་པོ་འདུག་བ། དེ་ཚོས་དོ་སྣང་ཆེན་པོ་ཞེ་དྲགས་བྱེད་ཀྱིན་ འདུག་བ། དེ་ཚོ་དང་ང་ཚོའི་ཕན་ཚུན་གཅིག་ཕན་གཅིག་གྲོགས་བྱེད་ཐུབ་ཡ་ཞིག་ཏན་ཏན་ཡོད་རེད། ཤེས་སོང་བ།

དེ་འདྲ་ཡིན་དུས། སྤྱི་ལོ ༡༩༧༤ ལོ་ནས་བཟུང་ང་ཚོས་བོད་རང་བཙན་རྩོད་ཀྱི་མིན་ད། ད་ང་ཚོ་ཀྲུང་ ཧ་མི་དམངས་སྤྱི་མཐུན་རྒྱལ་ཁབ་ཀྱི་ཚིག་དེའི་འོག་ནས་ང་ཚོ་ལ་ཐོབ་ཐང་འདྲ་མཉམ་ཡོད་པ་ཞིག་བྱུང་ན་ང་ཚོར་རྒྱལ་ཁབ་གཅིག་གྱུར་དེའི་འོག་ལ་དགེ་མཚན་འདུག་ཅེས་བཤད་བསྡད་པ་དེའི་རྒྱུ་མཚན་དེ་རེེད། ང་ཚོས་སེམས་ཅན་ཐམས་ཅད་ཟེར་གྱིན་ཡོད་བ། ང་ཚོས་ཚད་མེད་ཡེ་ཤེས་འདོན་པའི་ཁ་ཐུག་ལ་སེམས་ ཅན་ཐམས་ཅད་ཟེར་གྱིན་ཡོད་དམ། བོད་པ་གཅིག་པོ་ཟེར་གྱིན་ཡོད། དེ་ནས་བོད་པའི་ནང་ནས་ཀྱང་ཁམས ་པ་གཅིག་པོ་ལབ་ཡ། ཨ་མདོ་གཅིག་པོ་ལབ་ཡ། དབུས་གཙང་གཅིག་པོ་ལབ་ཡ། དབུང་གཙང་ནས་ཀྱང་ ཡང་སྟོད་པ་གཅིག་པོ་ལབ་ཡ་ང་ཚོས་དེ་འདྲ་མ་རེད་བ། སེམས་ཅན་ཐམས་ཅད་ལབ་བསྡད་ཀྱི་ཡོད་རེད་བ། དེ་སྐྱག་རྫུན་མ་རེད་བ། ཁ་ཞེ་གཉིས་མེད་རེད་བ། བྱ་དང་རི་དྭགས་དེ་འདྲ་མཐོང་ཡོང་དུས་ད་ག་རེ་བྱེད། སྨོན་ལམ་རྒྱག་སྡོད་ཡ་ལས་གཞན་གང་ཡང་བྱེད་རྒྱུ་མི་འདུག་བ། ད་ཐབས་ཤེས་བྱེད་རྒྱུ་ཡོད་སྡོད་པ་དེ་འགྲོ་བ་མི་དུང་ཕྱུར་བདུན་ཅུ་ལྷག་དེར་སྐད་མི་འདྲ་བ་ཡོད་ནའང་། སྐད་ཅིག་ཡོད་པ་ཡིན་ཙང་ང་ཚོ་མིའི་ཀླད་པ་གཅིག་པ་ཡིན་དུས་ང་ཚོས་ཕན་ཚུན་འབྲེལ་བ་བྱེད་ཐུབ་ཡ་གཅིག་དང་ཕན་ཐོགས་སྒྲུབ་ཐུབ་ཡ་ཞིག་ཡོད་རེད་བ། དེ་འདྲ་ཡིན་དུས། ཁ་ཡོད་ལག་ཡོད་ཀྱིས་གཞན་ཕན་ག་ ཚོད་སྒྲུབ་ཐུབ་ན་དེའི་སྟེང་ལ་བསམ་བློ་གཏོང་དགོས་པ་རེད་བ།

བྱས་ཙང་། རྒྱ་མི་རིགས་ལོ་རྒྱུས་ཀྱི་སྟེང་ནས་ནང་པ་རེད། བོད་དང་ཞེ་དྲགས་འབྲེལ་ཡོད་རེད། དེ་འདྲ་ཡིན་ དུས། ཆབ་སྲིད་ཀྱི་རྒྱུ་མཚན་སྟེང་ནས་ང་ཚོས་ཕན་ཚུན་རང་ཕྱོགས་དང་གཞན་ཕྱོགས་ཟེར་ནས་རྒྱ་ཆེན་པོ་ བཤད་དགོས་པའི་དགོས་པ་གང་ཡང་མི་འདུག ང་ཚོའི་གྲོགས་པོ་གཅིག་གི་ངོས་ནས་ང་ཚོའི་བདེ་སྡུག སྡུག་བསྔལ་སེལ་ཐུབ་པ་དང་བདེ་བ་སྒྲུབ་ཐུབ་པ། དེ་ཡང་ཕན་ཚུན་གཉིས་ཕན་གྱི་སྟེང་ནས་ང་ཚོས་སྒྲུབ་ ཐུབ་པའི་རྒྱུ་མཚན་ཡོད་རེད།

དེ་རིང་ཁ་སང་རྒྱ་མི་རིགས་མང་པོ་ཞིག་གིས་ང་ཚོར་དོ་སྣང་གསར་པ་ཞིག་སླེབས་ཡོང་གི་འདུག་བ། ང་ཚོར་ བདེན་པ་ཡོད་རེད། མཐའ་གཅིག་ཏུ་ང་ཚོས་རང་རྒྱལ་གཞན་ཕམ་གྱི་སྐད་ཆ་བཤད་ཀྱིན་མེད་བ། དེ་འདྲ་ཡིན་ དུས། ང་ཚོ་བོད་མི་རིགས་འདི་འཕགས་པ་སྤྱན་རས་གཟིགས་ཀྱི་གདུལ་ཞིང་བཤད་ཀྱི་ཡོད་རེད། བཤད་པ་ ནང་བཞིན། སྔོན་གྱི་རྒྱལ་སྲས་བྱུང་ཆུབ་སེམས་དཔའི་ཚོགས་དེ་དག་གིས་བོད་མི་རིགས་འདི་དངོས་ནས་ ཙོག་ཙོག་བཟོས་ཤག

དུས་ཚོད་ཁག་པོ་ཞེ་དྲགས་ཤིག་གི་སྐབས་སུ་ང་ཚོའི་མི་རབས་འདིས་དཀའ་ངལ་ཞེ་པོ་མྱངས་པ་རེད་དེ། ཡིན་ནའང་། བོད་པའི་ཁ་དཔེ་ལ།“མཆོད་རྟེན་མགོ་མཇུག་ལོག་ཀྱང་བང་རིམ་རྐེད་པ’’་ཟེར་བ་ནང་བཞིན། ང་ཚོ་འཛམ་བུ་གླིང་འདིའི་ནང་དུ་མགོ་བཀྱགས་བཀྱགས་བྱས་ནས་བསྡད་ཡོད་ད། རྒྱ་མི་རིགས་དེ་ཚོའི་ནང་ ནས་ཀྱང་བློ་གཟུ་བོར་གནས་མཁན་ཚོས་དངོས་ནས་ཡིད་སྨོན་སྐྱེ་ཡ་ཞིག་ཆགས་བསྡད་ཡོད་ད། ཤེས་སོང་ང།

དེ་འདྲ་ཡིན་དུས། ད་སྔ་ཕན་ཆད་ང་ཚོའི་སྒྲིག་འཛུགས་ཀྱི་སྟེང་ནས་བཤད་པ་ཡིན་ནའང་ཚང་མས་ཧུར་ ཐག་འབད་ཐག་གནངས་སོང་། ང་ཚོའི་མི་རབས་ཁ་ཤས་ཕྱིན་པ་རེད། ཚང་མས་ཧུར་ཐག་འབད་ཐག་ གནངས་པ་རེད། དེའི་གྲུབ་འབྲུས་སུ་ང་ཚོ་བཙན་བྱོལ་བ་འདྲ་འདྲའི་ནང་ནས་མ་འདྲ་བ། གོང་བུའི་ནུས་པ་ གཅིག་ཏུ་འདྲིལ་ནས་བསྡད་ཡོད་རེད། དེ་ཡང་ཆབ་སྲིད་ཀྱི་གནས་དོན་གཅིག་པོ་མ་ཡིན་པར། རྒྱ་ཆེ་ས་ ནས་ཆོས་དང་རིག་གཞུང་གིས་འཛམ་བུའི་གླིང་སྤྱི་ལ་ཕན་ཐོགས་གང་འཚམ་སྒྲུབ་ཐུབ་པའི་དུས་མཚམས་སུ་ སླེབས་བསྡད་ཡོད་རེད།

ངས་རྟག་པར་འདི་ལྟར་བཤད་བསྡད་ཡོད། འཕགས་པ་སྤྱན་རས་གཟིགས་ཀྱི་འདུ་ཤེས་ཀྱི་ངོས་ནས་ང་ཚོར་ ཐུན་མོང་མ་ཡིན་པའི་འབྲེལ་བ་ཞིག་ཡོད་བསྡད་ཡོད་རེད། ང་ཚོའི་མི་རབས་འདིས་མིག་དཔེ་བྱས་ཡོད་པ་ངས་རྟག་པར་དེ་དྲན་གྱི་འདུག ཤེས་སོང་ང་། དེ་འདྲ་ཡིན་དུས། དེ་རིང་འདི་གར་ཁྱེད་ཅག་བཀའ་བློན་ཚོ་རེད། གྲོས་ཚོགས་ཀྱི་རྣཔ་པ་ཚོ་བཅས། ཁྱེད་རང་ཚོ་དང་ང་ཚོ་ཚང་མ་འདིར་འཛོམས་ཡོད་རེད། ང་ཚོའི་མི་རབས་ནས་མི་རབས་བརྒྱུད་བདེན་དོན་བརྩད་དེ་བདེན་དོན་ལ་མཐའ་འཁྱོལ་བ་ཞིག་ད་ལྟ་བར་ཏུ་ བྱུང་བ་རེད། དེ་འདྲ་ཡིན་དུས་ཚང་མ་ལ་ཐུགས་རྗེ་ཆེ་ཞུ། ད་དུང་ཡིན་ནའང་། ཚང་མས་སེམས་ཤུགས་ བསྐྱེད་ནས་ཧུར་ཐག་གནང་རོགས། བློ་རྒྱ་བསྐྱེད་ནས་བྱེད་རྒྱུ་དེ་གལ་ཆེན་པོ་རེད་ཤག གཅིག་ཁོ་ན་གུ་ དོག་པོ་བྱས་ནས་བསམ་བློ་གཏོང་སྡོད་པ་མ་ཡིན་པར། བློ་རྒྱ་བསྐྱེད་ནས་བསམ་བློ་བཏང་པ་ཡིན་ན། ང་ཚོའི་བདེན་མཐའ་གསལ་ལ་ཉེ་བའི་མཚམས་སུ་འགྲོ་སྡོད་ཀྱིན་ཡོད་རེད།

དེ་ནས་གཙོ་ཆེ་ཤོས། དཔལ་ན་ལེནྜའི་ཆོས་བརྒྱུད་འཛིན་མཁན་དེ་དག་ས་དགེ་བཀའ་རྙིང་རིས་སུ་མ་ཆད་ པའི་གཞུང་ཆེན་བཅུ་གསུམ་ལ་སློབ་གཉེར་གནང་མཁན་ཚོ་རེད། ཚིག་རྐྱང་རྐྱང་གི་འདོན་པ་རྐྱང་རྐྱང་བཏོན་ ནས་ན་ལེནྜའི་ཆོས་རྒྱུད་འཛིན་ཐུབ་ཀྱི་ཡོད་མ་རེད། དཔེར་བཞག་ན། ན་ལེནྜའི་པཎ་གྲུབ་བཅུ་བདུན་གྱི་ མགོན་པོ་ཀླུ་སྒྲུབ་དབུ་ལ་བཞུགས། ཨརྱ་དེ་ལྦས་དེའི་མཁྲིས་སུ་ཨོ་་་་(དབུ་མཛད་ཀྱི་གདངས་བཏང་ནས།) དེ་འདྲ་ཞིག་ཕར་ཆེར་ཡོད་མ་རེད། བཞད་མོ་དང་མཉམ་དུ། དེ་ཚོས་གཞུང་ཆེན་སློབ་སྦྱོང་བྱས་པ་རེད། ཀླུ་སྒྲུབ་འགྲེལ་བཤད་བསྐྱོན་ཏེ་ཁོང་ཚོ་ལ་ཆོས་མར་ཁྲིད། ཁོང་ཚོས་དེ་ལ་གསན་གྱིན་གསན་གྱིན། ཡང་ཟིན་ བྲིས་བསྐྱོན་གྱིན་བསྐྱོན་གྱིན་མར་ཡི་གེར་ཕབ། ཡང་ཁོ་རང་ཚོའི་བསླབས་པ་མར་སྤེལ། དེ་འདྲ་བྱས་ནས་ ཡོང་པ་རེད། ང་རང་ཚོའི་པཎ་གྲུབ་བཅུ་བདུན་གྱི་གཞུང་ཆ་ཚང་ལ་ལྟ་མཁན། སྔ་མོ་ཡིན་ན་ས་སྐྱ་དཔེ་ཡག་ པོ་ཡོད་རེད། བར་སྐབས་ཤིག་ནས་ཉམས་པ་རེད། གཞན་ས་པན་རང་ཉིད་ཀྱིས་ཚད་མ་རིག་གཏེར་མཛད་ བཞག་འདུག་བ། ཚད་མ་ལ་ཞེ་དྲག་ཐུག་སྣང་གནང་འདུག་བ། རྗེས་སུ་དགེ་འདུན་པ་ཚོ་ཡག་ཤོས་ཆགས་ བསྡད་ཡོད་རེད། ང་ཚོ་བཙན་བྱོལ་ཆགས་ནས་ཀྱང་གདན་ས་གསུམ་གཙོ་བོར་གྱུར་ནས་གཞུང་ཆེན་ལྟ་ མཁན་གྱི་དགོན་པ་དེ་དག་ན་ལེནྜའི་ཆོས་བརྒྱུད་འཛིན་མཁན་དངོས་ནས་དེ་རེད། ད་ལྟ་བར་དུ་ཧུར་ཐག་ བྱས་པ་རེད། ད་དུང་ཡིན་ནའང་། ཚང་མས་ཧུར་ཐག་བྱོས། སོ་སོ་ཡིན་ནའང་གཞུང་དེ་དག་སྦྱངས་ནས་ འདི་ཕྱི་གཉིས་ཡོད་པ་ཞིག་ཆགས་པ་རེད། མི་གཞན་པ་ཞིག་ལ་ཐུག་ནའང་ཁ་ཀྱོག་ཀྱོག་བྱས་ཏེ་བཤད་ཐུབ་ པ་ཞིག་དེ་འདྲ་བྱུང་ན་བསྟན་པའི་ཞབས་འདེགས་སྒྲུབ་པ་ཆགས་ཀྱི་ཡོད་རེད། དེ་གལ་ཆེན་པོ་རེད། དེ་འདྲ་བྱོས།

འབྲེལ་ཡོད་གསར་འགྱུར།

ཨ་རྒྱ་ར་གསུམ་གྱི་མགོ་ཁྲིད་མི་འགྱངས་བར་རྒྱ་ནག་ཏུ་ཐུག་འཆར་འདུག  པར་བཅོས་མའི་རིག་ནུས་ཀྱིས་བསྒྲིགས། ༢༠༢༦།༡༡།༡༦
གསར་འགྱུར།

ཨ་རྒྱ་ར་གསུམ་གྱི་མགོ་ཁྲིད་མི་འགྱངས་བར་རྒྱ་ནག་ཏུ་ཐུག་འཆར་འདུག 

ཆུ་ཚོད་ ༩ སྔོན་ལ།
པར་མིས་བཟོས་རིག་ནུས་ཀྱིས་བསྒྲིགས།
Editorials

བོད་སྐད་གསར་ཁང་གཉིས་ལ་གསོན་རེ་ཡོད་དམ།

ཆུ་ཚོད་ ༡༤ སྔོན་ལ།
བོད་ཀྱི་གློག་བརྙན་འཁྲབ་ཁྲིད་གྲགས་ཅན་པདྨ་ཚེ་བརྟན་ལགས།
Mobile App

པདྨ་ཚེ་བརྟན། བོད་བརྙན་གྱི་ཤིང་རྟའི་སྲོལ་འབྱེད།

༢༠༢༦/༡༡/༡༥
Mobile App

བོད་ཀྱིས་སྣང་མེད་དུ་བཏང་བའི་ཉེན་བརྡ། རྒྱལ་ལོ་དོན་གྲུབ་དང་རྒྱ་ནག་གི་བཙན་འཛུལ།

༢༠༢༦/༡༡/༡༤
The Dalai Lama directs a peace sign toward the head table, where U.S. President Barack Obama was seated, during the National Prayer Breakfast in Washington, Feb. 5, 2015.
Mobile App

བོད་སྐོར་གླེང་ཚན་བརྒྱད།  ཡང་སྲིད་གནད་དོན་སྐོར།

༢༠༢༦/༡༡/༡༣
བོད་ནང་གི་བོད་མི་མང་པོ་ཞིག་གིས་སྦྲ་ཆེན་གྱི་ས་ཡོམ་ཐད་ཀྱི་དྲིལ་བསྒྲགས་བརྙན་ཐུང་ལ་སྐྱོན་བརྗོད་བྱེད་ཀྱིན་འདུག ོར་བོད་ཀྱི་དུས་བབ་གསར་ཁང་གིས་བསྒྲིགས། ༢༠༢༦།༡།༡༢
Mobile App

བོད་ནང་གི་བོད་མི་མང་པོ་ཞིག་གིས་སྦྲ་ཆེན་གྱི་ས་ཡོམ་ཐད་ཀྱི་དྲིལ་བསྒྲགས་བརྙན་ཐུང་ལ་སྐྱོན་བརྗོད་བྱེད་ཀྱིན་འདུག 

༢༠༢༦/༡༡/༡༣

མཆན། 1

  1. ABHARU JIGWANG says:
    ལོ་ 8 སྔོན།

    ༄༅། ༧སྐྱབས་མགོན་རིན་པོ་ཆེ་བཀའ་དྲིན་ཆེ། ཐུགས་རྗེ་ཆེ།
    ཁྱེད་ནི་བླ་མ། ཁྱེད་ནི་ཕ་མ། ཁྱེད་ནི་དགེ་རྒན། ཁྱེད་ནི་གཉེན་སྤུན།
    ནམ་ཡང་བོད་གངས་ཅན་པ་རྣམས་ཐུགས་ནས་འཛིན་རོགས། སྐྱོབས་རོགས།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese