མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཤིན་ཅང་གི་སྒྱུར་བཀོད་ཁང་དག་ལ་འགྱུར་བ་གཏོང་རྒྱུ་ཡིན་ཟེར།

བོད་ཀྱི་དུས་བབ།
༢༠༡༩/༠༣/༡༣
Share on FacebookShare on TwitterShare on EmailShare on Whatsapp

ཤིན་ཅང་གི་མགོ་འཁྲིད་ཀྱིས་ཡུ་གུར་མི་རིགས་རང་སྐྱོང་ཁུལ་དུ་བཀག་སྐྱིལ་ཁང་ངམ་སློབ་གསོ་སྒྱུར་བཀོད་ཁང་ཟེར་བ་ཞིག་མེད་ཀྱང་སྦྱོང་བརྡར་ལྟེ་གནས་ཁང་རྣམས་ཀྱི་མི་གྲངས་ཉུང་འཕྲི་དང་དགོས་གལ་མེད་ན་རིམ་གྱིས་སྒོ་བརྒྱབ་ནའང་འགྲིག་ཅེས་བརྗོད་འདུགཁ་སང་ཕྱི་ཚེས་ ༡༢ ཉིན་རྒྱ་ནག་མི་མང་འཐུས་མིའི་ཚོགས་ཆེན་དང་བསྟུན། པེ་ཅིན་མི་མང་ཚོགས་ཁང་ཆེན་མོའི་ནང་ ཤིན་ཅང་ཡུ་གུར་མི་རིགས་རང་སྐྱོང་ཁུལ་གྱི་དམར་ཤོག་དྲུང་ཆེ་ཁྲིན་ཆན་ཀོ་(Chen Quanguo)དང་། ཤིན་ཅང་རང་སྐྱོང་ཁུལ་མི་མང་སྲི་གཞུང་གི་མགོ་འཁྲིད་ཤོ་རཌ་ཛ་ཀིར་(Shohrat Zakir) ཟེར་བ་གཉིས་ཀྱི་གཙོས་ཤིན་ཅང་དང་སོག་པོ་སོགས་ཀྱི་ཆེས་མཐོའི་དཔོན་རིགས་ ༦༠ ལྷག་གིས། རྒྱལ་ཁབ་ཕྱི་ནང་གི་གསར་འགོད་པར་འདུ་འཛོམས་ཤིག་བསྐོངས་བའི་ཐོག ཤིན་ཅང་ཁུལ་གྱི་སྒྱུར་བཀོད་ཁང་དག་གི་ནང་བཙོན་པ་ཇེ་ཉུང་དུ་གཏོང་རྒྱུ་ཡིན་སྐོར་སོགས་བརྗོད་འདུག

ཐེངས་འདིའི་གསར་འགོད་འདུ་འཛོམས་ཐོག རྒྱལ་སྤྱིའི་གསར་འགོད་པ་ཞིག་གིས་ཤིན་ཅང་ཁུལ་དུ་སློབ་གསོ་བསྒྱུར་བཀོད་ཁང་ཡོད་མེད་དང་། དེ་དག་གི་ནང་བཙོན་པ་ཅི་ཙམ་ཡོད་མེད་དྲིས་པར། ཤིན་ཅང་རང་སྐྱོང་ཁུལ་མི་མང་སྲི་གཞུང་གི་མགོ་འཁྲིད་ཤོ་རཌ་ཛ་ཀིར་(Shohrat Zakir) ཟེར་བ་དེས། སྤྱིར་སྦྱོང་བརྡར་ལྟེ་གནས་དེ་དག་ནང་མི་ཇེ་ཉུང་དུ་འགྲོ་རྒྱུ་ཡིན་པ་དང་། གལ་ཏེ་ཉིན་ཞིག་སྤྱི་ཚོགས་ཀྱི་ངོས་ནས་ལྟེ་གནས་དེ་དག་དགོས་གལ་མཐོང་གི་མེད་ཚེ། རིམ་པས་མེད་པར་ཆག་རྒྱུ་རེད། ཅེས་ལན་འདེབས་བྱས་ཡོད་པ་དང་། འདས་ལོ་ནས་བཟུང་མཉམ་འབྲེལ་རྒྱལ་ཚོགས་གཙོ་བོར་གྱུར་བའི་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚོགས་སྡེ་དང་རྒྱལ་ཁབ་མང་པོས། རྒྱ་ནག་གཞུང་གིས་ཤིན་ཅང་ཁུལ་གྱི་ཡུ་གུར་བ་དང་ཁ་ཆེ་བ་གཞན་བཅས་མི་གྲངས་ས་ཡ་ ༡ ལས་འགལ་བ་སློབ་གསོ་བསྒྱུར་བཀོད་ཁང་ནང་བཅུག་སྟེ། ཁོ་ཚོར་ཆབ་སྲིད་ཀྱི་སློབ་གསོ་སྤྲོད་ཀྱི་ཡོད་པ་མ་ཟད། རང་གི་ཕ་མེས་ཡང་མེས་ཀྱི་ཆོས་ལུགས་ཀྱི་བྱེད་སྒོ་རྣམས་མེད་པར་བཟོ་དགོས་པའི་བཙན་བཀའ་གཏོང་གི་ཡོད་པར་སྐྱོན་བརྗོད་ཤུགས་ཆེན་བྱེད་བཞིན་ཡོད་པ་དང་། ཉེ་ཆར་ནས་རྒྱ་ནག་གི་མཐུན་གྲོགས་རྒྱལ་ཁབ་ཊར་ཀི་(Turkey)ཡིས་ཀྱང་རྒྱ་ནག་ལ་མངོན་གསལ་དོད་པོས་སྐྱོན་བརྗོད་དང་། ཊར་ཀིའི་མི་རིགས་ཁོངས་སུ་ཚུད་པའི་ཡུ་གུར་བ་རྣམས་ཀྱི་ཆོས་དད་རང་དབང་སོགས་རྡོག་རོལ་གཏོང་རྒྱུ་མཚམས་འཇོག་བྱེད་དགོས་པའི་འབོད་སྐུལ་བྱས་ཡོད་པ་རེད།

ཁ་སང་གི་གསར་འགོད་འདུ་འཛོམས་ཐོག་ཤོ་རཌ་ཛ་ཀིར་ཟེར་བ་དེས། མི་རེ་ཟུང་གིས་རྒྱལ་སྤྱིའི་སྟེང་ནས་ཤིན་ཅང་ཁུལ་དུ་བསྒྱུར་བཀོད་ཁང་ངམ། ཆབ་སྲིད་བསྒྱུར་བཀོད་ཁང་ཡོད་སྐོར་བརྗོད་ཀྱི་ཡོད་ཀྱང་། དེ་དག་ནི་རྫུན་བཤད་ཁོ་ན་རེད། དོན་དངོས་ཐོག་ལྟེ་གནས་དེ་དག་ནི་སློབ་མ་ཚོས་རིན་མེད་ཐོག་ནས་བཟའ་བཏུང་དང་གནས་སྡོད་བྱེད་སའི་གཏན་སྡོད་སློབ་གྲྭ་ལྟ་བུ་རེད། ཅེས་བརྗོད་ཡོད་པ་མ་ཟད། རྒྱ་ནག་གི་གཞུང་འབྲེལ་འགྲེལ་བརྗོད་ལྟར། ལྟེ་གནས་ཁང་དེ་དག་ནང་ལག་ཤེས་སློབ་སྦྱོང་དང་། བཟའ་བཏུང་། སྡོད་གནས་སོགས་རིན་མེད་ཐོག་ནས་སྦྱིན་གྱི་ཡོད་པ་དང་། རང་གི་འདོད་པ་ལྟར་ལག་ཤེས་སློབ་སྦྱོང་ནང་འཛུལ་ཞུགས་བྱེད་མཁན་རྣམས་ཕྱིར་རང་ཁྱིམ་དུ་ལོག་རྒྱུའི་རང་དབང་ཆ་ཚང་ཡོད་སྐོར་ཡང་བརྗོད་འདུག

ཐེངས་འདིའི་གསར་འགོད་འདུ་འཛོམས་དང་འབྲེལ་བའི་སྐོར་ནས་རྒྱལ་སྤྱིའི་ཉེས་ཡངས་ཚོགས་པའི་ཞིབ་འཇུག་པ་པེ་ཊི་རིག་པུན་ཞེས་པས། རྒྱ་ནག་གཞུང་གིས་དུས་རྒྱུན་ནས་ལྟེ་གནས་ཁང་དེ་དག་ནང་ས་གནས་མི་མང་རྣམས་ལ་ལས་རིགས་ཟབ་སྦྱོང་དང་ལྟ་རྟོག་བཟང་པོ་བྱེད་ཀྱི་ཡོད་ཚུལ་བརྗོད་ཀྱི་ཡོད་པ་དེ་བདེན་པ་ཡིན་ན། ལྟེ་གནས་དེ་དག་སྒོ་བརྒྱབ་དགོས་དོན་ག་རེ་རེད། བཤད་སྟངས་དེ་ཁོ་ཚོའི་སྐད་ཆ་ལ་འགལ་ཟླར་སོང་འདུག ཅེས་དང་། ཁོ་ཚོའི་ལན་འདེབས་ལ་བལྟས་ན། རྒྱལ་སྤྱིའི་གནོན་ཤུགས་ཀྱི་རྐྱེན་པས་བཙོན་པའི་གྲངས་འབོར་ཉུང་འཕྲི་བྱེད་ཀྱི་ཡོད་པ་རེད་ལ། དོན་དངོས་ཐོག་ལྟེ་དེ་དག་ནི་ཁོ་ཚོས་བཤད་བཞིན་པའི་ལས་རིགས་སྦྱོང་བརྡར་ལྟེ་གནས་ཤིག་མིན་པར་བཙོན་འཇུག་བཀག་ཉར་བྱེད་སའི་ལྟེ་གནས་ཤིག་ཡིན་པ་རེད། ཅེས་བརྗོད་འདུག

རྒྱལ་སྤྱིའི་སྤྱི་ཚོགས་ནང་ཤིན་ཅང་གི་གནད་དོན་དེར་དོ་སྣང་ཇེ་ཆེར་དང་གླེང་སློང་བྱེད་ཤུགས་ཆེ་རུ་སོང་བ་དང་བསྟུན། འདི་ལོའི་ཕྱི་ཟླ་ ༢ པའི་ནང་ཊར་ཀིའི་ཕྱི་སྲིད་བློན་ཆེན་མེབ་ལ་ཏི་ཀ་ཝུ་སོག་ལུ་(Mevlut Cavusoglu) ཡིས། རྒྱ་ནག་གིས་དུས་རབས་ཉེར་གཅིག་པའི་ནང་ཆབ་སྲིད་བསྒྱུར་བཅོས་ཁང་བསྐྱར་གསོ་བྱེད་ཀྱི་ཡོད་པ་དང་། ཤིན་ཅང་ཁུལ་དུ་ཡུ་གུར་བ་རྣམས་ཀྱི་གཞི་རྩའི་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་ཡོད་སྐོར་གྱི་སྐྱོན་བརྗོད་བྱས་ཡོད་པ་དང་། དེ་བཞིན་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚན་པའི་འགན་འཛིན་ལྕམ་མི་ཤལ་བྷེ་ཆེ་ལེཌ་(Michelle Bachelet) ལགས་ཀྱིས་ཀྱང་། ཤིན་ཅང་ཁུལ་དུ་གར་སོང་ཆ་མེད་དང་བཙོན་འཇུག་བཀག་ཉར་གྱི་གནད་དོན་སྐོར་ལ་རང་དབང་ཅན་གྱི་ཞིབ་འཇུག་ཅིག་གནང་འདོད་ཡོད་སྐོར་བརྗོད་ཡོད་པ་རེད། དེ་བཞིན་ཨ་རིའི་རྒྱལ་སྤྱིའི་ཆོས་དད་རང་དབང་ཚོགས་པའི་འཐུས་ཚབ་སྐུ་ཞབས་སེམ་བྷ་རོན་བྷེག་ལགས་ཀྱིས། ཤིན་ཅང་ཁུལ་དུ་བཙུགས་པའི་བསྒྱུར་བཀོད་ཁང་དེ་དག་ནི་གྲངས་ཉུང་སྤྱི་ཚོགས་ཤིག་གི་རིག་གནས་དང་ཆོས་ལུགས་བཅས་ངོ་བོ་རྩ་ཡལ་དུ་གཏོང་ཆེད་བསྐྲུན་པ་ཞིག་ཡིན་སྐོར་བརྗོད་ཡོད་པ་རེད།

ཕྱི་ལོ་ ༢༠༡༨ ཕྱི་ཟླ་ ༡ ཙམ་ནས་བཟུང་རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་རྒྱ་ནག་གཞུང་གིས་ཤིན་ཅང་ཡུ་གུར་མི་རིགས་རང་སྐྱོང་ཁུལ་གྱི་ནང་སློབ་གསོ་སྒྱུར་བཀོད་ཁང་མང་པོ་བཙུགས་ཏེ། ཡུ་གུར་བ་དང་རྒྱ་རིགས་ཁ་ཆེ་བ་ས་ཡ་གཅིག་ལྷག་བཀག་ཉར་འོག་ཡོད་པའི་གནས་ཚུལ་རིམ་བཞིན་ཐོན་ཡོད་པ་མ་ཟད།  སྒྱུར་བཀོད་ཁང་དེ་དག་ནང་ཆོས་ལུགས་དད་མོས་དང་མི་རིགས་ཀྱི་ལྟ་བ་བཙན་གྱིས་འདོར་བཅུག་སྟེ་གུང་ཁྲན་ཏང་ལ་ཡིད་ཆེས་དང་དགའ་མོས། བློ་གཅིག་སེམས་གཅིག་གིས་ཏང་གི་རྗེས་སུ་འབྲང་དགོས་པའི་བཙན་སྐུལ་དང་རྡུང་རྡེག་མནར་གཅོད་གཏོང་གི་ཡོད་པའི་གནས་ཚུལ་ཐོན་ཡོད་པ་རེད། དང་ཐོག་རྒྱ་ནག་གཞུང་གིས་ཤིན་ཅང་ཁུལ་དུ་སློབ་གསོ་སྒྱུར་བཀོད་ཁང་ཟེར་བ་ཞིག་མེད་ཚུལ་བརྗོད་དེ་ངོས་ལེན་བྱས་མེད་ཀྱང་། སློབ་གསོ་སྒྱུར་བཀོད་ཁང་དེ་དག་ནས་ཀློད་པའི་མི་དང་འབྲེལ་ཡོད་གཉེན་ཉེ་སོགས་ནས་སྒྱུར་བཀོད་ཁང་དེ་དག་ནང་སོ་སོའི་ཆོས་ལུགས་ཀྱི་བྱེད་སྒོ་སྤེལ་ཆོག་གི་མེད་པ་མ་ཟད། ཉིན་རྒྱུན་ལྟར་ཞི་ཅིན་ཕིང་གི་ཆབ་སྲིད་ལྟ་གྲུབ་སོགས་ལ་སློབ་སྦྱོང་དང་བློ་རྒྱུགས་གཏོང་དགོས་ཀྱི་ཡོད་པ་སོགས་སོ་སོས་དངོས་སུ་མྱངས་བའི་དཀའ་སྡུག་དང་། ཕ་མ་བུ་ཕྲུག་དང་གཉེན་ཉེ་སོགས་ཁ་བྲལ་དུ་བཏང་བའི་གནས་ཚུལ་མང་པོ་ར་སྤྲོད་བྱས་རྗེས། རྒྱ་ནག་གཞུང་ནས་ཤིན་ཅང་ཁུལ་དུ་ཆབ་སྲིད་བསྒྱུར་བཀོད་ཁང་ཟེར་བ་ཞིག་མེད་ཀྱང་། ལས་རིགས་སྦྱོང་བརྡར་ལྟེ་གནས་ཁང་དེ་འདྲ་ཡོད་ལུགས་དང་།  དེ་ནི་སྤྱི་ཚོགས་བརྟན་བརླིང་དང་དྲག་སྤྱོད་པ་འབུར་འཇོམས་གཏོང་བའི་ལས་གཞི་ཞིག་ཡིན་སྐོར་བརྗོད་ཡོད་པ་རེད། རྒྱ་ནག་གཞུང་གིས་གསང་བའི་ཐོག་ནས་ཕྱི་ལོ་ ༢༠༡༤ ལོ་ནས་བཟུང་ཤིན་ཅང་ནང་སློབ་གསོ་སྒྱུར་བཀོད་ཁང་དེ་ཚོ་འཛུགས་སྐྲུན་མགོ་འཛུགས་བྱས་ཡོད་པ་དང་། ད་བར་ཤིན་ཅང་ཁུལ་དུ་ནང་མི་གཅིག་ཀྱང་སྒྱུར་བཀོད་ཁང་དུ་མ་བཅུག་པའི་དུད་ཁྱིམ་གཅིག་ཀྱང་མེད་སྐོར་བརྗོད་འདུག

གསར་འགོད་པ། པ་སངས་ཚེ་རིང་།

འབྲེལ་ཡོད་གསར་འགྱུར།

Mobile App

ཡུ་རོབ་གྲོས་ཚོགས་འཐུས་མིའི་སྐུ་ཚབ་ཚོགས་ཆུང་ཞིག་གིས་༸གོང་ས་མཆོག་ལ་མཇལ་བཅར་ཞུས།

ཆུ་ཚོད་ ༨ སྔོན་ལ།
Mobile App

བོད་དུ་ལོ་ངོ་བཞི་བཅུ་ལྷག་རིང་ལས་ཀ་བྱེད་མཁན་རྒྱ་དཔོན་ཞིག་འཛིན་རྒྱུའི་ཐག་བཅད།

ཆུ་ཚོད་ ༩ སྔོན་ལ།
ཆིག་སྒྲིལ་མེ་ལྕེའི་སྐོར་སྐྱོད་ལས་འགུལ་མགོ་བཙུགས་བྱས།  བོད་ཀྱི་དུས་བབ་གསར་ཁང་གི་པར། ༢༠༢༦།༡༡།༡༨
Mobile App

ཆིག་སྒྲིལ་མེ་ལྕེའི་སྐོར་བསྐྱོད་ལས་འགུལ་དབུ་འཛུགས་བྱས། 

ཆུ་ཚོད་ ༩ སྔོན་ལ།
HEARING ON THE SITUATION OF HUMAN RIGHTS IN TIBET
Mobile App

རྒྱ་ནག་གིས་བོད་སྐད་བཤད་མཁན་གྱི་བྱིས་པར་འཕྱ་དམོད་བྱེད་དགོས་པའི་ཁོར་ཡུག་བསྐྲུན་འདུག

༢༠༢༦/༡༡/༡༧
པར་བཅོས་མས་རིག་ནུས་ཀྱིས་བཟོས།
Mobile App

རྒྱ་ནག་གི་རྒྱལ་མཚམས་བརྒལ་བའི་དྲག་གནོན་གྱི་ལག་པ་ཇེ་རིང་དུ་འགྲོ་བཞིན་འདུག

༢༠༢༦/༡༡/༡༧
ཨུ་རུ་སུའི་དམག་དོན་གནམ་གྲུ་ཐེངས་དང་པོར་ཐའེ་ཝན་གྱི་མཁའ་སྲུང་ངོས་འཛིན་ས་ཁུལ་དུ་འཕུར་སྐྱོད་བྱས་འདུག
Mobile App

ཨུ་རུ་སུའི་དམག་དོན་གནམ་གྲུ་ཐེངས་དང་པོར་ཐའེ་ཝན་གྱི་མཁའ་སྲུང་ངོས་འཛིན་ས་ཁུལ་དུ་འཕུར་སྐྱོད་བྱས་འདུག

༢༠༢༦/༡༡/༡༧

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese